اسئله ؟ جاوب. وفضفض

ياريت تاخد وقتك وتفكر كويس قبل ما تجاوب

1_ هل انت تفعل ما تقوله هنا بالمنتدى ؟

الحمد لله بحاااول

لكن بصراحه مش كل حاجة عشان كتير ممكن الانسان يكون عايز ينصح حد بحاجة و الحاجة دى هو نفسه محتاج النصيحه فيها فبينصح صاحبه او الشخص دة و يبقى فى نفس الوقت بينصح نفسه
لكن قد يستجيب صاحبه و هو ما يقدرش

و يبقى كسب فى صاحبه ثواب و مسيره ربنا يهديه هو كمان و يقدر يعمل الحاجة دي


2_ اعتذار تريد ان تقدمه لمن؟
ندى ..

3_ ما ردة فعلك عندما يقول لك حبيبك : أحبك نعم أتزوجك لا ؟
اى بنت عايزة ترضى ربنا و اهلها عنها لا يمكن تتحط فى المواقف دى اساسا

4_ ماذا ستكتب لنا لتعبر عن حياتك التي عشتها الى الان في كلمات قليله ؟
السؤال دة انا جاوبت عليه قبل كدة فى 3 ساعت تقريبا لكن مسحت اجابتى
و مكن اقول اجمالا
حياتى الحمد لله كانت حلوة و بسيطه و جميله
طبعا بيحصل مشاكل بس الحمد لله كل شىء بفضل ربنا بيتحل
متهيالى نجحت فيها فى تحقيق حاجات كتير
و طبعا فشلت فى حاجات بس الانسان عليه يتعلم من فشله و يغيره لنجاح

عادى ذى حياة اى شخص فيها ايام حلوه و ايام و حشه و بنقابل ناس كويسين و ناس وحشن و بننجح و نفشل .. عادى يعنى

بس المهم استغلال سلبيات اللى فات و التعلم منها عشان متتكررش

5_ اذا اردت ان تبكي الان , فعلى من تبكي؟
انا خايفه بعد الموضوع ده يتقال عليا انانيه

بس على نفسى
عشان انا اغلب بكائى بيكون لما تصعب عليا نفسى

او ابكى على اى شخص برىء بيعانى من اى نوع من الظلم

6_ من ستختار ليمسح دموعك ؟

لا انا بمسحهها لنفسى بس بحب ماما او اصحابى على حسب انا مع مين بعيط يطبطب عليا

7_لو خيروك بين حبيبك وبين اعز صديق فمن تختار ؟

اصحابى هما حبايبى و اللى بحبهم بيبقوا اصحابى اكيد

8_ماهو تقييمك لهذا المنتدى بصراحه ؟
بموت فيه
9_ من يسكن قلبك؟
كل الناس و كل شىء جميل
10_ هل تعتقد ان حظك سيئ؟
متهيالى غلط اقول ان حظى سىء لان دة تشاؤم و متهيالى منهى عن التشاؤم فى ديننا و المفروض نتفائل
و كمان ربنا عز و جل بيكتبلنا الخير لاننا الحمد لله مسلمين

و بالنسبه للى فات فالحمد لله ربنا رزقنى بحاجات كتييييييييييييييييير اوى اوى لا تعد و لا تحصى طبعا ولا يمكن اقول جنبها ان حظى سىء

11_ هل تدخل الشات ؟
ابداااااااااااا
و مش ناويه خالص ان شاء الله
12_ هل هزمك حزنك في يوما من الايام

مش فاهمه اوى

اه بتاثر بالحزن طبعا لكن الحمد لله بحاول اتغلب عليه دايما
و الانسان لو قرب من ربنا لا يمكن هيسيطر الحزن عليه لدرجة انه يهزمه اعتقد

و ربنا يهدينى و يقربنى منه و يبعد عننا الحزن

الرسول عليه الصلاة و السلام كان بيستعيذ بربنا من الهم و الحزن


13_ ((مستحيل انساك)) لمن تقولها ؟

كل حبايبى

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟

اى حاجة عدت خلاص يبقى مش هتفيد فيها كلمة يا ريت او (لو)اللى بتفتح عمل الشيطان

بس مش شرط يكون راح بلا عودة

ممكن نحاول نعيده من جديد


15_ (( انت كل شيء بحياتي )) لمن تقولها ؟

مصر بكل اللى فيها بالاضافه لمكه و المدينه و القدس (و معلش حتى اسمها الجبيل كدة عشان بابا هناك )
و المسلمين فى كل حتة


16_ متى اخر مره بكيت؟
دة شىء يومى تقريبا عندى
الحمد لله
17_ اي الدول تتمنى ان تزورها ؟
مكة \ المدينه \ القدس

18_هل انت راضي عن نفسك ؟
مش اوى
19_بماذا تقر وتعترف أمامنا الان ؟
اشهد ان لا اله الا الله و ان محمدا رسول الله
عليه الصلاة و السلام
20_ اغمض عينيك دقيقه لو سمحت, ماذا خطر على بالك وانت مغمض العينين ؟
شكل الكتابه اللى على الصفحه هههه

لا و انا بلون الاسئله لقتها دقيقه

طب استنوا دقيقه كدة

زهقت مبحبش اغمضها
هى برضه اناحطيت فى دماغى انى شايفه شاشه الكمبيوتر

21_هل تؤيد الزواج العاطفي ام الزواج التقليدي ؟ ولماذا ؟
عاطفى بس يمشى صح و رسمى من اوله
22_ايهما اهم شهادتك الجامعيه أم الزواج ممن تحب ؟
و ايه العلاقه ما بينهم
23_ هل من الممكن ان تتحول الصداقه الى حب ؟
لازم الصداقه تبقى حب و الا متبقاش صداقه
24_هل تعترف بشيء اسمه الصداقه بين الرجل والمرأة ؟
لا
لا
لا
و مليون لا
واحد وواحده ميعرفوش بعض يبقى اللى بينهم شغل و بس ليس اكثر
25_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
بقصد اكييييييييد لا ان شاء الله
اما دون اى تدخل منى و لكن فقط بسبب وجودى فى الحياة فاحتمال

و ربنا يكرم كل الناس و محدش حياته تتدمر ابدا

26_هل انت مدمن تفكير؟
التفكير انواع ..
تفكير بعقل \ تفكير مالوش لازمة \ و كدة

و27_ من هو اكثر شخص تفكر فيه؟

انا


28_ اذا تم تعيينك ملكا لجميع البلاد العربيه فما اول قرار ستتخذه ؟
خاب قوما ولوا امرهم امرأة

و دة مش عيب بالعكس شىء افتخر بيه انى ليه دور تانى مهم جدا
و كل ميسر لما خلق له

فهشوفلهم قائد كويس يحكمهم كلهم بدالى

30_هل تكره شخص بشده في حياتك ؟

ايوة اكره اى غلط و متكرهش الغلطان
يمكن يوم تبقى انت بداله تكون فى التوبه طمعان
او تايه و محدش دله الصح طريقه اذاااى
ادعيله ربنا يهديه و يغير عمره الجاى

(عارف الاغنيه دى ؟؟)

بيعجبنى الكلام دة اوى
و معمريش كرهت حد الحمد لله و دايما شايفه ان ممكن يبقى فيه امل لان ربنا الهادى
لكن بكره افعال بعض الناس اللى ممكن تخلينى مش طايقه اشوفهم

31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟

مش جاى فى مخى حاجة محدده دلوقتى

32_هل ملابس الشخص امامك تؤثر فيك لتأخذ عنه انطباع ؟؟

نادرا تقريبا
اللى بيفرق معايا اسلوب الكلام و تعبيرات الوجه و العنين بالذات

33_ماالذي يلفت انتباهك بسرعه في الشخص لكي تعجب به ؟
الابتسامه و انى اشوف في عنين الشخص الطيبه
سيماهم على وجوههم
الشخص الكويس ربنا بيخلى وشه منور و الناس بتحبه اول ما تشوفه حتى و ان كان شكله مش حلو

و بعد كدة طبعا الكلام و اسلوب التفكير بيهمنى جدااااااااا جداااااااااااااااا

34_ اذا احببت شخصا في الوقت الخطأ وفي المكان الخطأ فماذا تفعل ؟؟
اتصل ب 090012344566:D
دى فزورة و لا ايه
35_ حكمة تؤمن بها جدا؟؟
هى ايه

(0عسى ان تكرهوا شيئا و هو خير لكم وعسى ان تحبوا شيئا و هو شر لكم و الله يعلم و انتم لا تعلمون )

و كمان عموما ان طول ما هنتوكل على ربنا مش هنضيع ابدا

انا مليش بصراحه فى الجمل المعينه دى

بس يعنى ليه مبادىء معينه اغلبها عشان التفائل و الاطمئنان و توقع الخير ان شاء الله و انى احافظ على حب الناس

بس يعنى مش مثاليه اوى كدة بس دى المبادىء اللى اتمنى اوصللها و دايما افكر نفسى بيها


36_ عاده تفعلها دائما تتمنى ان تتركها ؟

انى لما بتكسف صوتى مبيطلعش او بتقمس دور طفله
و عادات تانيه برضه

37_ ماهو اجمل اسم لولد واجمل اسم لبنت من وجهة نظرك؟
هو لازم واحد وواحد يعنى ؟؟
انا بحب اسماء كتيرة
الولاد احمد - محمد - محمود- مصطفى - مسلم - يوسف - طارق - عمرو - عمر - زياد - هشام - حسام - بلال
و اسامى تانيه كتير
و البنات
نور - ملك - ورد

بس ناويه ان شاء الله اسمى ولادى ان شاء الله احمد و نور غالبا ولو ولد تانى يبقى مسلم لانى عاجبنى الاسم دة اوى لكن عايزة اسمى اسم ابنى الاول ان شاء الله على اسم حبيى سيدنا محمد عليه الصلاة و السلام

38_ ماذا تفعل اول شيء اذا ربحت ملايينا او مليونا عشان مانكون طماعين؟
هعمل مشروع افيد بيه بلدى احل بيه مشكله البطاله
بس يكون مشروع منتج لسلعه احنا محتاجينها بجد او لحاجة نقدر نتميز فيه و نصدرها ان شاء الله

39_ هل انت من لديهم رغبة حب التملك واذا تملك الشيء اصابه الملل منه ؟
اذاى يعنى اكيد دول هدفين متعارضين
عموما انا لما بحب حاجة بنتمى ليها اوى و مبقدرش استغنى عنها ابدا

40 _ مارأيك في صاحب الموضوع بصراحه ؟
اسئلته متتجاوبش
بس اان حلتها الحمد لله برافوا عليا

عندك تانى ؟؟؟


سلااااااااام عليييكم و رحمة الله و بركاته

0 _ مارأيك في صاحب الموضوع بصراحه ؟
اسئلته متتجاوبش
بس اان حلتها الحمد لله برافوا عليا

عندك تانى ؟؟؟


سلااااااااام عليييكم و رحمة الله و بركاته





صاحب الموضوع يا ورد

صاحب الموضوع ياناس

صا حب الموضوع يا خلق هوووووووووووووووووووووه




بهرج طبعا.

شكرااااااا يا ورد على اجاباتك الحلوه اللى كلها انا انا دى

فى ناس تانيه والله
الجيران الصحاب البواب الكهربائى السباك ......الخ


بهرج برده


شكرااااااااااا ع الرد

وانا شفت الاجابه اللى كانت قبل كده
وبجد كانت جميله واستغربت لما اتمسحت
على الرغم انى قريتهم فى ساعه وفوجئت انك مجاوبه على اربع اسئله بس.

ليه مسحتيه؟؟؟؟

كويس ان الواحد يفضفض عن اللى جواه مش عيب.

وشكرا على مرورك

وانا هفكر واجاوب ان كمان

شكراااااااااااااا يا حيحا ع الرد

وانا اكيد هجاوب

اولا شكرا علي الموضوع وعايزة اقول ان الموضوع متجاوب عليه في لعبه ضبط واحضار
دي

(
بس موضوع حلو جدا ربنا يكرمك

kotamya2008 كتب:

0 _ مارأيك في صاحب الموضوع بصراحه ؟
اسئلته متتجاوبش
بس اان حلتها الحمد لله برافوا عليا

عندك تانى ؟؟؟


سلااااااااام عليييكم و رحمة الله و بركاته





صاحب الموضوع يا ورد

صاحب الموضوع ياناس

صا حب الموضوع يا خلق هوووووووووووووووووووووه




بهرج طبعا.

شكرااااااا يا ورد على اجاباتك الحلوه اللى كلها انا انا دى

فى ناس تانيه والله
الجيران الصحاب البواب الكهربائى السباك ......الخ


بهرج برده


شكرااااااااااا ع الرد

وانا شفت الاجابه اللى كانت قبل كده
وبجد كانت جميله واستغربت لما اتمسحت
على الرغم انى قريتهم فى ساعه وفوجئت انك مجاوبه على اربع اسئله بس.

ليه مسحتيه؟؟؟؟

كويس ان الواحد يفضفض عن اللى جواه مش عيب.

وشكرا على مرورك

وانا هفكر واجاوب ان كمان

انت قريته

اصل انا كنت كاتبة ملخص بس طويل طبعا لحياتى

و صح الفضفضه مش غلط

بس انا هنا على النت و معرفش مين اللى هيقراه

فخدت كوبى للمشاركه و مسحتها


و بالنسبه لانا

مش فى كل الاسئله يعنى
هو انا بس عايزة اعتذرلها و امسحلها دموعها و ابكى عشانها

و ربنا يكرمك على الموضوع

و لو فى اسئله تانى هاتها

سلااااااااام عليكم و رحمة الله و بركاته

شكل فى ناس كتير بتجاوب و تمسح

بس ملحقتش اقرا حاجة

1_ هل انت تفعل ما تقوله هنا بالمنتدى ؟ اكيد ان شاء الله لو قلت انى هعمل شىء لازم بكون عارف قبل ما اقولله انى هقدر اعمله وان نصحت حد بشىء فبتكون النصيحه على شىء انا جربته بنفسى وكانت نتيجته ايجابيه يعنى مش معقول اعمل او هعمل شىء انا غير قادر عليه.




2_ اعتذار تريد ان تقدمه لمن؟

3_ ما ردة فعلك عندما يقول لك حبيبك : أحبك نعم أتزوجك لا ؟
يبقى مش حبيبى
واظن انى مش هحط نفسى فى الموقف ده ان شاء الله
لان الانسانه اللى هحبها هتكون الانسانه اللى انا عايز ارتبط بيها رسمى
ومش هقوللها انا بحبك
هقوللها انى عايز اتقدملك

اما اذا كان اامر واقعى وده اللى انا قصدته فى السؤال
ان لو فعلا انت بتحب وحبيبك قاللك الكلام ده
يبقى خلاص مبقاش حبيبى



4_ ماذا ستكتب لنا لتعبر عن حياتك التي عشتها الى الان في كلمات قليله ؟
الحمد لله على كل شىء
حياتى حياه عاديه جدا زى اى انسان
لكن كانت عباره عن مراحل مختلفه

الاول مرحله ولد صغير عايش فى قريه والدى انتقل للقاهره لظروف شغله وكنا فى قريتنا مبسوط بيها بحبها جدا اصحابى هناك واهلى كلهم هناك
وكانت حياتى سعيده جدااا


المرحله التانيه
انتقالنا للجيزه وانا فى مرحله الثانويه العامه

سنه تانيه80%
تالته98%

تجاره علطووووووووول مفيش غيرها
خلاص راحت بقه الهندسه.

بس الحمد لله على كل شىء
وحياتى الحمد لله كل مدى وانا بتعلم حاجات جديده
وشخصيتى بتتغير للافضل كل مدى
عندى اصحاب اكتر من الاخوات
ربنا يخليلى والدى ووالدتى
واختينى الصغيرين


5_ اذا اردت ان تبكي الان , فعلى من تبكي؟

6_ من ستختار ليمسح دموعك ؟رااااااااااااااح خلاص اللى ممكن يمسح دموعى.

7_لو خيروك بين حبيبك وبين اعز صديق فمن تختار ؟مقدرش افرط فى حد فيهم

8_ماهو تقييمك لهذا المنتدى بصراحه ؟منتدى جميل جدا يضم اعضاء فى منتهى الاحترام والاخلاق والتدين والعقليات اللى بجد بحترمها جدا وبستفيد كتير من ساعه دخولى هنا لكن ممكن يكون افضل كمان

9_ من يسكن قلبك؟

10_ هل تعتقد ان حظك سيئ؟لا الحمد لله حظى كويس

11_ هل تدخل الشات ؟هو الماسنجر بتاع الياهو وبس

12_ هل هزمك حزنك في يوما من الايام؟اه كان حزن بجد كبير عليا فى الوقت ده مقدرتش اتحمله بس الحمد لله اتغلبت عليه مع الوقت.

13_ ((مستحيل انساك)) لمن تقولها ؟ صاحبى الله يرحمه مكنش مجرد صاحب.

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟ على كل شىء وكل حلم كنت بتمناه ومحصلش نصيب
ولعله خير وقدر الله وماشاء فعل

15_ (( انت كل شيء بحياتي )) لمن تقولها ؟

16_ متى اخر مره بكيت؟

17_ اي الدول تتمنى ان تزورها ؟السعوديه

18_هل انت راضي عن نفسك ؟الى حد ما لكن لسه كتيييير عشان ارضى عنها

19_بماذا تقر وتعترف أمامنا الان ؟

20_ اغمض عينيك دقيقه لو سمحت, ماذا خطر على بالك وانت مغمض العينين ؟
خطر على بالى ان نعمه البصر دى غاليه اوى ولا تقدر بثمن واننها نعمه غاليه اوى

21_هل تؤيد الزواج العاطفي ام الزواج التقليدي ؟ ولماذا ؟العاطفى طبعا لان اجمل شىء انى ارتبط بالانسانه اللى بحبها واللى اخترتها

22_ايهما اهم شهادتك الجامعيه أم الزواج ممن تحب ؟ الاتنين مهمين جداااااااااا
لا غنى عن اى واحده منهم

23_ هل من الممكن ان تتحول الصداقه الى حب ؟ممكن طبعا والعكس لا

24_هل تعترف بشيء اسمه الصداقه بين الرجل والمرأة ؟

25_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟ اه حصل فى الاخيره لكن كان لازم والا كنت هضره اكتر او كنت هضحك عليه

26_هل انت مدمن تفكير؟ اه بفكر كتير ممكن معرفش انام من كتر التفكير وكتير ده بيحصل لكن انا فيا ميزه
انى لما بحب اكبر دماغى بكبر دماغى

27_ من هو اكثر شخص تفكر فيه؟

28_ اذا تم تعيينك ملكا لجميع البلاد العربيه فما اول قرار ستتخذه ؟

30_هل تكره شخص بشده في حياتك ؟

31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟

32_هل ملابس الشخص امامك تؤثر فيك لتأخذ عنه انطباع ؟؟ لا خالص

33_ماالذي يلفت انتباهك بسرعه في الشخص لكي تعجب به ؟الطيبه والالتزام وحسن التصرف والابتسامه والصوت الهادى وفى ناس كده بيكون فى وشها نور من عند ربنا

34_ اذا احببت شخصا في الوقت الخطأ وفي المكان الخطأ فماذا تفعل ؟؟

35_ حكمة تؤمن بها جدا؟؟

36_ عاده تفعلها دائما تتمنى ان تتركها ؟

37_ ماهو اجمل اسم لولد واجمل اسم لبنت من وجهة نظرك؟اجمل اسم بنت
ندى ملك نور

اجمل اسم ولد

محمد مصطفى يوسف حسن

38_ ماذا تفعل اول شيء اذا ربحت ملايينا او مليونا عشان مانكون طماعين؟

39_ هل انت من لديهم رغبة حب التملك واذا تملك الشيء اصابه الملل منه ؟عندى فعلا حب التملك
لكن المللل فده احيانا مع حاجات اه وحاجات لا

40 _ مارأيك في صاحب الموضوع بصراحه ؟






بقيه الاسئله اللى مجاوبتش عليها
هجاوب عليها بعدين