اخترت قسم إيه .. ؟

السلام عليكم ورحمة الله وبركاته

ناس كتير مشتركة في جمعية رسالة في أنشطة مختلفة .. وكل واحد ليه وجهة نظر في القسم اللي مختاره


كل واحد هيخش في الموضوع ده يقولنا هو إختار قسم كذا ... عشان .. أسباب معينة


وممكن يضيف انه ماختارش قسم ... عشان ....

اقتباس :

وممكن يضيف انه ماختارش قسم ... عشان ....

للاسف
مش عارفه كل ما اشترك فى اى نشاط عموما مش فى رساله بس
مش بعمل حاجة و دايما تحصل حاجات تخلينى معرفش اكمل فيه

بصراحه مش لاقيه لنفسى سبب بس يمكن مش بلاقى حد يشجعنى فى نشاط يكون مناسب لشخصيتى

سلاااااااااام علييييييكم و رحمة الله و بركاته

انا اشتركت فى نشاط الصم والبكم بس لسة مابداتش علشان كان موقوف فى رمضان
وهما فعلا اتصلوا بيا علشان اروح اخد المواعيد اللى هاتعلم فيها لغة الاشارة
وانا عاجبنى اوى النشاط دة لانة بيتعامل مع فئة من الناس ربما يكونوا موجودين فى كل مكان وكنت حابة انى اتعرف على الطريقة اللى تخلينى اتعامل معاهم كويس لان وارد جدا انك تقابل حد فى اى مكان عايز يوصل للناس حاجة ومش قادر والناس مش قادرة تفهمة وفى نفس الوقت حسيت انة انسب حاجة بالنسبة للانشطة الباقية لانى كنت افضل انى النشاط بتاعى يكون مختص بناس يعنى يكون التعامل فى ممارسة النشاط مع ناس هما دول وظيفتى يعنى مش مثلا زى نشاط فرز الملابس بتكون وظيفتى مجرد انى افرز هدوم , وعلشان كدة كنت محتارة بين الصم والبكم والمكفوفين والاحتياجات الخاصة والاخ الاكبر وكنت حابة اوى نشاط الاخ الاكبر وكان نفسى اوى اوى اشترك فية بس خوفت من المسئولية ( ياريت حد يشجعنى علية لانى نفسى اخد ثوابة لانة اكيد ثوابة كبير جدا عند ربنا ) اما بالنسبة للاحتياجات الخاصة والمكفوفين انا حسيت انى مش هاقدر اتعامل معاهم لانى بتاثر اوى بيهم
بس يا جماعة ياريت حد يقولى ازاى بتقدروا توفقوا بين الجامعة والجمعية
والسلام عليكم ورحمة الله وبركاتة

اه صح يا فوفه اذاى ؟؟

يمكن هى دى مشكلتى

أعتقد إن الواحد اما بيختار نشاط بيختاره عشان شايف انه مناسب ليه .. وطالما ان ده كان الأساس يبقى هو أكيد إن شاء الله يقدر يتغلب على الصعوبات اللي هتحصله في النشاط ده

بالنسبة للتشجيع ممكن تحاولي تشجعي أصحابك إنهم يشاركوكي في النشاط ده .. أو ممكن تجربي النشاط لوحدك وهناك هتتعرفي على ناس يشجعوكي تكملي في النشاط ده ..

foffa كتب:

انا اشتركت فى نشاط الصم والبكم بس لسة مابداتش علشان كان موقوف فى رمضان
وهما فعلا اتصلوا بيا علشان اروح اخد المواعيد اللى هاتعلم فيها لغة الاشارة
وانا عاجبنى اوى النشاط دة لانة بيتعامل مع فئة من الناس ربما يكونوا موجودين فى كل مكان وكنت حابة انى اتعرف على الطريقة اللى تخلينى اتعامل معاهم كويس لان وارد جدا انك تقابل حد فى اى مكان عايز يوصل للناس حاجة ومش قادر والناس مش قادرة تفهمة وفى نفس الوقت حسيت انة انسب حاجة بالنسبة للانشطة الباقية لانى كنت افضل انى النشاط بتاعى يكون مختص بناس يعنى يكون التعامل فى ممارسة النشاط مع ناس هما دول وظيفتى يعنى مش مثلا زى نشاط فرز الملابس بتكون وظيفتى مجرد انى افرز هدوم , وعلشان كدة كنت محتارة بين الصم والبكم والمكفوفين والاحتياجات الخاصة والاخ الاكبر وكنت حابة اوى نشاط الاخ الاكبر وكان نفسى اوى اوى اشترك فية بس خوفت من المسئولية ( ياريت حد يشجعنى علية لانى نفسى اخد ثوابة لانة اكيد ثوابة كبير جدا عند ربنا ) اما بالنسبة للاحتياجات الخاصة والمكفوفين انا حسيت انى مش هاقدر اتعامل معاهم لانى بتاثر اوى بيهم
بس يا جماعة ياريت حد يقولى ازاى بتقدروا توفقوا بين الجامعة والجمعية
والسلام عليكم ورحمة الله وبركاتة

بالنسبة للتوفيق بين الجامعة والجمعية .. فيه أوقات لمعارض في الجامعة بعد وقت المحاضرات أو قبلها فالواحد بيستغل الوقت اللي بيكون فيه في الجامعة ده بالنسبة للدعاية

أما لو كان نشاط تاني زي الصم والبكم مثلا .. فممكن تخصصي يومين مثلا للجمعية عشان النشاط ده بحيث انه مايأثرش على مواعيد المحاضرات والمذاكرة

Mahmoud Elgohry كتب:

أعتقد إن الواحد اما بيختار نشاط بيختاره عشان شايف انه مناسب ليه .. وطالما ان ده كان الأساس يبقى هو أكيد إن شاء الله يقدر يتغلب على الصعوبات اللي هتحصله في النشاط ده


بالنسبة للتشجيع ممكن تحاولي تشجعي أصحابك إنهم يشاركوكي في النشاط ده .. أو ممكن تجربي النشاط لوحدك وهناك هتتعرفي على ناس يشجعوكي تكملي في النشاط ده ..

المشكله ان الانشطه اللى عاجبانى للاسف محتاجه انسان متفرغ
انا نفسى طول عمرى اعلم حد القراءة و الكتابه لكن نشاط محو الاميه صعب اوى مع الدراسه

و انا عموما صعب انى اخرج كتير

فنفسى الاقى حاجة اقدر اعملها و ان فى البيت

متهيالى مفيش نشاط كدة . صح ؟؟؟؟؟؟؟؟؟

ميزة الانشطة فى رسالة انها بتخلى الواحد يحتك بالجانب العملى ويشوف حاجات مكنتش متوفرة له
بس لاسف هى بتحتاج مجهود ووقت والحمد لله ربنا بيوفق

وانا اختار دعاية ومعارض علشان احتك بالناس واكون وجهه للجمعيه واستفيد واتعلم مهارات عرض وتفاوض يعنى اتعلم تسويق عملى بس على صغير

هو فعلا نشاط محو الأمية محتاج واحد متفرغ .. بس في نفس الوقت فيه أنشطة تانية أسهل ومش بتحتاج وقت كتير

بالنسبة لنشاط ممكن يتعمل في البيت .. هو فيه نشاط

تبع المكفوفين .. انك تاخدي كتاب أو ملزمة يكون فيه مكفوف محتاجها وتكتبيها على الورد في البيت وتبعتيها على ميل تبع رسالة خاص بالمكفوفين

بعد كدة هم بياخدوا ال file ده وبيحولوه لطريقة برايل

وربنا يكرمنا جميعا

اة فعلا نشاط المكفوفين ممكن من البيت وكمان ممكن تاخدى الكتاب وتسجلية بصوتك على شرايط كاسيت هما بيدوهالك وانا كان عاجبنى اوى الحكاية دى لانى بية هاعمل عمل خير وفى نفس الوقت ثقافتى هاتزيد
والسلام عليكم ورحمة الله وبركاتة

طب خلاص اجيب الملازم دى منين او اشترك فيها اذاى

انا الحمد لله سريعه فى الكتابه


ربنا يكرمكوا

سلاااام علييييكم و رحمة الله و بركاته

عادى انتى روحى لمقر نشاط المكفوفين هناك فى الجمعية وقوليلهم وهما هايدوهالك على طول

ميرسى يا فوفه

خلاص ان شاء الله اشوف الموضوع ده

و ربنا يوفقنى و اقدر اساعد

ربنا يكرمكوا و يوفقكوا دايما لعمل الخير

سلاام عليكم و رحمة الله و بركاته

( الدال على الخير كفاعله )

هو ده السبب اللي خلاني اختارت نشاط قسم الدعايا


وكان نفسي اختار قسن الدروس بس المشكلة ان الواحد ملتزم بالإمتحانات

ربنا يعين الجميع وربنا يوفقك يا جوهرى ويوفق الجميع

السلام عليكم ورحمة الله وبركاته

انا بقا اشتركت فكل الاقسام قعدت فتره فتعليم الاطفال

وبعد كدا اتنقلت لقسم المكفوفين وكنت بكتب ملازم ع الكومببوتر

وبعدها بقيت زيارات ومعارض لكن عمرى منزلت معرض ولا عملت فيها حاجه

واشتركت كمان فتره فالورشه الفنيه بس مقعدتش فيها كتير

واشتركت فكورسات الكومبيوتر الى كانوا بيدوهوا

لكن لما جت الاجازه ونزلت تدريب 3 شهور مكنش عندى وقت خالص الاى حاجه

مع انى كنت حباها واويا كان معرفنى على كل البنات الى هناك وكانوا لذاذ جدا وجبيت الشغل

معاهم لكن للاسف التدريب خد كل وقتى ومبقتش اقدر اروح وبقالى فترة كبيره جدا مرحتش

وان شاء الله ويا اروح فاجازه نص السنه الى جيا باذن الله

وعليكم السلام ورحمة الله وبركاته

أول حد ألاقيه إشترك في أنشطة كتير كدة (( اللهم لا حسد يعني )) ههههه


أصلي دايماً بلاقي الناس شغالة تبع نشاط واحد أو نشاطين وانا معاهم برده بصراحة يعني أنا مشترك في دعاية ومشوار الخير والمكفوفين .. والاغلب بيكون للدعاية

بجد حاجة جميلة فعلاً وعايزة وقت

وربنا يعينا في الأجازة ان شاء الله