الذكرى الأربعون لحريق المسجد الأقصى المبارك

السلام عليكم ورحمة الله وبركاته
بسم الله الرحمن الرحيم

منذ يومين كانت الذكرى الأربعون لحادثة حريق المسجد الأقصى المبارك

[ندعوك للتسجيل في المنتدى أو التعريف بنفسك لمعاينة هذه الصورة]
اقرأ التفاصيل في ويكيبيديا أولاً :
[ندعوك للتسجيل في المنتدى أو التعريف بنفسك لمعاينة هذا الرابط]

حريق المسجد الاقصى "1969"

وقد كانت الكارثة الحقيقية والصدمة التي أعقبت هذا الاعتداء الآثم أن قامت محاكم الكيان الصهيوني بتبرئة ساحة المجرم الاسترالى بحجة أنه «مجنون» !! ثم أطلقت سراحه دون أن ينال أي عقوبة أو حتى إدانة!!
وصرح المجرم «دينيس مايكل» لدى اعتقاله أن ما قام به كان بموجب نبوءة في سفر زكريا مؤكدا أن ما فعله هو واجب ديني كان ينبغي عليه فعله، وأعلن أنه قد نفذ ما فعله كمبعوث من الله!

الفلسطينيون يحيون ذكرى إحراق المسجد الأقصى عام 1969

و قد خرج المسلمون في وقفة فريدة من نوعها وقت الحريق كادت توشك على أن تكتمل وتتبعها صحوة في العالم الإسلامي العربي و لكن من طبعنا أن تخمد النيران بعد بدئها ... و لكن هناك من يقول :
( إن الثورة تولد من رحم الأحزان )

كم بنا من الأحزان و لكننا مازلنا في انتظار الثورة ... و أنا أفكر اليوم في حالنا شغلني التفكير في بطل عربي واحد يستطيع مواجهة العالم و بالطبع ليس بمفرده و لكن بتجميع المسلمين حوله .. و لكن أعياني التفكير في وجود شخص لا يختلف عليه الكثير ...
دائماً ما نجد معارضون غير مدركين لمن قد يكون جيداً أو مؤيدون مغيبون لمن قد يكون سيئاً
و لكم أفرح في كل صلاة أجد فيها الملسمين في المساجد يملؤونها و يحبون الطاعة و لكن ليس الكثير من يداومون عليها ، فمع بداية الأذان يكون العدد ليس بالكثير ثم مع الإقامة يكون أكثر
و يصل ذروته عند تكبيرة الإحرام و تشعر بالسعادة و أنت تسلم عن يمينك و يسارك لترى جموع المصلين و هم مصرون على الطاعة ثم ثجد بعضهم قبل ختام الصلاة و قبل صلاة السنة يسرعون بالذهاب
و بعدهم فئة أخرى بعد صلاة السنة
و لا تجد إلا قليلاً جالسين في آخر اللحظات بعد انتهاء الصلاة
حالٌ مؤسف أن تأتي الغالبية العظمى على تكبيرة الإحرام و تغادر بعد التسليم ، ... ولكن من المفرح جداً ما رأيته في رمضان الحالى من زيادة أعداد الشباب و الصغار مما لا يتعدي أعمارهم 10 أعوام و 15 عاماً و لكنهم ليسوا كمن هم معروفين بأنهم يذهبون للمسجد للـلهو ليس إلا .. ولكن الأمر مختلف .. ربما بحكم رمضان أو بحكم المنطقة السكانية أو المسجد لا أعلم ... و لكن ما أراه يفرحني حتى الآن و حتى في صلاة الفجر و يأتي إليها الأطفال بكامل إرادتهم و يصلون ويدركون الصلاة و يتلون القرآن رغم أن من يمكث في المسجد ربما ليسوا يتعدوا أصابع اليد الواحدة من الأطفال في هذا العمر أو اليدين ممن في المسجد عامة ً
و لكنها بداية و بارك الله فيهم
و نتمنى المزيد إن شاء الله

* كان من المفترض أن أضع هذا الموضوع في حينها منذ يومين و لكن لم أرد أن يكون في بداية رمضان مباشرة
ثم أحببت أن نبدأ رمضان و نحن نذكر إخواننا و أهالينا في فلسطين
كما أنني كنت أبحث عن معظم المصادر التي تجمع موضوع واحد حول الأمر و وثائق لهول الحادث
و لم أرد أن الموضوع ينتهي بمجرد أن يكون نقلاً عن أي مصدر وحيد أو كخبر في جريدة لا يمتد أثره إلى أكثر من دمعات في البداية و بعض التأسف و التعاطف لا ينفعهم في شئ ولا ينقذ طفلاً من الموت جوعاً أو زوجة من الانتهاك أو كهلاً من السقوط و لكنني أردتها أن تكون قـُشَعْريرة ً تستمر إلى ما شاء الله و نظل دائماً متذكرين أن هناك من له نفس حقنا في الحياة و لا يستطيع أن ينعم بها لمجرد تخاذلنا
نعم .. تخاذلنا .. فنحن مسئولون 100% عن كل ما يحدث هناك في فلسطين و أن يكون جزء كبير منها يسمى " فلسطين المحتلة " ... فهم لا يقوون على التصدى إلا بأرواحهم فقط
سيقول من يقول أنهم مسئولون بقدرنا و يقول من يقول أننا ساعدنا بكل ما نستطيع
ولكن ما أقوله هو ما قاله رسول الله صلى الله عليه وسلم :
عن النعمان بن بشير رضي الله عنه قال: قال رسول الله صلى الله عليه وسلم:
«مثل المؤمنين في توادهم وتراحمهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى».
رواه مسلم، وفي رواية له: « المسلمون كرجل واحد إن اشتكى عينه اشتكى كله » .

و للمزيد :

[ندعوك للتسجيل في المنتدى أو التعريف بنفسك لمعاينة هذا الرابط]
خطيب الأقصى : الأقصى يعيش لحظات خطيرة تنذر بانهياره

فنحن وصلنا لهذا الحال لأن في جسد الأمة الإسلامية طعنات لم تدواى حتى الآن في فلسطين والعراق و غيرهما
فالذل الذي نراه اليوم سببه علة ٌ في قلب الأمة و تركنا لها دون علاج يقودنا إلى ذلٍ أكبر

ليس لديهم الجيش العسكري الكبير و لا المعدات الهائلة ولا ما من شأنه الدفاع عن الأرض بأكثر مما يفعلون بأن سلاحهم هو السلاح البشري ... يتكاثرون و يُقتلون .. ونحن نمرح و نلهو و يخرج جيلٌ ليقلد كل خبيث ودنيئ في الغرب
و يترك كل ما هو من شأنه أن يرفع أمتنا في العلم والعمل

لاهثين وراء مجرد قروش نبتغيها في كل يوم
لا أدعو إلى البكاء والنحيب و شق الصدور ثم الخنوع في المنازل ـ ولا أدعو إلى مجرد الحماسة و الروح العالية بدون جدوى لمجرد إظهار الشجاعة حتى وإن كانت صادقة ولكن ليس لها سبيلٌ للتحقق

الكلام يطول و يطول ... و
( مازالَ حلقي بالصراخِ يقئُ ألفَ عِبارة )

أحببت فقط أن يكون موضوعاً يدعو لزيادة الدعاء لأهالي فلسطين و الأقصى والقدس المباركين
و لكن الدعاء وحده لا يكفي
صحيحٌ أنه قد يرد القضاء و يفعل المعجزات إن كان بنية خالصة و مع التوكل على الله و عدم التراخي
ولكن الأهم أن تكون نيتنا الكبرى في الحياة و عيشها أن نرفع شأن أمة الإسلام و ننهض بها
و نفعل كل ما يجب لهذا من عمل خير أو عمل في الحياة لا يعود نفعه فقط على أنفسنا و لكن يعم خيره على الآخرين
أي كون كالغيث كما قال صلى الله عليه وسلم فى قوله "المسلم كالغيث أينما حل نفع"
و أرجو ألا نكون كغثاء السيل
أي لا بأس أن يكون عملك لنفسك و لارتقاق مستواك و إعانتك على المعيشة ولكن اجعل نية بجانبها لأن تعمل ما في وسعك لكي يعود ولو القليل على أهل فلسطين ليس مجرد تبرع .. ولكن قد تخترع شيئاً يفيد علماء المسلمين
أو تقترح مشروعاً صغيراً بقدراتك الحالية الممكنة و مع الأيام يكبر و يعود نفعه عليك و على غيرك و نتعاون جميعاً على سوق عربية إسلامية مشتركة بين الشعوب تجبر الحكومات على تنفيذها و تضخيم الفكرة ليعلو شأننا ولو لمرة
و أراهن أنها هي المرة ... إن حدثت فيسكون نصر بإذن الله " ألا إن نصر الله قريب "
لا شأن لنا بجدل قد حاول قبلك الكثيرين و فشلوا ... ولكننا سننجح إن شاء الله إذا صدقنا النية و فعلنا شيئاً حقيقياً
أبسط الأشياء و لو كانت من وجهة نظرك قد تخدم أعظمها في نظر الله عز وجل ... و إن كنت لا تستطيع البدء أو التفكير ففضلاً اتبع من يستطيع أن يقودك لهذا المهم ألا نهتم بما يتذرَّع به الآخرون الكسالى و أعداء النجاح من أمثال " لماذا يكون ذاك قائد و أنت تابع " كلٌ على قدر عمله ... عملك هو ما سيثبت

اللهم اجعل أعمالنا خالصة لوجهك الكريم
اللهم إنا نعوذ بك من الشقاق والنفاق و سوء الأخلاق

و جزاكم الله خيراً كثيراً و رزقكم من حيث لا تحتسبوا
و عُذراً للإطالة
و السلام عليكم ورحمة الله وبركاته

هام جداً

[ندعوك للتسجيل في المنتدى أو التعريف بنفسك لمعاينة هذا الرابط]

جديد الجزيرة الوثائقية : الحريق لايزال مستمرا

لي عودة علشان الموضوع شكله طويل وشيق

تسلم ايدك يا باشا

1/هو الموضوع ده مش مكانه فى ساحه أمتنا

2/ لفت انتباهى اوووووووى الجمله دى فى مقال الويكبيديا

اقتباس :: منبر "صلاح الدين الأيوبي" الذي يعتبر قطعةً نادرةً مصنوعةً من قطع خشبية، معشَّق بعضها مع بعض دون استعمال مسامير أو براغي أو أية مادة لاصقة، وهو المنبر الذي صنعه "نور الدين زنكي"، وحفظه على أمل أن يضعه في المسجد إذا حرَّره فلما مات قبل تحريره قام "صلاح الدين الأيوبي" بنقله ووضعه في مكانه الحالي بعد تحرير المسجد من دنس الصليبيين.

نور الدين زنكى ده سبحان الله كان قدامه كتييير علشان يحرر الاقصى

بس عمل المنبر وعانه علشان يوديه هناك ياااه قد ايه كانت همته ؟؟

وقد ايه كانت ثقته ويقينه فى الله عزوجل !!

فعلا انت عندك حق فى كلامك لازم نبدأ نعمل حاجه على الاقل لو

هنعمل زى نور الدين زنكى ونبقى احنا البداية ويجى بعدنا صلاح الدين يكمل مشوارنا

لازم نكون سبب عزه ورفعه شأن أمتنا لاننا منها واحنا الامه والامه احنا

ورفعتها رفعه لينا احنا

بس المخلوق اللى حرق المسجد ده يعنى اقول ايه عليه ؟؟؟؟؟؟؟؟؟؟؟؟

مفيش كلام يوصف عقله بصراحه

حسبى الله ونعم الوكيل

يعنى هو سيدنا زكريا هيقول نبوءه بحريق مسجد

لا وكمان هيحرق محراب سيدنا زكريا ...يعنى لا تعليق بصراحه

اقتباس :: ( مازالَ حلقي بالصراخِ يقئُ ألفَ عِبارة )

بالضبــــــــــــــــــــــــــــــــــــــــــــــــــــــــــــــــــــــــــــــــــــــــط كده

((((اللهم إستخدمنا ولا تستبدلنا ))))

يارب يارب انصر اهللا فلسطين وثبت أقدامهم واحمى المسجد الاقصى من اليهود

وانتقم منهم وزلزل الارض من تحت أقدامهم ..اللهم آمـــيـــــــــــــــــــــــن

جزاك الله كــــــــــــــــــل الخير ورفع بك شأن الامه وأعزك الله

ولكن يبقى سؤال ...

لا أدرى ماذا سأقول لربى عن اهلى فى فلسطين يوم القيامه ؟؟؟؟!!!!!!!!!

أولاً : مش هتفرق لكني شايفه في أمتنا لأنه مش بيتكلم عن حال أمتنا بس لكن بيقول نحترم نفسنا بقى و نعمل حاجة مفيدة .. لكن مش هتفرق المهم يوصل الرسالة منه و حد يعبرنا زيك كدة

أنا شخصياً مش بعمل مواضيع علشان يترد عليها .. أنا بحب الناس تقرأ و لو فيه حاجة قالها في سره يكتبها
لو قال كلام سليم يفهمني علشان أعرف مين موافقني
و لو إيه الهبل ده .. يقولي و أنا مش هزعل لكن أفهم وجهة نظره

طبعاً بعد كلامي ده ممكن نوديه ( منوعات ) أحسن Very Happy

ثانياً: أنا شكرتك لسبعة أسباب Very Happy

لأ بجد ... ثاني سبب فيهم إنك رديتي و حد عبر الموضوع اللي هو كان مهم في وقته علشان الفيلم اللي على الوثائقية ... لكن الناس مطنشة خالص !!
أول سبب بقى إنك لما رديتي اتكلمتي عن جزء مهم فعلاً
المنبر ده حسرَّني أوي
لكن لما شوفت الفيلم قالوا إن الحمد لله عملوا واحد شبهه خد منهم 11 سنة و تجديد المسجد الأقصى تطلب 35 سنة من ساعة الحريق بتاع اللي مش مجنون خالص الحيوان اللي عمل كدة ده
لكن طبعاً مش برونق زمان و مكانش من الفضة الخالصة
هو بنفس المواصفات .. لكن الحمد لله

تالت سبب .. إنك اتكلمتي عن جزء مهم
كلنا فاكرين إننا لازم نتقسم حاجة من اتنين
يا إما ناس تستشهد هناك .. و طبعاً مش هيأثروا لأنهم هيروحوا يموتوا بس مش هيعملوا تأثير
كدة آه مات شهيد لكن غيره م استفادش
فلسطين لسة محتلة .. لكن إحداث الخلل البسيط لما يتكرر يولد انفجار

النوع التاني اللي فاكر نفسه صلاح الدين بيتكلم بحماسة و ده مش شئ وحش
لكن صلاح الدين مكانش في بيتهم بيضرب جيل و نازل علشان يشتري سي دي تامر !
أنا مش ضد الجيل لكن ضد تامر !

لأ بجد ... الفكرة في إن مش مهم بتحط جيل في راسك ولا لأ .. لكن المهم جوة راسك في إيه ؟

شوية و هنزل خبر مفرح وحاجة كنت ناوي أنزلها هنا علشان الناس تعرف
إن مش الفلسطينين بيدافعوا عن أرضهم و إحنا اللي مفروض مننا لو مش هنحارب معاهم يبقى نساعدهم بالمال والعلم منفضين !
ده هما كمان اللي عملوا حكاية الاختراعات دي رغم كل اللي هما فيه
حتى لو اخترعوا جيل ... مش عيب . العيب إنك تشتري سي دي تامر !

رابع سبب : موضوع إننا عايزين لما ندعي النهاردة يا رب حرر فلسطين بكرة نصحى نلاقي اسرائيل اختفت ! طب إزاي ؟
ممكن ندعي النهاردة و بعد 100 سنة ربنا يستجيب و تتحرر بدعوة شبابنا دلوقتي .. رغم إن اللي بعد 100 سنة ممكن يكونوا أنيل مننا ...
زي م لو حصل دلوقتي إن فلسطين إتحررت يبقى علشان الفلسطينيين صحيوا و اتوحدوا
مش علشان العرب ليهم دخل في الحكاية

خامساً : شكراً أصلاً إنك قرأتي الكلام ده كله لأني قعدت كذا يوم أقرأ و أجمع في الكلام
لكن لما كتبت كتبت و أنا محروق فطلع الموضوع مرة واحدة

سادساً : المخلوق ده عمل كدة لأن باقي المخلوقات مش بتمنعه
هي بعد م ده بيحصل بيقولوا يا حرااام !
لكن احنا مستنيين من اللي خلقه إنه يعاقبه علشان نقول شوفت حكمة ربنا
ربنا مش مستنينا نعرف الناس حكمته ( حاشاه طبعاً )
لكن المفروض إننا نعمل حاجة علشان م نخليش كلب زي ده تاني يعمل كدة أو أقل أو أكتر
إيه هي الحاجة بقى ؟ معرفش و مش مهمتي أعرف
مفروض كل واحد يعرف و يعمل ... لأني أظنه فرض عين مش فرض كفاية و الله أعلم

سابعاً : مش عارف هتكون إيه بعد كل الكلام ده
لكن ممكن تكون شكرأ سابعة إنك استحملتي تقرأي الرد ده كمان

كل ده ده اقل حاجه انى اقرأ الموضوع كامل

انا اول لما فتحت الموضوع من يومين لاقيته طويل قولت ليا عوده

علشان اقراءه على روقان

وفتحت تانى لاقيته طويل اوى وفى لينكات وفيديو كمان

قولت ده عن فلسطين حبيبتى اقل حاجه انى اعرف حاجه عنها مكنتش عارفها

واللى خلانى اقرأ بثقه انى عارفه انه مواضيعك دائما ما تحتوى على الجديد النافع

ربنا يكرمك ويعز بينا جميعا الامه

" أول م لقيته طويل قلت مش هقراه " Very Happy

" و أول م لقيته طويل أوي و فيه لينكات و فيديو كمان "

قلت و مش هكمل على المنتدى كمان .. هسيبهولك تنزل فيه مواضيع براحتك
( محتاجين الراجل اللي بيقع من الضحك جداً هنا ) Razz

ربنا يكرمك .. وشكراً فوق البيعة

جزاكِ الله خيراً و نفع بنا و بكم إن شاء الله

اللهم آميين ,,أنا لم أكن قد رأيت الشكر الروز

جزاك الله خيراً

و إياكم ... أهم حاجة الشكر الأحمر
لأنه فيه كلام كبير ... مش مجرد عن الشكر

على العموم ربنا يكرمك