الاقناع و الاقتناع ..

السلام عليكم و رحمة الله و بركاته

هو انا اكتشفت حاجة
ان الاقناع بتبقى مشكلته مش فى ان الانسان مقنع و لا لا
قد ما المشكلة ف اللى قدامه بيقتنع و لا لا( بيه )

يعنى ممكن انا اتكلم مع حد و اقنعه و حد تانى مقنعهوش
بس الحد اللى انا اقنعته ميقتنعش بكلام حد غيرى و التانى اللى مقتنعش بيا يقتنع بحد غيري

يعني قصدى العملية معقدة

كل واحد مننا بيقتنع بكلام ناس و ناس لا و يقدر يقنع ناس و ناس لا
و برضه فى اوقات ممكن يقتنع بحاجات و يقدر ينع بحاجات و اوقات تانيه لا

تفتكروا ايه السبب فى كل الكلم دة ؟؟

و هل دة يؤدى لتقليل الحب ما بين الناس و انهم زى ما يكون كدة ياخدوا موقف حاد من بعض ؟؟

اسئلة تطرح نفسها

رايكوا ايه

سلاااااام علييكم و رحمة الله و بركاته

والله هو الكلام ده ممكن بختصر فى نقطة الالتقاء

كل حوار او مناقشة لازم يكون هناك نقطة التقاء او تواصل

لازم يوصل لها الطرفين علشان ما يحصلش اختلاف

وكمان لو الشخص ده حاصل معاه مشكلة قبل كده فالواحد بطبيعته ممكن ما يتقبلش منه كلام مهما قال

لكن فى الدول الاوروبية الواحد هناك بيتعامل على اساس الرأى وحرية التعبير

ديه ثقافة واعتقد انها مش موجودة عند كتير من الناس

وديه وجه نظرى والله اعلم

انا شايفه الانسان قبل ما يتناقش مع اى حد لازم يكون عارفه وعارف مستوى علمه

وده خصوصا لو كانت المناقشه ليها علاقه بالعلم

لان الامام الشافعى قال

انه من الجهل انك تجادل السفهاء

والسفيه ده الانسان الجاهل وفاهم انه انسان عالم وفاهم كل حاجه

لانه اولا جاهل ولانه هيتعبك جداااااااااا فى الكلام

وتانى حاجه انه بيجادل مش بيناقش

وتالت حاجه ان كلامك معاه ممكن يخرجك انت غلطان قدام الناس مع انك انت اللى صح

وفى نَهى كتيرر اوى من الحكماء والعلماء على مناقشه او مجادله السفهاء

دى حاجه والحاجه التانيه

انك قبل ما تدخل فى اى حوار لازم تكون عارف انت هتتناقش ولا هتتجادل

لان النقاش هو انك تتجاذب اطراف الحديث بالادله المقنعه محاولا اقناع شخص بوجهه نظر معينه

ولديك القابليه انه اذا كان هذا الشخص لديه ادله مقنعه اكثر منك واستطاع ان يقنعك فستقتنع

ولن يأخذك الكبر لرفض الصح والنزول عن الخطأ لمجرد ان وجهه نظرك هى الخاطئه !!

اما الجدل بقى فهو انك تكون داخل مناقشه وناوى من قبل اى حاجه خالص

مش هيقنعونى يعنى مش هيقنعونى يا انا يا هما

هو ده الجدل والانسان اللى زى ده احسن له ما يدخلش مناقشات اساسا

لانه ممكن يخسر اللى بيناقشه مش هيكسبه ولا حتى هيقنعه ؟؟

وخصوصا ان الكثير قالوا انك لما تدخل مناقشه مع حد

ما تحسسهوش من طريقه كلامك او توحيله

انك صح وهو غلط وانه ملزم يقتنع برأى حضرتك !!؟

سبقتيني في طرح الموضوع ده


انا لسه متكلم مع حد النهاردة الفجر في الموضوع ده


ولسه من شوية كنت بتكلم مع فريندس فيه برضه عالايميل



وهو ان المشكلة مش في ان الواحد تبقي حجته قوية


ولا أقولكم هأجيبلكم الكلام بالنص من المحادثة ، هي لسه مفتوحة


لا وسبحان الله ، انا مظلل عليها في المحادثة ، لأني قولتها مرتين واخدها كوبي


وادي تالت مرة

"
لسه كنت بتكلم مع واحد امبارح قولتله ، مش مهم ان حجتك تبقي قوية ، اد ما هو مهم ان اللي بيسمع الحجة دي ، عنده استعداد انه يسمعها ويتقبلها ، مش كلام في الهوا وخلاص "


المشكلة بقي دي حلها فين؟

انت ممكن ترغم انسان على انه يسمع

انه يكون اسلوبك حلو ومش ممل وتعرف تدخله من المكان الصح

لكن فيه ناس ترغى وتعيد وتزيد فى الكلام

ده الواحد بيسمع من ناحية ويخرج من التانية

مبدئيا قبل ما اقرا الردود
هكتب ردي عشان متلخبطش

بالنسبه للاقناع فبحس انها ملكه او موهبه مكتسبه

يعني انا لو اخد بالي من اللي بكلمه هعرف ادخل ليه ازاي
مهما كان صعب
وباسلوبي الكويس وعدم استهزائي بيه اوبعدم فاقتناعه في الاول
هيفهمني ويقتنع
بس اكيد مش مع كل الناس
بس علي الاقل الاسلوب ده مش بيخلي في مناقشات حاده
او بتقلل الحب بين الناس
بس

وبعد ما قريتي؟

وبعد ما قرات
رد بورفيسور
موضوع ثقافه وجه نظر ممكنه طبعا لان ثقافات بتختلف بالتالي طريقه بتختلف

ورد فداء حلو جداا وجايبه الادله معاها

وردك
اتعرض عليه
لان الحجه مهمه جدااااااااا
وزي ما قال بروفيسور
ممكن واحد يرغي كتيييير من غير فايده ويكون كلام حلو قوي
بس ولا ياثر
وممكن الواحد يقول كلمتين بس او كلمه حتي بحجه قويه تخلص مناقشه

بس

ونسيت اني عايزة اعمل كشف نظارة بعد ما قريت
وياريت تبقي تكبر الكوبي شويه
عشان كده هحتاج عين مش نظاارة

هههههههههههههههههههههه


حاضر


طيب انا هأنزل موضوع قريب بقالي سنة وشوية بفكر انزله


وشايف انه جه وقته


ووروني بقي اللي انا اتعرضت له ، هتقدروا تردوا عليه ازاي؟


يمكن حد يقول حاجة نتعلم كلنا منها

واحنا مستنين

وانا بحب المواضيع ديه

هو انا عديت علي الردود شريعا يعني ما دققتش فيها اوي

هو انا من رايي ان العامل الاكبر في الموضوع ده بيعتمد علي فن التواصل مع الشخص الي قدامي اكتر من الحجه او قوه موقفي

لان في مواقف كتير بيبقي فيها موقفي اقوي بكتير بس الفكره برضه مش بتوصل او بتوصل بشكل غير مفهوم شويه
او بمعني تاني شايف ان كل واحد ليه مدخله الي ممكن توصله عن طريقه

و لا ايه رايكوا .

أنا فعلاً بتفق مع عزو ... لأن فكرة إن الواحد يقدر يقنع حد ممكن تكون الحكاية كلها في مدخل الكلام ... البداية علشان تقنع حد بتكون أزاي ؟ وأزاي تكسب خطوة من غير م تكون لسة بدأت كلام بمجرد إنك خليته يبدأ يسمع وعنده استعداد يتناقش بس بعد م يوزن كلامك صح ولا غلط ... ده المفروض يكون عند كل الناس

انا رأيي ان القصة كلها في اسلوب وطريقة العرض يعني مثلا كنت في كورس فالليدر قال ان القائد الناجح 7 في المئة كلام 38 في المئة نبرة الصوت 55 في المئة تحركات جسمانية

انت متأكد يا احمد من النسب دي اصل مش مقتنع بيها اوي

المقصود منها مدي اهمية شيء عن شيء

انا استعرضت الردود ورايى ان كلهم فى كلامهم فى جزء من الصحه انا بشوف ان اى شخص علشان يقنع حد لازم هو يكون مقتنع بالفكرة دى ومصدقها تماما علشان يقدر يوصلهاوكمان محتاج ياخد مدخل مناسب للى بيكلمه واسلوب بسيط يوصل للقدامه ولازمهويقتنع انه الناس مختلفه عن بعض يعنى مهما كان كلامه مقنع مش لازم الشخص التانى يقتنع يه ده كمان ان الشخص ده عمرى ماهيقتنع بقكره اللى لما يكون ده قريب من افكاره ومن قيمه الخاصه بيه

كلامك كله تمام يا فاطمة


فكرتيني بموقف حصل امبارح

دخل عليا مندوب خطوط في المحل ، قالي انا مندوب من محل كذا اللي في الحتة الفولانية

قولتله محل ايه؟ راح قالي اسم عجيب كده تاني وكرره ، اللي هو اسم المحل


قولتله يعني ايه بقي اسم المحل بتاعك؟ قالي معرفش

قولتله ازاي ده انت المفروض مندوب عنه

قالي مش مهتم اني اعرف

فواحد زي ده بقي هيقنعني ازاي؟ خصوصا انه رجل مبيعات!!!