ممكن اعرف ليه كده !!!!!!

انا هأقولك يا جميل


اللي حصل انك عملت الموضوع في القسم اللي خاص بالبنات في المنتدي


وده ممنوع

واصلا ممنوع ان حضرتك او حضرتي او حضرة اي حد يدخل هناك ما عادا البنات

وده من قوانين المنتدي

احنا ممكن نعمل خاصية ان اللي ما يشوفش الاقسام دي غير البنات

بس احنا سايبين الحكاية للضمير

ولعلم حضرتك انا رغم اني رئيس المنتدي وكده

انا عمري م دخلت اي قسم من اقسام البنات

فدي حاجة ما تزعلش


وكل سنة وانت طيب يا جميل

ودايما منور المنتدي

وربنا يكرمك

وانت طيب
بس لو انت واخد بالك كنت لقيت ان الموضوع للبنات بس علشان كده عملته مى المكان المخصص للبنات
و الضمير ماله بالموضوع لانى مش واخد بالى
وكان ممكن تقول كده لو لقيت ليا رد فى كل موضوع فى المكان المخصص للبنات انا مدخلتش اى موضوع تانى ولا رديت على اى حاجه

السلام عليكم

اولا اهلا بيك في منتدي

وتانيا هوا هشام (ياسو ) قالك سبب من اسباب مسح موضوعك

لان حضرتك لو راجعت قوانين المنتدي
مكتوب فيها ممنوع وضع اعلانات تجاريا في منتدي
ومتهيال موضوعك كان اعلان
بغض النظر مشاركتك في ساحه البنات او ولاد مش مهم ده


المهم ان ده مخالف لقوانين المنتدي

وبالتالي تم مسح موضوعك

يا جميل انا ما قصدتش حاجة بحكاية الضمير

انا بتكلم عموما

واهلا بيك

مش ده الموضوع بتاع منتجات ايفون تقريبا
ده انا رديت فيه متهيألى ومخدتش بالى خالص

بص هو فعلا المفروض الصبيان متحطش مواضيع فى قسم البنات
بس انا هقول لحضرتك فكرة مش عارفة هتكون كويسة ولا ايه النظام
هو فى واحد كان بيعمل اعلانات لشغل بتاعه على الجروب بتاعنا
فممكن متهيالى حضرتك تبعت عليه
وبكده هيوصل ان شاء الله لكل الاعضاء البنات لان كلنا مشتركين فى الجروب ده
وكمان الصبيان علشان لو عندهم اخوات بنات
لو حضرتك ماتعرفش الجروب قلنا واحنا نقول لحضرتك عليه

وياريت حضرتك متكونش زعلت بس دى قوانين
وحتى لو حضرتك مكنش فى نيتك انك تشارك فى اى مواضيع
بس فى اعضاء تانية كان ممكن تشارك بعد ما تشوف موضوع حضرتك محطوط فى القسم ده

وياسو فعلا ميقصدش اى حاجة بحكاية الضمير دى
ده هو بجد مبيزعلش حد خالص يعنى

طيب اظن انا كلامي كان واضح وما فيهوش اي حاجة تضايق


بس بما انك ( بلاش حضرتك ) مش عايز تقتنع اني م قصدتش حاجة

فدي وجهة نظرك انت وانت حر بيها


بس اظن كلنا وضحنا اللي حاصل

وان شاء الله هنشوف حكاية الاعلانات دي بعدين

بس ده ما يمنعش انك غلطان في دخولك ساحة البنات

وذلك حسبما تقول القوانين

وان لم تطلع عالقوانين فدي برضه مشكلتك


ويا رب تكون الفكرة وصلت

وللعلم بالشئ

انا اتضايقت منك علشان انا قولتلك كلامي ما قصدتش بيه اي حاجة

بس الظاهر علشان اتكلم بلين شوية في الاول حصل تكذيب منك ليا


وفي النهاية

كله عارف هو بيعمل ايه

والموضوع اتقفل


السلام عليكم

طيب وعلشان ندخل الامتحانات باعصاب هادية


انا فتحت الموضوع تاني

علشان اللي عايز يقول حاجة يقولها


مع العلم ان كلنا هنا اخوات قبل اي شئ

وكلنا بنتكلم مش قاصدين نضايق بعض

ولا حد يقدر يكدب حد


وده اخر كلامي

الاول يعنى ايه اتكلمت بلين
و تانى حاجه ممكن اعرف انا كدبتك فى ايه علشان كلمه ولا حد يقدر يكدب حد

انا قولت اخر كلامي

ونهاية الكلام بقول حصل خير

والموضوع اظنه منتهي وكل واحد عارف هو عمل ايه بالظبط

طيب يا جماعة اهدوا بس

هو يا هشام مكدبكش ولا حاجة
انا اللى اطوعت علشان اوضح كلامك اكتر بس هو مطلبش
وده لان احنا اخوات واصحاب اتمنى مكنش ضايقتك

وبعدين هو لما قال
مكنش يقصد انه يكدبك ولا اى حاجة
هو بس عايز يقول ان كل واحد يخلى باله علشان محدش يقول كلام ويتفهم غلط فالناس تزعل منه
بس مش اكتر

يعنى ايه اتكلمت بلين
هو ميقصدش حاجة وحشة هو قصده ان حضرتك داخل الموضوع من الاول مضايق وبتتكلم بجد اوى
وهشام اخد الموضوع بروح مرحة شوية علشان يفك الجو حتى لما حصل سوء التفاهم
يعنى زى لما قال يا جميل انا ما قصدتش حاجة
فهو بيكلم حضرتك على انكم اصحاب يعنى او اخوات
وهو تخيل انه لما اخد الموضوع بجو مرح حضرتك مصدقتش كلامه او استخفيت بيه فزعل بس مش اكتر

وبعدين يا جماعة احنا كلنا اخوات ومش معقولة هنقف لبعض على الواحدة كده
دى حتى مش من اخلاق المسلمين
احنا المفروض يكون عندنا تسامح وسعة صدر

اتمنى محش يزعل من حد تانى

شكرا يا smile بس انت وضحتى تانى الكلام اللى yaso قاله و مش عاوز يوضح
بس الكلام واضح مش محتاج تجميل من حد

صلو علي النبي يا جماعه واهدو

ويا فيمبير انت ممكن تزلم الاعلان فعلا علي الجروب لغايت بس ما ننظم موضوع الاعلان هنا وليك علينا انت ان شاء الله اول اعلان ينزل
بخصم كمان

وخلاص يا جماعه انتو كلكم مشدودين عشان الامتحانات بس

ربنايستر
وادعولي معاكم

ربنا يكرمك يا مها ويا هبه

على فكره هو مفيش حاجه خالص
بس yaso كل اما يقول خلاص يقول كلمه بعديها و اخر كلمه كانت والموضوع اظنه منتهي وكل واحد عارف هو عمل ايه بالظبط
وانا قولت ان الموضوع اتعمل فى ركن البنات لانه يخص البنات بس
و الاعلان لقبته عادى لان فى اعلانات عن رحلات
مش اكتر ولا اقل
وربنا يكرم الكل مش يا مها ويا هبه بس

هو الاخ شايف نفسة ليه
فمبير كان قصده خير
ولو كان سياتك شايف ان الموضوع بايخ فدى وجهة نظرك ومش من حقك تمسحها

صلوا على النبى يا جماعه و اهدوا

و يا ريت ميبقاش فى زعل
و فعلا ذى ما قالت مها ياسو كان قصده يهزر و دة واضح بس يمكن عشان لسه فامبير مش متعود على اسلوب كل واحد مننا فى المنتدى

هو النت مشكلته ذى دايما ما بقول ان الكلام مش بيبقى واضح فيه دة هزار و لا تريقه و لا ايه

فيا ريت كلكوا متزعلوش من بعض

و كلنا اخوات

و لو حد عايز يعلن عن حاجة يبعت لادارة المنتدى و لو الاعلان عن حاجة كويسه و لهدف كويس هنشوف ان شاء الله اذاى نساعده و نروجهوله

بس يا ريت بس ننظم نفسنا و نهدى و نركز عشان الامتحانات و تبقى قلوبنا صافيه و ندعى لبعض و ربنا يوفقنا كلنا

سلاااااااااااااااااام علييييييكم و رحمة الله و بركاته

عليه الصلاه و السلام
سؤال صغير جداااااا
بتقولوا ان الاعلان ممنوع ماشى مفيش مشاكل بس الكلام يبقى على الكل
فى اعلانين عن رحلتين ممكن اعرف ليه محدش مسحهم !!!!!!

طيب يا جماعة احب اوضح وارغي علشان كده فيه حاجة غلط



الاخ المحترم hurghada diving اللي صدر منه الجملة دي

" هو الاخ شايف نفسة ليه "

احب اقولك اني ممكن اتبع مع حضرتك اسلوب (من تدخل فيما لا يعنيه ، سمع ورأي ما لا يرضيه )

بس الحمد لله ده مش اسلوبي والحمد لله كل الناس تعرفني

بس انا هأنصحك نصيحة مها وهأزود عليها نقطة

حظك انك وقعت معايا انا


اقسملك ان لو حد تاني كان ممكن يقول كلام يضايق حضرتك يا جميل

بس ده مش اسلوبي وانا هأعمل نفسي اني ما شوفتش مشاركتك


اما فامبير

بص يا جميل

اولا علشان تعرف بس

مش انا اللي مسحتلك موضوعك

ولا جيت ناحيته اصلا

ولا عمري شوفته لحد دلوقتي

ولا عمري مسحت مواضيع عالمنتدي


اللي حصل ان شخص من المشرفين هو اللي عمل كده

وهو معاه حق زي ما اتفقنا ان ده مخالف للقوانين

لكن انا علشان خطرك كنت ناوي اتناقش مع باقي الادارة في حكاية الاعلانات

لأن ده حاجة رزق ليك

وانا عن نفسي عمري ما اقف قدام رزق حد

يعني انا كنت معاك كويس جدا

ومن وراك ، من غير ما انت تعرف

لأنه مش شرط اللي يعمل خير يعرف مصر كلها

جيت انت فتحت الموضوع هنا واشتكيت

وده حقك طبعا

جيت رديت عليك ظن بأسلوب لطيف جدا علشان اقفل بيه الموضوع من اول مشاركة

جيت انت بقي مسكتلي علي كلمة عادية

وهي كلمة الضمير

انا هأسأل سؤال

هو مش كل واحد بيتعامل بضميره ولا انا قولت حاجة جديدة عالساحة؟؟

حضرتك فهمتها غلط

اولا دي مش مشكلة حد ان حد يفهمه غلط

ثانيا لو انا غلطان ، اسأل كل الناس انا هأعتذر للي غلطت فيه سواء بقصد ولا لأ

ثالثا حصل واني عتذرت لناس هنا

وممكن تروح تسأل الزعيم ، ولعلمك انا لسه متعرف عالزعيم امبارح الساعة 12 بليل بس

يعني مش هأقولك اسأل حد من الاغلبية اللي يعرفوني هنا ، لا اسأل اللي انا ما كنتش اعرفه

رابعا لو انا غلطت كان اي حد من اخواتي اللي هنا اللي قولتلك اننا هنا كلنا اخوات ، كان جه قالي انت غلطان

ولو حصل كده كنت شوفت اني هأعتذرلك ولا لأ

خامسا لو انا غلطان هأفضل اعتذرلك لحد ما احس ان انا فعلا وفيتك الاعتذار


لكن

انا اختصرت كل الوقت ده بالمشاركة الاولي اللي قولتهالك في الاول

كل ده علشان الطف الجو والموضوع ينتهي من اولها

وانا كنت بتكلم علي حاجة مش انا اللي عملتها

وبعدين انا هأسألك سؤال

فيه حد يبقي عايز يضايقك او يقولك كلمة بايخة وهو اول كلامه يا جميل

انا بجد مش عارف انت عملت كده ليه

بس للمرة المليون حصل خير


وبالنسبة لاعلان الرحلات

احب اقولك

ان الرحلة دي حاجة عامة

يعني نشاط

مش تجارة

ولا بيجي منها ادني ربح


اقسملك بالله ان الرحلة دي اللي ما طلعتش واللي شوفت فيها بلاوي وخناقات وناس ترجع في كلامها ومشاوير في كل مكان وبرد وبهدلة

كل ده علاوة علي اني والله العظيم والله العظيم صارف عليها يجي فوق الـ 50 جنيه من جيبي


وفي الاخر ما طلعتش واللي يعرفني يعرف انا اتبهدلت اد ايه في الحكاية دي

يعني الخلاصة ان الاعلان عن الرحلة دي نشاط جماعي

والموضوع ده كان منتهي من اول مشاركة

وما كانش في اي لازمة لكل الكلام ده

ويا عم لو انا اسلوبي كان بايخ معاك فمعلش استحملني

واديني بتأسفلك اهوه وبقولك ما تزعلش

بس انا استغربت ان كل ده حصل ليه والموضوع ما كانش لازم ليه كل ده

وكفاية اللي انا فيه اليومين دول

وبالنسبة لحكاية الاعلانات

انا برضه هأظبطهالك ان شاء الله بس لما نتكلم احنا الادارة بعد الامتحانات ان شاء الله


وانت يا hurghada diving


ربنا يسامحك يا جميل

وانت حر في رأيك عليا ، بس يا ريت تعمل بنصحيتي

وانا لو متضايق منك ما كنتش نصحتك

ولو مش عايز تسمع نصيحيتي

فاسمع نصيحة رسولك عليه الصلاة والسلام

"الكلمة الطيبة صدقة"

" من كان يؤمن بالله واليوم الاخر فليقل خيرا او ليصمت "



ربنا يكرمنا جميعا ويوفقنا


السلام عليكم

معلش كلمة اخيرة

وده من ضمن مبادئ في الحياة

طول ما انت في الدنيا ما فيش حاجة تزعل عليها ، لان ما فيش حاجة تستاهل

فمانجيش نزعل علي موضوع

تخيل اننا بنتحاسب علي حاجة زي كده

منظرنا وحش جدا بجد

عامل زي اللي مات علشان فريقه دخل فيه جون

يقف قدام ربنا يقوله انا مت علشان دخل فينا جون ، ده انا مت في جون


هههههههههههههه


يللا يا جماعة ربنا يكرمنا ويوفقنا

السلام عليكم

معلش يا جميل افتكرت حاجة


اول مشاركة ليا قولتلك ان الموضوع اتمسح علشان في ساحة البنات

يعني ما جيبتش سيرة الاعلانات دي خالص

وده لأن السبب قولتهولك اني ان شاء الله هأظبط حوار الاعلانات ده


يعني الحمد لله كل كلامي محسوب الحمد لله


وحاجة كمان


انا لو مش مهتم بيك وبموضوعك ، ما كنتش رديت رد تاني بعد اول مشاركة

لكن الحمد لله

ما بحبش حد يزعل مني

حتي لو معرفهوش

لأني زي ما قولتلك

الدنيا مش مستاهلة

وربنا يجازينا خير

الكلام دة بوجهه لفامبير

بجد المفروض بعد كلام ياسو دة متبقاش زعلان
و بجد انت لما هتشارك معانا كتير و هتعرفنا اكيد هتعرف انك المفروض مكنتش تزعل

فحاول تنسىى الموضوع دة و تعتبر نفسك اخونا فى المنتدى و انا متاكدة انك خلال اسبوع بالكتير هتبقوا اصحاب و اخر تمام

بس هى دوشة الامتحاانات و الهم بيخلوا الواحد متعصب و عايز يطلع ضيقه فى اى حاجة


و الاعلانات اللى موجودة دى متوافق عليها من ادارة المنتدى لان باختصار هما اللى حطينها

و لو اى حد كان طلب مننا نحطله اعلان كنا هنحطه و نساعده ان شاء الله
بس طبعا اعلان يكون عن شىء كويس

لاننا مش بنبص للموضوع كنشاط تجارى
احنا بنبصله اذاى نساعد اخونا انه يشتغل

لو حد من برة و عمل اعلان كنا مش هنوافق
لكن زميلنا معانا اكيد هنحب نساعده فى اى شىء فيه خير لان هدف كوميرس هو ان دفعتنا تساعد بعضها

بس ننظم نفنا كل حاجة هتبقى تمام

و بعد لامتحانات كل شىء هيتصلح ان شاء الله

اهلا اهلا اهلا
على فكره انا مبزعلش من اى حد خالص لان مفيش حاجه تستاهل
و الموضوع ملوش دعوه بالرزق خالص لانه لو على الرزق ده بتاع ربنا
والمحل فى الفيوم وانا بنزل الجامعه كل يعنى مره او اتنين فى الاسبوع و بقالى شهر منزلتش
بس انا عملت حاجه حلوه و كنت عاوز كل الناس تعرفها
وكل ده كان علشان اللى مسح الموضوع واللى لسه معرفتوش مسحه كده من غير ما يقول
سبب او حتى يبعت رساله خاصه قبل المسح و اذا انا مكنتش مسحته كان يعمل اللى يعمله
و بعدين يا yaso لو بتحب حاجه اوى اووى اوووى وحصلها حاجه مش هتزعل يعنى
اللي مات علشان فريقه دخل فيه جون
دى مش حاجه وحشه يعنى هو مقتلش نفسه و مضحاش بنفسه علشان الفريق
وعلفكره انا بزعل بس لما الاهلى يخسر دى الحاله الوحيده اللى ممكن ازعل فيها بس الزعل
بيبقى يوم واحد بالكتير علشان التركيز يبقى على الماتش اللى بعده