جدول السكشن

يا ريت لو حد يعرف مواعيد السكشن لرابعة د يريت يقولها

للاسف مش عارفاها و الله .بس هى هتبدا الاسبوع دة

هحاول اسال بكرة و اجيبها باذن الله

و بالنسبة لادارة بقينا يوم الاحد يا جماعه مش الاربع و المواعيد من 8 الى 3و نص ان شاء الله ال5 مواد

ياااااه ؟ الأحد؟ طيب كويس أديني فاضي برضه كدة كدة خلصت الكورس الحمد لله ومش ورايا حاجات تانية تشغلني في أيام الأجازة
بس من 8 دي بايخة شوية ... ربنا يسهل .. قدر الله وما شاء فعل
طب هو يعني كدة فيه الأحد ده؟ اللي هو بعد بكرة؟

اه ان شاء الله

بس على فكرة كدة احسن ان شاء الله

لو تفتكر كنا بنخلص التلات الساعه 8 و نروح الاربع طول اليووم فى الجامعه و نروح نصحى الساعه 8 الصبح محاضرة

فكان اكنهم 3 ايام ممكن نبات فى الجامعه و نواصل فيهم


فكدة ان شاء الله احلى

و انا بحب اوى اوى اجازة الاربع .. لانها اجازة ايام الطفوله الجميلة (اولى و تانيه )

بيبقى يوم لذيذ فى الاجازات عن الاحد

احنا السكاشن بتاعتنا يوم الخميس ( مجموعه ج ) من الساعه 2 للساعه 8 يعني اليوم بيتدمر كله

حمد الله علي السلامة يا ميزو المهندس

الله يسلمك و شكرا على سؤاللك

يا ريت تفضل زي زمان يا جميل

انا زى ما سمعت والله اعلم برده

اننا عندنا سكشن يومالسبت قبل المحاضرات

ويوم الاتنين من 3.30 لحد الساعة 8

والله اعلم برده

Admin كتب:

يا ريت تفضل زي زمان يا جميل

أكيد طبعا هكون معاكم

Professor كتب:

انا زى ما سمعت والله اعلم برده

اننا عندنا سكشن يومالسبت قبل المحاضرات

ويوم الاتنين من 3.30 لحد الساعة 8

والله اعلم برده

متشكرين جدا

رابعه ادارة ..سكشن الادارة الدوليةة الساعه 2 يوم الخميس ان شاء الله
قاعه 209

شكراً .. ربنا يكرمك
بس الميعاد وحش أوي لأن هنقعد فترة الشمس كلها هناك وكمان تضييع وقت ... قدر الله وما شاء فعل
جزاكِ الله خيرا

مشكلة جديدة لرحلة دار السبيل

شكلها كده

سكاشن 4د اصبحت يوم الاحد الساعة30-3 الى 8 فى مبنى الشعبة الانجليزية بدل يوم الاثنين

اهلا بيكي يا دندن منورانا

بس هو انا شفتايميلك ..هو انتى اللى كنتى بتراسليني زمان على الايميل و احنا فى سنة تانيه ؟؟

عموما منوراااااااااااااااانااااااااااااااا يا قمر

ياجماعه تعديل للمرة التانيه
السكاشن هترجع تانى يوم الاتنين فى ميعادنا وفى مدرجنا
لو عايزين تعرفوا الموضوع بالتفصيل انا اقولكوا
دلوقتى فى جماعه من بتوع ال iti بيخلصوا الساعه 4 يوم الاتنين وعشان مابيلحقوش السكاشن طلعوا لوكيل الكليه وطلبوا منه ان السكاشن تبقى زى مواعيد الترم الاول يوم الاحد فالوكيل وافق على اساس انها تروح مدرجات الشعبه
ولما عرفنا الموضوع ده روحنا للوكيل ( على الديب ) وقولناله ازاى مجموعه كبيرة زى ( د ) تحضر فى مدرجات الشعبه
وبعد مالراجل فاق من غيبوبته قال اه صحيح ازاى دى ؟
اكتبولى طلب وانا ارجعكوا تانى
ومازال النزاع قائم بيننا وبين طلبه ال iti فياريت ياجماعه تساندونا
واذا مكنش عشان اليوم يبقى عشان المكان
ومستنى ردودكم
شكرا

طبعا ياجماعه الراجل اللى فاق من غيبوبته ده مش وكيل الكليه خاااااالص
ياريت محدش يفهمنى غلط عايزين نخرج من الكليه دى بسلاممش هتيجى فى الاخر وتطبل
الدكتور على الديب له منا كل تقدير كفايه تعاونه معانا وانه بياخد الطلبه على قد عقلها قصدى بيريحها يعنى
ياريت كلامى ميتفهمش غلط للمرة التانيه

يعنى اية الاسبوع القادم ان شاء الله هيبقى يوم الاثنين ولا الاحد

ده اللى هتكشفهولنا الايام الجايه
ياترى ادارة الكليه هتعمل بانهى طلب
وياسلام لو كلنا نطلع بقى مع بعض كده مرة واحده اكيد هتفرق
يعنى كلنا نعمل طلب واحد مقدم باسم المجموعه كلها انها عايزه يوم فى مدرج ج
يكون حد بقى يكون اتنين ... المهم انه ياخد العدد

فعلا احنا لازم نطلع ونشوف النظام ايه

طيب احنا ممكن ناخدها يوم الاحد بس فى مدرج كبير

او الاتنين فى نفس الوقت والمكان

ده اعتقد مناسب

وكمان احنا هانعرف منين انها هاتتغير ولا لا

الايام هى اللى هتثبت لنا يا بروف
بس لحد دلوقتى الكلام رايح جاى وعلى بكرة او يوم السبت بالكتير هنعرف الحقيقه
ومن الواضح كده انه مفيش محاضرات لمجموعه د يوم الخميس لان الجامعه كالعاده ماجرة المدرج كام يوم عشان تعمل فيه ندواتها

وانا كنت ناوى انزل يوم الخميس

على فكرة يابروف انت المفروض معانا فى حوار عمرو عثمان يعنى هتنزل هتنزل
هو صبرى مكلمكش لسه ولا ايه ؟