برنامج قصص القران

بسم الله الرحمن الرحيم

الحلقة الاولى
[ندعوك للتسجيل في المنتدى أو التعريف بنفسك لمعاينة هذا الرابط]


** فى البداية اتكلم ا- عمرو خالد عن رمضان و استقباله و قال حديث جميل اوى و هو خطبة للنبي صلى الله عليه و سلم كانت فى اول ليلة من رمضان


قال سلمان الفارسي رضي الله عنه:

خطبنا رسول الله صلى الله عليه وسلم آخر يوم من شعبان، فقال:

اقتباس :

(يا أيها الناس قد أظلكم شهر عظيم مبارك. شهر فيه ليلة خير من ألف شهر.

شهر جعل الله صيامه فريضة،

وقيام ليله تطوعاً،

من تقرب فيه بخصلة من الخير كان كمن أدّى سبعين فريضة فيما سواه،

وهو شهر الصبر والصبر ثوابه الجنة،

وشهر المواساة
وشهر يزداد رزق المؤمن فيه.

من فطّر فيه صائماً كان مغفرة لذنوبه،
وعتق رقبته من النار،
وكان له مثل أجره من غير أن ينقص من أجره شيء)

حديث شريف رواه إبن خزيمة.

بجد ركزوا ف كلام الحديث دة هتحسوا بمعانى حلوة اوى اوى و هتفرحوا اوى اوى

و عمرو خالد قال يزداد رزق المسلم مش من الفلوس بس الرزق ان ربنا يرزقك كمان خشوع فى الصلاة و بكاء من خشيته و حب الناس ...... و كل خير

و مضاعفه الحسنات فيه

دة غير ليلة القدر

و لا افطار الصائم انا مكنتش واخدة بالى انه ثوابه كبير اوى كدة .. مفرة للذنوب و عتق من النااار .. انا كنت فاكرة بس انه ذى اجره و دة لوحده حاجة كبيرة اوى و طبعا الافطار على قد ما كل واحد يقدر ممكن بشوية ميا تبقى فطرت صائم

---------------

و بعدين قال ان لما بييجي رمضان ربنا بيخلى ملك ينادى فى السماء يقول يا باغي الخير اقبل

يا ترى مين هيقول لبيك يا رب .. انا جاى يا رب .. انا ابغي الخير

------------------------------------

و قال ان ربنا سبحانه و تعالى بيباهي بالعبد الصائم صيام كما يحب ربنا و يرضى ..بيباهى بيه الملائكة
تخيلوا نبقى قاعدين و ربنا سبحانه و تالى بيذكرنا للملائكة و يباهي بينا

-----------------------------------------------

و قال احاديث كتيرة جميله اوى عن رمضان بتقول فى معانيها ان الجنه بتتزين من السنه للسنه لشهر رمضان

و ان من صان نفسه فى رمضان جعل الله له قصر من ذهب و فضه فى الجنة

لو الدنيا بكل ما فيها من جمال حطيناها جنبه هتبقى كمربط عنز فى الدنيا ( يعني حته بيربطوا فيها عنزة فى الدنيا ..هى دى الدنيا بالنسبه للقصر بتاع اللى يصون نفسه فى رمضان )


-----------------------

و ان الصايمين ليهم باب مخصوص فى الجنه هو باب الريان

و طبعا احاديث من صام رمضان ايمانا و احتسابا غفر له ما تقدم من ذنبه

و برضه من قامه ايمانا و احتسابا

و من قام ليلة القدر ايمانا و احتسابا

كل دول ربنا يغفرلهم ما تقدم من ذنبهم يعني ميبقاش عندنا ذنوب خاااااااااالص

ننوي بقى كل يوم اننا هنصوم ايمانا بالله و احتسابا للاجر

و منفوتش القيام و نركز فى العشرة الاواخر عشان نفوز بليلة القدر باذن الله

------------------------------------

و كمان لله عتقاء من النار فى رمضان و ذلك كل ليله

يعني لو شدينا حيلنا باذن الله نعتق من النار

يعني خلاص

مش هنقربلها ابدااااا

-----------
و كمان حديث ..

جاءكم شهر رمضان شهر بركة ،

يغشاكم الله فيه ، فينزل الرحمة ،

ويحط الخطايا ،

ويستجيب الدعاء ،

ينظر الله إلى تنافسكم فيه فيباهي بكم ملائكته ،

فأروا الله من أنفسكم خيراً ،

فإن الشقي من حُرم فيه رحمة الله

[ رواه الطبراني في الكبير ] .

فلازم كل واحد يري الله خيرا من نفسه و يخلي نفسه كويسه عشان يبقى فرحان و هو اكنه بيقول يا رب انا انا
انا كويس يا رب ارضى عني
---------------------------------------

و طبعا للصائم عند فطره دعوة لا ترد

فلازم نجهز دعوات لكل اللى احنا عايزينه كل يوم كل يوم على الفطار نقولها و باذن الله ينتهى رمضان و هى مجابة باذن الله

( و معز مسعود بقى قال حاجة حلوة اوى قال ربنا بيستجيب لكل الدعاء بس الاجابه قد تكون بالاعطاء و يديك اللى انت عايزه او بالمنع انه يمنع عنك اللى طلبته لو كان فيه شر ليك .. او الخير انها تتاخر

فربنا سبحانه و تعالى بيستجيب دايما ذى ما وعدنا انه يجيب دعوة الداعى اذا دعاه .. فعايزين ندعي دااايما لان الدعاء كلله خيير)


-----------------------------------------------

و بعد كدة بق قال ايه سر تشريف رمضان بكل الخير دة

انه شهر نزول القران الكريم

و موضوع حلقات السنه دى فى البرنامج عن القران


و شعار السنه دي

سنحيا بالقران
------------------------------

هدف البرنامج .. نحب القران .. نفهم القران .. نعيييش بالقران



..نتابع بعد الفاصل

سلااااااام علييكم و رحمة الله و بركاته

قلنا ان شعار البرنامج السنه دى سنحيا باقران و عايزين يبقى شعارنا كلنا عشان نحيا بكلام الله سبحانه و تعالى اعظم و اجمل كلام

الصحابة رضوان الله عليهم كانوا بيسمعوا القران يسمعوا (( يا ايها الذين امنوا ..)) ينصتوا و يستنوا ايه الامر او الكلام اللى ربنا موجهه ليهم


* لو عايز ارادة عشان تعمل اى عمل و عايز روحك تعلا .. اقرا قران
يقول الله سبحانه و تعالى ((و كذلك اوحينا اليك روحا من امرنا ))

فالقران بيديك روح فوق روحك تعليها

---------------

* القران حول امة بترعى الغنم .. الى امة بترعى الامم

لو بصينا للعرب قبل الاسلام و العرب فى عهد الرسول و الخلفاء هنشوف المعنى دة

و لما سبناه و بعدنا عنه رجعنا تانى لورا .. بس ان شاء الله هنتقدم من جديد لما نتمسك بيه

-----------------

* القران يصلح حياتك و مستقبلك

------------------------
* كان فى صحابي بيفتح كل يوم المصحف اول ما يصحى يقول اشوف ربنا سبحانه و تعالى بيكلمني بيقولى ايه
فمثلا مرة يلاقى ايه بتتكلم عن المتقين و الكويسين اوى فيقول لست منهم

و مرة يلاقى ايه عن المنافقين ..يقول الحمد لله انى لسنت منهم

و لما لقى اية :
{ وآخرون اعترفوا بذنوبهم خلطوا عملا صالحا وآخر سيئا عسى الله أن يتوب عليهم إن الله غفور رحيم } . ...
قال بما معناه ايوة انا من النوع دة

بس دة مثال للحياة بالقران كل ايه يشوف نفسه انا دى و لا لأ و عايز اكون ذى دة و مكونش ذى دة

-------------------
عايز تنجح فى الكليه و مع اصحابك و اهلك و تنجح فى كل حياتك و تضمن مستقبل حلو .. قرر انك ستحيا بالقران

------------
و القران معجزة عظيمة لازم نتفكر فيه ذى ما بنتفكر فى الكون اللى هو معجزة برضه من الله سبحانه و تعالى

-----------

الامام احمد بن حنبل كان بيقول لان الرسول خُلُقه القران ..فكان بيبحث فى القران عن الاخلاق و يعملها عشن يكون عايش باخلاق القران ذى الرسول صلى الله عليه و سلم

--------------

_الامام الشافعى كان بيختم القران 10 مرات فى رمضان

و عمرو خالد قال فى ناس كتير بتختم بس اخلاقها وحشه و مبتعملش بالقران
عشان مش بتفهمه و تحبه فتطبق اللى فيه و تحيا بيه

------------------
اهل القران هم اهل الله و خاصته .. متخيلين المنزله !!

لو بقينا عايشين بالقران و بقينا من اهل القران نبقى اهل الله و خاصته


------------------
و قصص القران بتعلمك 4 حاجات :
1- ازاى تحب و تفهم القران ::

اللى مبيبقاش فاهم القران و حاسس ان فى حاجز بسبب ضعف لغته مثلا
فربنا جعل فى القران قصص
عشان البشر بطبعهم يعشقون القصص و الحواديت
فربنا سبحانه و تعالى جعل ثلث القران الكريم قصص

فلما هتفهم القصه هتفهم الباقى و هتبقى متشوق تفهم الباقى

عارفين ذى ما نحفظ الجزء التلاتين اللى فيه سور صغيرة الاول فنحس انه سهل حفظ الباقى

نفس الفكرة نفهم القصص هنحس ان سهل نفهم الباقى

و ان شاء الله فى البرنامج دة هيشرح القصص و يفهمهالنا و كل واحد هيحس فى اخر الحلقه ..ايه دة ..دة انا مكنتش فاهم كل دة ..

-----------------------

2- ازاى تصلح حياتك بالقران ::

المرة دى البرنامج مش هيحكى عن قصص الاانبياء
دة هيحكى قصص ناس عاديه ذينااااا
فهنشوف فى القصص دى مرايات لينا و لكل الناس و عشان كدة فى قصص لناس حلوة و ناس وحشه

و هى قصص قديمه من الماضى لكن ماضى مستمر
لانها بتتاد و تتكرر فينا لغايت دلوقتى

فهتلاقى نفسك بتقول ايه دة .. دى ذيي انا ..
و هتلاقيك بتقول عايز اكون ذى دة
و مش عايز زى دة

و كدة

فهتحيا بالقران باذن الله

و القصص دى هتكشفلك انت نفسك انهي نفس فهتعرف نفسك و تعرف ازاى تعالجها
ذى ما بتعالج جسمك تعالج نفسك لان مرض النفس خطير و ممكن يكون سبب فى دخولك النار

-----------
و هنعرف ان فى حاجة اسمها رصيد اخلاق و رصيد البنك
قارون باع رصيد اخلاقه عشان رصيد البنك

و هنسمع قصة الغلام الى عنده 14 سنه و انتصر على ملك ظالم بدون اى نقطة دم .. فى قصه اصحاب الاخدود

و هنسمع قصص عائليه .. عائلة عمران و زوجته اللى قالت ((إذ قالت إمرأت عمران رب إني نذرت لك ما في بطني محررا فتقبل مني إنك أنت السميع العليم))

و قصص كتير تانيه

-----------------------

3- ازاى تعبد ربنا سبحانه و تعالى و تحبه

فمن القصص هنتعلم القران كلام الله سبحانه و تعلاى و نقرب منه و نحبه
--------
4- ازاى تحيــــــــــــا الامـــــة

هنسمع قصة عزير ..((أو كالذي مرّ على قرية وهي خاوية على عروشها قال أنى يحي هذه الله بعد موتها فأماته الله مائة عام ثم بعثه ....)) لاخر الايات

نفس الحكايه القريه هى القدس و الله سبحانه و تعالى قادر على احياءها بعد موتها و هتحيا باذن الله لو احنا كلنا حيينا بالقران

-----------------

القران لما هتقراه كل يوم هتتصلح فيك حاجة

و ان شاء الله نتابع البرنامج و نتعلم منه و ربنا يكرمنا و نحيا بالقران

و السلام عليـــــــــكم و رحمة الله و بركاته

و ربنا يسهل و اقدر اكمل بقيت الحلقات ان شاء الله


---------------

جزاكي الله خيرا

جزاكى الله خيرا يا ندى ربنا يخليكى والله

انا ملحقتش الحلقه امبارح وفرحت لما لاقيتك كتباها اوى لانها كده مافتتنيش
ربنا يخليكى

بس على فكره يا جماعه البرنامج بيجى الساعه 10 على المحور والرساله بالليل ده اتلاعاده على المحور لكن البث الاول بيكون الساعه 10 الصبح

شكراااا اوى يا فداء فرحتينى ان حلقة النهاردة هشوفها ان شاء الله

كنت فاكرة مش هشوفها عشان السفر

الحمد لله

وديه الحلقة التانية

فى الطريق

[ندعوك للتسجيل في المنتدى أو التعريف بنفسك لمعاينة هذا الرابط]

ديه الحلقة التانية

ربنا يكرمك على الحلقات

معلش لانى مش كملت باقى الحلقات لانى مش لاقيت حد بيدخل ومحدش مهتم

ان شاء الله اول ما هاكون فاضى هانزلهم

ربنا يكرمك و بجد البرنامج دة اللى مشفهوش فاته كتييييييييييييييييييييير اوى اوى

بجد تحفه تحفه و جمييييل اوى اوى او ى

فعلا البرنامج رائع جدا

وانا استفدت منه الكثير

ولكن فيه حاجات مش عجبانى فى شخصية عمرو خالد

وده لانه اكيد مفيش حد كامل

ولكن عمرو خالد ربنا يكرمه ويجازيه خيرا