القرآن شفاء

لا بس انت عندك الرقية الشرعية و الرسول صلى الله عليه و سلم و الصحابة كانوا بيرقوا المرضى بالقران

و الله اعلم طبعا

هى مش بالطريقة بتاعت يكتبها و فى مية يحطها و الحاجات الغريبة دى

بس فى رقية بالقران

و كمان ممكن بالدعاء ممكن تقرا سورة يس و تدعي للمريض

انت جايب الكلام دة منين ؟؟

كتاب لمحمد البهي ( ده كان شيخ الأزهر )

هو الموضوع فى كلام صح وكلام غلط

القراءن شفاء ده كلنا عارفينه

شفاء للنفوس ويحمى من الحسد اللى ممكن يصيب الجسم بمرض

واذا مرض الانسان بمرض خفيف زى الم فى البطن مثلا او صداع ممكن حد يرقيه او هو يرقى نفسه (بس ما يطلبش من حد يرقيه )
دى بعض الاحاديث اللى تثبت ان الرقيه الشرعيه تستعمل فى امراض الجسم وانا متاكده من صحه الاحاديث

عن ابى عبد الله عثمان ابن ابى العاص انه شكا الى رسول الله ثلى الله عليه وسلم وجعا يجده

فى نفسه فقال له الرسول( ضع يديك على الذى يألم من جسدك وقل بسم الله ثلاثا وقل سبع

مرات اعوذ بعزه الله وقدرته من شر ما اجد واحاذر ) رواة مسلم

عن عائشه رضى الله عنها ان النبى صلى الله عليه وسلم( كان ينفث على نفسه فى المرض الذى

مات فيه بالمعوذات ,فلما ثقل كنت انفث عليه وامسح بيد نفسه لبركتها )رواه البخارى ومسلم

بس برده مش معنى كده ان لو واحد جاله مرض خطير ميروحش للدكتور ويقول انا هرقى وهروق
بلاش مرض خطير

واحد مثلا تعب ولازم يعمل عمليه الزياده هيستنى لما يرقى نفسه لحد ما الزايده تروق ؟

وطبعا حكايه القراءن فى ورق ويتوضا بماءه فيروق دى كلها بدع وخرافات والشيخ محمد حسان

اتسال فيها وانكرها تماما

هما بتوع الازهر دول والله دايما بشك فى كلامهم

مش كلهم بثق فيه عندنا دكاتره فى الكليه لو شوفتوهم ما تقولوش انهم ازهريين خالص سوواء

رجال او نساء
والله كان عندنا دكتور بيقولنا كلام غلط فى الفقه

ودكتور مش عارف يعمل حاجه اصلا كده يعنى

فما تثقش فيهم كلهم

شكرا أوي على كلامك أنتي وندى واكيد كلامكم صح بلا شك

لا يا فداء ..صح اكيد مش كل ازهرى كويس لان بيتخرج من الازهر ملايين يعنى على مدار السنين و مفيش مكان كل اللى فيه بيطلع حلو

كان شيخ الازهر .. لا دة عالم و اكتر من عالم كمان

بس يمكن الموضوع مش فاهمين قصده كويس من وراه ايه او جايز عشان مقريناش الكتاب كله
او قصده التطرف اللى وصلله بعض الناس و الاستخدام الخاطىء و الدجل و الشعوذة تحت شعار ان دة الدين

فاحيانا عارفه لما تحبي تعرضى وجهة نظرك المخالفة لشىء غلط تروحى انتى تلاقيكى تماديتى و زودتى فيها شوية
فممكن حصل كدة و كل انسان وارد انه يغلط فى حاجة و ربنا يعافينا كلنا

بس منغلطش فى الناس دى لانهم علماءنا و اللى اتعلم على اديهم كل الدعاة تقريبا .. لسه كنت بسمع مصطفى حسنى و قال انا متعلم على ايدي الازهريين و هما شيوخي


تانى تعليق ليا يا قمر على كلامك و دى بقى عارفه انها مش قصدك .. ذى ما الشيخ اللى اتكلم اكيد مكنش قصده ان مفيش رقيه او كدة

هى انك قلتى

اقتباس :

واحد مثلا تعب ولازم يعمل عمليه الزياده هيستنى لما يرقى نفسه لحد ما الزايده تروق

كدة اعتقد لو حد قرا الجمله هيفهم ان نفس الكلم الى فهمناه من كلام الموضوع

الرقيه سبب من الاسباب اللى الانسان لازم ياخد بيهم
الواحد لو تعب لازم يدعي و يرقى نفسه و لو برضه غيره رقاه و يروح للدكتور و يعمل كل الاسباب و يتاكد ان الشفاء بايد ربنا فى النهاية



حاجة بقى اخيرة معلش

موضوع عدم طلب الرقيه
انا سمعت و الله اعلم طبعا .. رايين مختلفين
فى اللى كان بيتكلم ان دى من صفات من يدخل الجنة بغير حساب تقريبا بس هى مش حرام انك تقولى لحد ارقينى

و سمعت مرة تانيه ان لا يرتقون اللى فى الحديث مقصود بيها التخاريف اللى ناس بتعملها ساعات و تسمى رقيه لكن مش الرقيه الشرعيه

و الله اعلم طبعا

و احلى حاجة الواحد لو لقى حد تعبان يبقى يرقيه
يعنى لو حتى واحدة صاحبتك قالتلك ايدى يتوجعنى فيها اه لو مسكتيهالها و مسحتى عليها 3 مرات و قلتى بسم الله .. مش هنتعب فى حاجة
و طبعا لو الواد زود بالقران و ادعيه الشفاء على قد ما يقدر


بجد المشكله ان الناس يا اما يسيبوا الدكاترة و الادوية و مياخدوش بالاسباب
او بيفكروا بس فى الادويه و الطب

الاتنين لااااازم سوا

ندعي و نرقي و نروح للدكاترة .. لازم كل الاسباب و ربنا هو الشافى

بصى انا ما اتكلمتش على الشيخ ده لانى ما اعرفهوش واول مره اسمع عنه والكلام على العلماء

من اكبر الذنوب ....بس صدقينى ان فى ناس كبيره الازهر وبتقول كلام غلط

وفى ناس ما شاء الله عليها صعب انك تلاقى زيهم اتنين بس الاكتريه مش حلوه الايام دى

صدقينى انا دخلت كليه تبع الازهر وبشوف الدكاتره ولا الطلبه وحالهم برده بنات وشباب ..

باقى كلامك بقى فمعلش لان اكتريته مفهمتوش اوى

بس بيتهيالى الاى فهمته موضوع عدم طلب الرقيا انا متفقه معاكى فيه تماما وانا مقلتش انى ضده

فى اى حاجه خالص
وبيتهيالى برده انك بتقولى ان الناس لازم تاخد بالرقيه والطب مع بعض دى حاجه اكيده وفيها خير كمان ومحدش يكره كده ومقدرش اقول عكسه كمان

أنا واثق من الكلام اللي هو كتبه

وانا اكيد معاكم في العلاج بالرقية وعندي كتاب ليه

والموضوع مقيهوش اي غلط لأن بابا قراه

وشيوخ الأزهر بيدرسوا حاجات كتير في الدين

اصل يا فوفو دكتور شريعه غير متخرج من جامعة الازهر فى اى مجال تانى
بيدرسوا حااجات جااامدة

و هى الفكرة ان مصطفى قال كان شيخ الازهر يعنى مش بس خريج ازهر عشان كدة انا قلت اكيد كان كويس و جايز احنا بس حصللنا سوء تفاهم مثلا

و ربنا يكرمكوا

هناك رقيه شرعيه تقي الانسان من الامراض ومنها حديث قرآءة الفاتحه على
المريض..

كما في قصة القوم الذين أرسلهم الرسول صلى الله عليه وسلم في سرية،
فضافوا على قوم فلم يضيفوهم..

فجلسوا قريباً منهم، فلدغ سيدهم، فجاءوا إلى
هؤلاء القوم وقالوا: هل منكم من راق؟ قال رجل منهم: نعم أنا راق،

لكني لا
أرقيكم إلا بكذا وكذا من الغنم..

فقالوا: أرق سيدنا، فقرأ عليه سورة
الفاتحة؛ فزال أثر اللدغة وكأنما نشط من عقال، فأخذوا عدداً من
الغنم..

وقيل: عددها ثلاثون، وجاءوا بها إلى المدينة، وكأنهم تحرجوا، أي:
تحرج بعض الصحابة أن يأكل من هذه الغنم

وقد أخذت رقية على كتاب الله عز
وجل..

فلما جاءوا إلى المدينة أخبروا الرسول صلى الله عليه وسلم فقال: (وما أدراك أنها رقية؟ اقسموها واضربوا لي بسهم)،

أي: أن
هذا المال الذي أخذوه على هذه الرقية جائز..

فأخذ من ذلك أن سورة الفاتحة
كافية للرقية، فتقرأ على المريض أياً كان هذا المرض، وبإذن الله عز وجل يشفى.



فلا افراط ولا تفريط في هذا الباب من العلاج..

سبحان الله

لسة هقولك ع الموضوع ده يا مصطفى

هو انا ماعرفش قوي في الرقية الشرعية

بس سمعت الشيخ محمود المصري قبل كدة قال ان من اسماء سورة الفاتحة ( الشافية )

فهي دي تكفينا في الشفاء