سلام عليكم و رحمة الله و بركاته
انا خدت مع المعيد محمد عبد المنعم
شرحه حلو اوى و اسلوبه حلو بيقول السؤال و يتناقش معانا فيه شويه و يخلينا نطلع الاجابه من نفسنا و بعد كدة يملينا الحل و بيقول امثله حلوة و غريبه و دايما المثال الغريب بيعلق فى ذهن الانسان
يعنى كان بيقول مثال ان شركة جهينه نزلت منتج مكس لبن بالخيار
المهم هو ادانا الاسئله دى
صح او غلط
- تعد ادارة الموارد البشريه اداة استيراتيجيه تتبنى فكرا جديدا لادارة العنصر البشرى داخل المنظمة
- على الرغم من اختلاف المفاهيم العديده لادارة الموارد البشريه الا ان هناك تطابق و اتفاق فيما بينها فى المعنى و المضمون
- يمكن النظر الى ادارة الموارد البشريه على انها وظيفه استشاريه تهتم فقط بتحديد اجور و اجازات العاملين
او (السؤال بطريقه تانيه )
يمكن النظر لادارة لموارد البشريه على انها شريك متساوى فى عمليه التخطيط الاستيراتيجى
- لابد من وجود تعاون مشترك بين ادارة المورد البشريه و بين المديرين فى المواقع المختلفه بالمنظمه
- ( يمكن النظر الى الموارد البشريه باعتبارها طريقه جديده للتفكير فى ادارة العنصر البشرى داخل المنظمة )
فى ضوء هذه العبارة وضح :
1 ماهية (المقصود ب) ادارة الموارد البشريه
2 اهمية ادارة الموارد البشرية
- ( اختلفت الاراء على من تقع مسئولية ادارة الموارد البشريه )
وضح بايجاز
- وضح بايجاز الميزة التنافسيه و كيفية اعتماد المنظمات على الموارد البشريه لتحقيق هذه الميزة
او (السؤال بطريقه اخرى )
صح او غلط
يمكن النظر الى الموارد البشريه على انها ميزة تنافسيه فى حد ذاتها لاى منظمة
------------------------------------
و ادانا نصايح للمذاكرة
ان لو فى سؤال فى الامتحان مش عارفينه خالص مش نسيبه فاضى و لاا برضه نالف
لكن نحاول نفتكر المفااهيم العامه للمادة اللى اكيد هنكون عارفينها و نحاول نربط السؤال بيها و نجاوب من خلال الكلام دة
ذى مثلا نربط السؤال بتعريف اادرة الموارد البشريه
و قالنا حاجة مهمه اننا نذاكر الفهرس
بحيث نقدر نربط المنهج ببعضه
و فعلا يا جماعه الحكايه دى حلوة اوى لان الفهرس كمان ساعات بيكون فيه عناوين المواضيع و احنا لو عارفين العناوين و فاكرينها و فاهمين اللى تحتها هنقدر نكتبها فى الامتحانو نكتب تحتها من فهمنا و كدة نقدر نجاوب اجابه منظمه و كامله ان شاء الله
و قال يا ريت بس قبل كل محاضرة نعدى بعنيننا على العناوين اللى فى الكتاب و لو حبينا نقرا جزئيه نقراها عشان هتبقى سهله المحاضرة كدة ان شاء الله
و قالنا نبدا بقى من دلوقتى و فى فرصه وقت كويس يكفى للمذاكرة و نبدا نذاكر مع السكاشن
عشان لو فضينا نفسنا شويه صغيرين ذاكرناهم دلوقتى هيخفف علينا كتير فى الاخر
و يارب نسمع كلامه فى الحكايه دى
و بس كدة تقريبا
سلااااااااام عليييكم و رحمة الله و بركاته
