الكلمتين االلى كان نفسي اقولهم فى الحفلة :

سلام عليكم و رحمة الله و بركاته

بجد اولا انا متاسفة اوى على التقديم اللى مش حلو للحفلة بسببسي ..

بس انا مش متعودة خالص اتكلم مع عدد كبير

و اللى شجعنى انى كان نفسي بجد اقولكم كلمتين كدة فى النهاية بس للاسف حصلت لخبطة عشان الصورة الجماعيه و مقدرناش نقول الخاتمة بتاعت الحفلة

فبما انى لم اوفق فى قولهم فى الحفلة الحمد لله و اكيد دة خير ..بس نقولهم بقى هنا (هما مش بالظبط كانوا كدة بس المعنى دة ):


(( النهاردة مش نهاية دفعتنا ..

النهاردة يوم بداية لحياة جديدة .. حياتنا بعد التخرج .. اللى هنشتغل فيها و هنقدم فيها و هنقدر نفيد كل مجتمعنا

و دفعتنا دى كانت دفعه متميزة و قوية و بجد كانت ايد واحدة و دايما بنساعد بعض .. احنا كنا كدة و هنفضل كدة

ان شاء الله يا جماعه احنا فكرنا فى فكرة بسيطة ..هتكون باذن الله مصدر لانجازات عظيمة

ان شاء الله دفعتنا هيكون ليها اجتماع شهرى ..نتواصل فيه ونساعد بعض بتواصلنا و نفيد بعض بالخبرات و المهارات اللى هنكتسبها فى شغلنا

و احنا خططنا فعلا للموضوع دة و بدأنا باعداد قاعدة بيانات للدفعه فيها بيانات الاتصال بكل واحد .. و يا ريت اللى مسجلش معانا يسجل من النهاردة بياناته علشان نقدر نتواصل باستمرار (و طبعا بيانات البنات هتكون معايا انا بس و فى سرية تامة )

و ان شاء الله بنكمل تخطيط و اعداد للموضوع دة علشان ينجح و نفضل دايما زى ما كنا ..ايد واحدة فى كل خير

و كل سنة و انتم طيبين
و ربنا يوفقنا جميعا فى الامتحانات و بعدها

و السلام عليكم و رحمة الله و بركاته


----------------------

معلش هو كلام طويل فكان المفروض هيبقى فى النهاية و النهاية طارت ..بس عموما مفيش نهاية ..احنا دفعتنا مستمرة دايما و ملهاش نقطة نهاية ..علشان احلامنا عمرها ما هتنتهى و باذن الله نجاحاتنا و انجازاتنا عمرها ما هتنتهى و هنقدر باذن الله بتعاوننا سوا اننا ننهض بامتنا و نخليها تكون دايما فى اقوى و احسن حال باذن الله

معلش صدعتكوا النهاردة كتير

سلااااااااااام عليييييكم و رحمة الله و بركاته

و معلش يا جماعه محدش عنده الفيديو انا كنت شايفة ناس بتصور فيديو كتير

وعليكم السلام ورحمه الله وبركاته
وانا احب اكون اول حد هارد على موضوعك يانودى وانا موافقة طبعا دة كان حلم حياتى اننا يبقى فية اجتماع شهرى للدفعة انتى متتخيليش من ساعت ما قولتى وانا فرحانة احساس حلو لما تخلصى الجامعة ولسة متواصلة مع دفعتك وطبعا بياناتى انتى عارفها

ربنا يجمعنا على الخير ديما ياااااااارب
سلام عليكم ورحمه الله وبركاته

طبعا يا قمر
و ايه رايك بقى خرجتك النهاردة منغير امتحانات
البتاعه دى كانت مخلية شكلنا حلو اوى ..عقبال ما نلبسها رسميا ..يا رب

كلكم بيقولولى كانت لايقة عليا عشان العبايى بتاعتى السودة اكنها البلطو الاسود

howh dr mohamdy kan midi forsah l7ad bsm 2allah masha2 allah byklm bsor3t 100 kilmah fi 2el sanyah,heheheheheheh

لا والله انتي شرفتينا انت وخليفة ربنا يكرمكم

الحمد لله كانت الحفلة كويسة وطبعاً التقديم كان على مستوى عالي ما شاء الله
ودي كانت خطوة كويسة وكسر للحاجز النفسي بين فكرة التقديم والميك والأعداد الكبيرة وكل ده
ومفيش مشكلة لو الباقي متقالش .. مش تقصير .. الفرصة بس مجاتش وإن شاء الله تتعوض مرة تانية
وربنا يوفق الجميع

ربنا يكرمكوا كلكوا

مبروك يا جماعه علي الحفله و ان شاء الله تكون بدايه موفقه لما بعد كده ان شاء الله

بس اولا يا ندي بالنسبه للتقديم ما كانش وحش ولا حاجه بالعكس كانت فكره التقديم المزدوجه دي كويسه و بجد كفايه عليكي انك قررتي انك تكوني انتي الي هاتقدمي برنامج الحفله و دي حاجه تحسبلك و ربنا يكرمك
تاني حاجه الكلام الختامي الي كان المفروض يتقال كلام جميل و فكره جميله جدا انكوا تبقوا حريصين علي تجميع الدفعه من تاني و توحيد انشطتها بحيث تبقوا ايد واحده .. فربنا يكرمكوا و تقدروا تعملوا ده

واخيرا بجد كان يوم جميل جدا و ممتع و كمان عشان احتفلت مع اصدقاء كتير ليا في الدفعه و الحمد لله اليوم كان ماشي تمام و ميت فل و عشره

بجد و الله كلامكوا دة بيفرحنى اوى
و الحمد لله ان الحفلة عجبتك

بس انا و الله مشفتش نفسي بس اللى فاكراه انى كنت هقول حاجة و قلت غيرها فحاسة بلخبطة و كمان البالونة فرقعت جنبي و كان اول مرة اتكلم كدة ..الموقف كان غريب فانا كل ما افتكره اتضايق و اقول ما كنت اختم الترم زى ما الناس عارفانى كان لازمته ايه يعنى التقديم

بس رحاب الى صممت تقنعنى ان انا اللى لازم اتكلم عشان الدفعه كلها عارفانى ..و اعدت مصرة هى و هند انا اللى اقدم ..

يلا بقى ..كلنا اخوات برضه..اختكو و لخبطت بقى معلش

طبعا اختناااااااااا واكتر من اختناااااا يانودىىىىىىىى الحفلات جية كتييررررر يانودى وان شاء الله تقدميها انا والله مش حسيت باى لخبطة خالص انا مش بضحك عليكى والله
ومتحوليش تفتكرى لان الشيطان هو اللى بعمل كدة بيبقى عاوز يندك عليا وخلاص ربنا يخدة ههههه
يلا نركز فى البحوث يارب يسهلها علينا كدة اعرف ياندى ازاكر بحوث صح

بيبقى عاوز ينكد علينا اسالينى انا يفضل يفكرنى بالحاجات اللى بتعصبنى اول ماتفتكرى استعيذى بالله وربنا يوفقك يارب ديما ونفضل سوا مع بعضينا

ولا لخبطة ولا حاجة يا ندى بجد كنت كويسة بدليل انك قدرتى تقفى تتكلمى قدام عدد كبير من الناس
والكلام كان مظبط والصوت واضح ومكنش باين عليكى اى قلق كله ده كويس كبداية ات شاء الله المرات الجاية تكونى احسن واحسن

على فكرة سبب انى كتبت الكلام الى فوق ده فى موضوع أستاذه ندى ده
أنى برده كان جوايا كلام عايز اقولهولكم يوم الحفلة بس طبعآ ما كانش ينفع
وقولت أقولهم هنا فى المنتدى ..بس ما كنتش عارف اقولهم فى انيهى موضوع
ولما لاقيت أستاذه ندى كتبت الموضوع ده قولت هو ده المكان المناسب
يعنى مش قصدى انى اقاطع عليها موضوعها
ادائها فى تقديم الحفلة كان حلو وكويس أوى
وربنا يجازى خير كل اللى ساهموا فى الحفله ...وان شاء الله تكون بداية ...لبداية

السلاعليكم اولا احب اعتذر عن الغياب الفترة الماضية
ثانيا و الله يا جماعة تخيلو كلام المقدمة كان كلا و بعد كده قلنا كلمات متقطعة ف حضرناها فى اقل من 3 دقايق فعلا و الله و معملناش غير بروفة اتلخبطنا فيها قلنا كده تمام و طلعنا كمان المحمدى مش كان عاوز يطلعنا و انا كنت عاوز نودى اللوحة للمحمدى و نعمل تركيز على اننا هنكون ديما مع بعض بس على فكرة يا ندى الفيديو حلو انا شوفتو حلو اوى و كمان والله بتتكلمى بثقة كبيرة جدا ما شاء الله عليكى
يلا بالمرة بقى احنا كان عندنا معرض فى رسالة يوم 18 عشان كده كنا عندنا 3 ايام تجهيز قبله و بما انى كنت مرشح ابقى رئيس تنظيم لهذا المعرض ف كنت هدى هناك محاضرتين و كنت عاوزكم كلكم تحضروا بس للاسف بعد ما الامتحانات اتأجلت انا طبعا خلاص رجعت قائد فريق تانى و وش هعمل محاضراتى بس بإذن الله احتمال ادرس حاجة كده تبع عشانك يا بلدى ادعولى ربنا يوفقنى فيها و وعد لو عملتها كلكم تحضروها ببلاش يلا اى خدمة معلش بقى صدعتوكوا شدوا حيلكوا خلاص هانت

ربنا يوفقك و ان شاء الله تقدم محاضرات جاامدة و نيجي نحضرهالك
و حلو اوى اسم عشانك يا بلدى

و شكرا ليك و ليكوا كلكوا على كلامكوا المشجع و مشاركاتكم الجامدة اللى كلا تدل على ان دفعتنا هى اجمل و احلى دفعه

و الله نفسي ارد على واحدة واحدة.. بس الوقت .........