ارجو الاجابة للاهمية (ادارة دولية)

السلام عليكم
هل الجزء الخاص بالتمويل الدولى ص89 بالكتاب مقرر ام لا
وشكرا

لا مش علينا تقريبا

لان اعتقد الدكتورة ما شرحتهوش

معلش انا برضه عندى سؤال

فى ناس حاطة كذا حاجة مكتوب اثر الازمة العالمية على القطاع المصرفى

هى الدكتور قالت اى حاجة عن كدة..و لا دى حاجة جت غلط مع حاجات الترم الاول بتاعت د- ابتهاج

اصلى مش فاكرة خالص انى سمعت حاجة عنها الترم دة

يا جماعه

سؤال ضرووورى

هى نظرية حجم الدولة بتقول ان الدولة اللى مساحتها كبيرة بتكون

اقل استيرادا و تصديرا

و لا اقل استيرادا لكن اكثر تصديرا

؟؟؟؟

اقل استيرادا وتصدير
ونظرية حجم الاقتصاد تقول ان الدولة ذات الاقتصاد الكبير تكون تعاملاتها اكبر كيف هذا وكيف تكون وجهات نظر

تعلقيا علي كلامكمالدكتورة قالت ان كلما كبر حجم الدولة وتميزت بارتفاع بمستوىها الاقتصادى كلما كانت اكثر مشاركة في التجارة الدولية سواء استيراد او تصدير
مثال امريكا الدولة رقم 2 من حيث الاستراد وال 3 في التصدير علي مستوى العالم

يا جماعة هو اللى انا فهمته هنا و ارجو التصحيح انه طبقا لنظرية حجم الدولة نتيجة كبر حجم الدولة فتزيد رقعة الاراضى مما يؤدى الى التنوع فى المناخ و الاقاليم مما يقلل التعاملات الخارجية
و من الانتقادات للنظرية دى موضوع ان كبر الحجم ليس هو المحدد الوحيد حيث المستوى الاقتصادى يؤثر ايضا ادت المثال بتاع امريكا ده ولا ايه ولا انا مش فاهم و لا هو فيه ايه

لا يا خليفة

كبر حجم الدولة دى نظرية

و المستوى الاقتصادى دى نظرية تانية

و النظريتين تبع تحديد الكمبية المطلوب انتاجها

و الانتقادات على كبر الحجم كان فى ان الارض هى العنصر الحاكم فى انتاج المنتج

و المثال بتاع امريكا دة على نظرية المستوى الاقتصادى

و هو ان كل ما ارتفع المستوى الاقتصادى للدولة

بتزيد المشاركة فى التجارة الخارجية سواء استيراد او تصدير

و كان المثال على كدة امريكا

اها فهمت.... شكرا
بس نظرية حجم الدولة كانت بتقول ان كبر حجم الدولة ده بيقلل حجم الاستيراد صح

و الانتقادات كانوا 3 انا فاكر من المحاضرات واحدة بتاعت تكلفة النقل و كان مرسوم دايرتين واحدة كبيرة وواحدة صغيرة و التانى كان انه افترض ان الارض هى العنصر الوحيد للانتاج و التالت كان اللى هو بتاع المستوى الاقتصادى ده ولا انا بذاكر مادة تانية و لا مين فين

ههههههههههههههههههههههه

لا هى المادة متقلقش

و هى فعلا النظرية كانت بتقول ان حجم الدولة الكبير بيقلل الاستيراد

و هى برضو النقطتين اللى انت قلتهم

بس التالتة مش بتاعة المستوى الاقتصادى

التالتة بتقول : عدم تحقيق هذة النظرية العدالة بين الدول الصغيرة و الكبيرة و ذلك لان الدول الكبيرة تتمتع بمزايا تنافسية اكبر من الدول الصغيرة

طيب بص انا بصيت على المحاضرات بتاعت ندى طلع ان التالتة هى البتاعة اللى انا قلت عليها بس لو انت متأكد خلصت خلاص انا وراك يا ريس

بص

هى مكتوبة عندى فى المحاضرات اللى شاريها من سلمى و فى ملزمة المراجعة برضو زى ما قلتلك

و المستوى الاقتصادى منفصلة فى نظرية لوحدها

معتقدش ان المكتبة ممكن تغلط مرتين

و فى نفس الوقت برضو فى نظرية حجم الدولة هو بيتكلم فيها على مساحة الدولة و حجمها

مينفعش يعترض على مستوى اقتصادى

لان عموما المستوى الاقتصادى مش مرتبط بحجم الدولة

دة رأى بصراحة

على العموم ممكن تشوف حد من اللى بيكتب المحاضرات و تسألة برضة للتأكيد

يا ربي

انا شكلى كنت ملخبطة و لا ايه و اتلخبطت اكتر و الناس اللى ذاكرت من محاضرتى اكيد اتلخبطوا زيي
-----------------------------------------

انا ككنت فاهمه انها اقل استيرادا و تصدير لو كبيرة من حيث المساحة
بس كنت كاتبة اقل استيرادا و اقل استيرادا (غلطة مطبعية واضحة يعني)
فصاحبتى اقلاتى انا اكثر تصديرا و اقل استيرادا

و الانتقاد انها بكدة بتهمل تكلفة النقل و بتعتبر الارض العنصر الوحيد للانتاج

--
و ان لو من حيث الحجم الاقتصادي ..هتبقى كل ما كبر بتبقى اكتر استيرادا و تصديرا (الاتنين )

--------------------------------------------------

و انا كنت بقول انها اراء فعادى ممكن يبقوا عكس بعض و التنين صح كل واحدة فى حالة

لكن المشكلة ان شكلنا مفيش اتفاق على مفهوم النظرية نفسه

ارجوكم حد يسال الدتورة على النظرية نفسها عشان انا ردت عليا بطريقة زعلتنى مش قادرة اسالها تانى ..عارفة انى غلط ااتاثر كدة بس يبقى كتر خيركم لو حد تانى يسالها عشان نتاكد لان ممكن جدا نكون سمعناها كل واحد بطريقة فنبقى مش عارفين ايه بالظبط الصح

بس انا مش عارفة ليه فاكرة حكاية انها كانت اقل فى الاستيراد و التصدير

https://www.facebook.com/home.php?#/topic.php?uid=126762860461&topic=8877&ref=mf

يعني ول حد يسالها
هل فى نظرية حجم الدولة بيكون كل ما كبر حجمها تكون اقل تصديرا و اقل استيرادا

ام بتكون اقل استيرادا و اكثر تصديرا

و هل الحجم الاقتصادى نظرية منفصلة ..ام هو جزء من الانتقادات الموجهة لنظرية حجم الدولة




ضرووووووورى جداااااااااااااااااااا يا جماعه

لازم نعرف لحسن انا اتلخبطت بجد

انا اتلخبط بردو مش عارف بس اعتقد غالبا انها اقل تصديرا واقل استيرادا
اقل استيرادا لان الدوله عندنا فيها موارد كتير
اقل تصديرا اعتقد لان احنا دوله كبيره واكيد استهلكنا هيبقى عالى

انا شايف اننا نقصل بين حجم الدوله والحجم الاقتصادى عشان غالبا كل واحده منهم نظريه مستقله

و لو ماعرفناش هيا اكثر تصديرا ولا اقل تصديرا واقل استيرادا ممكن مثلا نكتفى بتعبير ان هذه النظريه تحقق الاكتفاء الذاتى للدوله على اساس ان المصطلح يحتمل المعنيين

صح صح صح معاك حق انا تقريبا فهمت كنت بس متلخبط شوية هى اقل استيرادا و تصديرا و فيها نقطتين -الاول انه افترض ان الارض هى عنصر الانتاج الوحيد و التانى بتاع تكلفة النقل و المستوى الاقتصادى دى حاجة تانية ملهاش دعوة نظرية تانية
بيتهيألى كده صح

حلوة فكرة اكتفاء ذاتى دى

ما شاء الله

الدكتورة قالت نفس الاجابة

النظرية الخاصة بحجم الدولة بتقوم على فكرة ان الدولة كلما اتسع حجمها
كلما قدرت انها تحقق نوع من الاكتفاء الذاتي نتيجة لان الاتساع فيها بيؤدي
لانها بتمتلك موارد اقتصادية اكتر بالاضافة الي انها بتقع في اكثر من مناخ
بمعنى ان نفس الدولة ممكن تقع في النصف الشمالي والجنوبي من الكرة الارضية
في نفس الوقت وبالتالي في نفس اللحظة يتوافر فيها المحاصيل الصيفية
والشتوية وهنا بتكون الدولة اقل استيرادا

ياريته نفع

ما انا برضوا بقول ربنا يستر عارف زى الترويج اعدنا انماط بائعين و انواع عملاء و كيفية العامل و دورة مبيعات و فى الاخر
عموما من ترويج ل دولية يا قلبى لا تحزن

((إنا لا نضيع أجر من أحسن عملاً ))

صدق الله العظيم

ان الله لا يضيع اجر من احسن عملا
بس في حاجة هتخنقني لومقلتهاش
قال الله تعالي(با ايها الذبن امنوا لما تقولون ما لا تفعلون
كبر مقتا عند الله ان تقولوا ما لا تفعلون)
احنا سألنا الكتورة الف مرة عن الابحاث قالت ان احنا هنستشهد بيها في اجاباتنا فقط
طب هو ده اللي حصل وليه احنا عملنا ايه علشان كل ده يحصل فينا
علي العموم انا حقي مش مسامح فيه وفي يوم اسمه القصاص كل واحد يأخذ حقه فيه

يا راجل دول كلهم 7 درجات يدوب يعنى مش مشكلة