تخيل انك مدير موارد بشرية

السلام عليكم ورحمة الله و بركاته

انا جاتلى الفكرة دى قولت نذاكر بيها المادر باسلوب حلو تطبيقى و يخلينا لا يمكن ننساها ان شاء الله

و كمان نحبها و نتعلمها كويس

احنا هنعتبر نفسنا فريق عمل فى ادارة الموارد البشريه لشركه

و نبدا ذى ترتيب فصول الكتاب

كل ما ناخد حاجة نطبقها عمليا و نالف مشاكل و نحاول نحلها و كل واحد يقول حاجة و يشرح اللى خدناه فى لكليه بشكل عملى

ايه رايكوووووووووا؟؟؟؟؟؟

يعنى دلوقتى الفصل الاول (بداية شغلنا )

هنشوف المتغيرات التى تؤثر على ادارة الموارد البشريه

دلوقتى عايزين نشوف الشركة بتاعتنا الموارد البشريه اللى احنا محتاجينها ايه بياثر عليها سواء متغيرات من داخل المنظمه او من خارجها

ونشوف كل متغير من المتغيرات بما انه ممكن يكون له تاثير سلب و تاثير ايجابى
نشوف اذاى نستفيد من التاثير الايجابى و نتلاشى السلبى (و دى حاجة جديدة مكانتش فى المحاضرة )
بس عشان نوسع نطاق تفكيرنا و نعيش مع المادة بجد

و كمان لو حد عنده معلومات من برة الدراسه يقولها عشان نفهم اكتر
ها مين هيشتغل معانااااااا ؟؟؟؟؟؟؟؟؟

عايزين شغل جد يا جماعه

ممكن الفكرة تكبر و نقول لدكتور هبه عليها
و نوريها للشركات و نجيب فرص عمل لينا

المهم بس ممكن نشتغل جد ؟؟؟؟؟؟


سلااااام علييييييكم و رحمة الله و بركاته



و ممكن نعتبر الشركة هى المنتدى دة مؤقتا او اى حاجة انتوا تقترحوها

ولو اني مش فاهم حاجة

ومع اني مش بحضر المادة دي غصب عني


بس لما افهم اكيد انا معاكم

و دة ملخص الفصل عشان لو حد ناسيه و دى هى لنقط الرئيسيه لنقاشنا حاليا ان شاء الله :

هناك العديد من المتغيرات التى تؤثر على نظام الموارد البشريه فى المنشاة

و هى تنقسم الى نوعين

-1 متغيرات داخليه :
-------------------------
مثل
1 حجم المنظمه
2 الهيكل التنظيمى
3 فلسفة الادارة العليا
4 الاستيراتيجية العامة للمنظمة


2 متغيرات خارجية ( محلية )
--------------------------------
مثل
العاوامل التعليميه \ الاقتصادية \ القانونيه \ الاجتماعيه \ المنافسه

المتغيرات الخارجية الدوليه
--------------------------
العولمة


و ممكن نفكر و نشوف لو لقنا متغيرات اخرى

اقتباس :

ولو اني مش فاهم حاجة

ومع اني مش بحضر المادة دي غصب عني


بس لما افهم اكيد انا معاكم
_________________

بص ما هى مش محددة اوى لسه
بس هى جت فى مخى و لسه عايزة اعملها فى المشتريات كمان ان شاء الله

بس مبدئيا كدة نبدا فيها و ان شاء الله انا حاسه انها ممكن تكبر و نستفيد منها كتير

و المحاضرات لو مش عندك ممكن ابعتهالك

سلااااااااام عليكم و رحمة الله و بركاته

فكرة حلوة وعملية جداااا

رغم اني مابحضرش المادة دي بس عندي فكرة عن الموارد البشرية وممكن اشارك معاكوا


في اليابان أول ما الموظفين بيدخلوا الشركة بيجي مدير الموارد البشرية ويقولهم سيبوا كل الي في ايدكوا

ويخليهم يعملوا تمرينات تنفس متنوعة زي ..

تنفس تفريغي لو فيه اي طاقة سلبية جواهم تطلع بالتنفس ده ..

تنفس الطاقة القصوى بطريقة مختلفة شوية عن التفريغي عشان يتحمسوا للشغل

ومافيش مانع من تمرينات شد عضلات خفيفة وهما واقفين مكانهم عشان يكونوا نشيطين اكتر للشغل


ودي كانت نبذة من اللي بتعملوا الشركات في اليابان ( اكبر دولة صناعية في العالم ) واللي بتمنى ان الاسلوب ده يتطبق في مصر عشان العامل وهو بيشتغل يبقى فايق جدااا للشغل ومافيش مؤثر خارجي يأثر على ادائه في العمل

فكرة حلوة اوىىىى

انا مرة فكرت احنا ليه فى الكليه ميعملولناش ذى فى المدرسه طابور
بيبقى شىء بينشطنا و يدى حماس شويه
صح الناس هتتريق عليها فى البدايه بس بعد كدة هيحسوا بقيمتها

و شكرا اوى على مشاركتك فى الموضوع

و يا ريت تقولنا كل المعلومات اللى عندك

و احنا ممكن نجبلك المحاضرات
و نعمل تبادل معلومات

بس انا للاسف امبارح فاتتنى المحاضرة
الحمد لله


سلاااااااااااااام عليييييييكم و رحمة الله و بركاته

و بالنسبه للتطبيق على المادة
انا هبدا ان شاء الله بس ممكن يطلع الكلام شبه المحاضرة
بس بافكاركوا و مشاركتكوا ان شاء الله نطلع حاجات جديدة

بسم الله الرحمن الرحيم

انا هعتبر المنظمة اللى انا بديرها هى كلية تجارة جامعه القاهرة

الاول هتكلم عن الادرة بتاعتى نفسها و ايه الحاجت اللى بتاثر عليها

فى حاجات تتعلق بالكليه نفسها بتاثر على حجم و قوة الادارة بتاعتى

منها حجم الكلية

كليتنا حجمها كبير و بيعمل فيها افراد كتييير دكاترة و معيدين و عمال و موظفين
لازم اختارهم بدقه و اخليهم دايما على كفاءة و ادربهم واحافظ على قوة اداءهم و جودة معاملتهم للعملاء ووو ...... كل حاجة يعملوها كويس اوى

عشان كدة هحتاج لادارة موارد بشريه قويه و كبيرة و متخصصه عشان تقدر تدير المورد دة بكفاءة

غير لو احنا كنا ماسكين كافيتريا صغيرة فى الكليه مكناش هنحتاج للمتخصصين فى ادارة الموارد البشريه و كان صاحبها كفايه انه يقوم بعمل ادارة الموارد البشريه و يختار الموظفين و يحدد اجورهم و يقيم اداءهم و كدة




----------------------------

تانى حاجة من جوة كليتنا و بتاثر على ادارتنا

الهيكل التنظيمى

لان كليتنا ملهاش فروع (صح مش كدة ؟؟ )
المهم فاحنا عندنا هيكلنا التنظيمى بيعتمد على المركزيه
و بكدة فاحنا مش هنحتاج ان يكون عندنا عد كبير من العاملين بادرة الموارد البشريه
و ادارتنا هتبقى صغنتوت مقارنة بادارة الموارد البشريه مثلا جامعة القاهرة
و اللى هتبقى ليها فروع كتير فى كل كليه فهيبقى حجمها اكبر عشان هتدير عدد اكبر من الموارد البشريه
و لازم اجيب لكل كلية مدير الموارد البشريه اللى يتناسب معاها و يبقى فاهمها و عرف ظروفهها كويس
و بالذات فرع الخرطوم من جامعة القاهرة لازم اجبله متخصصى ادارة موارد بشريه من السودان عشان يكونوا اكتر قدرة على التعامل مع الشعب هناك

فكل دة بياثر على الادارة بتاعتنا نفسها


--------------------------------------------

كمان فلسفة و قناعة الادارة العليا

لما هيبقى عميد الكليه من قسم ادارة هيبقى اكيد عنده قناعه باهمية ادارة المورد البشرى اللى عندنا كويس
و بالتالى كل الاقسام و الادارات فى كليتنا هيحسوا باهمية ادارتنا
و احنا بحد ذاتنا هنحس باهمية شغلنا

و لما هنحس باهمية الشغلانه بتاعتنا هنحبها وهنبذل كل جهدنا و طاقتنا عشان ننجح فيها

المشكله ان عندنا العاملينفى ادارةالموارد البشريه بيشتغلوا كدة و خلاص و مش حاسين ان ليهم عمل مهم و دور مهم
عندكوا مثلا الموظفه الجديدة دى (نعيش فى الدور بقى شويه )
شفتها بتعيط بسالها ليه قالتلى كان نفسى اشتغل فى وظيفه احس بيها ان ليه دور فى المجتمع
هى للاسف مش حاسه باهمية وظيفتها عشان فى الكليه مهتموش بادراتنا كويس و معندهمش قنااعة باهميتها مع اننا فى الكلية اللى بتطلع لمديرين نفسهم

وعشان كدة هى اداءها منخفض
لان الادء = رغبة × قدرة
و هى فاقدة الرغبه فى العمل

---------------------------------------

كمان الاستيراتيجية العامه و سياسة الكليه ماثرة اوى على ادارتنا

عشان احنا سياستنا بتشتق من السياسه العامة دى

فالمفروض ما دام كليتنا بتبحث عن دكاترة يبقوا على درجة عاليه من الكفاءة لانها بتهتم بجودة الخدمة التعليميه المقدمة

يبقى احنا لازم لما نعينهم نتاكد من كفائتهم و عشان كدة بنختار للى يكونوا معيدين الطلبه المتفوقين حتى لو كنا هنديهم مرتبات عاليه

لاننا هندور على الكفاءة اللى الكلية بحد ذاتها بتدور عليها

غير لو كان مش مهم عندنا الجودة فممكن نجيب اى عامل نشتغل و نديله مرتب صغير لان احنا هنا مش شغالين عل الجودة لكن شغالين على تخفيض التكاليف


و دى كانت لحاجات المتعلقة بكليتنا (المنظمة ) و بتاثر على ادارتنا (ادارة الموارد البشرية )



لو عندى حاجة غلط يا ريت تصححوهالى

و اللى عنده اضافه للجزء دة يا ريت يقولها

و حد يبدا بقى فى التطبيق على العوامل الخارجية و علاقتها بادارة الموارد البشرية


سلااااااااااام عليييكم و رحمة الله و بركاته

اللهم انفعنا بما علمتنا و علمنا ما ينفعنا
اللهم احفظ علينا ما علمتنا و رده الينا عند حاجتنا اليه

اللهم صلى و سلم و بارك على سيدنا محمد و على اله و صحبه و كل من تبعه

من اهم الحاجات اللي عرفتها عن الموارد البشرية :

الأهم من الألة اللي بتشتغل وتنتج لك المنتجات اللي انت عايزها .. الشخص اللي شغال عليها عشان ممكن تكون ألة متطورة جدا وفيها كل حاجة بس العامل اللي شغال عليها مش مرتاح وهو بيشتغل فمايستخدمش الألة كويس

فاحنا محتاجين ان احنا نهتم بالشخص اللي شغال على الألة زي مابنهتم بتطور الألة نفسها

ربنا يكرمك
و صح فعلا احنا للاسف بنهتم بالموارد الماديه اكتر من البشريه مع انها الاهم
و ذى دكتور هبه ما بتقول هى الاله مهمه بس منغير العامل مش هتشتغل و منغير البشر مكانتش اتوجدت اساسا

فالعنصر البشرى الجيد و لو حتى الموارد قليله هيقدر ينتج كويسلانه عنده تفكير و ابداع وتطوير

اما عنصر مادى منغير بشر مشهيتحرك اساسا حتى لو كان فى منتهى القوة وهييجى يوم و يقدم ويبقى مش متطور

و احنا بنشوف بلاد ذى البلاد الخليج عندهم الفلوس و المواد لكن العنصر البشرى مش كفء عشان كدة بيستوردوه لانهم فلوسهم مش هيقدروا يتقدموا بيها لو مفيش حد يديرها و يشغلها صح

وربنا يكرمنا و نكون مورد بشرى كويس لبلدنا و نطورها ان شاء الله مهما كانت الماديات قليله

و هى العناصر المادية عندنا مش قليله لكن مش عارفين نشغلها و نستغلها صح

و كان دكتور عبد الله شحاته بتاع الماليه بيقول ان الفلوس فى مصر كتييييير بس فى سوء استخدام ليها للاسف

و لو شغلناها صح اكيد هنتقدم كتييير ان شاء الله

سلاااااااااام علييكم و رحمة الله و بركاته

بجد برافوووووووووو عليكى

ربنا يكرمك

ولاول مره هتخلينى ازاكر ماده نظرى
اللى عغاده ى بسيبهم لاخر 20 يوم

وفكره جميله جدااااااااااااااااا

وانا هزاكر الفصل الاول كويس عشان اشارك بناء على معرفه
اوك

وبرااااافووووووووووو كمان مره

[quote="ورد"]فكرة حلوة اوىىىى

انا مرة فكرت احنا ليه فى الكليه ميعملولناش ذى فى المدرسه طابور
بيبقى شىء بينشطنا و يدى حماس شويه
صح الناس هتتريق عليها فى البدايه بس بعد كدة هيحسوا بقيمتها


فكرة حلوة بس اعتقد صعب جداااا لو هناخد فرقة واحدة من فرق كلية تجارة

ممكن ينشطوا الاشتراك في الدورات الرياضية


و شكرا اوى على مشاركتك فى الموضوع

و يا ريت تقولنا كل المعلومات اللى عندك

هحاول ان شاء الله


و احنا ممكن نجبلك المحاضرات
و نعمل تبادل معلومات


ياريييييت عشان انا نفسي اعرف المادة دي عاملة ازاي

لو عايزين تمارسوا المادة دي عملي ممكن تشتركوا في المودلز اللي قدام تجارة انجليزي

بيبقى فيه انترفيو في الاول لو عديتوا فيه بتاخدوا كورس في الموارد البشرية مجاناً

اقتباس :

بجد برافوووووووووو عليكى

ربنا يكرمك

ولاول مره هتخلينى ازاكر ماده نظرى
اللى عغاده ى بسيبهم لاخر 20 يوم

وفكره جميله جدااااااااااااااااا

وانا هزاكر الفصل الاول كويس عشان اشارك بناء على معرفه
اوك

وبرااااافووووووووووو كمان مره

ميرسى اوى
و اهلا بيك فى فريق ادارة المواردد البشريه
و مستنيين مشاركتك

اقتباس :

ياريييييت عشان انا نفسي اعرف المادة دي عاملة ازاي

خلاص بكرة ان شاء الله اول ما ارجع من الكليه هدخلهم و ارفعهملك

عايزين تمارسوا المادة دي عملي ممكن تشتركوا في المودلز اللي قدام تجارة انجليزي

اقتباس :

بيبقى فيه انترفيو في الاول لو عديتوا فيه بتاخدوا كورس في الموارد البشرية مجاناً

ميرسى اوى

طب ما تعرفش مواعيده اتى بالظبط ؟؟

سلاااااااام علييييكم و رحمة الله و بركاته

لا مش عارف للأسف

مكمن تروحي هناك وتسأليهم .. هيفيدوكي أكتر

ندى , بجد الفكرة جمييييييييلة جدا , وتشجعنا على اننا نستوعب المادة اكتر ,

وكمان اننا نحولها من مجرد كلام نظرى نذاكره ونحفظه علشان نمتحن وخلاص , لحاجة

عملية نستفيد بيها حاليا , ونفيد بيها فى المستقبل ان شاء الله

وان شاء اشارك معاكم فيها

فى انتظار مشاركتك يا قمر

شكلكوا كدة كلكوا ناويين على محاسبه و محدش عايز يبقى مدير موارد بشريه و لا ايه

طب حتى لو مش عايزين ما تدخلوا و نشارك و نفترض مواقف ذى ما قلنا و اهى هتنفعنا السنه دى برضه و كمان المادة من الحلو فيها انها تفيد اى مجال

احنا كدة اتاخرنا اوى فى الموضوع و المنهج عدى اغلبه

يلا بقى نحاول نرجع الموضوع ده اتنلى انا كنت بفكر اقو للدكتور هبه تدخل تشوف احنا عاملين ايه لانها قالت انها دخلت على اول طلبه حسب اللى فهمته من سياق كلامها و معجبهاش اللى كاتبينه فكنت نفشى نوريها ان فى ناس حلوين

يلا بقى نطور ساحتنا دى عشان تبقى صورة مشرف و نوريهالها

ان شاء الله

سلاااااااام عليييكم و رحمة الله و بركاته

يا ريت
بس أنت قولتى حاجة خوفتنى ان نص المنهج عدة و أنا لسه ما فتحتها

هو عشان الدقه اكتر من نص المنهج كمان عدى

حاول تبدا فيها لان مفيش قبلها غير 3 ايام يعنى لازم تكون مراجع كويس جدااا

لان ةالمراجعه هتكون سريعه جدا ساعتها

ربنا يوفقنا و كلنا نذاكرها بس عايزين نحاول نساعد بعض و نبتكر شويه

أنا قريت الموضوع ده من فتره كبيره بس كنت لسه بدور على مشكله جامده كده
وكمان تكون مواكبه للأحداث مستعده؟
المشكله كالأتي:
إنتي مديرة إدارة موارد بشريه في شركه متوسط أجورها منخفض بالنسبه لأسعار السلع الأستهلاكيه في السوق
وقد طالب العاملين بزيادة أجورهم في شكل إضراب عن العمل لمده مفتوحه
يلا هتعملي إيه بقى بس واحده واحده عشان لسه في معلومات تانيه

هييييييييييييييه

ايوة كدة هنشتغل

الادارة نايمه بقالها شهرين مش لاقيه حاجة تعملها

بس عايزة اخطط شويه و اجى بقى

و كلنا نخطط كمان و نشوف المشكله مع بعض
ما احنا لازم نبقى تيم وورك


ربنا يكرمك على افكاركا الجاممممدة

محدش رد ليه ؟؟؟؟؟؟؟؟؟؟؟

طيب انا مش عارفة اوى

بس اكيد هتفرق اذا كانت الشركة دى قطاع عام او خاص

بس ممكن نقول ان انا هتكلم معاهم واحاول افهمهم ان الضراب ده مش فى مصلحة العمل ككل وان مصلحة العمل هى مصلحتهم
ونبداء نتفاوض

وممكن اعملهم نظام مكافأت وحوافز مرتبط بالعمل
يعنى مثلا يكون مرتبط بالانتاجية كل مايزيد معدل الانتاج او كفاءة الانتاج يكون فيه مكافأت
وده علشان احفهزهم على العمل

بس مش هدى فلوس من غير ما يكون فيه عمل

ولو انا شركة قطاع خاص ممكن بقى فى الحالة دى اناقش معاهم زيادة المرتبات بس فى حدود معينة

معلش كنت هرد امبارح بعد ما فكرت بس نسيت للاسف .. هو يمكن فى تشابه معاكى شويه

انا الاول هشوف هل انا كنت بديهم اجور ضعيفه عشان عايز اقلل التكاليف بتاعتى و احصل على ميزة تنافسيه فىالسوق بان اسعارى تكون اقل لان تكاليفى اقل

و لا انا كشركة مواردى متسمحش عشان انتاجيتى ضعيفه و هما السبب فى دة


فى الحاله الاولى هعملهم اجتماع ودي و اتكلم معاهم و انمى لديهم حب العمل و الشعور بالانتماء للمنظمة و افاجئهم فى النهايه ان مرتباتهم هتزيد بنسبة بسيطه الى جانب مكافات للمتميز فى عمله

----------

الحاله التانيه لو الشركة حالتها متسمحش بزيادة الاجور

برضه هجمعهم و نعمل نفس الاجتماع الودى بس هنتناقش فى ان اجورهم منخفضه بسبب ان احنا كشركة انتاجيتنا مش عاليه و الا كان هيبقى اجورهم اعلى

و اتفق معاهم ان اجورهم هتبقى فى شكل نسبه من ارباح المنشاة

و بكدة هما اللى هيقدروا يحددوا مرتبهم بحسب شغلهم شكله ايه




ها ايه رايكوا

انفع اشتغل فى فريق ادارة الموارد البشريه و لا لسه عايزة تدريب

أعتقد أنك فى الحالة الأولى عملتى الدافع معنوى وفى الحالة التنية خليتى الدافع مادى طب ليه أعتقد أننا ممكن فى الحالتين نحلها بطريقة واحده

وهيا أنا فى البداية يكون الدافع معنوى وفى نهاية كل مرحلة فى المشروع يتم تحقيقها بنجاح يكون فى حافز مادى
لأن مش كل العمال هتتأثر بالعامل المادى لوحده أو المعنوى لوحده بسبب فروق الشخصية الموجودة فيمابين كل فرد والأخر .
ملحوظة :-

تنفعى مديرة موارد بشرية بالحب إلى عندك للناس وأخلاقك العالية ورغبتك فى أنك تكونى عضو فعال فى مجتمتع يخطو بسرعة السلحفاه فى زمن ليس له حدود ويعتمد على السرعة .

SMILE كتب:

محدش رد ليه ؟؟؟؟؟؟؟؟؟؟؟

طيب انا مش عارفة اوى

بس اكيد هتفرق اذا كانت الشركة دى قطاع عام او خاص

بس ممكن نقول ان انا هتكلم معاهم واحاول افهمهم ان الضراب ده مش فى مصلحة العمل ككل وان مصلحة العمل هى مصلحتهم
ونبداء نتفاوض

وممكن اعملهم نظام مكافأت وحوافز مرتبط بالعمل
يعنى مثلا يكون مرتبط بالانتاجية كل مايزيد معدل الانتاج او كفاءة الانتاج يكون فيه مكافأت
وده علشان احفهزهم على العمل

بس مش هدى فلوس من غير ما يكون فيه عمل

ولو انا شركة قطاع خاص ممكن بقى فى الحالة دى اناقش معاهم زيادة المرتبات بس فى حدود معينة

كويس أوي الكلام ده والشركه هنفترض إنها قطاع خاص وبكده يبقى إنتي شايفه إنك هتزودي المرتبات في حدود معينه جميل . بس الزياده دي أكيد طبعا مش الزياده اللي هما محتاجينها أكيد أقل عشان تبقى في إمكانيات الشركه هما ممكن يقبلوا الوضع الجديد ويبقى الإضراب خلص بس إحنا بقى هنفترض إنهم مش عجباهم الزياده دي وعايزين أكتر هتقبلي تزوديهم تاني ولا لأ؟(ممكن تلجأي كمجلس لأستخدام فكرة الثواب والعقاب؟)