صندوق الافكار (للافكار و بس )

سلام عليكم و رحمة الله و بركاته


عندك فكرة ؟؟

فى اي حاجة

و عن اى حاجة

فكرة زكية .. فكرة غبية ..فكرة مهمة ..فكرة هايفة


اي اى فكرة


المهم بس

لو عندك اى فكرة عن اى حاجة فى اى حاجة ..اتفضل حطها هنا

و ممنوع بتاتا حد يعلق على مشاركة حد

و صندوق الافكار هنفضل نملاه و نملاه و نملاه

لغااايت الاجازة ان شاء الله


و هنيجي فيها و بدا بقى نصفى الافكار ..و لو طلعنا من 1000 فكرة بفكرة واحدة ناجحة ..هنبقى كسبنا كتييير اوى


يلا بقى

شغلوا الكنز اللى عندكوا

شغلوا اغلى ثروة تمتلكوها

شغلووووا عقولكواااااااااااا

و اكتبوا افكاركوا

و اطلقوا لعقولكم العنان ..متحطوش قيود و لا شروط ..و لا حتى تهتموا ان الكلام يكون مفهوم

كل اللى عايزين نعمله

نفكررررررررررررررررررررررررررررررر

ربنا معاكم

و فى انتظار مليارات الافكار ..

و سلااااااااااااام عليييييييكم و رحمة الله و بركاته

كوميرس 2009 للاستشارات الادارية \ ادارة الاستيراتيجية \ التجارية \..


--------------------

صور من حياة المسلم الصح ..فيديو

------------------------

ناس كتييييييييييير فى الفريق

------------------------------

شرح مبسط لل op.. .for ..E-2010 .......>>
---------------------------------

عندي فكرة بسيطة جدا


اننا نشكل فريق لتنظيف الاسطح وتجهيزها وزراعتها


وكلنا نبدأ ببيوتنا ، كل واحد يقول اناعايز اعمل كده في بيتي


وكل الفريق ينسق انه هيشتغل في سطح بيت فلان اليوم المحدد


ويروح الفريق فعلا ويشتغل

طبعا شوية شوية ، الفكرة هتنتشر

ولو عالصحافة ، انا عندي سكتي للصحافة بكذا شكل

فالدعاية متوفرة ان شاء الله ، والتغطيات الصحفية كمان

ممكن بعد كده نتطلب بالاسم ، ويبقي فيه مقابل مادي لكده

وطبعا كل ما نتطور وننتشر ، هناخد خبرة ، زي اننا مثلا يبقي معانا رقم عربية نقل او عربية من عربيات شركات النظافة

بمجرد اننا ننظف السطح اللي احنا شغالين فيه ، نتصل بالراجل ، فيجي يشيل الزبالة دي


وطبعا لو اتشهرنا اكتر ، ممكن بعد كده نلاقي جهات رسمية بتعرض انها تساعدنا مجانا


فيبقي المقابل المادي اللي هناخده ده علشان التنظيف ، هيبقي لينا


بدل ما كان مثلا كله بيروح للراجل بتاع العربية النص نقل


والفلوس دي ممكن نحطها في حساب باسم كوميرس في البنك


طبعا ده غير اننا ممكن نتكرم ، والشهرة دي هتبقي مساعد لينا في تنفيذ باقي افكارنا


وكمان غير اننا هنبقي قدوة حسنة لشباب تانية كتير زينا


وبدل ما نبقي مثلا علي الاسطح بس ، ممكن نبقي في الشوارع كمان


بجد هتبقي حاجة حضارية اوي


دي بقي أول فكرة

عندى فكره وبإذن الله ربنا يعنى ويرزقنى علو الهمه والاراده انى انفذها

وهى انى استغل النت فى الدعوه

يعنى المنتديات اللى انا مشتركه فيها انزل فيها المواضيع اللى انا درستها فى الفقه

وابداها باب باب لان فى كتير من المسلمين وانا اولهم (قبل ما ادرس الحاجات دى )

منعرفش حاجات اساسيه فى الطهاره والصلاه والزواج والطلاق


وكمان انى احوال الاقى مقالات دينيه بتتكلم عن الاسلام بطريقه مبسطه واقدر اترجمها بنفسى

والاقى مواقع انشرها عليها ويكون المواقع دى بيدخل فيها ناس كتير عايزين يعرفوا عن الاسلام

وكمان اجيب مقالات عن حاجات فى الدين واترجمها بالانجليزى للمسلمين اللى مش بيتكلموا عربى

وبرضه اقدر انشرها فى مواقع المسلمين بيدخلوها كتير علشان يعرفوا اكتر عن دينهم

انا هعلق تعليق بس

سمعت درس لعمرو خالد كان بيتكلم عن الشكر كان بيقول ان كل حد فينا عنده نعم كتير ربنا رزقه بيها سواء هو حاسس ده أو لأ .. عشان يحافظ على النعم دي يشكر ربنا .. شكره لربنا يكون بانه يستخدم النعم دي في الحاجات اللي ترضي ربنا

زي مثلا لو واحد معاه فلوس .. نعمة .. يشكر ربنا عليها انه ينفقها في سبيل الله

واحد عنده علم .. نعمة .. يشكر ربنا عليها بانه يعلم العلم ده للناس .. وهكذا

وطبعا قبل كدة .. يقول الحمد لله

مشروع صناعة منتج معين كدة فكرته بسيطة بس هنكسب منه كتير و المهم نفكر هنسوقله ازاى

------------------------------------

هى دى مشاركة و لا فكرة

لو مشاركة بجد فعلا ربنا يكرمك عليها ..و لازم عشان كدة نشكر ربنا باننا نستخدم عقولنا و نفكر

اما لو فكرة ..المفروض مكنتش ارد بقى عشان ممنوع الرد

مشاركة


وربنا يكرمك على الدعوة