عيد ميلاد حبيبتي

بدأت أقلق منك يا فداء


جيت اكتب المشاركة ، وكانت تحففففففففففففة وتستحقيها طبعا


النور قطع في المحل والمنطقة كلها


جيت اكتب تاني الميدالية ضاعت

جيت اكتب تالت الجهاز عمل حركات نص كوم

ههههههههههههههههههههههههه


ما علينا


بس بجد كل سنة وانتي طيبة وعقبال مليون سنة ( مش مشكلة بقي لو وقفتي بخسارة عالبلد هههههههههههههههههه )


بجد انتي شخصية محترمة جدا وربنا يكرمك

ويرزقك من حيث لا تحتسبي


بس تصدقي اول مرة اعرف ان عيد ميلادك بعد عيد ميلاد واحدة انتي بتموتي فيها بكام يوم وهي انتيمتك وكانت عضوة بارزة جدا


طبعا انتي عارفة انها مها

بس ما تقوليش لحد لأحسن تتحسدوا

هههههههههههههههههههههه


ربنا يكرمك ويجمعك مع حبايبك دايما

ده تعبير وشى دلوقتى ويمكن اكتر بكتييييييييييييييييير

انا فرحتى دى لانى كنت مستغربه جدااا ,,انا ماشوفتش الموضوع ده غير حالا

وكل ده فاكره موضوع موهه حبيبه قلبى وقولت لما ادخل اشوف نونه كتبت ليها اييه ؟؟

لاقيت حاجات غريبه وندى بدل هدى ومره واحده لاقيت الموضوع ليا

كنت متوقعه ان ندودتى هتعمله بس جه قدرا كده افتح الاقيه ليا

بجد احساس جميييل اووى ان اشوفه قدرا

والاقى فيه الكلام اللى جماله ما يتوصفش ده من حبيبتى واختى واجمل اصحابى واقربهم ليا

واللى دايما موجوده جمبى رغم بعد المسافه

اول واحده ببعتلها واقولها على اى حاجه جديده سواء حلوه او وحشه

ولما بضايق بلاقيها جمبى فى اى وقت صبح ليل فجر ضهر

ولما بخاف او اقلق من حاجه بتطمنى ولما بفرح بتشاركنى فرحتى وتفرحتنى اكتر

بجد من اكتر النعم اللى ربنا رزقنى بيها فى حياتى

وربنا يخليكى ليا وما يحرمنى منك ويديم محبتننا واخوتنا فى الله طول العمر

ويجمعنا فى الجنه يا رب ,,وبجد يا نودى مش عارفه اوفيكى حقك ازاى على كلامك

اللى انا مااستاهلهوش ده ,,واللى فرحنى فرحه ربنا يسعدك دنيا واخره

وبما ان الموضوع بتاعى بقى ارغى فيه زى ما انا عايزه

حتي لو مش بتاعك


ارغي برضه


بس ده علشان عيد ميلادك


لكن لو مش عيد ميلادك


برضه ارغي ، وناخدلك منتدي تاني ايجار جديد


انتي دلوقتي من معمري صحراء كوميرس هههههههههههههههههههههههههه


ربنا يباركلك في عمرك علشان تعيشي تفيدي الناس وتتبسطي

Admin كتب:

بدأت أقلق منك يا فداء

ليه كده بس

جيت اكتب المشاركة ، وكانت تحففففففففففففة وتستحقيها طبعا

الله يخليك ده بس من زوقك
النور قطع في المحل والمنطقة كلها

متشكره
جيت اكتب تاني الميدالية ضاعت
متشكره للمره التانيه
جيت اكتب تالت الجهاز عمل حركات نص كوم

ههههههههههههههههههههههههه
مش متشكره خالص

ما علينا
ما علينا ايه بجد والله احرجتنى اووى لولا مشاركتك الاخيره بتاعه الصحرا انا كنت .. معرفش كنت ايه

بس اكيد كنت وخلاص

بس بجد كل سنة وانتي طيبة وعقبال مليون سنة ( مش مشكلة بقي لو وقفتي بخسارة عالبلد هههههههههههههههههه )

ايه ده بقى انا احتج والله ده السنه اللى انا اولدت فيها كانت سنه الخير كله على ماما وحققت فيها احلام حياتها

خلصت امتحانات خالص ونجحت من غير ما تشيل ولا ماده واتخرجت وكمان اتعينت وتقولى خساره على البلد

بجد انتي شخصية محترمة جدا وربنا يكرمك

ويرزقك من حيث لا تحتسبي

الله اميين يا رب ,,متشكره اوى

بس تصدقي اول مرة اعرف ان عيد ميلادك بعد عيد ميلاد واحدة انتي بتموتي فيها بكام يوم وهي انتيمتك وكانت عضوة بارزة جدا


طبعا انتي عارفة انها مها

بس ما تقوليش لحد لأحسن تتحسدوا

هههههههههههههههههههههه


ربنا يكرمك ويجمعك مع حبايبك دايما

اللهم آميييييييييييييييييييين يا رب

ده انا من الحاجات اللى شدتنى لمها من اول مره اشوفها انى طلع يوم ميلاد وميلادها الفرق بينا يومين بس

بجد بعتبرها اقدار جميـــــــــــــــــــــــــــــــــــــــــله اوى ,,سبحان الله

يا رب اجمعنى بيها تانى يا رب

نونا كتب:

كل سنه وانتى طيبه ياجميل وعقبال شحرومية سنه يارب

يااااه شحروميه لا كتير عليه كفايه ميه وخليلك الشحرو


وتكون سنه سعيده عليكى وتحققى كل اللى بتتمنيه يارب

اللهم آميين يا رب


HAPPY BIRTH DAY

ميرسى عل التورته يا جمييل هديكى منها حته ان شاء الله

Admin كتب:

حتي لو مش بتاعك


ارغي برضه

لا اصل الاء بتنضايق منى لما ارغى

وانا مش عايزه اضايقها وهى راضيه عنى الايام دى الحمد لله

بس ده علشان عيد ميلادك


لكن لو مش عيد ميلادك


برضه ارغي ، وناخدلك منتدي تاني ايجار جديد


انتي دلوقتي من معمري صحراء كوميرس هههههههههههههههههههههههههه
حلوه دى ,,انا عايزه اعمر الصحر اللى مها هتعيش فيها علشان يدخلولها نت

ربنا يباركلك في عمرك علشان تعيشي تفيدي الناس وتتبسطي

اللهم آميين ,,اجمل حاجه فى مواضيع ايام الميلاد هى الدعوات

بطلع بحبه دعوااات اللهم تقبل ..

يااااااااااه؟ أخيراً
انتي كدة أتميتي 25 ؟ ولا إيه؟

فاكرة أول مرة أنا دخلت المنتدى وكان فيه موضوع عن إسرائيل والمعبر باين وحاجات كدة
وكان فامبير الله يمسيه بالخير بيتكلم وانتي كان ردك إن حد فاكرك لسة صغيرة ساعتها أنا مكنتش باصص للعمر خالص .. كنت فاكرك 24 سنة مثلاً
وفرحت جداً لما عرفت إنك لسة 18 سنة
لأني بفرح أوي لما ألاقي ناس صغيرة في السن لكن ناضجة جداً في التفكير
وبفرح أكتر لما أصادفهم أو أعرف ناس منهم بطريقة طيبة و بفرح أكتر لما تكون شخصية محبوبة من صاحباتها برضه والناس بتفرحلها في كل حال
ما شاء الله بجد انتي من الشخصيات اللي بقت في كوميرس ولا أجدع كوميرساوية
أنا من الناس اللي بتحب تهني في يوم الميلاد بالظبط ..
لكن هناك دائماً استثناءات

ربنا يكرمك بجد ويرزقك من حيث لا تحتسبين وينفع بيكي الأمة و يكون ليكي دور كبير في تحرير القدس وفلسطين كلها مش القدس بس ولكنها جزء يراد به الكل

ربنا يوفقك في حياتي إن شاء الله علطول ويحققلك كل اللي تتمنيه ويجمع بصاحباتك وأهلك وكل من تحبينهم في خير إن شاء الله مع بعض في الجنة مع الرسول

وابقوا ساعتها اشفعولنا بقى

لكن الحاجات المنظرة والتورت و الكلام ده يومها بقى إن شاء الله

عيد ميلاد فداء يعنى مش اى حد فى المنتدى دى عضوة مميزة جداااااااااا من اعضاء المنتدى

و كمان مشرفه اكتر تميز

و مش اى حد برده بالنسبه ليا انا دى اختى وصحبتى و معايا على طول فى الحلو والمر

و من غيرها مش عارفه كنت هعمل ايه

بصراحه انا مش عارفه اعبر واكتب ايه ولا ايه

لانى اصلا مش بعرف اكتب كلام حلو كده زيها او اقول كلام زى اللى هى بتقولوه و هى عارفه

يلا ندعيلك شويه دعوات روحى يا بنتى ربنا يكتر من مشاركاتك فى المنتدى

و اسمك كده يفضل منور البوابه (بس ما يطلعش فوق اسمى طبعا )

و يكتر من اوسمتك و من السمعه بتاعتك

امــــــــــــــــــــــــين


[ندعوك للتسجيل في المنتدى أو التعريف بنفسك لمعاينة هذه الصورة]

كل سنة و انتى طيبة يا فداء

و عقبال مليون سنة

كل سنة و انتي طيبه يا فداء و عقبال 987 سنة و انتي بصحه و سعاده و اقرب الي الله

لا كده مينفعش والله
انا كنت فاكر كل ده إنه عيد ميلاد مها والله وانا كنت رديت فيه وبعدين قلت أدخل اشوف الموضوع عامل ايه ولقيت انه موضوع جديد
المفروض يا جماعه تميزوا اسامي المواضيعن عن بعض شوية
ما عليــــــــــــــــــــنا
===========================================
كل سنه وإنتي طيبه يا فداء وعقبال مليون سنه تحققي كل اللي نفسك فيه وتتفوقي في كليتك وتبقي متميزه وتتخرجي وتكوني من أوائل الدفعة إن شاء الله وبعدين تتعيني في الكلية وتقدري واحده واحده من خلال منصبك إنك تحسني كل حاجه وحشه فيها وتخليها على الصوره اللي كان نفسك تبقى عليها
ولو إنتي مش حابة ده إن شاء الله ربنا يوفقك في المجال اللي نفسك فيه ومن نجاح إلى نجاح إن شاء الله
وبجد إضافه هايلة للمنتدى وكذلك الاء معاكي ربنا يكرمكوا ويجازيكوا كل خير
ويكرمك على الشغل الكويس اللي بتعمليه في المنتدى والمواضيع والدور الإشرافي العالي
والهدايا في الطريق

كل عام وانتى اقرب الى الله

كل عام وانتى فداء لكل عمل خير

كل عام وانتى فداء لدينك ولاهلك

كل عام وانتى فى سعادة وخير وبركة من الله

Hudhud كتب:

لأ على فكرة يا فداء بجد فيه حاجة غلط

انا كمان كتبتلك مشاركة حلوة وجيت ابعتها

لاقيت موقع المنتدى وقع اصلا

بس اطمنى اكيد اكيد انا وهشام اللى فينا حاجة غلط

هههههههههههههههههه

ماتزعليش ان بهزر معاكى يا قمر

ما انا عارفه وكمان انتى قولتيها بنفسك انتى وهشام مش انا
كل سنة وانتى طيبة يا حبيبتى وعقبال شحرومليون سنة

وانتى طييبه يا جمييل وبرضه خليلك الشحرو وانا هاخد المليون ولو انهم صغيرين عليا

ويارب دايما اشوفك مبسوطة وربنا يوفقك فى دراستك وفى حياتك كلها

اللهم آمييييييييييييين
وتفضلى كدة دايما عسولة ذى ماانتى ياقمر

ربنا يخليكى يا هدهد يا رب على كلامك الجمييل ده

بس ايه ده هو انتى ومها ورا بعض ولا ايه

هو انتى تؤامهم التالت وانا معرفش

هههههههههه اه التوأم التالت بس اتاخرت شويه هما يومين مش كتير

snow white كتب:

كان نفسى اهنيكى يومها بالظبط بس المشكله احتمال كبير مكنش هنا
ليه اوعى تكونى هتنقلى على منتدى تانى انا بحذرك

وطبعا مقدرش افوت تهنئه احلى فداء ف الدنيا دى
ربنا يخليكى يا سمسمه يا رب

يارب يافداء تكونى دايما كده متهنيه ومبسوطه وقريبه من ربنا وجميله اوى زى مانت بجد يافداء انتى جواكى جميل اوى بس انا مش مستغربه لان دى ميزه كل الاعضاء هنا ويارب ياحبيبتى ربنا يكرمك فى نتيجتك وفى حياتك وفى علاقاتك مع الاخرين وتفضلى دايما كده قريبه من قلبى ورااااااااااااااااااااااااااااااااااااااااااااااااااااااائعه دايما بكل معنى الكلمه بجد

يااه كل ده انا بجد مش عارفه اقولك ,,والله ده كله من ذوقك الجمييل ورقتك وانتى الاجمل الاطيب وبجد من الاعضاء اللى كل المنتدى حبهم واحترمهم فى وقت قليل جدا لانك بجد تستاهلى كده يا سمسمه
يافداء انت جميله اوى معرفتش اجيب تورته تانيه اعذرينى بتعلم جديد بس فيه حفله جامده ف السكه
كفايه كلامك ووجودك دول كلهم اجمل هديه واجمل حفله
وغيرت الاغنيه عشانك يلا حالا بالان بالان حيوا احلى فداء عيد ميلادها الليله دى اسعد الاعياد فا لتحيا احلى فداء

مش بقولك بجد انتى جمييييييييييييييييله وطيـــــــــــــــــــــــــــــــــوبه خالص

وطلعتى مؤلفه من ورايا غيرتى الاغنيه علشانى

ربنا يكرمك يا رب ويسعـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــدك

ويرضى عنك ويرزقك بالزوج الصالح والزريه الصالحه عن قريب ان شاء الله

[quote="hanzala"]يااااااااااه؟ أخيراً
انتي كدة تميتي 25 ؟ ولا إيه؟
ايه مين مين دى

[color=royalblue]انا استغربت جدا لما قريت الجمله دى فى الاول وقولت هو مش عارف يبص على السن ولا ايه

اقتباس :

كل سنة و انتى طيبة يا فداء

وانت طيب وكل سنه وانت طيب انهارده يوم ميلادك
و عقبال مليون سنة
الله يخليك و شكرا على التورته

اقتباس :

كل سنة و انتي طيبه يا فداء و عقبال 987 سنة
و انتي بصحه و سعاده و اقرب الي الله

هههههه ايه الرقم العجيب ده

وانت طيب وربنا يتقبل دعواتك

Mohamed Magdy كتب:

لا كده مينفعش والله
انا كنت فاكر كل ده إنه عيد ميلاد مها والله وانا كنت رديت فيه وبعدين قلت أدخل اشوف الموضوع عامل ايه ولقيت انه موضوع جديد
المفروض يا جماعه تميزوا اسامي المواضيعن عن بعض شوية
ما عليــــــــــــــــــــنا

هدى نفسك اذا كان انا نفسى مكنتش اعرف ودخلت قدرا زيك كده المهم انك دخلت
===========================================
كل سنه وإنتي طيبه يا فداء وعقبال مليون سنه تحققي كل اللي نفسك فيه وتتفوقي في كليتك وتبقي متميزه وتتخرجي وتكوني من أوائل الدفعة إن شاء الله وبعدين تتعيني في الكلية وتقدري واحده واحده من خلال منصبك إنك تحسني كل حاجه وحشه فيها وتخليها على الصوره اللي كان نفسك تبقى عليها
ربنا يكرمك على كلامك المشجع ده ودعوتك الجميله دى
تصدق عمرى ما فكرت انى اغير حاجه فيها لان الازهر التغير لازم يجى من فوق مش من تحت
ديموقراطيه جامده يعنى
ولو إنتي مش حابة ده إن شاء الله ربنا يوفقك في المجال اللي نفسك فيه ومن نجاح إلى نجاح إن شاء الله
اميين يا رب
وبجد إضافه هايلة للمنتدى وكذلك الاء معاكي ربنا يكرمكوا ويجازيكوا كل خير
جزانا الله واياك و بجد ربنا يعزك بس احنا على قدنا خالص نيجى ايه جمب الندوات والشغل بتاعك المتميـــــــــــــــــــــــــــــــــز
ويكرمك على الشغل الكويس اللي بتعمليه في المنتدى والمواضيع والدور الإشرافي العالي
ويكرمك على حمله الانجليزى و الشغل اللى هينزل قريب ان شاء الله
والهدايا في الطريق

توصل بالسلامه ان شاء الله

Professor كتب:

كل عام وانتى اقرب الى الله

كل عام وانتى فداء لكل عمل خير

كل عام وانتى فداء لدينك ولاهلك

كل عام وانتى فى سعادة وخير وبركة من الله

اللهم آميــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــن

بجد اربع دعوات مفيش بعد كده ,,ربنا يتقبل يارب يا رب يا رب

ربنا يكرمك ويرضى عنك يا رب

===================================

بجد يا جماعه انا مش عارفه اقولكم ايه ولا ايه ولا ايه مفيش حاجه تتقال اصلا على كلامكم ده

بجد والله كلامكم ده ولا كلام الدنيا يوافيه شكر على حسن ظنكم بيا (ربنا يجعله فى محله )

كل اللى هقولهلكم ان ماما كل شويه اقولها ان حد دخل قالى كذا كذا اخر ما زهقت منى

قالتلى فى ايه؟؟ هو انتى رئيس الجمهوريه كل دول

ربنا يجزيكم كـــــــــــل خير

ربنا يخليهالك ويخليكي ليها يارب
وتعيشوا دائماً في سعادة ورضا وفرحة إن شاء الله
وطبعاً إنتي تستاهلي أكتر من كدة
ده أقل واجب يعني

بجد ألاء دي مشكلة ... شوفتي دعواتها ؟ وبعدين حلوة أي شرانية من يومك
بجد انتوا فارقين أوي في المنتدى ... ما شاء الله عليكوا
ربنا معاكي يا آلاء في الامتحان وتنجحي بدرجات عالية إن شاء الله
وانتي برضه نشوفك في مركز مهم لكن ساعتها متتغيريش علينا بقى

اللهم ارزقنا الشهادة