هام جدا لتطوير المنتدى

بصراحة الموضوع محتاج رد طوييل ..ان شاء الله بكره هقوله

[quote][quote="elmasry"][size=24]السلام عليكم








وحشتمونـــــــــــــــــــــــــــــــــــــــــــى
كثيـــــــــــــــــــــــــــــــــــــــــرا





وأشتقت اليكم





لدى بعض الملاحظات على المنتدى وعلى الافكار التى تطرح
فى المنتدى





1-أرى ان الافكار التى تطرح تناقش لحظة طرحها فقط ثم
تندثر(تختفى)ولا يتم متابعتها او تطبيقها او عدم تطبيفها


[/quote]








فعلا حضرتك عندك حق





كتير اوى بتطرح افكار و مش بتتنفذ .. ممكن لان بتبقى
حاجات كتير فى مرة واحدة فبيحصل تضخم من الافكار





و التنفيذ بيكون دايما اقل





هو للاسف عيب فى حياتنا كلها اننا دايما نخطط كتير و
ننفذ قليل





الموضوع بيكون محتاج ترتيب افكار و نشوف ايه اهم فكرة و ننفذها الاول و نكون
كاتبين الباقيين بحيث نخلص واحدة ندخل فى اللى بعدها و هكذا





فالموضوع محتاج مننا لتنظيم و كمان عزيمة عشان ننفذ





احنا بنعمل دايما وظيفة واحدة للادارة ..وهى التخطيط





لكن الباقى بنكون دايما مقصرين فيهم ..بس ان شاء الله لو
دايما بنفكر بعض كدة و نساعد بعض اكيد هنعمل كل حاجة صح





[quote]


2-أرى اننا يجب أن نغير شكل المنتدى كلية(الالوان
،الخط،......)حتى يتناسب مع الوقت الذى نعيش فيه ،فأنا أحيانا ادخل على منتديات
أزهل من جمالها وشكلها


[/quote]





هو احنا غيرنا الالوان و الشكل كذا مرة ..يمكن ما يفوق
العشرين مرة








بس دة كان اخر شكل استقرينا عليه السنة دى و حسينا انه
هادي و بيريح الاعصاب لان اللون االابيض بيجيب هدوء و راحة ..على عكس بقيت الالوان





و يعتبر هو اللون الوحيد اللى وافق عليه اغلب الناس
..لان الالوان التانيه كنا نحط لون فاتح الولاد يقولوا دة بناتى


نحط لون غامق البنات قولوا دة ولادى ..و ناس كتير من
الولاد كمان مش بيحبوا الغوامق





فلقينا ان احسن لون الابيض





بس احنا ممكن نجري فيه شوية تعديلات زى اننا نغير البانر
مثلا و الايكونات و كدة





لان برضه كنا فى دراسة و مشغولين و صعب نجدد باستمرار





فممكن دلوقتى لو نفكر فى شكل بانر جديد و ل فى شكل
ايكونات جديد احلى .ممكن حاجات زى كدة بسيطة بس بتعمل شغل جامد





[quote]


3-ارى أن يتم البت فى الافكار التى يتم طرحها اما بالموافقة
او عدم الموافقة مع ابداء الاسباب فى كلا الحالتين[/quote]





تمام


[quote]


3-بالنسبة للافكار الخاصة بالمنتدى -من وجهة نظرى-فأنى
قد وضعت عدة افكار أرجو أن تناقشوها وتبدوا رأيكم فيها





اما بالموافقة او عدم الموافقة وهى كالتالى:


1-الفكرة التى تم طرحها بخصوص تحديد موعد محدد على
المنتدى(لحظة تجمعنا) والذى لم يتم ابداء الراى فيه[/quote]








هو فعلا انا كنت قلت لحضرتك ناجلها مع الاجتماع نفكر
فيها علشان ميحصلش لخبطة





و اسفة انى نسيت افتحهها تانى ..معلش و الله مشغوله جامد





عموما دلوقتى نقدر ننزل تصويت فى الموضوع بالاوقات و
نشوف هيتم اختيار ايه











2[quote]-الفكرة الثانية تتعلق بفكرة
التواصل ،فطالما ان الهدف من هذا المنتدى هو التواصل والاتحاد ،..........[/quote]





مممممممم





هو زى ما تقول ..كل انسان بيحب يخرج و يتفسح و يشتغل و و
و ..بس فى الاخر بيحب يروح بيته اللى بيحس فيه بالسكينة و الهدوء و الراحة و يلاقى
اخواته و يكلمهم براحته و يناقشهم براحته و يساعدوا بعض و يكونوا مع بعض








احنا حبينا يكون كوميرس هو بيت دفعتنا





ممكن كلنا ندخل منتديات تانية و مواقع تانيه و نشوف ناس
من كل مكان





بس بنحب فى الاخر نلاقى بيتنا ..اللى فيه اسرتنا (دفعتنا
)


و اللى بنرتاح فيه و نتكلم مع اخواتنا و نشكى همومنا و
نساعد بعض و احنا عارفين اننا مع اخواتنا
مش مع حد غريب





هى دى الحاجة المختلفة فى كوميرس








[quote]


3-الفكرة الثالثة ان تكون اللغة الاساسية للمنتدى هى
اللغة العربية الفصحى فى كل ايام الاسبوع ،وفى يوم الخميس أو الجمعة تكون اللغة اى
لغة عربى أو انجليزى أو اى حاجة حسب ما تحب انت اعتقد أن هذه ستكون ميزه جميله
بحيث ان كل المنتديات تتكلم العامية،وهذه الفكره تسمى (معا ....لاحياء لغة
الضاد)[/quote]





هو فعلا فى حملة دلوقتى نتكلم يوم فى الاسبوع بالفصحى





لكن اعتقد صعب اوى نتكلم فى العادى بالفصحى





طبعا مهم جدااا نتكلم بالفصحى و نكون كويسين فيها





بس حسب معرفتى البسيطة ..انك تتكلم عامية مش عيب





و من زماااان و كان فيه لهجات مختلفة


و دة من ايام الرسول صلى الله عليه و سلم


و كان كل قبيلة ليها زى لهجة مختلفة





بس المهم برضه ميكونش تضييع للغة العربية





يعني تبقى عربي بس لهجات مختلفة ..مش انجليزى و نعربه و
نص كلامنا يبقى انجليزي و الحالة الصعبة اللى وصلنالها دى





يعني الملخص..انا اوفق على يوم واحد بس فصحى + نشر حملة
باننا نبطل ادخال لغات تانية فى كلامنا و
نعتز بلغتنا و نتكلم بيها و نكتب بيها














[quote]


اما فيما يتعلق بالمواضيع التى اود انت تنشر على المنتدى
فأتمنى أن تكون كالتالى:


1-والله بعوده(عن شهر رمضان والاستعداد له[/quote]





يا ريييت فعلا





لو عند حضرتك حاجات يا ريت تحطهالنا لاننا فعلا محتاجين
نجهز جاامد








[quote]2-صفحة جديده(من خلالها نفتح صفحة
جديده مع نفسنا مبداها الصدق والعزيمة اننا نكون صادقين مع أنفسنا فى كل حياتنا[/quote]





فعلا كلنا محتاجينلها ..]ا ريت حضرتك تنزله على طول و ان
شاء الله هنكون معاك فيه


[quote]


3-كنز الاسلام(ويتعلق بأخلاق الاسلام ،كل يوم خلق مع
التكبيق بمثال)


[/quote]








بجد افكار جميلة جدااا


مش محتاجة يتاخد عليها موافقه ..اكيد محدش هيرفض افكار
رائعه زى كدة





[quote]وهنالك المزيد من الافكار ولكن لن
يتم طرحها الا بعد البت فى كل فكرة من هذه الافكار واتخاذ قرار بشانها وأرجو
الاهتمام بذلك اذا كانت هناك رغبة فعلا لتطوير المنتدى وترك بصمة فى الحياة،اما
اذا كان طرح الافكار لمجرد زيادة عدد المشاركات او لمجرد الكلام فهذا أمر أخر


وأسف على الاطاله





اذاكنــــــــــــــــــــــت ذا رأى فكن ذا عزيمة





فان فساد الراى ان تترددا





اخوكـــــــــــــــــــــ(المصـــــــــــــــــــــــــــــــــــــــــــــرى)ــــــــــــــــــــــــــــــم[/quote]

















ربنا يجازيك كل خير ..و فى انتظار باقى الافكار








ملخص الرغى الكتير بتاعى و اقتراحات للتنفيذ








1- علينا بتدوين الافكار باستمرار ..لتطبيقها واحدة تلو
الاخرى ان شاء الله





و يمكن تطبيق ذلك عن طريق..





فتح موضوع فى هذه الساحة لتجميع الافكار ..و سيكون
الموضوع مغلق و لا يمكن الرد فيه الا بواسطة المشرفين و اى فكرة جديدة بعد طرحهها
يتم ارسال رسالة خاصة بها للمشرفين ..و توضع فى الموضوع بواسطتهم مع كتابة اسم
صاحبها





حتى يكون الموضوع مدونة افكار فقط ..و يتم تنفيذهم و
الرقابة على ذلك باستمرار








2- مسابقة اجمل بانر للمنتدى..كل واحد يعمل تصميم جديد
للبانر يتوافق مع المنتدى و يكون متناسق مع الوانه و نعمل تصويت و نختار الافضل
..و يكون مصاحب ليها البحث عن شكل ايكونات جديدة





3- محاولة تدعيم المنتدى بكل ما يجعله بمثابة بيت للدفعه





4- يوم للغة العربية الفصحى + حملة هنتكلم و هنكتب عربى (او اى اسم اخر )





5- رجاءً عدم التردد فى نشر اى موضوع مفيد ..لاننا فى
اشد الحاجة اليهم




اسفة الرد شكله غريب شوية لان النت كان فصل نقلته على الوورد فطلع كدة

ربنا يوفق حضرتك ويجعلنا جميعا مما يقولون فيفعلون فيخلصون فينفعون

و لا شكر على واجب ..ان شاء الله فعلا نبدا نطبق كل دة

و جارى البدء فى التنفيذ ان شاء الله

كلامك يا جميل يا مصري



بس عارف ، لازم اللي يحط فكرة ، يحط آلياتها ويبدأ بتنفيذها وهيلاقي الباقي وراه ان شاء الله


ربنا يكرمك

جميل يا جميل


بس اقولك علي حاجة الادارة بتلعب دور منسق


لأن الادارة هي ناس منكم


ولازم كلنا نبقي مؤثرين ، لأن كلنا هنا واحد من كبيرنا لصغيرنا

انا معاك

بس لازم على الاقل نحدد الافكار اللى ممكن تطبق واللى مش ممكن تطبق

ونحدد المدة اللى ممكن ناخد فيها القرار اما بنعم او لا

يا مصري



بص انت لو عندك فكرة ، حددها وقول انا عايز الدعم


وشوف وهتلاقيني انا اول الناس اللي معاك



بس ادرسها كويس وخدد آلياتها وكون انت الليدر اللي ليها


وصدقني هتشوف الفرق ان شاء الله


ايه رايك يا جميل؟

الكلام و الافكار بدات تتنفذ الحمد لله يا جماعه و ان بعتت رسايل للناس على الجروب

و ان شاء الله الفترة الجاية هيكون فى تطور كبير

بس كل واحد مايبخلش باه يقدم كل اللى يقدر عليه