Happy new year 2008

أولاً كل سنة وانت طيب يا محمد وسنة سعيدة علينا ان شاء الله

ثانياً

أحلى حاجة في 2007 الاهلي اما خد الدوري والكاس والسوبر والعراق اما خد بطولة اسيا يعني حاجة تفرح الشعب العراقي شوية

أسوأ حاجة أما الأهلى خسر بطولة أفريقيا وماراحش اليابان


احلام في 2008 إن العرب علاقتهم ببعض تتحسن اكتر من كدة ويتعاونوا مع بعض اكتر لحل مشاكل فلسطين والعراق

أسوأ يوم في 2007 هو كل يوم راحت مني كل فرصة فيه بكوني الافضل ولم استغل تلك الفرص


اسعد يوم هو كل يوم عملت فيه حاجة جديدة رفعت من قدري امام نفسي اولا ثم امام الاخرين


حلمي الاول في سنة 2008 اني ما اعيدش السنة علشان لو عيدت السنة ، هأضيع باقي احلامي اللي مخططلها من زمان

هلاقيها ضاعت في ثانية وهأخسر احسن واغلي ناس عندي


يللا الحمد لله

واحساسي في 2008

بداية الكوارث وبداية نهاية العالم

والاحساس ده مؤشراته سياسية واقتصادية واجتماعية

وممكن اوضح بالتفصيل القصة

بس حاسس ان لو مذيع جاء ليا وقالي هابي نيو يير زي في فيلم جاءنا البيان التالي

مش هتردد في اني اقوله رد احمد صيام ساعتها


" انت عبيط يالا ولا ايه؟؟ "


وهابي نيو يير فور اووول


بسم الله الرحمن الرحيم

بسم الله نبدأ

شكرا يا جوهري و يا سمايل و و انشاء الله يحقق احلامنا كلنا
و ايه التشاؤم ده يا ياسو خليك متفائل شويه
هو اينعم الظروف كلها ما تشجعش بس خلينا نبص بنظره تفاؤل شويه علشان نقدر ندي و نعمل كويس
بس في الاخر بقول عندك حق
و مستنيين رد الياقيين

كل سنه و انتوا بخير و طيبين و تكون سنه سعيده علينا و على كل المسلمين و احلى من اللى فات ان شاء الله

و بالنسبالى احلى يوم السنه اللى فاتت ايام كتييييييييييرة اوى اوى الحمد لله الحمدلله

و اوحش يوم 4- 7 ( الحمد لله )

اما احلامى
اكيد اهم حاجة رضا ربنا عنى و رضا بابا و ماما و انى اشوف ماما و بابا على خير لانهم وحشوووونى موووت و انى احل ككويس اوى فى الامتاحنات و احقق هدفى و حاجااااات كتييييييييييييييييييييييييييييييييييييييييييييير اوى

يا رب

سلااااااااام علييكم و رحمة الله و بركاته

عمال افكر ايه اللي ممكن يكون مصدر تفاؤل في السنة الجديدة


بسم الله ما شاء الله ما لقيتش حاجة


يللا الحمد لله علي كل شئ


ربنا يكرمكم كلكم وتحققوا كل اللي بتحلموا بيه

happy new year:---:
كل سنة وانتم طيبين وكل اعضاء الجروب بخير
ان شاء الله تكون سنة سعيدة عليكم كلكم.........
وربنا يكرمنا جميعا
احلى يوم فى السنة ..........
يوم ما عملت عمرة دى كانت احلى لحظة فى عمرى واحلى احساس عشتة
وعقبالكم جميعا
ويوم الفلنتين
.كانت سنة حلوة والحمد لله

اوحش يوم يوم النتيجة
والحمد لله على كل شىء
ويارب ننحقق كل الا بنحلم بية
ويارب جمعنى باصحابى على خير طول العمر...............

ومهما كانت الحياة صعبة وفيها مشاكل
"اذا اردت ان تضحك فانظر حولك وابتسم"
"لا ياس مع الحياة ولا حياة مع الياس"
وان شاء الله ربنا يكرمنا فى الامتحانات
مع تمنياتى بالنجاح والتوفيق

ههههههههههههههههههههههه

بجد يا محمود مجدي ضحكتني يا حبي


فكرتني بهاني رمزي وهو بيقول لأمه تعمل ايه في فيلم عايز حقي

لما كان رايح يخطب هند صبري

لو حد قالك اي حاجة قوليله ( ان شاء الله وربنا يتمم بخير والف الف مبروك )

ههههههههههههه


ربنا يكرمك يا حبي

ويكرمنا كلنا

عندك حق يا ياسو زي الفيلم تمام انشاء الله و الف الف مبروك

انا بالنسبه ليا احسن يوم مر عليا السنه اللي فاتت كان يوم 4\11
و اسوأ يوم كان يوم النتيجه برضه لان اليوم ده كان بالنسبه لناس كتير مش كويس

و اتمني في 2008 اني احقق حاجات كتير في دماغي عايز اعملها و ان نص السنه ده يعدي علي خير

اوبااااااا

ليه واشمعني 4/11 ؟؟؟


يا تري ليه؟؟


اعترف يا حبي


يا اما

المكان كله محاصر

SMILE كتب:

mohamed14 كتب:

انا بالنسبه ليا احسن يوم مر عليا السنه اللي فاتت كان يوم 4\11
لييييييييييييييييييه ؟؟؟؟؟؟؟؟؟؟


و ان نص السنه ده يعدي علي خير
:hhhhhhhhhhhh:
استر يا رب

عادي اصل اليوم ده كنت واكل فراخ
و مش هاريحك يا مها

yaso كتب:

اوبااااااا

ليه واشمعني 4/11 ؟؟؟


يا تري ليه؟؟


اعترف يا حبي


يا اما

المكان كله محاصر

حتي انت يا ياسو
كلكوا عليا ولا ايه طيب خليكوا كده بقي متعلقين

يا رااااااااااااااااجل


كل ده علشان الفراخ برضه

ما كلنا ممكن نكون كنا واكلين فراخ اليوم ده


يا تري ايه الخفي في الموضوع ده؟؟ هل كان للحكومة المصرية دور في هذا؟؟

سؤال يطرح نفسه

احمد الجاسم - قناة المنيرة

اعترف بالتهديد احسن ما تعترف بالذوق احسنلك


ها؟؟؟

بسم الله الرحمن الرحيم

هو صحيح محمد 14 هو اللى قالى اشارك فى الموضوع ده بس هو اللى جابه لنفسه

إللى عايز يعرف اشمعنى يوم 4\11 بالذات يرشينى وانا اقوله

محمد عارف كويس ان انا عارف كل حاجة

مش بس كدة ده كمان لو الرشوة كبيرة شوية ممكن اقوله على موضوع نص السنة كمان

نصيحة منى على فكرة الموضوعين دول جامدين قوى

انا نسيت :-

اسعد يوم هو 10\6

اوحش يوم الحمد لله مش فاكر

اتمنى إن شاء الله فى 2008 تكون سنة سعيدة على كل المسلمين وإن ربنا يكرمنا ويبلغنا رمضان القدم ونعتق من النار
واتمنى الزمالك ياخد الكاس و الكاس السوبر مايطلعش من بطولة إفريقيا بسرعة

كل سنه وانتوا طيبين

ويارب السنه الجديده تبقا احسن من الى فاتت

انا مفيش يوم محدد اقدر اقول انوا اسعد يوم

بس بجد السنادى كانت اسعد سنه مرت فحياتى وغيرت فيا حاجات كتير

ويارب السنه الجديده تبقا احلى ان شاء الله

انا بتبرع بكارت شحن 10 فودافون مستخدم قبل كده


بس اعرف ايه الحكاية؟؟

واهي رشوة جائزة برضه

ههههههههههههه

لا يا عم عندى منه كتير
وكمان الموضوع يستاهل اكتر من كدة بكتير
انت مش عارف انت بتتكلم عن ايه , ده execlusive

كان غيرك أشطر يا محمد14

اليوم ده كان أجمل يوم عشان نجح اول عمل خيرى سعيت فيه , وكان السبب فى دخولك رسالة

ولو كنت ناسى افكرك

خيرها فى غيرها واستعد عشان اسيحلك هاهاهاهاهاهاهاهاهاها