كل سنة و انتوا طيبين يا احلى مصريين

كل سنة و انتوا طيبين و بخير بمناسبه ان النهاردة العاشر من رمضان

لازم كلنا نحتفل باليوم العظيم دة اللى من اهم ايام تاريخ مصر حبيبتنا

يوم انتصارنا و رجوع عزتنا و كرماتنا

و نفخر بيه و نفخر كمان انه كان فى شهر رمضان

و دة اكبر دليل انه شهر العمل و الانتصارات

و يا رب ذى ما ابطالنا انتصروا فى اليوم دة

احنا كمان نكون انتصرنا على اى ياس او فشل جوانا

و نغير نفسنا و نشد حيلنا كويس عشان باذن الله نقدم لمصر حاجة احنا كمان ذى ما هما ما قدموا و ضحوا بارواحههم و دمائهم و بفضل الله حررولنا اراضينا
احنا نكمل مشوارهم و نبني بقى فى اراضينا و نعمرها و نخلى مصر احلى بلاد العالم باذن الله

و نشد حيلنا بقى و الدراسه جاية اهه عايزين ناخدها جد بقى

و يا رب نكون قدرنا نتغير شوية فى رمضان للاحسن

و لو حد فات منه الايام اللى فاتت فيلحق نفسه بسرعه فى العشرين يوم الجايين فرصتنا عشان نتغير لللاحسن و نقرب من ربنا سبحانه و تعالى

و فرصه ان عدونا اللدود الشيطان محبوس
عشان نحسن نفسنا و نقوى نفسنا فى الهدنه دي [ندعوك للتسجيل في المنتدى أو التعريف بنفسك لمعاينة هذه الصورة]

و كمان نعرف نفسنا كويس و نعرف خطط الشيطان و ازاى نتغلب عليها عشان دى فرصتنا نعرف هو كان بياثر علينا فى ايه و نعرف كان بيعمل معانا ايه باننا نشوف ايه الحاجات الوحشه اللى كنا بنعملها و بطلناها الحمد لله

فلما نعرف مداخل الشيطان لينا نقدر نسدها غير لو مش عارفين حاجة لا يمكن هنوصلها

و كل سنة و انتوا طيبين و بخير

سلااام عليكم و رحمة الله و بركاته

[ندعوك للتسجيل في المنتدى أو التعريف بنفسك لمعاينة هذه الصورة]