خلى اضحية العيد السنة دى فى رسالة

السلام عليكم ورحمة الله وبركاتة

اولا احب اقولكم كل سنة وانتوا طيبين وبصحة وسلامة ويارب يكون عيد سعيد عليكو وعلى كل المسلمين فى كل العالم

ثانيا فى حاجه حلوة اوى بتتعمل دلوقتى فى رسالة لأى حد عايز يعمل اضحية العيد

ان الجمعية هاتنوب عنك فى ذبح اضحيتك

بانك تدفع 1100 جنية لجمعية رساله والجمعية بتاخد الثلث وتقدر تسترد لغاية ثلثين الاضحية

ولو عايز تتبرع باكتر من الثلث سواء النص او اكتر ذى ماتحب والجمعية هاترجعلك الباقى لغايه باب البيت

والجمعية هاتسلمك باقى الاضحيه من اول 3 يوم العيد وده هايكون باسبقية الحجز

والجمعية هاتنوب عنك فى توزيع الاضحية دى للمحتاجين فى اكتر من 22 محافظة

ولمزيد من الاستعلام اتصل ب 19450

ايه رايكوا لو نخلى اضحية العيد السنة دى فى رسالة

علشان توصل بجد للى محتاجينها

وكل سنة وانتم طيبين

فكرة حللوة و اوى ..تسلم ايدك يا هدهد

بس هي ينقصها مشكلة واحدة

ان من الافضل ان المضحي يشهد الذبح .. علشان العبرة من االاضحية تتحقق و يفتكر انه من رحمة ربنا انه مش هو اللى مكان الخروف

و تقريبا و الله اعلم اللى يشهدها تتغفرله كل ذنوبه

فالاحسن انهم يخلوا الناس تحضر الكلام دة

معاكى حق يا نودى

بس بصراحة مش عارفة حتة ان الناس تحضر دى نظامها

على العموم هابقى اسالهم فيها

وممكن نقترح عليهم الفكرة دى

بس هو غرض رسالة من الموضوع ده انها توصل الاضحية اللى فعلا محتاجينها

وكمان فى ناس كتير لما تعمل الاضحية بتديها لجزار مثلا ومايحضروش الذبح بنفسهم

فالاحسن انهم يدوها لرسالة احسن

لكن فعلا انتى جزاكى الله كل خير لفتى نظرى لحكاية الحضور دى

وبجد ان شالله هاسال فيها اذا كان ينفع الحضور ولا لأ بس ان شالله ينفع

ميرسي يا قمر ..ربنا يكرمك و فعلا عندك حق يدوها لرساله احسن من الجزار الله اعلم كويس و لا لا و هتوصل للى يستحق و لا لا

شكرا يا هدى ع الموضوع ده
وكل سنه وإنتوا طيبين وعيد أضحى سعيد عليكوا جميعا
وأكيد يا جماعه بيدوا للناس اللي هتشارك معاهم عنوان المجزر اللي هيتم فيه الذبح عشان الناس تروح تحضر ساعتها بس انا معرفش فين العنوان