عايزين نصوم كلنا بكرة ..و ندعي لكل المسلمين ..13 و 14 و 15

السلام عليكم و رحمة الله و بركاته

--------------------------------------------------

تجديد للموضوع ..بكرة التلات ان شاء الله هيكون 13 شعبان


----------------------------------------------
بكرة (الاثنين ان شاء الله) هيكون موافق ل 13 من شهر رجب

فعايزين نفكر نفسنا و كل الى نعرفهم بصيام الثلاث ايام البيض 13 و 14 و 15

و نحاول ان شاء الله نصومهم و ندعى وقت الفطار لكل المسلمين بالنصر.. و للطلبة بالنجاح و التفوق

نتايجنا قربت و محتاجين دعوات بعض

فيا ريت كلنا نصوم و ندعى و احنا بنفطر لبعض و لكل المسلمين ان ربنا ينصرهم فى كل المجالات و الاوقات

شكرا

و السلام عليكم و رحمة الله و بركاته




رجاءً تنشروها ..و هيكون فى ميزان حسناتكم ثواب كل واحد صام او بلغ غيره يصوم






سبحان الله و بحمده .. سبحان الله العظيم

اللهم تقبل منا ان شاء الله صالح الاعمال

فعلا ربنا يكرمك ويجازيكى كل خير

ربنا يكرمكم .ِ شكرا ليكم و متنسوناش فى دعواتكم بكرة ان شاء الله

ربنا يكرمك



ويا ريت تدعولي انا كمان علشان النتيجة

كلنا عايزين دعوات علشان النتيجه

انا خلاص حاسه انى هتجنن قريب اوى

مش عارفه ابطل تفكير فيها واللى مجننى انها موجوده وخلصت فى الجامعه فى القاهره

واصحابى جابوها

والجامعه منها لله كل ده لسه ما بعتتهاش الكليه

وبابا مش راضى يسافر يجباهالى

انا هموت يا ناس والله

سورى انى خرجت بره الموضوع بس دول 15ماده نفسى اعرف منهم تلاته بس حتى

ربنا يكرمك ويجزيكى كل خير يا ندى انك فكرتينى

كل شهربقول هصومهم والاقيهم عدوا من غير ما اخد بالى خالص

ربنا يتقبل مننا ان شاء الله

ربنا يوفقك ويوفقنا ان شاء الله

اميين يا رب العالمين

و متنسوش بكرة كمان بقى ان شاء الله

تم بحمد الله

ربنا يتقبل مننا

بكرة الخميس بقى ..سنة برضه

بكررررررررررررررررررررررررررررة 13شعبااان .. ان شاء الله

بت انا مفقوعه منك كل مره انسى وانتى اللى تفكرينى وتفكريهم كمان

وانا اصوم وانتى تاخدى الثواب

مفيش مره كده

انتى ما تدخليش وانا اللى افتكر واقولهم ويصوموا واخد الثواب

ياربى

ربنا يكرمكوا يا احلى بنات

و متزعليش يا فداء..[س ابقى شدى حيلك بقى و نشوف مين هيفتكر الاول

بس فى شوال بقى عشان رمضان طبعا كلللللللله صياااااااام الحمد لله ..اللهم بلغنا رمضان و قدرنا نبقى كويسين فيه يا رب


و يا رب دايما نكون بنفكر بعض بكل حاجة فيها خير

و انتى دايما بتفكريني بحاجات كتير حلوة يا قمر

بفكرك بايه بس يا بنتى

على فكره لما كنا بنتكلم على المسنجر

وفكرتينى انا افتكرت ان الايام التلاته 13و14و15 من اول يوم الاتنين وصومته

كده انتى ان شاء الله هتاخدى ثواب 4الايام

بس يا ترى سواء انا خدت ثوابهم وربنا تقبل او لا انتى برضه هتاخديه ؟؟

مش فاهمه حاجة

بس خلى ظنك حلو ..ربنا عند حسن ظن عبده به


ربنا كريييييييييييييم

و بالذات الصيااام من اكتر العبادات اللى فيها اخلاص لان فى كل لحظة الواحد بيبقى عارف ان ربنا شايفه و مهما كان فى اى حته مش هيفطر حتى لو لوحده

انا مرة فكرت ليه ثواب الصيام كبير اوى مع ان ساعات بيكون سهل فى الشتا باذات فقلت اكيد عشان كدة ..لان الانسان بيبقى بيصوم و عارف فى كل لحظهه حتى لو لوحده ان ربنا معاه و شايفه فمبيفطرش

لو على الاكل والشرب الحكايه مش مستهله احنا بنقعد كتيييييييييييير من غير ما نرضى ناكل يعنى

المشكله فى الذنوب نفسها يعنى اللسان الصوت العالى النظر

كل الحاجات دى ربنا يهدينا ونقدر نتحكم فيها وما نغضبش ربنا

يا رب فعلاااااااا ..

ربنا يكرمنا و يعيننا على ذكره و شكره و حسن عبادته

ربنا يكرمنا جميعا

وجزاكم الله الجنة