ضرورى تسمعوها ان شاء الله ( خدعوك فقالوا ..دى بدعة )

سلام عليكم و رحمة الله و بركاته

عارفة اننا ايام امتحانات و كلنا بنذاكر و مشغولين

بس الحلقة دى انا حاسة انها مهمة اوى

لان كلنا دلوقتى كتير بنتعرض لمواقف و حد يقولنا ..دى بدعة

و كتير نبقى حاسين ان اللى قال كدة متشدد

و قد يكون فعلا متشدد و مش فاهم صح

و مش قادر يفرق بين السنة الحسنة ..اللى تاخد ثوابها و ثواب كل من يعمل بيها بعدك و بين البدعه

فامتنى تحاولوا تشوفوها ..علشان نعرف بجد ايه هو معنى البدعه

علشان محدش تانى يخدعنا بحاجة و يقول انها بدعه

و احنا كمان نبتعد عن اى بدعه بنعملها و احنا مش فاهمين

ربنا يهدينا جميعا لما يحب و يرضى


و السلاااااااام عليكم و رحمة الله و بركاته

طبعا الحلقة معادها الساعه 9 على اقرأ يوم الجمعة ان شاء الله

أ- مصطفى حسنى

هنبقى يوم جمعه ..ممكن تزوروا قرايبكم او تقعدوا مع اخواتكم و تسمعوها ..و هتبقى صلة رحم جميلة و مجلس علم كمان ان شاء الله

و ربنا يكرمنا و يوفقنا جميعا

جزاك الله خيرا يا نودى

لو التلفزيون اتصلح فيه امل ان شاء الله اشوفها

افتحى موقع اقرا بتشتغل عليه القناة برضه

ملناش حجة يعني

ميرسي لردك يا حبيبتى

يا جماعه الحلقة فوووووووق الرائعه

و الله احنا بنتبهدل فى الجامعه من الناس اللى بقت كلمة بدعه فى لسانهم على كل شىء و مش فاهمين حااااااااااااااجة خااااااااالص

النهاردة مصطفى حسنى مقالش كلمة واحدة من عنده


قال كلام الامام الشافعى و الامام احمد ابن حنبل و كبار علماء المسلمين

تخيلوا الكلام اللى احنا بنختلف عليه و نتخانق فيه دة من الف سنة الناس قالت حكم فيه و احنا لجهلنا مش عارفين

و احلى حاجة احلى حااااااجة

انه اتكلم عن تعريف البدعة و قال 9 تعريفات لاكبر الائمة العلماء

و فعلا محدش تقريبا من الحلوين اللى فى الجامعه بقابلهم فاهم حاجة و قعد يقول التعريفات و الجمل اللى بيقولوها و قال ان هى دى اللى بدعة و تأليف

من الاخر و احلى حاجة فى الحلقة

كل لعلماء بيقولوا البدعة ..هى امر مستحدث لم يكن فى عصر النبى (كدة تمام و دة اللى للاسف اللى مش فاهمين بيقفوا عنده و يسكتوا و مش بيكملوا التعريف )

بقيت التعريف عند كل الناس الجامدة اللى قال على لسانهم و منهم الامام الشافعى و احمد بن حنبل

ان بعد كدة بيقولوا و هى قسمان (او فى بيقسموها لاكتر )

بدعة حسنة .و بدعة مذمومة

يعني فى بدعه حسنة

اطلع بدعه كدة بس اخد عليها ثواااااب

ما دامت ليها اصل شرعى و ان لم تكن ذكرت تحديدا

زى على سبيل المثال ..بسلم على واحدة بعد الصلاة

ما وردتش عن النبى

بس النبى اتكلم عن المصافحة و عن الحب فى الله و عن و عن و عن ..السلام دة متوافق مع ديننا

بسبح بسبحة .دى حاجة مفيهاش حاجة حرام ..و سيدنا ابو هريرة كان عنده حاجة تشبه للسبحة بيعد عليها ..يبقى دة بدعة حسنة

اخترعوا حاجة جديدة بس حلوة

للاسف الناس مش فاهمه و كل حاجة يقولوا بدعة

يا جماعه بجد الحلقة دى متفوتكوش
و هحاول اجيبها ان شاء الله

بس حاولوا تشوفوا الاعادة

ان شاء الله


اللهم انفعنا بما علمتنا و علمنا ما ينفعنا

السلام عليكم ورحمه الله وبركاتة
تسلم ايدددددددددددك يانودى ربنا يكرمك يارب
كانت حلقة اكتر من روعة واحلى حاجة انة مقالش حاجة من عندة زى ما قولتى هو عمل الصح عشان الناس متقولش بيقتى على الناس ربنا يكرمك يارب ويصلح الشباب جميعا
انا كان نفسى اجبهالكو تحميل بس هما منزلنها على الموقع وعلى الفيس بوك مشاهدة فقط
ان شاء الله اول ما تنزل تحميل هجبهالوكو على طول
[ندعوك للتسجيل في المنتدى أو التعريف بنفسك لمعاينة هذا الرابط]
دة لينك المشاهدة بتاعت الحلقة
يارب نستفيد منها جميعا يااااااااااارب

ربنا يكرمك يا ايمووو و منورة يا قمورتى من جديد

و متنسيش تبعتي اللى اتفقنا عليه

ربنا يكرمك يا أستاذه [ندعوك للتسجيل في المنتدى أو التعريف بنفسك لمعاينة هذا الرابط]
لأني كنت لسة بفكر إنها حلقة مهمة ولازم تكون موجودة نقدر نرجعلها علشان نعرف نحفظ الأدلة من الكتب لو حبينا نقول لحد علشان مندعيش إننا عارفين ونتوه الناس وننسب حاجات لناس تانية
جراكِ الله خيراً ... أنا كنت عايز أتكلم عن الحلقة لكن وقت تاني إن شاء الله