النجاح

لأ موضوع حلو الصراحة

شكراً عليه فيه جمل حلوة الصراحة

بس دي بقى ممكن نعكسها

العواصف الشديدة تحطم الأشجار الضخمة ..ولكنها لا تؤثر في العيدان الخضراء التي تنحني لهاونخليها

العواصف الشديدة تحطم العيدان الخضراء التي تنحني لها..ولكنها لا تؤثر في الأشجار الضخمة الثابتة
أظن المعنى هيتغير وده المنطقي أكتر

رأي ليس أكثر

ههههههههههههههههه رأيك مقبول طبعا يا عم يا خبر ابيض
لكن

الحقيقه غير كده خالص يا سمير

الحقيقه ان فعلا الاشجار الضخمه العواصف بتخليها تسقط واحيانا تقتلعها من الارض

كان حصل حاجه زى عاصفه فى البلد
النخل وشجر الكافور الضخم وقعوا او مالوا على الارض
وسبحان الله البوص اللى بيميل للريح مجرالوش حاجه


ده الواقع

اما المقصود يا سمير

مش الزل والانكسار واظن ان ده اللى انت فهمته والا كنت هبقى معاك فى الرأى


ولكن

لازم الانسان يعرف حجمه كويس ورحم الله امرىء عرف قدر نفسه
يعنى مش اقف امام حاجه انا مش قدها وهتقضى عليا وبرده اصمم
طيب مانا هموت ايه الشجاعه فى كده

طيب ما انا احاول اعديها وانجو منها
واخطط لها كويس وبتفكيرى انتصر عليها بالعقل

الانسان لو واجه اسد لازم يهرب منه لأنه مش قده
بس يقدر بعدها يصطاده بمسدس مثلا بكل بساطه

وسيبك يا عم
كل سنه وانت طيب


موضوع جميل يا فداء

عجبتنى دى أوى

*تعلم قول لا أدري فإنك إن قلت لا أدري علموك حتى تدري ...

وإن قلت أدري سألوك حتى لا تدري .


بس متعرفيش ليه ابتعد عن الصامت

هو اصلا الناس الصامته دى ممله
بس ليه ابتعد خالص

وشكرااااااااااااااااااااااا

بص يا معلم
أنا عارف المقولة دي أصلاً من الأول

أحياناً عليك أن تنحني للعاصفة في لا تقتلعك في طريقها
أو حاجة شبه كدة
دي في حاجات و حاجات طبعاً
لكن موضوع إني أرضى بوضع حالي .. الله أعلم
التنازل في البداية بيكون صعب أوي لكن صعوبته مش بتبان غير في الآخر
لو كان بذكاء وليس مترتب عليه قيود مستقبلية ممكن
لكن لو كان هيضعف موقفي مش يقويه يبقى بلاش منه أحسن

لكن برضه يقال : من المؤسف أن تنحني لذل العاصفه كي لا تقتلعك من مكانك الذي تحرص على بقائك فيه

الخلاصة إني قصدي لو مكنتش لسة وصلت لدرجة إنك تكون شجرة ضخمة تقف أدام العاصفة " اللي مش هتقتلعك " - و أنا متمسك بده رغم اللي انت قولته - يبقى هتخليك عود أخضر طول حياتك

و من الحكمة إنك تعرف إمتى تكون شجرة وإمتى تكون عود

اقعد قول " أنا شجرة " [ندعوك للتسجيل في المنتدى أو التعريف بنفسك لمعاينة هذه الصورة]
لأ فعلاً انا بتكلم جد
أنا بفضل المقولات الثابتة اللي محدش يقول رأي فيها
لكن فيه حاجات ممكن تعكسها أو تغيرها تدي معنى تاني
أو حاجة تتفهم بمعنيين

ع العموم بحب النقاش والاستفادة من الجميع طبعاً

و متشكرين تاني يا فداء ع الموضوع ده [ندعوك للتسجيل في المنتدى أو التعريف بنفسك لمعاينة هذه الصورة]

فداءً لتراب القدس كتب:

*العواصف الشديدة تحطم الأشجار الضخمة ..ولكنها لا تؤثر في العيدان الخضراء التي تنحني لها.


دى فعلا صح
الاستقرار مع القابلية للتغير
حبة جيولوجيا [ندعوك للتسجيل في المنتدى أو التعريف بنفسك لمعاينة هذه الصورة]
لكن لو العيدان دى قالت...لا مش انا الى انحنى لحد.......
لكان مصيرها الازالة
يعنى لازم نكون لدينا مرونة فى تقبل الاشياء الى بنقابلها
وده رايى المتواضع




تفكر في المفقود .. حتى لا تفقد الموجود .
ودى عجبانى اوى

تسلم ايدك يا فداء موضوع جميل
[ندعوك للتسجيل في المنتدى أو التعريف بنفسك لمعاينة هذه الصورة]

إيه ؟ إيه ؟ ... كلكوا حليا ولا إيه ؟ [ندعوك للتسجيل في المنتدى أو التعريف بنفسك لمعاينة هذه الصورة]

مي و كوتامية متفقين و طبعاً فداء بما إنها هي صاحبة الموضوع و عاجبها الجملة كدة
و مش بترد كمان ؟!
لأ بقى أنا مُصمم .. ومُصر [ندعوك للتسجيل في المنتدى أو التعريف بنفسك لمعاينة هذه الصورة]

لأ بجد ... انا قصدي إنها وجهات نظر
طبعاً كلام كوتامية مهم أوي بالذات الدليل اللي قاله إن شافه بعينه دي مهمة جداً وتثبت صحة المقولة .. لكن أنا مقولتش إنها غلط أنا شايفها بوجهة نظر تانية هقولها دلوقتي

و طبعاً كلام مي جامد جداً
و شغل علماء كبار [ندعوك للتسجيل في المنتدى أو التعريف بنفسك لمعاينة هذه الصورة]
و أنا معاكي في فكرة المرونة ... لكن نقدر نفرق بين المرونة والتنازل ؟

مثال على المقولة الأصلية ":
إن مثلاً / كلنا مش بنحب أمريكا والحركات اللي بتعملها من إنها عاملة زعيمة العالم
أو حتى لو كان ده صح بالعلم والفلوس و الحاجات دي اللي عندهم
لكن مش عاجبنا التدخل اللي بتمارسه في كل دول العالم... اللي ملهاش فيه بتدخل فيه
عايزة تعمل فيها مصلح في كل بلد . اليمن و العراق وكله ... وسايبيين فلسطين لإسرائيل
هل بعد كل ده مفروض نحب امريكا ؟
قولتولي لأ ..
طب لو حد جاتله فرصة بجد يتعلم أو يشتغل هناك ؟ من غير تنازلات طبعاً وحاجة محترمة
لكن هنرفض ليه ؟ فين المرونة ؟
و لما هنوافق يبقى بنطبق المقولة
" انحني للعاصفة لو لسة عود أخضر لحد م تبقى شجرة ضخمة "
طيب فين العاصفة أصلاً ؟
هتقولولي م انت كدة اللي رايح للعاصفة مش هي اللي جايالك أو انت اللي بتختلق الموقف
لكن الموضوع شبه كدة .. ده مجرد مثال

على النقيض لو حاجة أكبر أو فيها تنازل
زي " كامب ديفيد "
واللي حالياً ببحث عنها كل يوم عن كل حاجة علشان ألم بالموضوع كله صح بكل الآراء
إيه اللي يخلينا نعمل معاهدة سلام مع إسرائيل أصلاً و احنا اللي كسبنا في سيناء ؟
يعني هما مغلوبين نروح نقولهم لأ قبل م تمشوا نعمل معاكوا سلام ؟ يا سلام ؟
لأ اللي حصل إن أمريكا كانت هتتدخل و تشترك مع اسرائيل رسمياً
بجانب المساندة الخفية والعلنية في الامدادات والتسهيلات .. كانوا هيحاربوا معاهم
وحجتهم إن الاتحاد السوفيتي كان بيحارب معانا حتى لو بجندي واحد

نقوم نعمل حاجة أذكى
نروح نعمل سلام مع اسرائيل " المهزومة " ونجيب " محايد " أمريكا ؟ ما شاء الله

المنتصر يُلمي شروطه ... مش ينفذ شروط العدو ؟!
( يا عم خليك ناصح و ذكي ... ده لؤم و دهاء ... دي مرونة )


وهنا تأتي الصاعقة ... مبادئ و بنود الزامية لمصر
وقيود على دورها في المنطقة و أن تكون الاتفاقية أهم من الدفاع العربي المشترك

و هو ما أضعف دور مصر في المنطقة .. ومنقدرش نبعت حد يحارب في اي مكان
وخايفيين من اللي بتعمله اسرائيل عند المعابر

إزاي و احنا ( مصر ) نوطي للعاصفة ؟ علشان نتقي شر حرب جديدة ؟
يبقى هنخلينا طول عمرنا في الحرب الباردة اللي احنا فيها دي دلوقتي من ساعة خروج الجنود ( وطبعاً مش خروج كامل عن سيناء ) لحد دلوقتي

وده اللي بيؤكد المقولة اللي اقترحتها ":
" الشجرة الضخمة لا تقتلعها العاصفة "

معلش دخلت في حاجات تانية لكن الموضوع واكل دماغي بقالي كام يوم ببحث ومفيش عندي حاجة غير كامب ديفيد و اللي وراها

* معلش يا فداء لو بوظتلك الموضوع بقى

لو كدة نبقى ننقله في أي حتة تانية ... بس دي كانت وجهة النظر اللي كنت بتكلم فيها
وشكراً

ياااااه ؟ كل ده كلام ؟
الواحد بينسى نفسه والله
معلش مش لاقي حتة تانية أودي فيها الكلام ده
ممكن بكرة أبقى أعمل موضوع و أنقله فيه

[ندعوك للتسجيل في المنتدى أو التعريف بنفسك لمعاينة هذه الصورة] يا فداء

يا ميييوي يا جااامدة (و طبعا يا فدااااااء يا جااامدة ياللى مواضيعك جامدة )

فعلا زى مي ما قالت المقوله دى مقصود بيها المروونة

لو الانسان مرن زى ورقة الشجر هيعيش افضل من ما يبقى عنده تصلب فى رايه

فلازم يبقى الواحد مرن فى تفكيره ..يعرف ان الصح مش صح فى كل الحالات و الغلط مش غلط فى كل الحالات و ان كل حالة ليها حل معين و ان الحاجة الواحدة ممكن يبقى ليها اكتر من حل صح


فدة المقصود بالمقوله دى حسب ما سمعتها بتتشرح قبل كدة .. [ندعوك للتسجيل في المنتدى أو التعريف بنفسك لمعاينة هذه الصورة]


و طبعا الموضوع كلللللللله تحفة و محتاج تعليقات كتييير ان شاء الله

تسلم ايدك يا دودو عليه [ندعوك للتسجيل في المنتدى أو التعريف بنفسك لمعاينة هذه الصورة]

و سلاااااااااام عليييييييييكم و رحمة الله و بركاته

يااه كل ده

يا دى النور يا دى النور <<عايزه انام والشحن خلصان بقى [ندعوك للتسجيل في المنتدى أو التعريف بنفسك لمعاينة هذه الصورة]

انا فرحانه بيكم والله

حنظله وكتاميه (حمد لله على السلامه يا رب السفريه تكون كانت سعيده)

وميويه بتاعه الجيولوجيا اللى اتبخرت من مخى ونودى حبيبتى وجملتها الجامده [ندعوك للتسجيل في المنتدى أو التعريف بنفسك لمعاينة هذه الصورة]

بجد ربنا يكرمكم يارب على ردكم

وسبحان الله كان عندى احساس ان المقوله دى هيتعمل عليها نقاش

انا احساسى ما يكدبش ابدااا [ندعوك للتسجيل في المنتدى أو التعريف بنفسك لمعاينة هذه الصورة]

بصوا انا لما قرات الجمله فهمتها بطريقه كتاميه ومى وندى

وقولت ان اكييد هيبقى فيه وجه نظر مختلفه

وبرضه انا شايفه ان وجه النظر دى صح

لان كل انسان وليه طريقته فى المواجهه

فى اللى بينحنى وخنوع وفى االلى بيقاوم دايما مهما كانت النتايج

وفيه العاقل اللى بينحنى وقت ما يكون ده الصح والافضل ويقاوم وقت ما يكون ده الافضل

واكييد الاخير ده اللى انا بفضله وشايفاه صح

وعجبتنى جدااا جمله مى بتاعه الاستقرار مع القابليه للتغير

انا كنت دايما انسى النقطه دى فى المذاكره وكنت بحفظها حفظ

وافهمها بكل الطرق وبرضه بنساها [ندعوك للتسجيل في المنتدى أو التعريف بنفسك لمعاينة هذه الصورة]


المهم بالنسبه للنقطه بتاعه الصمت اللى كتاميه سال عليها

فانا معاك تماما وقولت نفس الكلام ده وانا بقرأ الموضوع

هو انا شايفه انه احسن حاجه الانسان اللى بيفكر قبل ما يتكلم بيريح وبيستريح اوى

ومفيش مشاكل خاالص يا حنظله الموضوع موضوعك قول اللى انت عايزه

وانا استفدت من الكلام اللى انت كتبته

وتشوقت جدااااا للموضوع

وبعدين ازاى انزل موضوع وانت ترد فيه من غير

ما يفكرك بموضوع تانى انت عايز تنزله [ندعوك للتسجيل في المنتدى أو التعريف بنفسك لمعاينة هذه الصورة]

معلش انا رديت معاك

اقتباس :

وبعدين ازاى انزل موضوع وانت ترد فيه من غير

ما يفكرك بموضوع تانى انت عايز تنزله [ندعوك للتسجيل في المنتدى أو التعريف بنفسك لمعاينة هذه الصورة]

ههه.. متوقعتش كدة خالص .. بس استنى يمكن ... أفكر يمكن كنت هنزل موضوع شبهه
والله لسة قايل لمحمد عادل في موضوع شريف عرفة إنه فكرني بموضوعين مرة واحدة [ندعوك للتسجيل في المنتدى أو التعريف بنفسك لمعاينة هذه الصورة] أصله حاطط مجموعة مواضيع مع بعض
و أعمل إيه . ؟ أصل كمية الحاجات اللي بكون عايز أعملها في الدقيقة أكتر من وقت الدقيقة !!
رجل أعمال بقى .. مش إدارة أعمال وبتاع ؟
بس والله أنا مش بقول الجملة بتاعت فكرني بموضوع دي أكلاشيه
فعلاً بكون عايز أعمل كدة
أصل دي حاجة مرتبطة بيا أنا ... داخلة في التخاطر والإدراك فائق الحس .. أو توارد الأفكار
حالة شبه كدة .. بتحصلي مع الناس اللي ممكن يكون فيه حاجات مشتركة بيني وبينهم
فأي حد عمل حاجة مشتركة قبل كدة بتتكرر معايا و أسبقه أو هو يسبقني في عملها

الموضوع كبير .. وقت تاني بقى ... بس اوعوا حد ينزل موضوع عن الحاجات دي قبلي [ندعوك للتسجيل في المنتدى أو التعريف بنفسك لمعاينة هذه الصورة]

ده ليا أنا ده يا ندى ؟

امتى دلوقتي ؟ ولا أول مرة ساعة جامدة [ندعوك للتسجيل في المنتدى أو التعريف بنفسك لمعاينة هذه الصورة]

أظن كدة لأني قولت أكيد انتي مقرأتيش اللي كتبته واتكملتي من ناحية تانية خالص
و مكانش فيا نفس أكتب كلام تاني بقى

--------

لكن بما اننا بنتكلم عن الجملة التي أثارت النقاش
و ده اللي بحبه أكتر من ( الله موضوع حلو ... شكراً ليك والكلام الأكلاشيه ده )

المهم طالما الموضوع اسمه النجاح
يبقى ليه أكتر من طريقة أكيد مش نفس الطريق لكل شخص
فوجهة نظر بتقول كذا و ناس تانية بتقول كذا
كل واحد ليه طريقته المهم ينجح
لكن النجاح بطرق غير شرعية ليس نجاحاً
و هو ده لُب الجملة إن الجملة ليها إسقاط أصلاً على إسم الموضوع اللي هو النجاح
يعني لو النجاح بالنسبة لي هييجي من ناحية التنازل بما يسمى مرونة فشكراً مش عايزه
زي لو لازم أشتغل مع خالد يوسف علشان أدخل السينما يبقى تولع السينما
ده ميمنعش إنه بيعرف يخرج ودي حاجة تانية
بس الفكرة في إني ناوي إن شاء الله أنجح وأنا واقف زي الشجرة الضخمة ... ويوم م ألاقي شجرة زيي من قبلي بفترة ساعتها هكون عود أخضر ينحني بس لا يعلق فيه من غبار العاصفة
علشان أكبر بسرعة تاني و أبقى شجرة

بمعنى إني حاطط في دماغي الصورة المستقبلية للعود الأخضر وهي الشجرة الضخمة من دلوقتي ( تفكيراً في المستقبل )
كأنه فلاش باك كدة [ندعوك للتسجيل في المنتدى أو التعريف بنفسك لمعاينة هذه الصورة]

معلش مش هلحق ارد و كمان دة لقيت فداء ردت

هو عموما الجملتين صح على حسب الحاله

برضه الشجرة القوية احسن فى حالات و الورقة الصغيرة احسن فى حالات
لو الوضع محتاج مرونة بدون تنازل يبقى الورقة احسن
لو الوضع محتاج موقف صلب و راى مافهوش تغيير و لا يقبل للنقاش الشجرة احسن

يعني لو حد بيقول هنصلى المغرب ركعتين لا يمكن هنقول خلينا عندنا مرونة و نتقبل رأيه
غير لوحاجة فيها اختلاف عادى نتقبل الاراء و نخلى عندنا مرونة

طبعا دى وجهات نظر
وطبعا حسب الموقف
يعنى كل انسان بيشوف الجملة على طريقته او بيشوفها من الجانب المتاح ليه
وطبعا مش كل المواقف ينفع نقدم فبها تنازلات
بس برضه مفيش مانع يكون عندنا تقبل الاشياء بروح حلوة

يا معلم يا معلم
أهو آدي سنو متفقة معايا لأنها مجربة
و دي وجهة نظر للي مجرب تحترم طبعاً
أنا اتضايق من نفسي لما زودت السمعة علشان ميبقاش انحياز لكني كنت متفق مع الكل في رأيه برضه
و زودت مي برضه بس في المشاركة اللي فاتت لأنه بالفعل أستاذة جداً في الكلام اللي كتبته
بس ميمنعش إن وجهة النظر اللي قولتها لو فكرتوا فيها في أكتر من حاجة هتعرفوا إنها جديرة بالملاحظة

عامة الموضوع لو مكانش حلو مكناش اتكلمنا واتناقشنا فيه
و كل ده شكراً لفداء طبعاً

و مستنيين ردك يا سنو إن شاء الله في أقرب وقت بالأدلة والبراهيم [ندعوك للتسجيل في المنتدى أو التعريف بنفسك لمعاينة هذه الصورة]

لأن كوتامية جاب دليل و عجبني الصراحة

انا كنت فاكره ان ردى هيقفل المناقشه
(مش عارفه ليه مع انى والله مش مضايقه منها خاالص)

بس هو احنا كلنا متفقين على راى واحد ان اننا ننحنى وقت ما نحس انه الافضل لينا

ونقاوم وقت ما نحس انه الافضل لينا

ولا انا اللى فهمت غلط ؟؟ [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

كل ده شكراً لفداء طبعاً

لا شكر على واجب والله انا فرحانه جدا

عملت موضوع وعجب احسن اعضاء واتكلموا واتناقشوا ووصل لصفحتين

حاسه انى رجعت لعزى فى المنتدى [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

انا كنت فاكره ان ردى هيقفل المناقشه
(مش عارفه ليه مع انى والله مش مضايقه منها خاالص

افهم من كده انى ردى ملوش لازمه مع العلم انى عارفه انك مش مضايقه

بس لو كده عادى ممكن مردش وكفايه وضحت انا كنت هاتكلم على ايه

اكيد هى متقصدكيش انتى بالكلام ده
يعنى _والله اعلم_ هى بتتكلم على نقاشنا حول النقطة دى بس
وتقصد ان بكلمتها حسمت الموقف وانتهت المنافشة
الراى اللى قدمته الى هو الاوسط المعتدل

فيه حبة مؤيدين لراى معين
فيه حبة تانيين مؤيدين لراى تانى
وبدأت المناقشة
وفداء قدمت الراى الاوسط
بس
----------------------------
وطبعا زى ماقلت ان الاختلاف طبيعى بين الناس
وكل واحد لازم يقول وجهة نظره للاخرين
اما ان يقتنعوا بيها واما لا
----------------------------
وانا عايزة اعرف رايك يا سنو

خلاص
الحمد لله
وصلت وجهة النظر
[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

ملوش لازمه رايى

ازاى بقى ده انتى رايك ده اهم راى هو المنتدى فيه كام سمسمه

يلا يا انسه سمسمه ادخلى بسرعه وقولى رايك مستنياه

ولا ما قولتيش هقفل الموضوع كله هشيله

هعمل فيه اى حاجه

مستنيه رايك يا حبيبتى [ندعوك للتسجيل في المنتدى أو التعريف بنفسك لمعاينة هذه الصورة]


وميرسى يا ميوى على تهدئه الامور [ندعوك للتسجيل في المنتدى أو التعريف بنفسك لمعاينة هذه الصورة]

انا اصلا كنت بأدلع عليكى

عشان اسمع الكلام ده واكيد طبعا كنت هاقول رايى رخامه بقى [ندعوك للتسجيل في المنتدى أو التعريف بنفسك لمعاينة هذه الصورة]

حتى لما مااخدتيش بالك اول مره قلت ادلع اكتر

ربنا يخليكى ليا ياحبيبى انا [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


طيب فين رايك يا فندم