لوكنت مكانى هتعمل ايه!!!!!!!!!!!!!!

انا عندى مشكله وياريت تفيدونى برأيكم
المشكله تتلخص فى سؤالين
الأول للأولاد:
هتعمل ايه لو واحد صاحبك سألك اذا كنت مرتبط بزميله ليك؟
(مع العلم انك فعلآ بتحبها وقولتلها بس هى رفضت واتفقتوا تكونوا أصدقاء ذى مانتوا وانت عارف انك عزيز عليها قوى كصديق)

الثانى للبنات:
لو زميللك دا قالك امام صحابك انه حد سأ له ان انتوا مرتبطين ولا لأ وهو شايف أنه الحل الوحيد
انكو تقللوا مقابلتكم فى الجامعه عشان هو خايف عليكى مش عايز حد يتكلم عنك بشئ مش كويس
(مع العلم انك متأكده انه حد كويس وفعلآ بيخاف عليكى)

ياريت تفيدونى برأيكم ومفيش مانع ان الاولاد يجاوبوا ع سؤال البنات والعكس

اهلا بيكي يا نونا منورانا ..يا رب تتبسطى هنا و تحسى انك مع اخواتك

اقتباس :

نونا كتب:

انا عندى مشكله وياريت تفيدونى برأيكم
المشكله تتلخص فى سؤالين
الأول للأولاد:
هتعمل ايه لو واحد صاحبك سألك اذا كنت مرتبط بزميله ليك؟
(مع العلم انك فعلآ بتحبها وقولتلها بس هى رفضت واتفقتوا تكونوا أصدقاء ذى مانتوا وانت عارف انك عزيز عليها قوى كصديق)[ندعوك للتسجيل في المنتدى أو التعريف بنفسك لمعاينة هذه الصورة]

معلش هرد على دة كمان

هو بصى انا اولا شايفة ان مش صح حكاية الصداقة بين ولاد و بنات ..و انهم يبقوا اصحاب و بيتكلموا كتيرو كدة
لان دة مش متناسب مع تعاليم ديننا..و دايماااااا بتعمل مشاكل ..زى المشكلة دى

بس لو انتى قصدك انهم زمايل مثلا بيساعدوا بعض وقت الضرورة و كدة و هى بتعتبره زى اخوها

فانا لو هجاوب على سؤالك دة ..لأو انا ولد و فى الموقف دة ..فى رايي سواء هى كانت موافقة عليا او لا مينفعش اتكلم عنها مع صاحبى و انا لسه متقدمتلهاش و لا كلمت اهلها و لا حاجة

لان كدة هو بيسيء لسمعتها لانه لسه مخدش اى خطوة رسمى و هى مممكن تلاقى نفسها ناس كتير بيتكلموا عنها على انهم هيرتبطوا بيها و هى ممكن تكون متعرفهمش اصلا فتبقى دى اساءة ليها و ممكن يتبص ليها بصورة مش حلوة

و كمان فى الحالة دى انتى بتقولى هى معتبراه اخوها يعني مش موافقه فلازم ااكد لصاحبى ان مفيش حاجة لان فعلا مفيش حاجة و الا هبقى حرام عليا و بتكلم عنها و هى مش دارية بحاجة و بربطها بيا و هى مالهاش دعوة بيا و بس مجرد وثقت ففيا كاخ ليها و تجاهلت اللى قولتهولها..فكان لازم احترم دة منها و متكلمش عنها باللى هى مترضاش يتقال عنها

اقتباس :

الثانى للبنات:
لو زميللك دا قالك امام صحابك انه حد سأ له ان انتوا مرتبطين ولا لأ وهو شايف أنه الحل الوحيد
انكو تقللوا مقابلتكم فى الجامعه عشان هو خايف عليكى مش عايز حد يتكلم عنك بشئ مش كويس
(مع العلم انك متأكده انه حد كويس وفعلآ بيخاف عليكى)[ندعوك للتسجيل في المنتدى أو التعريف بنفسك لمعاينة هذه الصورة]

هحترمه اكتر و اكتر و فعلا هنفذ الحل اللى هو اقترحه دة

و عموما هكون بنفذه مع كل الناس لانه احسن حل عشان ميتقالش اى كلام وحش و لا تحصل اى مواقف او مشاكل وحشة


---------

يا رب تكون اجاباتى كويسة

و منورااانا يا قمر

اتمنى اشوفك هنا دايما و اتعرف عليكي فى الجامعه كمان ان شاء الله



ياريت تفيدونى برأيكم ومفيش مانع ان الاولاد يجاوبوا ع سؤال البنات والعكس

السلام عليكم
بالنسبه للسؤال الأول
لأ طبعآ مش هاقوله ان احنا مرتبطين ييعض ولافى بينا حاجه
حتى لو هى كانت بتحبنى
وأصلآ مش هاكلمها هى فى حاجه زى كده غير لما أكون مؤهل انى اتقدملها
ولو وافقت هاعلن للناس عادى ان احنا ارتطبتنا رسمى
ولو ما وافقتش ولا أكن حاجه حصلت ولا حد هايحس بينا أصلآ ان فى موضوع
يعنى الموضوع هايبدأ وينتهى فى سرية تامه فى حالة الرفض
وهانفضل زمايل و أخوات عادى خالص كأن شىء لم يكن
مع الأحتفاظ بحدود الزمالة والأخوة دى طبعآ

بالنسبة للسؤال التانى
ده كده يبقى أنسان كويس
بس الحل يبقى أحسن وأحسن لو منعت المقابلة دى أصلآ مش قللتها
وده عشان يبقى منعآ للشبوهات ليها ولي هو كمان


وربنا يوفق الجميع

شكرآ يا ندى على ردك بس كان ليا تعليق صغير على كلامك

او لا مينفعش اتكلم عنها مع صاحبى و انا لسه متقدمتلهاش و لا كلمت اهلها و لا حاجة

هو مش اتكلم عنها صاحبه هو اللى سأله!
اما بخصوص الجامعه انا والله كمان نفسى اشوفك بس ياريت تقوليلى المحاضرات بتكون فى مدرج ايه؟؟؟؟؟؟؟؟؟؟؟؟؟

شكرآ يا teemoعلى ردك بس برده كان ليا تعليق صغير
انت بتقول:
بس الحل يبقى أحسن وأحسن لو منعت المقابلة دى أصلآ مش قللتها
وده عشان يبقى منعآ للشبوهات ليها ولي هو كمان

مش هى لو عملت كدا تبقى بتأكد الكلام دا ولا انت ايه رأيك؟؟؟؟




وبجد يا جماعه شكرآ على ردكم

السلام عليكم
يا فندم أنا أقصد ان أحنا دلوقتى فى فترة امتحانات وحضرتك تستغلى ان من الطبيعى ان نزولك
الجامعه بيقل ولقائق بصديقات و زملائك بيقل .....
وممكن حضرتك تستغلى ده فى انك تعملى كده وده ما يمنعش انكم تفضلوا زملاء وتسألوا عن بعض كلما اتيحت الفرصة
خلاصة الكلام ....
يعنى لو عملتى كده فى الفترة دى هايبقى طبيعى
وممكن بعد كده تعيدى صياغة العلاقة ما بينكم فى وضوح تام للطرفين حضرتك و حضرته
عشان تبقوا ماشين فى طريق واضح ومعروف نهاية
طبعآ العلاقه دى ها تبقى الزمالة والأخوة

وربنا يوفقكم ويوفقنا كلنا


التائه فى نعم الله

تيمو

انا اتعلمت ان ما فيش موضوع حب وارتباط يتعرف لأكثر من 5 افراد بالكتير متضمنين المرتبطين


لأن أكثر من كده هيبقي حوار