اولا ربنا معاكى يا شوشو .. اسمحيلى ادلع الاسم 
ثانيا انا سعيدة بموضوعك دة عشان لما هتفضفضى و منغير ما حد يعرف انتى مين هترتاحى باذن الله و هتاخدى مننا اجابة موضوعية ان شاء الله بصي حكاية النتيجة و الرضا عنها و الشعور بالفشل
بصى يا جميل
كلنا تقريبا لاترم دة جاتلنا صدمة من النتيجة
و رد فعلنا اللى لازم نعمله اننا نحمد ربنا بجد من كل قلبنا لان محدش عالم الخير فين
فلو اتظلمنا و كنا فعلا تعبانين اوى و ملقناش حقنا بنحمده انه اكيد فى خير تاني جاى او ان الللى حصل دة نفسه خير و احنا مش عارفين
اما لو مكناش عاملين اللى علينا فنحمد ربنا انه خلانا نفوق من اللى كنا فيه عشان نشد حيلنا بعد كدة و نتعلم ان من جد وجد و اننا لازم نبقى جد بعد كدة و نتعب عشان نلاقى حقنا
اما شعورك بالفشل فلو انتى فى الحالة الاولى و كنتى فعلا شاطرة فاوعى بجد تخليه يسير عليكى و افتكرى قد ايه انتى كنتى انسانه ناجحه
افتكرى مذاكرك
افتكرى الحاجات اللى شرحتيها لحد
ملخصاتك
اى حاجة انتى عاملاها و فيها انجاز
و ممكن نتكلم سوا عل المنتدى و انا هرحب بالكلام معاكى اوى
عن المناهج و ساعتها نقدر نثبت ان .. لا احنا شاطرين و انتوا ظلمتونا
انا عارفة ان الظلم بيبقى صعب و ممكن لو افتكرتى كل دة تزعلى على تعبك بس حاولى تاخدى الجانب الحلوو وو قولى انا تعبت و اتعلمت و الله لا يضيع اجر من احسن عملا
و حاسة جدااا بان تحسى انك فاشله فى شىء انتى اصلا متفوقه فيه
بس بجد و عن تجربة شيلى الفكرة دى من دماغك لانها هتاثر عليكى و تلاقيكى فجاة اكنك اول ما حد يقولك حاجة عن المادة اعتبرتى نفسك من الفاشلين فيها و مردتيش و هتلاقيكى بتنسيها و بقيتى فاشلة فعلا من كتر التفكير السلبى دة
اما لو انتى كنتى فعلا مذاكرتيش و حاسه بالفشل فمعلش لكل شىء نهاية و الحمد لله ان نهاية الفشل هتكون من اول النتيجة ما طلعت و عرفتى و اكتشفتى دة
و تنوى ان خلاص الفشل انتهى و من بكرة هتعيشيى بنجاح
و حاولى تثقفى نفسك و هتلاقى نفسك باذن الله مبسوطة
اما حكاية التفاهم مع الناس و انك بتتخدعي فيهم
دة اللى بيحصل لاى انسان طيب و قلبه جميل
لانه بيحسن الظن بالناس
و دة الصح انك تحسني الظن بالناس
واياكىىى و سوء الظن
و لما تصادفى حد وحش فعلا فدة منه لله ربنا هيحاسبه على انه خدعك
بس انتى الحل ذى ما بيقولوا حرص و لا تخونش
احسنى الظن بالناشس و متبصيش ان كل الى قدامك خاينين و غادرين
لكن خليكي حذره فى حاجات معينه
يعنى مثلا اسرارك الشخصيه تبقى مع انتيمتك بس او اصدقاءك القريبين اوى
اما التعامل العادى و حبك لكل الناس فده لازم يكون موجود و تحبى كل اللى حواليكى
و عايزة اقولك شىء كمان عشان بتقولى مثلا اصحاب شمتانين و اصحاب مش سائلين و اصحاب حلوين
اوعى تكونى اصلا اسائتى الظن بيهم
مش شرط اللى انتى شفتيه شماته يكون شماته و الله ناس كتير بتتكلم بطريقه عفوية شوية منغير ما تفكر ممكن يكون حد بيحبك اوى و خايف عليكى اوى و زعلان عشانك و يكلمك يعك فى الكلام
انا بقولك دة لانى للاسف من النوع دة كتير بلخبط فى الكلام خااالص و بعك الدنيا و اتفهم غلط
فبجد عشان تريحى دماغك فى الدنيا اوعى تخوني (اللى هى تعتبريهم خاينين ) اى حد و احسنى الظن بالناس دايما والتمسيلهم اعذار
و الله العظيم هترتاحى من اغلب مشاكل الاصدقاء
انا اعتقد ان 99% من المشاكل اللى بتحصل بين الاصحاب بتكون سببها عدم التماس الاعذار و انهم يفهموا بعض غلط
و الطرفين لما بيفهم حد فيهم التانى غلط مش بيسامحوا عادة
فبجد عيشى مع اصحابك بالتماس الاعذار
بجد التمسيها
هقولك على حاجة
انا كنت قريب فى المدينة المنورة الحمد لله
و هناك المسجد مقسمينه جزء للنساء و جزء للرجال
و حتى لما يدخلونا لزيارة الروضه و عند قبر الرسول صلى الله عليه و سلم بيفتحولنا حته صغيرة منها و فى اوقات معينه
و كمان بيفتشوا على الابواب الشنط و ممنوع دخلو اى كاميرا حتى بتاعت الموبايل
المهم يعنى فى بنات بيشتغلوا فى المسجد هما اللى بيفتشول على الباب و ينظموا دخلولنا الروضه و بعا لااعدادا بتبقى الافات و مش عايزة اقولك الحته اللى بيفتحوهالنا جامع الكلية قدها مرتين فبينظموا الناس بلد بلد يدخلوا اهلها شوية و يخرجوهم و يدخلوا اللى بعدهم
طبعا ناس عماله تنظم و تفتش طبيعة الاناسان بيزهق
و كمان تحسى ان بيفسد عليكى الجو الجميل الروحانى اللى انتى داخله فيه النظام العسكرى دة
بس الحق يتقال لولا نظامهم هيفسد عليكى الجو دة وقوف الناس فوق دماغك و انتى بتسجدى و لا بتوع الشيعه ربنا يهديهم بيقعدوا يقولوا حاجات كدة غريبة و صوتهم عالى مع ان المفروض يغضوا اصواتهم عند النبى عليه الصلاة و السلام
المهم النظام بتاعهم فعلا هو افضل الحلول
لكن بيبقى الواحد من جواه مش طايقهم
ووانا داخله اصلى الفجر لقيتهم بيتخانقوا على الباب مع واحدة ست اتعصبت جدا و قلت يا ربى عند مسجد الرسول صلى لله عليه و سلم و يتخانقو ما يدخلونا و خلاص
و من جوايا كدة مش طايقاهم
بس روحت قلت التمسلهم اعذار و اعدت اقول هما دة النظام و دة شغلهم و مينفعش يسيبوه و لو سابونا هنتلخبط
بس من جوايا كدة برضه مش حاباهم
بس سبحان الله فجاة لقتنى بلتمسلهم الاعذار دى فعلا من قلبى و ذى ما يكون ربنا هدانى
لما لقتنى عرفت ادخل و اصلى و انا مرتاحة عن السنه اللى فاتت لما دخلت منغير نظام
و سمعت واحدة منهم بتقول لواحدة و الله تعبانه صاحية من مش فاكرة امتى .. اتنين اصحاب يعنى بيشتكوا لبعض صعبوا عليا
و لقتهم و هما بيخرجونا عشان يدخلوا الجزء اللى بعدنا بيقولوا يلا ربنا يكرمك
يلا تتقبل الله منك
ربنا يجازيكى الجنة
دعوات جميلة بجد
روحت قلت لواحدة و انا خارجة قلتلها طب بس ادعيلى ..فدعتلى حسيت انى مبسوطة و انا خارجة عشان اسمح لواحدة تانيه لسه برة انها تدخل و تصلى فى الروضة (( اه الروضة عشان لو محدش عارف الرسول صلى اللى عليه و سلم قال ما بين بيتي و منبري روضة من رياض الجنة .. فبسمع ان المكان دة تقريبا هيترفع يوم القيامة و يبقى فى الجنة فهى قطعة ارض من الجنة الرسول قال عليها كدة عليه الصلاة و السلام فالناس بتحب تصلي فيها و كمان هى جنب بيت النبى على طول و قبره عليه الصلاة و السلام على يمينها
))
المهم يعنى بجد لما التمست الاعذار بجد من قلبى للناس دى حبتهم و انا نفسي اتبسطت و رضيت
غير لما كنت بقول الاعذار لنفسي بدون اقتناع كدة اوى كنت مش راضيه و زهقانه و متضايقه منهم
فبجد لو عاية ترتاحى من كل مشاكل الاصدقاء خدى الحياة بتسامح و بساطة و التمسيلهم الاعذار بحب بانك تشوفى مزاياهم و مواقفهم الحلوة معاكى هتحسي باذن الله انك مبسوطة و مرتاحة فى حياتك و تعاملاتك مع البشر كلللهم
- اقتباس :
- وكمان انا الترم ده ليا مختلف عن كل ترم من بداتيه اصلا مش مترتب صح
كله مشاكل وقلق
ومشاكل مع ناس قريبه
وختمتها بجد اخر مشكله وقررت ان دي اخررررر مرة اوفق بين اتنين خااااااااااالص
لان في الاخر هتلاقي حد يجي عليك في الاخر
وهتلاقي انك بتسمع كلام غريب جدا
انا مش مضايقه من موقف خالص
لاني عارفه كويس انا ميين
يمكن اللي ضايقني اكتر اني تعاملت مع ناس دي
اصلا من البدايه
مش فاهمه قصدك توفقى بين اتنين .. اصحاب يعنى بنوتين و لا واحد وواحدة
لو اتنين بنتوين عشان يتصاحبوا اشتمرى فى الموضوع دة بشرط ان تكون البنتين كويسين شان محدش فيهم يضر التانى
اما لو واحد وواحدة و يا بخت من وفق
فانا عن نفسي محبش انى ادخل فى شىء ذى دة
لان بصي باختصار انتى ممكن عارفة البنت كويس
اما التانى مهما تكونى تعرفى عنه من معلومات دى مش اكيدة لانى معتقدش ان بنت هتعرف ولد اوى ذى ما تعرف صاحبتها
فانا مثلا لو اتحطيت فى موقف ذى دة ليه علاقة بواحدة صاحبتى لو التانى دة انسان كويس بجد انا حاسه بكدة و عايز يتقدملها مش يلعب بيها ..اقوله طب و انا لازمتى ايه روح اتقدم يا اخويا
اما لو عايز يتسلى و نتعرف الاول و ومنتعرفش يبقى احتمال كبير جدا بيستعبط .. ممكن بتحصل ما يكونش بيستعبط بس طريقه تفكيره غلط لكن دة شىء نادر حسب اللى اعرفه
انا اعرف ان الجد بيروح على الاهل على طول فى اغلب الاحيان
فلو هو من النوع التانى اقوله برضه مليش دعوة و اذن على صاحبتى انها تسيبها منه و انه لو عايزها بجد لازم يحاول يتكلم مع اهلها و حتى لو كلام بس يعرفههم و مش لازم اى ارتباط دلوقتى لو مش قادر
فاحسن حاجة متدخليش نفسك فعلا فى موضوع ذى دة على قدما تقدري
لانه كله مشاكل و انتى متعرفيش حد كويس عشان تحكمي بيه
و فى الاخر عايزة اقولك ان اللى بيتدعي عليه لو حصل اى مشكله هيبقى انتى
فخدي بالك
و الحمد لله ان ربنا عوضك بحاجة فرحتك فى اخر الترم احمدى فعلا ربنا عليها و احمديه قولا و فعلا
قولا بانك تقولى الحمد لله من قلبك
و فعلا بانك تحافظى على النعمة دى و تستخدميها فى طاعة ربنا
و ربنا يكرمك يا قمر
و ادعيلى
و يا رب اكون مشاركتي تفرحك او تحسسك ان معاكى حد
و على فكرة انا بموت فيكى
باين انك من مجموعتنا و انا بموت فى كل اللى فيها
و كمان انتى من الممنتى هنا و انا بموت في كل اللى فيه
يلا اتبسطى بقى ندودة بحالها بتحبك يعنى مش اى حد هههههههه
سلاااااااام عليييييكم و رحمة الله و بركاته
