كان في مرة واحد صاحب مزرعة جزر وجانبه واحد صاحب مزرعة ارانب كان كل يوم يجي يلاقى
الارانب اكلت الجزر كله وهكذا كل يوم لحد مل زهق قرر انه يروح مزرعة الارانب وجاب شاكوش
وكسرلهم كل اسنانهم جه تانى يوم الصبح برده لقى الجزر بتاعه حد اكله راح عند الارانب ومسك
واحد منهم وقاله انتوا واديتوه الجزر فين قالوه :عملناه عثير وثربناه
النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى
للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات
جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا
أصفر قام النمر ضربه و قال له انت ودانك طويله كده ليه
مرة واحد رخم اوى وقع في حفرة ، قال احسن
مره واحد فشار قوى بيقول لصاحبه انا كنت ماشى فى الصحره طلع عليا اسد نطيت في
البحر،صاحبه قاله بحر ايه بس اللي فى الصحره، قال لا انا قلت لقيت ابو الهول اتشعلقت فى
رقبته، صاحبه قاله وايه اللي جاب ابو الهول في الصحرا، فقال وانا ماشى فى الصحره طلع عليا
اسد أكلنى.. ارتحت
مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى
واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت
قايلة: هوهو
المرور وقف صعيدي قاله: لوحة السيارة اللي في الامام غير اللي في الخلف
قاله : عادي هوة وشك زي افاك
لعب ريال مدريد ضد فريق صعيدى ،المدرب الصعيدى قال للعيبة سبعة يمسكو رونالدو الباقى
ينتشرو ، الشوط الاول خلص خمسه صفر لريال مدريد جابهم هريدى فى نفسه ، المدرب قالهم
الشوط التانى تسعه يمسكو هريدى والباقى ينتشرو
قامت حرب بين الصعايدة و الفلاحين فإحتمي الصعايدة بالجبال فكل شوية يجي الفلاحين وينادو
من تحت الجبل (ياهريدي ياهريدي)يقوم يطلع لهم واحد اسمه هريدي فيطخوه , فضلو عالحال ده
لغاية ماكبير الصعايده زهق قام نادي الفلاحين (ياهريدي ياهريدي)فقال الكبير (استني انت
ياهريدي --اطلع انت ياعوضين
واحد صعيدي كان بيضرب راسه بالحيط وكأنه نسي شيئا ، فمر به احد اقاربه وسأله مالك يا
هريدي فقال ايوه هريدي
صعيدي إنفرد بالمرمى ، قتل الحارس
مرة واحد صعيدى حب يقوم بدرى حط قنبلة تحت المخدة
صعيدي بيشتغل راعي غنم في السعودية، سألوه أهله: بتشتغل إيه ؟ قال : بفسح المعيز
اتنين صعايدة عاوزين يشربو سجاير ومش معاهم قالو ندخل ميتم بيوزعو سجاير هناك ،
دخلو قعدو جمب واحد فى الصيوان بيدخن
قال الاول : انفاس معدودة
وقال التانى : كلنا لها
رد الراجل : محدش واخد منها حاجة
الموساد قرر أنه يشغل جاسوس صعيدى عنده بعد طول بحث أستقروا على هريدى
راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى ..
فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الداسوس .. هو ساكن فى الدور الرابع
صعيدي في طيارة ، المضيفة سالت اللى جنبو : تشرب ايه يا بيه ؟
رد الراكب : اشرب عصير برتقال يا برتقالة انتى
ثم سالت الصعيدى : وانت ... تشرب ايه يا اخويا
رد الصعيدى : لبن يا جاموسى انتي
صعيدي حب يعمل مفاجأة لزوجته في عيد ميلادها طلقها.
صعيدي بيمشي بالشارع خبطته سياره ....روحه طلعت وهيا طالعه خبطتها طياره
اسف لو عاوزنى اشيلها اشيلها
مصري سافر الهند وشاف هنود شايلين( صعيدي) على اكتافهم
فسأل الصعيدي المصري : هما بيعملوا كده ليه ؟؟!
قال المصري : اصلهم بيعبدوا البقر
واحده بلدياتنا قالت لجوزها قولى كلمه حلوه ق
قال لها بسبوسه
قالت له يا اخى قولى كلمه تهزنى
قال لها مرجيحه
قالت له قولى كلمه احس فيها انى مراتك
قال لها انتى طالق
واحد معدى لقى ناس بتهيص قوى قالولهم فية ايه
قالوله فى واحد بلدياتناعايز ينط من سطح العمارة
قالهم خلاص انا طالعلة...
طلعلة وقاله عايز تنتحر لية...
بلدياتنا قاله اصل انا غبى وكل الناس بتقول علي غبى
راح الراجل قايله هاقولك فزوره لو حلتها ماتبقاش غبى
حاجة اسمها زى شكلها
بلدياتنا : ماخبرش
الراجل:البيضة.. اقولك واحدة تانية
حاجتين اسمهم زى شكلهم
بلدياتنا :ماخبرش
الراجل: بيضتين.. اقولك واحدة تانية بسيطه و سهله
حاجة كبيرة وسودة وبتجيب لبن واسمها جموسة
قال له تلات بيضات
راح الراجل ماسكه وراميه
مرة اثنين بلدياتنابيلعبوا.. شطرنج .....الملك مات بالسكتة القلبية
واحد جاله هبوط الدكتور كتبله على براشوط
دكتور عظام ماشي فى الشارع * الكلاب جريت وراه
واحد صعيدى ركب دماغة داس عيل صغير
واحد بلديتنا كسب 60 مليون دولار إشترى رونالدو
ٍتلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله
قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه
قام الحشاش اللى جوه قعد يدن و يقلد صوت الديك الظابط سابه و راح عالشوال التالت برضه
شاطه برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش
فلخم دخل فندق 5 نجوم كان في فرح وهو كان عايز يروح دوره المياه فبيسأل واحده
في الفرح وهو مكسوف جداًً ... وبيوشوشها في ودنها
فلخم : لو سمحتي التلاوَت منين ؟؟
البنت ضحكت وقالت : قصدك التواليت ؟ .... من الناحيه التانيه
فلخم لف وشوشها في ودنها التانيه : التلاوَت منين؟؟
عملوا مسابقه لتعجيز الكمبيوتر عن اي سؤال
كل ما حد يسأل سؤال عن اي حاجه .. يجاوب عليه الكمبيوتر بالتفصيل في اقل من دقيقه
جه عم ملخفن حط ورقه فيها السؤال بتاعه ...... الكمبيوتر اتحرق وطلع دخان وهباب
الناس قالتله : سؤالك كان ايه ؟؟
ملخفن : جُلت له ابو قردان قبل ما يخلف قردان كان اسمه ايه؟؟؟
واحد سكران فتح التلاجه وبص للجلي ...وجده بيرتعش :قالوه متخفش هاخد عصير
سكران ماسك الفرخة بتاعته .قاعد يضرب فيها يضرب فيها ويقولها: كل يوم بيض بيض مافيش جبنه
مرة واحد بتاع سمك ابنه مات فماشى فى الجنازة يقول: كان صاحى وبيلعب .
محشش سأل واحدة اسمك ايه؟ ردت: أسماء؛ فقال: يعني ما فيش اسم محدد؟!
واحد بيسال صاحبه هو ايه الفرق بين تجارة الحشيش وتجارة عين شمس ؟
قام صاحبه قال تجارة عين شمس 4 سنين انما تجارة الحشيش اقلها 25 سنة
واحد عصبي ضرسه وجعه راح للدكتور وقال له اخلع كل ضروسي وخليه زي
الكـلب لوحده
جماعة محششين قاعدين في خيمة قالوا عايزين كبريت واحد منهم قال أنا
اجيبلكم الكبريت طلع ودخل من الباب الثاني قال شباب ألاقى عندكم
كبريت قالوله استريح لسه باعتين واحد أول ما يرجع نديلك
ندل ابوه طرده اول ما خرج كتب على سور البيت
هنا مقر قيادة حركة طالبان
محشش بيسوق عربية ومعاه أبوه ، أبوه قاله : لف يمين .. المحشش قاله
لف انت انا سايق
___________________________________
صعايده وفلاحين بيحششوا بوكس الامن المركزي كبس عليهم الفلاحين استخبوا في الغيط والصعايده استخبوا في البوكس
اربعة بلدياتنا بيلعبو علي الطريق السريع الي العربيه تخبطه مرتين يطلع بره
مرة واحد بلدياتنا قطع تذكرتين فى الأوتوبيس، سأله الي جنبه ليه قطعت تذكرتين؟ قاله عشان لو
تذكرة ضاعت يبقى معايا واحدة تانية، قال له طب لو التانية ضاعت تعمل إيه قال له طيب ما أنا
معايا الاولانيه
سألوا واحد صعيدي : مين أهم الشمس ولا القمر رد: القمر طبعا, بيطلع ينور لنا بالليل و الدنيا
ضلمة, انما الشمس بتطلع بالنهار و الدنيا نور أصلآ
واحد بلديتنا قاعد في مؤتمر دولي فواحد فرنساوي قام وقال احنا حفرنا تحت برج ايفل و لقينا
اسلاك تليفونات و ده دليل علي ان التليفونات عندنا من 100 سنه فقام واحد ايطالي و قال
احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه فقام واحد
بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه
كان عندنا المحمول
واحد بلديتنا راكب اتوبيس شاف واحده شاورلها شورتله غمزلها غمزتلو قلها انزلي المحطه اللي
جايه نزلت قعد مكانها
واحد راح يغير انبوبة بوتجاز لأمه فبيقولها قبل ما ينزل ادعيلي يا امه قالتله روح يا ابني ربنا يفتحها
في وشك
جلس امريكى مع صعيدي يتكلم عن تقدم بلدة وانهم اول ناس طلعوا القمر فالصعيدي سألة
ولقيتة اية هناك؟ قالة رمل و زلط قالة اهوة دة احنا اللي مطلعينة
جماعه ارهابيين أغبياء حبوا يفرقعوا مدرسه حطوا القنبله فى الدور الاول واستخبوا فى الدور التانى
واحد مسطول اشتغل سواق تاكسي، شاورتله واحده، وقف وسألها "رايحه فين؟" قالتله "المهندسين" قالها "روحي بس ما تتأخريش"
اتنين مساطيل قاعدين قدام مرايا الاول بيقول لصاحبوا مش واجب برده نقوم نسلم ع الجماعه
اللى قاعدين دول قالوا واجب برده ولسه حيقوموا راح التانى قالوا اقعد يا عم اهم جاييين علينا
اهم
مرة اتنين لسة متجوزين جديد وخرجين ومشين على الكورنيش الزوج:شايفة القمر يا قمرايا
الزوجة :شايف النيل يا منيل
واحدة بتقول لجوزها وهما نايمين بالليل قوم يابو حسين احسن في حرامية في البيت قالها لأ
قومي انت لايكونوا ستات
اتنين مساطيل عايزين يهربوا من مستشفى المجانين، قالو نعمل خطه، لو السور طويل نقصره
شويه ونهرب، ولو السور قصير نهرب على طول، راحوا ملقوش سور خالص، قالوا يلا نرجع الخطه
فشلت
مرة 3 تلاميذ اتأخروا عن الحصة الاولى ، و لما وصلوا المدرسة قالتلهم انتوا كنتو فين؟ الأول قال
أنا ضاع منى الخاتم بتاعى، الثانى قال وأنا كنت بدور معاه، فسألت الثالث وأنت كنت فين؟ قلها
كنت دايس عليه!!
مرة واحد سعودي لقي مصباح علاء الدين دعكه طلعله الجني قاله شبيك لبيك تطلب ايه؟ قاله
عاوزك تطلعي كل المصريين بره السعودية قاله الجن ليه بس احنا عملنالك حاجة
توأم بيقول لأخوه التوأم وهو متنرفز إنت كنت فين ياعم أمك حمتنى مرتين
ولد سأل مامته الحامل مشير الى باطنها وقال مين ده يا ماما قالت له اخوك وقال الولد وانت بتحبيه؟ قالت له أيوة فقال لها أمال اكلتيه ليه ؟
ولد بيقول لابيه عايزة2جنية علشان رايحة عند محمدين فقال الاب تاخد جنية وتروح عند محمد
مرة واحد راح للبقال اقاله هات ببريزه حلاوه طحنيه قاله ما فيش قاله ادينى اى حاجه قاله ما
فيش ، قاله يا عم هات اى حاجه، البقال جاب القالب وبيقطع حته علشان يديهاله قالو انت لسه
هتشيل منه
مره واحد اتصل بصاحبه فى التليفون.... ورد عليه ابنه الصغير بصوت واطى: الو بابا فين يا
حبيبى... رد عليه: مشغول يا عمو.... طيب ماما فين: قاله ماما كمان مشغوله. يا عمو.... قاله:
طيب مشغولين فى ايه يا حبيبى... مع البوليس يا عمو.... وبيعمل ايه البوليس عندكم......
اصلى مستخبى منهم وبيدوروا عليا...
مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا
محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا
يوم التلات وهى يوم الخميس
عريس بيقول لعروستة لازم تعرفي ان كلمتي في البيت زي الساعه بصتلو بنظرت غضب...قالها
يعني لا بتقدم ولا بتأخر
سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟
قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال:
أشغل الدفاية بقى وأمري لله
واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود
خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله
قال لهم طالما معاكم البغل ده مافيش خوف عليكم
مرة واحد مسطول راجع البيت متأخر قعد يخبط مراته قالتله ارجع مطرح ماكنت راح شايط صفيحة
الزبالة خبطت في الباب ورجعت قطعت ودنه راح مزعق و مخبط أجمد قالتله برده مش هافتحلك
راح شايط الصفيحة تاني خبطت في الباب و رجعت قطعت ودنه التانية راح مصرخ و قالها افتحي يا
ولية الصفيحة هاتموتنيييييييييييييييييي
مره كل ستات الارض اتجمعو واتفقو علي حاجه هي ان مفيش ولا واحده فيهم هتعمل اي حاجه
في شغل البيت لمده اسبوع ، فات الاسبوع وعملو اجتماع تاني قالت الست الفرنسيه : انا قلت
لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم
مشفتش حاجه , تالت يوم بدأ هو بيعمل شغل البيت قالت الست الهنديه : انا قلت لجوزي مش
هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش
حاجه تالت يوم بدأ يخرجنا بره البيت وناكل بره علشان مش نبهدل البيت قالت الست المصريه : انا
قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني
يوم مشفتش حاجه , تالت يوم بدأت اشوف شويه بعيني الشمال
مرة دكتور دخل عنبر فى سراية المجانين لقى واحد بيضرب نفسة بالشبشب سأل الممرضة
ماله ده ؟ قالت أصله كان بيحب واحدة ومتجوزهاش ..دخل العنبر الى بعده لقى واحد بيخبط
دماغة فى الحيطة قالها وده ماله قالتله اصل ده الى اتجوزها
مره واحده رايحه تشتكي لأمها: يا ماما يا ماما الحقيني..؟ الام: مالك في ايه؟؟! فقالت: كل ما
اعمل الاكل لجوزي ياخده ويرميه للكلب!!! الام: يا حرام والكلب ذنبه ايه بس؟؟!!!
محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش !!
مرو واحد سكران ماشي في الشارع لقى واحد عنده حسنة فوق عينه قالو ياخي عين دي ولا غين
مرة اثنين مساطيل قاعدين على القهوة فواحد بيقول للتانى فيك من يكتم السر ، فقالة فى بير ،
قالة بصراحة محتاج عشرة جنية قام المسطول التانى لافف وشه وقايل ولا كأنى سمعت حاجة
لغز محشش: قطار يمشي 60 كلم في الساعة فكم عصفور في الشجرة اذا كان الببسي ب75
قرش؟
مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش
غريب عليا راح التانى مسكها وبص فيها وقاله إيه يا عم انت مسطول ده انا
الحاجب: مولاي! هناك شخص بالباب يريد ان يخش عليك!
الوالي : (أكلتك أمك) !! دعه عند الباب حتى آمر له بالخشوش.....
