المحاضرة الاولى دخل مع الدكتور ناس من ادارة 2008 و قعدوا يكلمونا كانوا بيعملوا ايه السنه اللى فاتت
كنت عايزة يبقى فى اى حد كوميرساوي عشان كانوا بيقولوا افكار ذى افكارنا اصلا خالص بتاعت كوميرس بس هما مطبقينها على ادارة بس و عايزيننا نعمل ذيهم
و انا كنت عايزة اشرح للدكتور اننا بدانا فعلا فى الكلام دة من كذا سنه و روحت قلتله ان عندنا منتدى و بنعمل انشطة .. بس هو كان مستعجل و مفهمنيش اوى .. بس بجد دى فرصه حلوة اوى ندعم فكرتنا بدكتور بيشجع الافكار كدة
و ان شاء الله نحقق هدفنا و دفعتنا كلها تتجمع
المهم و المحاضرة التانيه ما اداناش حاجة اوى بس قعديتكلم شوية و يفكرنا بدورة حياة المنتج و قالنا ان المنتجات اللى هى ناجحه عموما و اللى اغلبها بتوكيلات من برة بتبقى سر نجاحها انها بتيجى قبل مرحلة التشبع فى دورة حياة المنتج و تروح تعمل تطوير جديد فى المنتج بحيث تظهره كمنتج جديد
حتى لو من خلال اى حاجة مالفينها و ملهاش اساس من الصحة (( ذى ما يقولوا اسم مادة غريبه كدة فيحسسوك ان المنتج اتغير و بيكون ذى ما هو ))
المهم من خلال كدة بيخلوا اكن منتجهم جديد و يبدا دورة حياة تانيه
غير المنتجات الكتير اللى بنلاقيها بتخلص الدورة و تبدا تموت
دة كان تقريبا ملخص اللى قاله
و هو قال ان المادة سهله اوى بس هو هيخليهالنا رخمه السنه دى
وواضح انه دكتور ظريف و دمه خفيف و متعاون و بيحب اللى بيفهم و بيهمه ان الدفعه تكون اغلبها فاهمه
و فى بنتين اسمهم رحاب و هند قاموا اتكلموا عن انهم عايزين يحولوا اللى بناخده لكورسات عملى و نطبق من خلال ورش عمل
و الدكتور قالنا ان ان شاء الله هييجي دكتور عال مبروك يحضر معانا الاتنين الجاى و يتفق معاه على الكورسات دى
سلااااااام عليييييييييييكم و رحمة الله و بركاته
