دعوة للتفاؤل (معندناش متشائمين )

هى كل المشكلة اللى كانت عندك انط كنتى حاطة اللنك غلط يعنى لو فتحتى اللنك بتاعك هتلاقى الفيديو لوحده فى صفحة هتلاقى فوق شمال لنك للاصل بتاع الفيدبو هيفتح لك اليوتيوب على نفس الفيديو بعدها انسخى اللنك بتاعه و حطيه فى مكان اللنك بتاع الفيديو فى المنتدى اللى هو هتلاقيه صورة فيديو لما تكونى بتكتبى موضوع او رد متقدم او اكتبيه مع الكود اللى قال عليه ادمن
مع الشكر
و على فكرة انتى نسيتى السلام فى اخر مشركتك
السلام عليكم و رحمة الله و بركاته

طب م تعلمنا العوم و النبي يا احمد ؟

أنا جربت embad و مرة جت صدفة لكن مش عارف حصل لخبطة برضه ... بس هل لو عملت اللينك كدة بس ينفع ؟

ربنا يسهل لأنها كانت مأزماني أوي الحكاية دي .. ومنعتني كتير إني أنزل موضوعات فيها يوتيوب

ليه بس كدة ؟
اقرأي القصيدة تاني و إن شاء الله تتراجعي في قرارك ده

وبعدين تشاؤم زي تفاؤل كدة

هو درس الهمزة منفعش ولا إيه ؟
خدوا دروس برة بقى لو أنا مش بعرف أشرح

شوفى يا سنو انك ترجعى للتشأوم لا و الف لا الدنيا جميلة و لازم نحبها و لازم نحب نفسنا شوية مش صدى بقى نوصل للغرور و كدة بس لازم كل فترة نقعد مع نفسنا و ندلعها نروقها نفسحها انا عن نفسى ممكن اقولك حياتى اليومين دول عاملة ازاى و هخليكى تعيطى عليا اكيد بس عادى لازم نتعلم نعيشها صح اقعدى مع نفسك و اعرفى ايه اللى بيعجبها و اعمليهولها بس متعوديهاش على كده و بعدين لو حاسة انك متضايقه لوحدك روحى و ادفنى نفسك وسط الناس و الشغل و اصحابك و متركزيش فى اى حاجة لمدة يومين ان شاء الله هبقى تمام و الاستشارة ان شاء الله يوم الخميس عارفه صلاح جاهين بيقول
إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!
و على رأى فودافون عيشى احلى ما فى اللحظة

ماهى المشكله

لما تدفن نفسك وسط الناس ومايقبلوكش

يعنى تعمل ايه لا وحده نافع ولا مشاركه وتفاعل نافع

اعمل ايه اروح فين ياخليفه تعبت

هى فعلا ياحنظله الفرق همزه بس فرق بين السما والارض

بصى بقى يا سنو وايت انا النهاردة بعد ما كتبت لك هنا رحت اجتماع لنموذج كنت فيه السنة اللى فاتت و افاجأ و انا داخل ان اعز صاحب ليا قاعد هناك و الناس بتعرفنا على بعض و بتقدم كل واحد للتانى يعنى هو على الاقل عارف انه معاهم من اكتر من اسبوع و انا معاه على طول و هو عارف انى كنت معاهم لمدة سنة و لا جابلى سيرة انا كنت بقول ان الناس مش فاهمانى مش مشكلة لكن لما توصل لحد ان ده يكون مش فاهمنى و يعمل كده من غير ما يقولى يبقى فى حاجة غلط دا انا لما اكون رايح مشوار لاى حته اعرف بس انه عدى من جنبها بكلمه و استشيرة و ايأله هو ليه عمل كده مش عارف ربط نفسه بالتزام هو مش عارفه و كرر نفس الشغل اللى هو عمله السنة اللى فاتت فى الكليه عندنا
هو ممتاز فى الحتة دى اللى هو فيها بس كان لازم يسأل و يطور نفسة بدل ما يضيع تعب سنه جاية دون ان يضيف لنفسة الا القليل ال مشكلة ان انا ربنا يعلم انى بحب له الخير يمكن اكتر من نفسى و لما بمنعه انه يعمل حاجة بيكون لمصلحته والله
انا اتمرمط فى النماذج دى قبلة و فاهم كل كبيرة و صغيرة عموما ربنا يكتب له الخير
انا مش عارف انا كتبت كل ده ليه بس كان نفسى افضفض و جت فيكى معلش
نرجع لموضوعنا احكيلك حاجة تانية انا فى كورس كل يوم من شهر و نص لحد الاسبوع الجاى انا كنت مع مجموعة و اتنقلت مجموعة تانية المهم المجموعة الجديدة اللى انا رحتها دى كلهم صحاب قوى و مش قابلين حد جديد انا كنت رحت عندهم انا و واحد تانى هو اخد جنب اما انا لا دا انا رخم اه اخدتها تحدى و اشتغلت عليهم واحد واحد افهم كل واحد دماغة ازاى و ادخل وسطهم ازاى اخدتها تحدى ليا و لقدراتى للتعامل مع الناس و اعتقد انى حققت نجاح فى ده بشكل كبير
فكرى شوية ليه الاخرين مش قابلنى ممكن عشان مش فاهمنى صح ممكن انا اخترت الناس الغلط و بتحصل كتير و بتكون المشكلة انك مش بتكتشفى ده فى وقته المهم مفيش حاجة مش بتنفع تتصلح الناس الغلط ممكن اغيرهم الناس مش فاهمانى اكون زى الميه -فاكرة الموضوع ده- اتعلم ادخل لهم ازاى عشان يفهمونى صح و زى ما انا مش زى ما هم عاوزين يشوفونى و لو موضوع الاصحاب ده مش انفع عندك الشغل و هحكيلك حدوته كنت فى سنه تانيه و عارفه انتى بقى امور الاطفال والكلام الفاضى ده -دا احنا كنا تافهين تفاهه-المهم كنت فى قصه كده و قبل ما تبدأ باظت و كنت بقى عايش دور الضحية المدمر نفسيا و كده لحد ما قلت لا اجمع نفسى و اشتغل فى الجامعة اشتغلت سنتها و 4 نماذج غير اللى وقع منهم فى النص و شغلى فى رسالة و غيرة و غيرة طحنت نفسى لدرجة انى بقيت مش لاقى وقت افكر فى اى حاجة فى الدنيا و عدت و الواحد يبنسى كل حاجة
تهو سيحت لنفسى عشان خاطرك مش مشكلة روقى و اعيدى التفكير
ايه الرغى ده كله دا انا رخم بجد
يلا سلام

بالعكس كل كلامك جميل وفضفض براحتك

الواحد ساعات بيدخل يبقى عايز يكتب اللى جواه وخلاص

فضفض وكلى اذان صاغيه

بالنسبه للموضوع بتاعتى فانت كانك عرضت مشكلتى الناس اللى رحت معاهم هى برده دى

المشكله بيشتكوا منى وكدا ومش قابلنى معاهم خاااااااااااااااااااااالص لمجرد انى بفهم

يعنى اختى بتقولى كبرى دماغك ومدام نيتك صافيه استمرى

بس انا مش بقدر استمر مع حد مش عايز يشوةفنى اصلا

ولو مستمرتش معاهم ممنوع مع غيرهم

بس متشكره انك اهتميت والله كلامك افادنى وخلانى برده افضفض

ربنا يكرمك
ياخليفه

خديها تحدي إنتي ممكن تشتغلي مع ناس زي دول هتعملي إيه معاهم اعتبريه تحدي زي ما قلتلك

رافضين وجودى ياخليفه

رفض قاطع

الابشروطهم ومضطره اقبالها مع انها مش فى مصلحتى نهاااااااائى

انا بس صعبان عليا كل الناس اللى بتتمنى اكون معاهم من وانا فى ابتدائى

كل الناس اللى بتتمنى تعرفنى

ومش غرور والله بس عشان انا بحبهم كلها بس هااقول ايه ربنا يسامحهم

هى بس عمرى ماعاشرت الشخصيات دى

طيب خلينا نشوف ايه احتمالات انك تروحى مكان تانى و ما مدى اهميه انك تكونى معاهم

هوا لو كورس او شغل خليه فى نطاق ده بس مبدأيا لحد ما يعرافوكى كويس و تأثرى عليهم او لو فى منظمين او مدير او حد اعلى منك حددى معاه بالظبط حدود العلاقة

ياخليفه مش عايزنى اسال نهااااااااائى ممنوع اتكلم فى اى حاجه مش فهماها نهاااااائى

تخدى وانتى ساكته مفيش كلام

طيب هو كورس يعنى و لو كورس مش فى مدرب او مكان او ادارة منظمة للموضوع
طيب مش ممكن تبدأى بكرة تقولى لهم ممن نحط قواعد من الاول خالص

طيب ممكن تحكيلى فى رسالة خاصة

Admin كتب:

الكود هو


[youtube][/youtube]


وتحطي اللينك بتاع الفيديو في النص


بس كده

ميرسي اوووى

khalifa كتب:

هى كل المشكلة اللى كانت عندك انط كنتى حاطة اللنك غلط يعنى لو فتحتى اللنك بتاعك هتلاقى الفيديو لوحده فى صفحة هتلاقى فوق شمال لنك للاصل بتاع الفيدبو هيفتح لك اليوتيوب على نفس الفيديو بعدها انسخى اللنك بتاعه و حطيه فى مكان اللنك بتاع الفيديو فى المنتدى اللى هو هتلاقيه صورة فيديو لما تكونى بتكتبى موضوع او رد متقدم او اكتبيه مع الكود اللى قال عليه ادمن
مع الشكر
و على فكرة انتى نسيتى السلام فى اخر مشركتك
السلام عليكم و رحمة الله و بركاته

و عليييييكم السلاااااااااام و رحمة الله و بركاته

ربنا يكرمك ميرسي اوى انك فكرتنى و ميرسي على المشاركة ربنا يكرممممك





سمسمتى بقى

ليه كدة بسسسسسسسسسسسسسس يا قمر

بعدين مش بنقول مفيش تشاؤم و لا ايه

يا قمر احكى مين اللى مضايقك باظبط و قولى الموقف براحتتتك و ان شاء الله نحلهولك

و ما شاء الله خليفة قايم بالواجب جاامد ربنا يكرمه و يزيده تفاؤل

و قولى يا حبيبتى ايه المشكلة بالظبط و هنحالها معاكى ان شاء الله ..كل مشكلة ليها حل لازم ..ما دام هنغعرف ايه هى المشكلة هنقدر نحلها ان شا ءالله يا حبيبتى

متقلقيش كل حاجة هتبقى حلوة ان شاء الله عشان انتى اصلا حلوة ..و بعدين يا ستى احنا هنا اهه كلنا متقبلينك و بنفرح اوى بوجودك يا حبيبتى ..يبقى لو حتى فى شوية مش قادرة تندممجى معاهم ففى كتير هتلاقيهم يندمجوا معاكى


و دايما يا حبيبتى ادعى اللهم ارزقنى حبك و حب من احبك و حب عملا يقربنا الى حبك

ربنا يكرمك و يحبك و يحبب فيكي خلقه ..و انتى اصلا محبوبه و الله

عندك انا بحبك و بحب اتعامل معاكى يا امورتى ..دة شىء لازم تفخرى بيه يا بنتى امال ايه

و مستنية اعرف منك في ايه عشان نحله ان شاء الله سوا

و سلاااااااااااام عليييييييكم و رحمة الله و بركاته