سؤال سهل جدا جداجداجدا

[/size]عندنا تلات اواني الاول سعته 7 ليتر والتاني سعته 17 لينر والتالت سعته 23 ليتر
وفي بحيرة كده مليانة مياه عايزين نطلع 24 ليتر من البحيرة دي

مع العلم انك ممكن تستخدم نص ايناء ومافيش اي حاجة تقدر تستخدمها تاني


وياريت اللي يجاوب يقول جاوبها في قد ايه من الوقت واستخدم ايه
[size=18]

طب بس انا مش فاهمه يعنى ايه نص اناء ؟؟

انا مرة اخويا حل قدامى واحده شبهها بس مكنش فيها حكاية نص اناء دى

ممكن تقول هى يعنى ايه

SMILE كتب:

هو مش فى اناء سعته 7 ليتر وواحد سعته 17 ليتر يبقى كده 24
ولا انا مش فاهمة السؤال ؟؟؟؟؟؟؟؟؟؟؟؟
ياريت توضح تانى او اكتر من كده

معلش حصل غلط في السؤال بس بلاش 24 ليتر ممكن نخليها 9 ليتر

برافو جدا


بس ماقولتيش حلتيه في قد ايه وواستخدمتي ايه
وكمان في طرق تانية يعني مش الطريقة دي بس

اكيد فى طرق كتييييييييير ودى ميزة الرياضة تتحل بطرق كتير
لو عايزين طرق تانى قولولى وانا احطلكو

وحليتها فى دقيقة تقريبا لانها بصراحة سهلة
وياريت لو عندك حاجة تانى تحطها بس تكون شديدة شوية علشان نفكر اكتر من كده

SMILE كتب:

اكيد فى طرق كتييييييييير ودى ميزة الرياضة تتحل بطرق كتير
لو عايزين طرق تانى قولولى وانا احطلكو

وحليتها فى دقيقة تقريبا لانها بصراحة سهلة
وياريت لو عندك حاجة تانى تحطها بس تكون شديدة شوية علشان نفكر اكتر من كده

انا عن نفسي كنت ادبي على فكرة وحليتها في اقل من تلاتين ثانية لانه كان سؤال اتسالته وكان لازم اجاوبه

انا مكنتش مشغلة الستوب وتش علشان احسبها بالثوانى :10.36:
المرية اللى جاية هعمل حسابى

شكرا علي الفزوره دي لان دي صوره مصغره من فزوره تانيه كانت اكبر و اعقد في الحسابات بس دي يعني مش محتاجه تفكير كبير يعني ولا وقت

mohamed14 كتب:

شكرا علي الفزوره دي لان دي صوره مصغره من فزوره تانيه كانت اكبر و اعقد في الحسابات بس دي يعني مش محتاجه تفكير كبير يعني ولا وقت

مافيش داعي للشكر
بس فين الاجابات

لسه في كام طريقة كده للاجابة وياريت اللي يجاوب يستخدم كل الاواني

نملا الكبير لغايت نصفه هيبقى 11ونص و نحطه جوة التانى لغايت نصه فهيتبقى فى الكبير(11:5-8:5= 3 )
و نكرر العمليه 3 مرات هيبقى عندنا (3 ×3 =9)

ينفع كدة ؟؟؟؟؟

هو اه التوضيح مش باين اوي بس فهمت قصدك وهي صح مع العلم انك هاتستخدمي السبعة ليتر



طيب ها مين كمان من قال انا لسه في طرق تاني

الاول هنملى الاناء الى سعته 23 لغاية نصه يعنى يبقى فيه 11.5
وبعدين نفضى الميه فى الاناء اللى سعته 17 لغاية برضة نصه يعنى هيبقى فيه 8.5
وساعتهل الاناء اللى سعتة 23 هيتفضل فيه 3 ليتر (11.5- 8.5 = 3)
نفضى 3ليتر دول فى الاناء اللى سعته 7 ليتر

معايا لغايه هنا ؟ ولا ؟؟؟؟؟؟؟؟؟؟


وبعدين نملى الاناء اللى سعته 23 لغاية اخره ونفضيه فى الاناء اللى سعته 17 لغاية اخره برضة
يبقى عندنا كدة 6 ليتر فى الاناء اللى سعته 23 (23- 17 = 6)

نحط الميه الى كانت فى الاناء اللى سعته 7 ليتر (3ليتر ) على الميه اللى فى الاناء اللى سعته 23 (6 ليتر )
يبقى كده 9 ليتر ( 3 + 6 = 9) وهو المطلوب

انا عارفة انها لفة طويلة بس استعملت كل الاوانى زى ما انت عايز

توماااااااااااااااااااااااااااااام جدا

بس بصراحة كده في تاني

من الاخر عايزين نخلص البحيرة دي عشان هاننقل في مكان تاني

طيب حنا ممكن نملى الاناء اللى سعته 17
وبعدين نفضيه فى الاناء اللى سعته 23 لغاية نصه يعنى 11.5
يبقى عندنا كده 5.5 ليتر فى الاناء اللى سعته 17 (17 - 11.5 = 5.5 )
وبعدين نملى الاناء اللى سعته 7 ليتر لغاية نصه يعنى 3.5 ليتر
وبعدين نحط الميه اللى فى الاناء اللى سعته 7 على الميه اللى فى الاناء اللى سعته 17 يبقى كده 9 ليتر ( 5.5 + 3.5 = 9 )
دى طريقة صغنتوتة كده على الماشى

ماشي حلوة الطريقة الصغنتوتة دي

طيب عايزين بقى المرادي نستخدم الاواني كاملة بدون استخدام نصف اي ايناء

نملى الاناء اللى سعته 23
وبعدين نفضى منه فى الاناء اللى سعته 7
يبقى عندنا 16 ليتر فى الاناء اللى سعته 23 ( 23 - 7 = 16 )
وبعدين نرمى الميه اللى فى الاناء اللى سعته 7
وبعد كده نملاه تانى من الميه اللى فى الاناء اللى سعته 23
يبقى كده فاضل 9 ليتر فى الاناء اللى سعته 23 (16 - 7 = 9 )

كويس كده ؟

كفاية فعلا وانا بقى اقول على حل

ممكن نملى ال17 وال7 هايبقى 24
ونفضي في 23 هاتبقى ليتر ونفضي ال23 ونفضي الليتر في ال23 ونعمل الموضوع ده تاني هايتبقى 2 ليتر ونملى ال7 ليتر وبكده هايبقى عندنا 9 ليتر برده

وحلولكو كلها ممتازة وتستحق

طيب يالا عايزين فزورة تانية

طيب حاجة تانية بس اسهل ومن غير تريقة
هو سؤال عربي

اذا كان الاسود مسود
والاصفر مصفر

والازرق مزرق

البني و اللبني ممكن نقول عليهم ايه بقى؟؟؟؟

البني

مبني

واللبني

ملبني

امممممممممممممممممممم للاسف حظ سعيد المرة القادمة

برافو يا مها ده انا نمت في النص

اما بالنسبه للبني و اللبني ربنا معاك يا مؤمن