بناتنا رجاله بصحيح ..فتيات مصر عاوزين يدخلوا الجيش ؟؟؟

هو بصي يا فوفه نظرا لانى عايزة اقوم بسرعه من على النت دلوقتى

فعايزة اقولك انى من زمااااان و انا بقول انى عايزة يعملوا جيش للبنات

بس ملائم ليهم

على سبيل المثال يتعلموا الاسعافات الطبيه و معروف ان فى الغزوات كانت النساء بتخرج تسقيهم و تداوى الجرحى

عموما ليا رغى كتير ان شاء الله فى الموضوع دة

بنات مين الى يدخلوا الجيش على كده نقعد احنا بقى فى البيت بقى
غلط طبعا ومينفعش خالص , هزلت بجد

بصى انا مع راى اخر واحد ..النات متقدرش تحارب و تشوف دم و الكلام المرعب دة

بس فى نفس الوقت ممكن نقول ان البنات بتقول كدة لانهم (زيي ) متغاظين من ان الولاد متخازلين عن حبهم لدخول الجيش

و شايفينه انه حاجة وحشة

انا فاكرة كويس اوى فرحة اخويا انه خد تاجيل

هو صح بيعطلهم عن الشغل .. و دة مشكله

بس دة بيعلمهم حاجات كتييييير اوى اوى حلوة ..يبقى عندهم شجاعه و شهامه .

يتعلموا الحياة القاسية الصعبه ..مش يبقوا متدلعين

هو انا فى رايي الجيش يعملوه اجبارى للجميع ( اللى عنده اخوات و اللى معندوش)

بس يبقى فترة صغيرة ..يتدربوا كويس و يتعلموا كدة و يرجعوا

و كذلك البنات يبقى ليهم فترة برضه بس للحاجات المناسبة ليهم

ههههههههههههههههههههههههههههه

حلوة اوى كلمة اهو نجرب دى

طب ما نروح دريم بارك بالمرة بقى و احنا فى الجيش

بزمتكوا دة كلام يعنى يتقال

اولا و قبل اى شىء الشعب المصرى كلة مصاب بأنميا حادة

و خاصة البنات

و دة طبعا نشوفة كتيييييييييييير جدا فى الجامعة لما كل يومين واحدة تقع عشان مفطرتش و لا المدرج كان زاحمة و لا اتعصبت شوية

فاحنا نيجى بقى ندخلهم الجيش

و اللى لمؤخزة بتتلكك فى اسرائيل دى

احنا مالنا و مال اسرائيل

اسرائيل كلها على بعضها متجيش قد محافظة القاهرة

يعنى مش لاقيين رجالة يدافعوا عنهم

فاى حد موجود و عاوز بيسد ميفرقش

لكن احنا لمؤخزة مش عارفيين نكفى الرجالة و كل سنة يدوا تأجيل لالاف الرجالة

عشان مش هيعرفوا يصرفوا على الكم دة ابدا

نروح احنا مدخليين البنات كمان

و معلش يعنى بنت اية دى اللى هتستحمل جيش

انا متأكد مليون فى المية ان مفيش بنت واحدة تستحمل الجيش

يعنى يبعتوها على الحدود كدة و لا يبعتوها دارفور و ان مكنتش تبقى عاوزة ترجع تانى يوم يبقالكم الكلام

من الاخر كل اللى هما بيقولوة دة مجرد كلام و فضول و بعض الحقد طبعا

لكن لو جربوا مش هيستحملوا

من الاخر كدة احنا بالنسبة للرجالة لما واحد بيخش الجيش منهم بيخرج يقول انا اتبهدلت

و شفت ايام سودة و اتعاملت اسوأ معاملة

و دة اسمة راجل و ممكن يبقى صعيدى كمان

فتخيلوا انتوا بقى لما تبقى بنت

موضوع للاسف منتهى قبل ما يبتدى

تسلم ايدك يا فداء

واضح كدة انك متابعة الاحداث

ترافلر جاب من الأخر
والسيف المسحور قال كل حاجه
هو يمكن عشان المرأه دلوقتي بقت تشتغل كل حاجه وفي السنين اللي فاتت شفنا المرأه في وظايف مكناش بنشوفها فيها قبل كده وده عادي في البعض من هذه الوظائف لكن في بقى أعمال تيجي عندها وكفايه زي مهمة الجيش والدفاع والكلام ده

اهلا بالبنات

على فكره للبنات سنه خدمه عامه بدل الجيش بس اختيارى علشان كده مفيش بنت بتاخدها او تسمع عنها و علشان كمان ملهاش طلب

انا اختى اخدتها كانت فى مكتبه الاستاد و طلبوا منها ابحاث و هرى و حاجات كتير و تعب و فى ناس باخدها فى مستشفيات و فى كل حته حكوميه ممكن

و بمرتب كمان
4.5 جنيه فى الشهر دول بدل انتقال و بدل ملبس و راتب

يعنى من الاخر

و الخدمه العامه دى كمان للشباب اللى بياخد اعفاء من الجيش و بتبقى اختيارى فى ناس مش بتاخدها

و بعدين فى كليه تمريض بتبقى بعد الثانويه العامه و تقديمها فى الكليه الحربيه و بيقوا ظباط عادى و ليهم رتب

او كليه شرطه بتاخد بنات عادى

كل ما استطيع قوله هو ما قرأته في اللينك


" كلام فارغ "


فراغ بقت عيشاه الناس في ظل التدهور الاجتماعي اللي اصبحنا فيه


فكل واحد بيطلع بـ " تقليعة " تظهره وتثير الجدل بين الناس

هو ده فراغ

هو اخر البنات يدخلوا الجيش سينما

صدقني فراغ



البنات عملت أغلب اللي كانوا نفسهم يعملوه واللي ما كانوش يحلمو بانهم يعملوه لو كانوا قبل دلوقتي ب20 سنة مثلا


لكن الانسان لما بيشبع حاجته من حاجة ، بيبدأ يدور علي حاجة جديدة علشان يخليها حاجة ملحة عليه ، وبعدين يبدأ يدور ازاي يشبعها


وهي دي الحاجة الجديدة بالنسبة ليهم


وانت لو صاحب عقل بيدور عالمستقبل ( أقصد ان عقلك بيحب يستنتج ما سيحدث في المستقبل )

ممكن عقلك يوصلك ايه اللي ممكن يطلبوه كمان شوية

مش بعيد يقولولك عايز قائد الجيش يبقي منهم


وممكن يقولولك ليه الست ما تبقاش عشماوي


ولو البلد تقدمت شوية ، يبدأوا يقولولك عايزين نطلع القمر ، ما غيرنا طلع في روسيا


علي رأي كاريكاتير لسه شايفه

جايبين الفرق بينا وبين روسيا


روسيا سنة 68 تقريبا ، اول رائدة فضاء تصعد الي القمر

مصر سنة 2008 ، أول مأذونة



يعني حكاية المأذونة دي مش " تقليعة جديدة " خارجة من الفراغ اللي الناس عايشاه


قريت خبر عن المأذونة دي بتقول انها اتضايقت علشان وافقوا علي طلبها بعد ما خلص رمضان والعيد

مع ان موسم العيد ده هو اللي بيبقي فيه شغل اكتر وكانت ساعتها هتستغل الشغل ده وتحسن دخلها لأنه موسم


قال يعني خلاص لما اتولدت قالولها انتي اول مأذونة وليكي قرشين في العيد الصغير في 2008


وخلاص الرزق اللي ربنا كاتبهولها ، كاتبهولها انه هيدخلها من شغلانة المأذونة دي

خلاص بقية الشغل خلص من البلد


مش بقولك

كلام فارغ

يللا الحمد لله

عندك حق و الله

هو حتى واضح من الردود انها هزار (و كلام فارغ)
و طبعا انا مع كلااام السيف المسحور ..البنات متستحملش
دة البنت لو جربت تقعد يوم واحد مش هتستحمل مكان مثلا مفهوش حتة حلوة تنام فيها و لا مياه و لا اكل حلو و ووقفه فى الشمس و معامله صعبه ..و كل الحاجات اللى بنسمعهها دى

و فعلا اغلبيه البنات عندهم انيميا و هيغمي عليهم كلهم .غير ا البنات دول حاجة رقيقة كدة

و زى ما قال النبى عليه الصلاة و السلام ((رفقا بالقوارير )) ..مينفعش نتبهدل جامد كدة

و حكاية عموما الشغلانات اللى بيطالبوا بيها دى بجد دة استعباط

مين دة اللى هيروح يتجوز على ايد ماذونة .. طب يخلوهم كل ماذونتين يشتغلوا سوا بقى

مش شهادة الرجل بشهادة امرءتين

بجد حاجة غريبة ..سبحان الله

دة فى رايي يعتبر تطرف فى افكارهم ..زى بالظبط الى بيتطرف فى افكاره و يقول ان البنت ملهاش اى حق و لا يعلمها و يعاملها على انها مش انسانه

التفكير المفروض وسطى و معتدل

مش نقفلها اوى و لا نستعبط كدة اوى

و انا شايفة ان بنت تشتغل فى حروب و لا قاضيه و لا اى حاجة من الحااجات دى استعباط

صعب اوى على نفسيتها ..حتى لو قدرت تعمل كدة بكفاءة ..متهيالى خلاص نفسيتها يا اما هتتعب و ممكن تتجنن

يا اما هتحول شخصيتها لشخصية راجل و هتبقى فقدت اى حاجة جميلة فى شخصيتها (مش قصدى شخصية الراجل وحشة لكن هى حلوة عليه مش على ست )

و بعدين اصلا غلط التشبه بالرجال

لازم لكل واحد طبيعته

و التشبه مش فى الشكل بس التشبه فى التصرفات و طريقه الكلام و كل حاجة

ربنا يهدينا جميعا

اهىء اهىء اهىء

والله كده حرام منه لله النت الغبى ده

نا كتبت مشاركه كبيره اووووووووووووووووى قعدت يجى ربع ساعه بكتب فيها وبعد كده النت يفصل
منه لله بقى
المهم اولا اهلا وسهلا بيكم

بقالوا كتير ما اتجمعتوش فى موضوع واحد او ما اتناقشتوش كده واتعصبتوا
انا عايزه ارد على كل مشاركه لوحدها بس مفيش وقت بقى علشان المذاكره اللى مش بتتذاكر

والنت بطىء لدرجه تخنق

بالنسبه انى متابعه الاخبار يا سيف

فماما طول النهار فاتحه بوابه مصراوى علشان تعرف احدث الاخبار والمصايب
احنا قاعدين جمبها طبعا فبنتتابع معاها وبعد ما تخلص ونكون عرفنا كل المصايب واتئبنا من الحال اللى احنا فيه
تقولنا انتوا اللى قاعدتم محدش قالكم تشوفوا الاخبار معايا

ندخل فى الموضوع وربنا يعينكم وتقروا للاخر ويهدى النت وما يفصلش

انتوا مالكم اتعصبتوا كده ليه فيه ايه يعنى لو البنات دخلوه الجيش اهو يبقى تغير؟؟

وفى نفس الوقت لو حصلنا حاجه لاقدر الله نلاقى حد يدافع عننا بدل الشباب الى طول النهار ياخد اعفا من الجيش

طب ده انا طول عمرى كان نفسى اطلع ظابط علشان امسك مسدس واموت الناس الوحشه واقبض على الحرميه وكده يعنى زى ما كان بيجى زمان( زمان مش دلوقتى ) والظباط كانوا بيعملوا
والا بقى لو شفتوا فرحتى لما شوفت فيلم البوليس النسائى كنت همت من الفرحه لانى كنت فاكره انه جد

وقولت خلاص لما اكبر ان شاء الله هبقى ظابط وهقبض على الحرميه وهخلى الناس الحلويين بس اللى بيسمعوا كلام ربنا هما اللى بره السجن



انتوا بتضحكوا عليه ليا هه ؟؟؟؟؟؟

طفله وبتحلم الله انتوا حاجه غريبه اوى !!؟؟لو سمحتوا بطلوا ضحك لانى اصلا بضحك على نفسى

نيجى بقى للبنات دول عملوه

ليه ما بصتلهوش من نظرتهم هما اللى ممكن تكون فيها شىء من الايجابيه

معروف ان المراه بتحكم بقلبها قبل عقلها صح ؟

طب ليه ما تقولوش انهم صعب عليهم يشوفوا اخواتهم بتنتهك اعراضهم وعلى ارض بلاد الاسلام مش فى اوربا مثلا لا على ارض عربيه مسلمه والمصيبه الكبرى كمان انها ممكن تكون من انسان مسلم وعربى يعنى يهودى وامريكانى بس ؟؟؟؟؟؟؟!!!!!!!!!!!!!!!!!!!!!!!!!!!!!!!!!

والمسلمين بيقتلوا فى كل مكان ودمهم اللى هو حرمهته عند الله كحرمه البييت االحرلم واشد دمهم مستباح وارخص دم هو دم المسلمين ؟؟

وبعد ده كل يجى البنات يلاقوا الشباب عادى جدااااااااااااااا مفيش لا نخوه ولا شهامه ولا رجول كل ده اختفى
حتى الجيش مش هاين عليهم يتدربوا وينتظروا الفرصه اللى اتجيلهم انهم يدافعوا عن ارضهم

بجد حاجه تحسر لما يبقى الشاب المسلم قبل الجيش داير يلف على كل اللى يعرفهم علشان يدعيله ان ربنا يقف معاه وياخد اعفى من الجيش ده مش هيحارب ده بس هيدرب امال لو قالوا فى حرب هيعملوه ايه بقى ؟؟؟؟؟

(انا عارفه كويس اووووووووووووووووووووووووى انهم هيكونوا رجاله بجد بس هما مستنين ايه؟؟؟ )

طيب نسيب كل ده خلاص الشباب قالوا انهم بيضيع عليهم سنين من عمرهم فى الجيش وعايزين يدوروا على شغل ويكونوا نفسهم يكونوا نفسهم علشان يجوزا ويعملا اسره وعيشوا عادى زى كل الناس ..
ليه ما تقولوش ان البنات لاقت ان لاقدر الله اذا حصل لنا حاجه مش هنلاقى حد يدافع عنا

لان كل الشباب واخد اعفا من الجيش

نفرض ان لاقدر الله لاقدر الله حصلنا حاجه من عدو واعدائنا ما اكثرهم

هنقول للعدو الله يخليك استنى شويه على ما ندرب الرجاله على الدبابه والطياره ؟؟؟؟؟؟؟؟؟؟؟؟

انتوا ما تتخيلوش قد ايه بتكون حسرتى لما اشوف شاب من شباب المسلمين كل حياته المعاكسات وكلام البنات ووالاغانى والجيل والبناطيل الواقعه .و.......... بجد حاجه تحسر وتوجع اوى

فانا اتوقع بقى ان البنات فكروا فى كده للاسباب اللى انا قولتها وجمب كده فى اسباب رئيسيه وهى الاساس والمؤكده تماما وهى اولا واخرا الفرااااااااااااغ

الفراغ بيعمل مصايب وبلاوووووووووووى ربنا يرحمنا ويحفظنا
على راى دكتور عمو خالد ما دايما يقول

الفراغ يا شباب اوع تعيش فى فراغ

الفراغ خلى امراه العزيز تراود فتاها عن نفسه ؟؟



فالبنات دول زى ما ادمين قال عندهم فراغ ومش لاقين حاجه يعملوها ففكروا فى حاجه جديده وصدقونى هما نيتهم خير والله هما عايز ين يساعدوا مصر بس فكؤوا غلط وتعدوا الحدود فالمسموح ليهم انه ينفذوه وواضح انهم نسيوا انهم مسلمين ؟؟

وعلى فكره فى برضه احصائيه او حاجه زى كده عملها مصراوى وسالوا البنات اللى بيحضروا الماجستير
انتوا بتحضروا ليه وكلهم اجمعوا ان الفراغ السبب وانهم اول ما هيلاقوا نفسهم مجوزين هيسبوا كل ده ويقعدوا فى البيت وكانوا بنات فى كليات قمه يعنى سالوا بنات من السن واعلام وسياسه واقتصاد وكمان فى اداب

فالفراغ يبيخلى البنات تدور على اى حاجه علشان تعملها وتملى بيها الفراغ خصوصا لو كانت حالتها زى واحده من اللى سالوها وقالت ان اهلها مضايقين من قاعدها مده فى البيت وبيسمعوها كلام يضايق وبيحسوا انها حمل عليهم فهى فكرت فى الماجيستير على اساس انه حاجه تملى فراغها وتشغلها وتخلى اهلها ما يحسوش انها عبء

معلش انا طولت اوى بس بطلع كل اللى جوااايا

وارجع اقول ان مع كل اللى قولته ده انا معارضه تماما لفكره ا البنت تدخل الجيش وتحارب

البنت تقعد فى بيتها معززه مكرمه فى وسط جوزها وعيالها وهى بقى تربيهم وتطلع منهم الراجل اللى بجد اللى يوم ما منادى الجهاد يقول حى على الجهاد يكون ابنها اول شاب خرج للشهاده وبنتها اول ممرضه خرجت لتمرض جرحى المسلمين

هذه هى المراه المسلمه الكريمه الرقيقه الحييه

واحب انهى كلامى بجمله



المراه التى تمتلك بيتا آمنا وزوجا حنونا مخلصا وزريه صالحه يعيشون آمنين على ارضهم وهدفهم هو اعلاء كلمه لا اله الا الله

فهى ملكه متوجه على عرش السعاده الابديه باذن الله

وحطوا تحت الابديه الف خط

وكفايه اوى كده عليكوا

سلام عليكم ورحمه الله وبركاته

نسيت اقول حاجه مهمه جدااااااااا

انا ضد المعامله السيئه اللى بحس انها غير آدميه اللى الشباب بيتعاملوها فى الجيش
اى نعم لازم يكون فى قسوه وهيتبهدلوا واكل مش حلو علشان يتاقلموا علىحاله الحرب

بس مش للدرجه اللى بتحصلهم هناك

انا قولت اقول الجملتين دول علشان ابقى عادله فى كلامى وما تفتكروش ان ببرر اى من كلام البنات ده او بدافع عنه او انى حتى معاهم واو انى متحامله على الشباب

ربنا يوفقكم يارب ويوفق كل شباب وبنات امه الاسلام
قولوا آمين

كلامك رائع يا بت يا فوفو

و انا زيك متغاظة جدا جدا جدا من كراهية الولاد للجيش بس فى نفس الوقت ضد كذا حاجة فى الجيش
شايفة انه يكون مش لدرجة 3 سنين صعب واحد يقعد 3 سنين واحد تانى يقعد في بيتهم دة مش عدل فى رايي .. فلو مثلا يبقى 6 شهور و للجميييع يبقوا حلوين اوى

و يبقى المعامله فيه شديدة و كل حاجة بس باحترام لانسانية الاشخاص اللى قدامهم

و يبقى تدريب حقيقي كويس

-----------------------

بس يا فداء عايزة اقولك حاجة عشان الولاد ميبقوش مظلومين ..هما صح مش بيحبوا يدخلوا عشان المعامله غير الادمية احيانا و التعطيل عن الشغل
بس فى سبب كمان ممكن يكون عند ناس كتير .انهم ساعات بيتاخدوا مش يتدربوا على فنون الحرب و كدة لكن بيتاخدوا مثلا يعملوا الاستعراضات بتاعت الاحتفالات الوطنية و فى بيطبخوا و حاجات غريبة كدة سمعت عنها
فمش حاسين انهم هيعموا حاجة بجد مفيدة اوى زى اللى هيعملوه لو اشتغلوا

غجايز دة مبرر لناس كتير

تانى حاجة

مصر ما شاء الله كتيييييييير جدااااااااا ..فمتاخديش بالعدد اللى بياخدوا اعفاء و تقولى كل الناس بتاخد اعفاء
لا فى كتيير جدااا بيتاخدوا و انا اخويا ناس كتير جدا من دفعته اتاخدت و هو باين سبحان الله اتاخد اللى عيد ميلادهم قبله بيومين حاجة زى كدة ..يعني هو كان على وشك انه يتاخد بس خد تاجيل 3 سنين لانهم خلاص خدواا العدد الكافى ( فمتقلقيش يعني )

فهما بياخدوا كتير بس مش بياخدوا كل الناس و مش بياخدوا كل التخصصات

بس بصراحة برضه مع انى عارفه انى مقدرش استحمل ..بس انا نفسي ادخل الجيش ..و بحب اوى اغنيه هتجند بتاعت كريم ابو زيد (عارفااها ؟؟)

هو اللى هيدخل الجيش 3 سنين احسن من اللى بيدخل سنه واحده

لان اللى بيدخل سنه واحده بيبقى عسكرى
اما 3 سنين بيبقى ضابط احتياطى له رتبه ملازم ( نجمتين ) و مرتب ملازم و بيشتغل فى مجال تخصصه يعنى المهندس بيبقى ضابط مهندس و الطبيب بيبقى ضابط طبيب و كده و بيخلص و بيبقى له خيارين انه يكمل فى القوات المسلحه او انه ينهى المده و ياخد شهاده خبره بالمده اللى اشتغلها فى الجيش

و حوار المعامله القاسيه دى على الكل العساكر و الضباط و كل الناس بحكم الصحراء بس مفيده اوووى و الواحد بيقعد فى الوضع الصعب ده سنه ( 9 شهور ) طيب الناس اللى كده طول عمرها تقول ايه او تعمل ايه

ندى كتب:

كلامك رائع يا بت يا فوفو

ربنا يخليكى يا نودى ده بس بعض مما عندكم

و انا زيك متغاظة جدا جدا جدا من كراهية الولاد للجيش بس فى نفس الوقت ضد كذا حاجة فى الجيش
شايفة انه يكون مش لدرجة 3 سنين صعب واحد يقعد 3 سنين واحد تانى يقعد في بيتهم دة مش عدل فى رايي .. فلو مثلا يبقى 6 شهور و للجميييع يبقوا حلوين اوى

اديكى شوفتى فامبير قال ان تلات سنين احسن لانهم فعلا بيتعلموا فيها وبجد بيكون ليهم مستقبل حلو فيها

و يبقى المعامله فيه شديدة و كل حاجة بس باحترام لانسانية الاشخاص اللى قدامهم

و يبقى تدريب حقيقي كويس


انا معاكى فى كل اللى قولتيه تعرفى انا ساعات بحس ان المعامله الوحشه دى بتبقى عقده عند الظباط انهم يعملوا

الطلبه اللى تحت ايدهم زى ما الظباط بتوعهم كانوا بيعملوا فيهم كانهم بيصعب عليهم انهم يتعاملوا براحه

اه والله حتى بابا كان بيحكى ساعات مش عارفه عمل مقلب باين او حاجه فى عسكرى عنده بس كانت حاجه صغيره مش

مصيبه او حاجه كبيره يعنى فبقوله ليه كده قال هو كده هو النظام كده

اه افتكرت كان اول ما بيجلهم طلبه فى دفعه جديده كانوا اول ما يحطولهم الاكل يشيلوه بعد دقيقه

ويقعدوهم طول اليوم على لحم بطنهم يا عينى ويقولك ايه علشان يتعودوا بعد كده يا كلوا بسرعه وانه مفيش وقت

والله بيصعبوا عليا اوى

-----------------------

بس يا فداء عايزة اقولك حاجة عشان الولاد ميبقوش مظلومين ..هما صح مش بيحبوا يدخلوا عشان المعامله غير الادمية احيانا و التعطيل عن الشغل
بس فى سبب كمان ممكن يكون عند ناس كتير .انهم ساعات بيتاخدوا مش يتدربوا على فنون الحرب و كدة لكن بيتاخدوا مثلا يعملوا الاستعراضات بتاعت الاحتفالات الوطنية و فى بيطبخوا و حاجات غريبة كدة سمعت عنها
فمش حاسين انهم هيعموا حاجة بجد مفيدة اوى زى اللى هيعملوه لو اشتغلوا

مش عارفه اول مره اسمع الحكايه دى بيتهيالى ان اللى بيدربوا هما هماهم اللى يبيعملوا الحفلات

فجايز دة مبرر لناس كتير

تانى حاجة

مصر ما شاء الله كتيييييييير جدااااااااا ..فمتاخديش بالعدد اللى بياخدوا اعفاء و تقولى كل الناس بتاخد اعفاء
لا فى كتيير جدااا بيتاخدوا و انا اخويا ناس كتير جدا من دفعته اتاخدت و هو باين سبحان الله اتاخد اللى عيد ميلادهم قبله بيومين حاجة زى كدة ..يعني هو كان على وشك انه يتاخد بس خد تاجيل 3 سنين لانهم خلاص خدواا العدد الكافى ( فمتقلقيش يعني )

مش قلقانه خالص خالص

فهما بياخدوا كتير بس مش بياخدوا كل الناس و مش بياخدوا كل التخصصات

بس بصراحة برضه مع انى عارفه انى مقدرش استحمل ..بس انا نفسي ادخل الجيش ..و بحب اوى اغنيه هتجند بتاعت كريم ابو زيد (عارفااها ؟؟)

هو انا ماعرفهاش بس بينى وبينك
حكايه انى كان نفسى اطلع ظابط دى لسه موجوده ولدرجه انى بفكر لما اخلص الكليه ادخل اكاديميه الشرطه
هقعد اول يوم واروح مكسره بيتنا واقعد بقى فى السرير كام شهر كده

!vampire! كتب:

هو اللى هيدخل الجيش 3 سنين احسن من اللى بيدخل سنه واحده

لان اللى بيدخل سنه واحده بيبقى عسكرى
اما 3 سنين بيبقى ضابط احتياطى له رتبه ملازم ( نجمتين ) و مرتب ملازم و بيشتغل فى مجال تخصصه يعنى المهندس بيبقى ضابط مهندس و الطبيب بيبقى ضابط طبيب و كده و بيخلص و بيبقى له خيارين انه يكمل فى القوات المسلحه او انه ينهى المده و ياخد شهاده خبره بالمده اللى اشتغلها فى الجيش

و حوار المعامله القاسيه دى على الكل العساكر و الضباط و كل الناس بحكم الصحراء بس مفيده اوووى و الواحد بيقعد فى الوضع الصعب ده سنه ( 9 شهور ) طيب الناس اللى كده طول عمرها تقول ايه او تعمل ايه

طيب ما هو ليه مميزات اهو مش كله حاجات وحشه

والوحش اللى فيه القواد بتوعكوا بيشاركوكوا فيه

عايزين ايه تانى انتوا هتنهبوا

تكونوش عايزينهم يعاملوكوا معامله حلوه ولا حاجه ؟؟

ده انتوا تبقوا غلطانين اوووووى انتوا فى بلدكم شوفوا هتتعاملوا ازاى بقى ؟؟؟؟؟

انا عايز اوضح كام حاجة كده



بالنسبة لموضوع ان الجيش المعاملة فيه معاملة غير ادمية



الكلام ده مش حقيقي


المعاملة كويسة ، بس شديدة

ولولا المعاملة الشديدة دي ، مش هنبقي خير اجناد الارض


وكمان المعاملة القاسية بجد بتبقي ايام الحروب

يعني زي من 40 سنة كده مثلا


لكن دلوقتي الحياه حلوة

بس بتبقي اماكن واماكن برضه

واسلحة اه واسلحة لأ

يعني المشاه غير المظلات غير المدرعات غير الباقي


بس هو من ابرز المساوئ اللي الواحد بيسمع عنها حاجة كانت موجودة زمان ويا رب تكون خلصت


واللي هي ان انا ابقي مؤهل عالي ويمكن من كليات القمة واللي ماسكني في الجيش واحد معاه اعدادية بالكتير


وفيه موقف اتحكالي مش هنساه طول حياتي


واحد دخل الجيش وعايز يحضر ماجيستير علشان ما يضيعش وقته

وجاب وسايط وظبط نفسه في الجيش وبقي ياخد اجازات كتيرة علشان الجيش


فالامتحان بتاعه قرب وكان في مرة قاعد بيذاكر علشان الامتحان وصفارة الطبور ضربت وهو قعد وما نزلش الطابور

فمر عليهم عسكري من العساكر اياهم دول علشان اللي ما نزلش يجبره علي النزول

فلقي صاحبنا ده قاعد

قاله ما نزلتش ليه؟ اتفضل قدامي


قاله معلش والنبي يا باشا اصل انا عندي ماجيستير

فرد عليه العسكري وقاله

" بص هتقولي ماجيستير ولا بلهارسيا ولا حتي دوزونتاريا ، عندك الوحدة الصحية هناك ، اتفضل قوم قدامي "

ههههههههههههههههههههههههههههههه


طبعا واضح هنا ان ما فيش جهل ابدا


يللا ما علينا

عموما فيه معلومة تانية عايز اصلحها

ما فيش ناس كتير بتاخد اعفاء زي ما انتم متخيلين

لو فاكرين دكتور امال شاور قالت ان اكتر من 45% من سكان مصر عمرهم تحت الـ15 سنة

يعني بنتكلم في 40 مليون

شوفوا بيتخرج مليون مثلا كل سنة من الجامعات ده غير الناس اللي ما بتكلمش تعليمها اللي هي مؤهلات متوسطة مثلا

يعني لو شوفنا ربع مليون اخدوا اعفاء ، هنلاقي فيه غيرهم اكتر من مليون ونص اتاخد

غير اللي في الجيش فعلا زي الكليات الحربية والجوية والبحرية ، والناس القديمة والناس اللي بتتاخد ضباط لمدة 3 سنين

يعني مش اعفاء كتير زي ما متخيلين

بس الوضع مختلف هنا علشان مش في حالة حرب




وبالنسبة لحكاية الفراغ اللي كنت قولته قبل كده

فانا اول امبارح بليل قريت مجلة زهرة الخليج ، مجلة خليجية ، وكان العدد بتاريخ 29/11/2008

ولقيت خبر جواها بيقول

اول مأذونة اماراتية وتاني مأذونة في التاريخ بعد المصرية


يعني اهوه بقي الفراغ والتقليعات بتزيد


ويبقي لنا ان نقول ولسه


بس عايز اوضح حاجة

احنا فعلا محتاجين بنات في الجيش وفي الشرطة

وده اللي حاصل فعلا

بنات في الشرطة علشان المجرمات في السجون والاقسام ، والمنقبات في المطارات والموانئ والاماكن العامة

وبنات في الجيش زي الممرضات اللي بيتلقوا الجرحي في الحروب واللي دورهم عظيم جدا


بس ما الاقيش زي في اخر حفلة تخرج من الكلية الحربية ، الاقي الريس بيسلم واحدة وسام لأنها بتنط بالمظلات وخلافه


يللا ربنا يستر

موضوع جميل جدا

بس الموقف اللى انت حكيته ده عادى
اه الصول جاهل
بس كمان اللى بيحضر الماجيستير لازم يلتزم بالقواعد و اللى يمشى على الكل لازم يمشى عليه
هو بياخد اجازات و كده يبقى الوقت اللى فى الجيش جيش
و كده يبقى هو اللى جاب الكلام لنفسه مش الصول الجاهل اللى رخم عليه

لا يا جميل انا مش قصدي الرخامة


انا قصدي علي الجهل اللي بيبقي موجود


انا وضحت يا فامبير الموضوع ده

لما قولت اني ممكن ابقي مؤهل عالي ومن كليات القمة كمان

والمتحكم فيا ما يعرفش حاجة


هو ده اللي قصدته من الموقف يا جميل

ما شاء اله شكل فامبير عايوز يدخل الجيش ..الحمد لله
و هشام قال كلام موضوعى عن الجيش ..ِشىء كويس جدا

و فعلا مصر محتاجة للبنات فى التخصصات اللى انت قلتها دى جدااا ..و انا ساعات بشوف ظابطات بيبقوا راكبين المترو .و فى المطار طبعا ..

هو على فكرة حسب اللى اعرفه كل بتوع الشرطة يا مطار يا سجن ..و حاجات مفهاش بهدله ..لكن مش بتروح تقبض على الحرامية و الكلام بتاع الافلام دة
و بعدين يا فداء فى مشكله
لبسهمانا شفتهم هما مغطيين شعرهم صحيح بس لابسين جيبة ازعه كدة ..حجاب اى كلام يعني
بس يمكنعلى ايدك ربنا يهديهم

انا فاهم انت تقصد ايه
بس انا اللى ركزت على حاجه تانيه
لان تخيل لو كان صاحبك قام على البروجى عادى زى باقى الناس كان هيفرق ان الصول يعرف الماجيستير ولا لا
هو كل المطلوب منه يتمم و يعمل الطابور و بس يعنى مش هيجبوا واحد معاه دكتوراه فى الطوابير
و على حسب ما عرفت انهم بيبقوا متتطوعين او اختيارهم مفهوش قيود اوووى زيهم زى المخبرين و امناء الشرطه و معظمهم من الصعيد يعنى ميعرفش اى حاجه عن تعليم ولا غيره
و فعلا انا عاوز ادخل الجيش و لو لقيت فرصه اكمل هكمل
بس ادخل الاول

ربنا يكرمك و يوفقك لاحلى حاجة فيها خير

بس انت بتقو المخبرين بيتطوعوا

المخبرين اللى هما بتوع المخابرات المصرية دول و جواسيس و كدة ؟؟

اهى دى بقى اللى كان نفسي فيها اوى

3my momken atlop ead bentak ?
tab estana ya ebny lma neshof mokefha mn elgesh
ahy gt mn elhaykesteb
ha 3amlty eah ?
haslm nafsy ba3d yomeen
hahahahahahahahahahaha
wallay yenfa3 mosalsal sa5er
yomeyat moganada

لا المخبرين بتوع الشرطه
انما الجواسيس و الناس التانيه دول بيبقوا على الفرازه ممكن ضباط حربيه او شرطه او ناس فيها مؤهلات معينه