اللى تعرفه و تعبك و لا اللى ماتعرفوش

فى يوم من الايام

كان لرجلا حلم ..و كان يعلم ان هناك طريقا يجب ان يسير فيه لكى يصل الى هذا الحلم

و مشى في هذا الطريق و فى بدايته وجده جميلا .مشمسا ..ملىء بالاشجار الجميلة ..

و لكن بالرغم من جمال الطريق الا انه كان ملىء بالمطبات و الحفر ..و كلما سار قليلا يجد نفسه يقع

و لكن يحاول ان يقوم و يكمل طريقة

و بعد ان مشى فيه قليلا ..و هو يسير و يقع و لكنه لا زال متالف مع الطريق و محبا للسير فيه ..املا ان يصل الى هدفه

و لكنه هنا وجد فى الطريق فرع اخر ..

هذا الفرع له باب مغلق ..لا يعلم ما الذى وراءه

فتعجب و قال اادخل ام اظل فى طريقى الذى اعتدت عليه

و قرر ان يظل فى طريقه ..فهو يعرفه و لا يعرف ما ذا فى الطريق الاخر

و و اكمل مسيرته

و اصبح بجواره فى طريقه الذى اختاره سور مليء بالابواب المغلقه التى يستطيع من خلالها المرور للطريق الاخر

و هو لازال يمشى فى طريقة

و فجاة ..و قع فى حفرة عمييقة جدا فى طريقة ..و ظل محبوسا فيها فترة طويلة ...قرر فيها انه سوف يترك هذا الطريق المملوء بالحفر و المطبات ..و ان يفتح الباب و يمر الى الطريق الاخر

و ما ان استرد بعض قواه و استطاع الخروج من الحفرة

اذ شعر بصوت يناديه و يقول ..لا تترك هذا الطريق ..لا تترك هذا الطريق

و نظر حوله فوجد الاشجار و الطيور و الشمس المشرقة .. و نظر للسور و ابوابه و قال ..انا لا اعرف ماذا هناك ..و هذا طريقة و قد اخترته و ساظل فيه حتى النهاية

و بدا يكمل مشواره

و لكنه كالعادة .. يسير قليلا ثم يتعثر فى الطريق و هكذا

و وجد نفسه احيانا يقترب من السور

فحاول ان يستمع الى ما وراءه

فسمع اصواتا يألفها ..ياااه ..انه صوت اهلي ..و هذا صوت اصدقائى ..بالتاكيد يريدونى معهم ..و لكن ما الذى يدرينى بهذا الطريق الثانى ..لعل الاصوات تهيؤات ..و هذا طريقى و ساظل سائرا فيه ..

و لكنه وجد نفسه يقع مرارا و تكرارا و جسده اصبح هزيلا من كثرة الوقوع ..و هذا الطريق الاخر الغامض يشعر ان فيه اهله و اصدقاءه و انهم ينادونه للدخول فيه و لكنه لازال مقتنعا بان لا يترك طريقه

و فجأة و مرة اخرى وقع فى حفرة عميقة جدا اكثر من الحفرة الاولى
و شعر انه سوف يموت حقا
و شعر بسماعه لاصواتا كثيرة تناديه لترك هذا الطريق و الدخول فى الطريق الاخر

و لكن لا زال يسمع الهاتف البعيد يردد ..لا تترك هذا الطريق

ان كنت انت مكانه ..فأى طريق ستختاره

هل تحطم القيود و ما اعتدت عليه و تتجرا و تدخل فى الطريق الجديد الغريب
ام تظل باقيا فى طريقك و تتعثر ثم تقوم و تحاول ان تكمله ؟؟

هل تعيش بمبدا ما نعرفه افضل مما لا نعرفه فى كل الاحوال ؟؟

هل تخاف المخاطرة و الدخول فيما لا تعرفه ؟؟

اسئلة كثيرة ..اتمنى ان اجد اجابة لها لديكم ..

بصي

اللي اعرفه احسن من اللي ما اعرفهوش بالنسبة لحالتين

لو مشيت فيه قبل كده ووصلت فعلا للي عايزه

او حد مشي فيه وحكالي عن تجربته وانا جيت مشيت فيه بعد كده فعلا ولقيت نفسي بأمر او أعدي علي حاجات اتحكتلي بالفعل قبل كده

لكن لو مش كده او كده

يبقي الحياة تجارب ، وانا اكثر شخص بأصاب بالملل في الدنيا لما بأكرر حاجة

يبقي ممكن امشي ادخل من باب عالطريق التاني وارجع تاني عالطريق الاول من الباب اللي بعده

طالما مصيري كده كده غامض

يبقي ألقي مصيري وانا مشبع رغباتي

بصراحة كان فى بالى كلام كتير وانا بقرء الموضوع
بس بعد رد ادمين مش لاقية رد
اللي اعرفة احسن من اللى معرفهوش بالنسبة لحالتين

لو مشيت فيه قبل كده ووصلت فعلا للي عايزه

او حد مشي فيه وحكالي عن تجربته وانا جيت مشيت فيه بعد كده فعلا ولقيت نفسي بأمر او أعدي علي حاجات اتحكتلي بالفعل قبل كده
لكن لو مش كده او كده
اكيد فضولى هيخلينى اكمل الطريق التانى

طب بس انتوا مش ملاحظين انه جه على الاخر و جسمه اصبح هزيل من كتر الوقوع و اخر حفرة كان خلاص هيموت

يعني ممكن الطريق الاولانى يموت فيه من كتر المصاعب اللى فيه من قبل ما يوصل لاحلامه

و الحاجة التانية

اننا ندخل التانى نجرب و نرجع تانى ..ايه يضمننا ان الابواب دى بتتفتح و تتقفل مش يمكن بتتفتح و خلاص تبقى دخلت الطريق التانى و لا رجعه فى اختيارك

اننا ندخل التانى نجرب و نرجع تانى ..ايه يضمننا ان الابواب دى بتتفتح و تتقفل مش يمكن بتتفتح و خلاص تبقى دخلت الطريق التانى و لا رجعه فى اختيارك

كدا احنا بنتكلم فى مسؤلية الاختيار
لازم يكون كل واحد مسؤل عن اختيارة

تماااااام ..بس هتختارى ايه و تبقى مسئولة عنه ؟؟

هو دة السؤال الصعب

اختار الطريق اللى همشى فية!
ولازم اتحمل مسؤلية الاختيار
ذى واحدة صاحبتنا كدا متعرفوهاش اول حرف من اسمها نونا
محتارة ادارة ولا محاسبة فى النهاية لازم تختار وتتحمل مسؤلية اختيارها

انا من اكتر الحاجات اللي بكرهها في حياتي هو المثل اللي بيقول اللي تعرفه احسن من اللي متعرفوش
انا لو مكان الراجل ده هجرب الطريق التاني واشوف هو كويس ولا ايه نظامه وتبقى تجربة جديدة أكيد هستفاد منها

ندى كتب:: يعني ممكن الطريق الاولانى يموت فيه من كتر المصاعب اللى فيه من قبل ما يوصل لاحلامه

يبقى ليه ميدخلش الطريق التاني مش يمكن يطلع اسهل وأجمل ومختصر مثلا

و الحاجة التانية

اننا ندخل التانى نجرب و نرجع تانى ..ايه يضمننا ان الابواب دى بتتفتح و تتقفل مش يمكن بتتفتح و خلاص تبقى دخلت الطريق التانى و لا رجعه فى اختيارك

طيب ما هو زي ما في إحتمال إن الأبواب تتفتح ومش تتقفل فيه إحتمال إنها تتفتح ونرجع تاني
بس لييييييييييه
اذا كان الطريق اللي انا ماشي فيه كل شوية بقع في حفرة وواحده منهم كانت هتموتني يبقى فيه ايه أصعب من الموت ممكن أقابله في الطريق الجديد !!

انا من رأيي الطريق الجديد لأني بحب أجرب الحاجات الجديدة وبعشق التغيير
شكرا ع الموضوع المتميز Very Happy

تماااام.. تفكير حلو

هو فعلا انك تجرب شىء جديد ..خاصةً لو وضعك الحالى سيء تفكير حلو اوى

بس مشكلة ناس كتير انها بتكون صعب عليها التغيير ..بتبقى يمكن متعلقة بذكرياتها جامد ..او بتخاف تاخد قرار انها تعمل حاجة جديدة و معندهاش القدرة على اتخاذ القرار بنفسها

اسباب كتير بتخلينا ممكن نفضل الوضع الحالى مهما كان شكله عن اننا نجرب وضع جديد

و دة فعلا كتير بيكون غلط

و نونا ..كلنا مرينا بالتفكير دة يا حبيبتى و ان شاء الله ربنا هيوفقك لاحسن حاجة .بس فعلا فكرى كويس و شوفى بتحبى ايه و استخيري و متقلقيش

و فى انتظار اراء بقيت الناس

تختار انهى طريق ؟؟؟؟

السلام عليكم
مبدئياً :هل نهايه كلً من الطريقين واحده أم كل طريق له النهايه الخاصه به ؟
يعنى فى كلا الحلتين أنا بسعى لتحقيق نفس الهدف ولا الأهداف مختلفه ؟
لوالهدف واحد يبقى اختار الطريق التانى وأجرب حيث أن الطريق الأول مليئ بالصعاب وبالمشاكل وانا فى جميع الأحوال لازم احقق هدفىوأوصله.
ولوطلع الطريق التانى اصعب وأسوأ ابقى ِأرجع للطريق الأول تانى
ولوما ينفعش أرجع إيه المشكله؟
دانا كنت هاموت فى الطريق الأول وخلاص دخلت أول مراحل اليأس بدليل إنى سمعت صوت قالى متكملش فى هذا الطريق
ولومصر على هدفى هاكمل فى الطريق التانى اياً كانت الصعاب وسوف أجد البدائل حتى أحقق هدفى-بغض النظر عن الطريق-(حتى لو مصر إسكندريه الصحراوى) Very Happy

اما لوهناك إختلاف فى الأهداف ففى هذه الحاله أرتب أولويتى وأحدد هدفى وبعدين أحدد الطريق اللى يحقق أهدافى .

مثال شخصى وتوضيحى:
انا عندى هدف معين إنى أحقق ذاتى داخلياً وخارجياً - يعنى أبقى راضى وقانععن نفسى وفى نفس الوقت أكون نافع لمجتمعى - وارتقى مستوى التصنيع والأنتاج المحلى و كمان أكون أسره صالحه دينياً ونافعه مجتمعياً
حالياً اعمل فى مجال fashion wear
لتحقيق أهدافى و رسالتى واالى يسمع عن المجال ده يعرف اد إيه السوق بتاعه متعب جداً
ولو لقيت نفسى ممكن أقتحم مجال جديد أوحتى أشتغل فى شركه وأترك العمل الحر سأفعل (بشرط ان احقق أهدافى) ................

أرجو ان مكنش صدعتكوا
والإختلاف فى وجهات النظر لا يفسد للود قضيه
ودى وجهه نظرى الشخصيه المحدوده ayy

السلام علبكم

لو علي مسئولية الاختيار

فانا بأمشي علي حسب اختياري ، وببقي متأكد ان ربنا مختارلي الخير

وطالما مشيت في طريق ، دايما بأمشي علشان اوصل لأخره ومش بأتعب

لأن دايما املي في الطريق ده هو اني اوصل

فما فيش حاجة تتعبني مهما كانت

وانا كتير بأطبق الاسلوب ده

اولا ياندود موضوع جميل ياقمر وانا عن نفسى فى رايى ان كل الطرق بيبقى فيها عقبات بس انت تقدر تتحمل لحد فين يعنى قدرته على التحمل كبيره وتقدر تتخطى الصعاب ولا بس عندك فضول وعايز تجرب مع ان قدرتك صغيره انا بصراحه على حسب هدفى بحدد قدرتى يعنى لو هدفى كبير وصعبه شويه بتكبر قدرتى عشان اقدر احققه اما لو هدف عادى اتحقق او متحققش مش هايحصل فرق بحس ان قدرتى بتضعف وم الاخر ا لو اتحطيت ف الموقف ده وشكله مش اختيارى انى اتحط فيه فانا هااتوكل على الله هو المنير لكل الظلمات وامشى ورا احساسى ربنا يكرمك على الموضوع الجميل ده ياندود بجد بستفاد منكم ومن ردودكم جزاك الله خير يااحلى ندزد

احمد سمير : ربنا يكرمك على الرد الجامد دة و فعلا اهم حاجة نبقى عارفين اهدافنا و نحدد اولوياتنا ..لو كل واحد عمل كدة اكيد اكييد هيكون ناجح فى حياته

ربنا يهدينا كلنا و نعمل كدة Very Happy

هشام : طب يعني كدة انهى طريق ؟؟؟

(اه صحيح لما نخلص اراءنا كلنا فكرونى نعمل ملخص )

سمسمة :: كلااامك جميل اوى يا جميل ... عججبتنى جمله على حسب هدفى بحدد قدرتى ..لانه عارفة بيبنين فعلا ان الواحد على حسب ارادته هيقدر يكمل و يعمل اى حاجة
ارادتنا هى اللى بتحركنا و بتخلينا نقدر نكمل اى مشوار

موضوع جميل جدا ومحير فانا هعيد تفكيري كده وارجع ارد تاني ان شاء الله

بس مبدئيا موضوع معبر وحلو قوي يا قمر

i will wait for you & for other members
in sha2 ALLAH

انهي طريق

اوكي هأقولك

طالما المسألة مصيرية وممكن اتعب وافقد قدرتي علي استكمال الطريق

يبقي زي ما قولت قبل كده ،لو عارف الطريق ده او حد حكالي عنه

يبقي اللي اعرفه احسن من اللي معرفهوش

لكن لو فيه وقت ودلع وفيه صحة ( الممثلة في اي ظروف ملائمة يعني ) يبقي خلاص ، الحياة تجارب برضه

يعني لو عايزة مني رد علي طريق معين

قوليلي مواصفات وظروف الطريق ايه بالظبط وانا هأختار فورا ، وربنا يكرمك عالمتابعة للموضوع

لا انا بطبعتى رسكى جدااااا واحب اتحدى المجهول بس يمكن ده عيبه انى فى بعض الاحيان بقع فى قرارات غلط بس باتعلم وبارجع اقوى
الى اقدر اقوله فى العموم ان مكسبى كان اكبر بكتير من لو كنت مقفول على طريق واحد
وبطبيعه الحال النفس البشريه احنا بنحب التجديد والتغير وبيبقى صعب اننا نستمر على نفس الطريق بدون مايكون فى تغيير ولو بسيط , انا مش زى امبارح مش زى النهارده مش زى بكره !

Admin كتب:: انهي طريق

اوكي هأقولك

طالما المسألة مصيرية وممكن اتعب وافقد قدرتي علي استكمال الطريق

يبقي زي ما قولت قبل كده ،لو عارف الطريق ده او حد حكالي عنه

يبقي اللي اعرفه احسن من اللي معرفهوش

لكن لو فيه وقت ودلع وفيه صحة ( الممثلة في اي ظروف ملائمة يعني ) يبقي خلاص ، الحياة تجارب برضه

يعني لو عايزة مني رد علي طريق معين

قوليلي مواصفات وظروف الطريق ايه بالظبط وانا هأختار فورا ، وربنا يكرمك عالمتابعة للموضوع

معلش و الله انى قصرت بعد كدة فى المتابعه غصب عنى

و ربنا يكرمك على ردك

Mohamed Mamdouh كتب:: لا انا بطبعتى رسكى جدااااا واحب اتحدى المجهول بس يمكن ده عيبه انى فى بعض الاحيان بقع فى قرارات غلط بس باتعلم وبارجع اقوى
الى اقدر اقوله فى العموم ان مكسبى كان اكبر بكتير من لو كنت مقفول على طريق واحد
وبطبيعه الحال النفس البشريه احنا بنحب التجديد والتغير وبيبقى صعب اننا نستمر على نفس الطريق بدون مايكون فى تغيير ولو بسيط , انا مش زى امبارح مش زى النهارده مش زى بكره !

فعلا التغيير مهم جدااا ..بس مش اى حد بيبقى سهل عليه يعمله

و هو فعلا الواحد لما بيجرب (ما دام هيجرب حاجة كويسة ) بيبقى يا اما هيستفيد منها مباشرةً او هيتعلم منها حاجة تفيده

ربنا يكرمك على الاضافة دي

انا بقى عندى حل جديد

احاول و اجتهد كويس اوى فى انى اتسلق السور و اطلع عليه

عشان اقدر اكون نظرة موضوعيه و ابص على الطريقين و ابقى شايفاهم قصادى ..

و ساعتها هقدر احكم كويس

هل اكمل الطريق الاولانى و لا اروح لتانى و لا اخلينى ماشية على السور لغايت ما اوصل لاحلامى

لكن طول مانا فى اللى انا فيه مش هقدر احكم كويس و نظرتى هتكون منغلقة و لو جازفت و روحت التانى ممكن متبقاش جرأة لكن يبقى تهور و يطلع التانى اوحش من الاولانى
فاحسن حاجة اطلع و ابص بموضوعيه ..و حتى لو اكتشفت ان السور هو احسن طريق امشى عليه

يعنى خلاصة الموضوع فى رايي::

اننا ممكن نبقى مصممين على الوضع الحالى حتى لو هو غلط بس لمجرد التعود
و ممكن نقول لا هتمرد على الوضع دة و هروح لاى حاجة غيره و يكون تهور منغير ما نفكر كويس

بس احسن حاجة اننا نبص بموضوعيه و ندرس كل الاوضاع كويس عشان نقدر نحدد بالظبط ..اى طريق هنختاره
و الموضوعيه عشان نوصلها اكيد بتحتاج لمجهود ..زى المجهود اللى هنعمله عشان نطلع على السور

و ربنا يكرمكم على ارااءكم الجمييلة و يا ريت لو حد عنده اراء تانيه يقولها برضه و لو شايفين رايي دة غلط قولوى برضه

و ربنا يكرمكم و بجد على فكرة افادتونى بكلامكم دة كتيير ..ربنا يكرمكم على مناقشتكم الحلوة دى

انا معنديش وقت اقرأ الردود فممكن اقول حاجه متكرره
بس بجد يا ندى الموضوع ده جااااااااااااااااااااااااااااااااااااااااااااااااااااااااااااااااااااااااااااااااامد جدااااااااااااااااااااااااااااااااااااااااااا

انا باختصار كده شايف انى اجرب طريق جديد مش لازم يعنى يكون طريقى هو احسن طريق
انا عندى مثال ومحدش يتريق

انا كنت بروح عند حلاق وكنت فاكر انه احسن حلاق
بس زهقت منه عشان رغاى وعايز يعرف كل حاجه من اللى بيحلقله
بس هو كان كويس كحلاق ومتعود عليه ومكنتش عايز اغيره وقلت استحمل الجانب الوحشش
كفايه انه عارفنى وباخد راحتى عنده وكمان نضيف

لكن فى مره قلت اجرب ايه المشكله يعنى مره من نفسى اكيد الحلاق التانى مش هيبوظلى شعرى
وكده كده انا داخل الحربيه يعنى هشيله
ورحت لواحد تانى ومن اربع سنين وانا عنده
احسن من التانى بكتييييييييييييييييييير وشاب متدين ومحترم وقعدته ممتعه

فضلت اقول ياااااااااااااااااااااه ده الواحد كان غبى لما كان مش عايز يغير لو فضلت خايف اغير
مكنتش لقيت الاحسن
بس كده

وده المثل بتاعى

وانا رأيى كده واضح

وبجد يا نى موضوعك جميل بجد

ربنا يكرمك بجد على الراى الجميل و المثال الجامد دة

الشرح بامثلة دايما بيوضح كل حاجة و بيزود الاقتناع

ربنا يكرمك ..بس ابقى شوف الردود بقى عشان حلوة و هتعجبك ان شاء الله

ما شاء الله كلكم ردودكم تحفة