استوديو النجوم مع نجمتنا عاشقة تراب القدس 19

ونكمل باقي اسئلة ندودة

8 مين اكتر 10 اعضاء بتحبيهم هنا

ماري مور/ ورد/ زمزم / ياسمينا / بسبوسة / هدهد / سمايل / ........

9 ايه عيوب المنتدى

عيوب المنتدى انك تلاقي ضغط على ساحات معينة زي اللعب مثلاااااا في حين تلاقي ركود في ساحات أخرى زي ساحات البنات عموماااااااا


10 ليه مبتشاركيش غير هنا غالبا

لأني بحس هناااااااااا بالألفة واني وسط أخواتي


11 لا اله الا الله

محمدااااااااا رسول الله

و ادعيلى

ربنا يكرمك ويرجعك لينا بالسلامة

و محدش يخرج لولى من هنا لغايت يوم السبت ان شاء الله لما ارجع من العمرة

أناااااااااااااااااااااا في انتظارك !!!!!!!!!

ربنا يكرمكم كلكوااا

آآآآآآآآآآآآآآآآآآآآآآآآآآآآآمين يارب العالمين

وسلااااااااام عليييييييكم و رحمة الله و بركاته

وعليكم السلااااااااااام ورحمة الله وبركاته

ما انا معاكي يا بسبوسه تبع حزب المعارضه
وبناشد القوي العليا بانها تحاصر لوليتنا عشان مش جاوبت علي اسئلتي انا وبسبوسه
ههههههههههههه

السلام عليكم
اولا تحية كبيرة جدا لنجمتنا الامورة العسولة الكتكوتة "سنبلة"
منورة المنتدى كلة واستوديو النجوم


ونتمنى ان نشوف مشاركتمك فى كل المواضيع وفى قسم البنات وخصوصا قسم "طبق اليوم"
ودلوقتى
ياريت تنورينا فى استوديو النجوم عشان نسالك كدة ونتعرف اكتر...........
يلا الله
سنبلة سنبلة سنبلة...................

يلا ادخلى نورينا
والسلام عليكم ورحمة الله وباركتة

السلام عليكم


وعليكم السلام ورحمه الله وبركاته



اولا تحية كبيرة جدا لنجمتنا الامورة العسولة الكتكوتة "سنبلة"

ربنا يكرمك يارب يا حبيبتي قلبي  ده انتي اللي نجمه يا قمر

انا لا نجمه ولا حاجه



منورة المنتدى كلة واستوديو النجوم

ده  نورك ونور كل اللي في المنتدي يا جميل  




ونتمنى ان نشوف مشاركتمك فى كل المواضيع وفى قسم البنات وخصوصا قسم "طبق اليوم"
ودلوقتى

قسم طبق اليوم اللي كل ما ادخل المنتدي الاقيكوا في نفس الطبق

ده طبق كل يوم يا بنتي مش طبق يوم واحد

بس من عنيا ها اشارك ....



ياريت تنورينا فى استوديو النجوم عشان نسالك كدة ونتعرف اكتر...........
يلا الله
سنبلة سنبلة سنبلة...................

علي فكره والله داخله عادي ساحه البنات وببص علي الموضوع اللي

كنت حاطاه بتاع مخنوقه ده

ببص لقيت اسمي متشعلق في موضوع استوديو النجوم ده

والله فضلت متنحه شويه لحد ما ادركت الحقيقه

انكم اصطدتوني

يلا ادخلى نورينا

دخلت اهو.....

بس يا بسبوسه مش كل الناس هنا تعرفني

ما اعتقدش الحلقات بتاعتك في الايام دي ها تبقي ممتلئه بالاسئله

عشان ماحدش يعرفني



والسلام عليكم ورحمة الله وباركتة

وعليكم السلام ورحمه الله وبركاته

السلام عليكم , اهلا بسنبلة معانا فى الاستوديو , واسمحيلي اسالك :

اسمك الحقيقي ؟
سنك؟
هواياتك ؟
ايه اللى مش بيعجبك فى نفسك ؟
امتى بتحسي بالرضي عن نفسك ؟
الصداقة بتمثلك ايه؟
امتى بتفقدى رغبتك فى الكلام ؟
عرفتى المنتدى منين ؟
مين اصدقائك من المنتدى ؟

كفاية كده دلوقتى بقي

طيب اسال بقا

اتفضلي طبعا يا قمر



اية سر اختيارك لاسم سنبلة؟؟

ياااااااااه ده الاسم ده ملازمني من  اول ما عرفت حاجه اسمها نت
بصي يا ستي

حاجتين ::

اولهم عشان نفسي نعيش في سلام بقي

تانين ايه في القرآن الكريم

يقول تعالى :
“مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة
والله يضاعف لمن يشاء والله واسع عليم” (البقرة: 261).








اية احلامك وطموحتك؟؟
ياااااااااه كتير
احلامي :

نبدا من النهايه > نفسي اموت شهيده

ونفسي في الزوج الصالح الي يعيني علي ديني ودنيتي واللي ها اتتبعه يوم القيامه

الي الجنه (ان شاء الله)

الطموحات:

طموحاتي كتير

وملخصهم اني نفسي ابقي حاجه

يعني ابقي معيده ثم دكتوره

او مديره

او ابعد عن مجالي خالص

وابقي ديزاينر  او بروجرامر

يااااااااااه نفسي في حاجات كتير اوي

ادعولي

احلى مرحلة فى حياتك؟ولية؟

كل فتره كنت بحب حاجه فيها

بس احلاهم  ايام الثانوي  

خصوصا تالته ثانوي كنت بحبها جدا

اكتر فتره  بحبها في حياتي  لاني فعلا كنت  بعمل كل حاجه واي حاجه  ممكن تخطر علي بالي

وكان ليا صحاب كتير

وكنت ايامها كمان بحس ان الناس  كلها بتحبني

وكنت مشتركه في انشطه كتير

وكنت المدرسه تلات اربعها عارفني تقريبا

وقبل ثانوي  كنت حابه حاجه واحده بس في حياتي اني كنت بروح المسجد بانتظام

وكانت ليا صحبه في المسجد جميله جدا

بس الفتره اللي قبل ثانوي دي كنت بكره شخصيتي فيها جدا

لاني كنت سلبيه جدا

وكان ممكن اي حد يفرض نفسه عليا

اما فتره الجامعه بقي

فحلوه ووحشه

حلوه : عشان اعرف ناس كتير جدا

وشوفت شخصيات كتير جدا

واتعلمت التعامل مع ناس كتير جدا

ووحشه: عشان لحد دلوقت مش قادره  ادرك  ان انا فتاه جامعيه

وان انا خلاص كبرت بقي ومش بقيت طفله زي زمان

فعقلي مش قادر يتقبل حقيقه اني كبرت  دي خالص...




ماهو مبدائك فى الحياة؟؟

كتير




ماهى حكمت فى الحياة؟؟

كما تدين تدان
ولا تبكي علي اللبن المسكوب (لانه خلاص اتدلق ها المه من علي الارض يعني )



وهل تطبقيهم فعلا ام لا؟؟

كتير من مبادئي بطبقها

لكن برده كتير تنحيت عنها بس مش بمزاجي

الدنيا هي اللي خلتني مش عارفه اطبقها (عارفه ان ده غلط)

وكتير مش بقيت اطبقهم  ومش عارفه ايه السبب  وده مخليني مخنوقه




يلا جاوبى.............

جاوبت اهو ....



هرجعلك تاني

تنوري....

السلام عليكم

وعليكم السلام ورحمه الله وبركاته



, اهلا بسنبلة معانا فى الاستوديو ,

اهلا بيكي انتي يا جميله




واسمحيلي اسالك :

طبعا يا جميل اتفضلي  انتي مش محتاجه استئذان اصلا




اسمك الحقيقي ؟

هبه الله


سنك؟

18


هواياتك ؟

التأمل . الرسم . كتابه الخواطر




ايه اللى مش بيعجبك فى نفسك ؟

حاجات كتير بس اكترهم التناقض اللي فيها



امتى بتحسي بالرضي عن نفسك ؟

لما بقرب من ربنا اوي  وابقي صادقه معاه

ولما ببقي صادقه معاها

بس مش دايما ده بيحصل اني ابقي راضيه عنها

بل بالعكس نادرا كمان



الصداقة بتمثلك ايه؟

حياتي كلها

واحلي حاجه في حياتي

ولما بفقدها  ببقي مش طايقه حاجه



امتى بتفقدى رغبتك فى الكلام ؟

دايما

انا اصلا امثل الصمت في حياتي
واسألي اي حد يعرفني


عرفتى المنتدى منين ؟

من صحابه
معظم اللي هنا اعرفهم



مين اصدقائك من المنتدى ؟

كتير اوي..... المعظم تقريبا



كفاية كده دلوقتى بقي



بقولك هو انتي هبه اللي انا اعرفها ولا مش انتي ؟

انتي تجاره معانا ؟؟

بقولك هو انتي هبه اللي انا اعرفها ولا مش انتي ؟

انتي تجاره معانا ؟؟


طب مين هبه اللى انتى تعرفيها

انا فى تجارة اه , وعلى فكرة احنا اتكلمنا مع بعض قبل كده كمان بامارة ( سمسمة )

انا بقي اللى فى بالك ولا حد تانى ؟؟

ياااااااااااااااااااه

افتكرتك ..

انتي اه مش هبه اللي كنت اقصدها

بس افتكرت كونفرسيشن سمسمه

ياااااه... والله زمان يا عمونا

طب والله كويس انك فكرانى انا قولت انك نسيانى علشان كده مش قولت من الاول

لا فاكراكي

رغم انهم تقريبا كانوا محادثه او محادثتين مش اكتر

بس  انا مش بنسي الناس اللي اسمهم علي اسمي

ده غير انك صاحبه سمسمه



عاوزه ابقي اشوفك بقي...اوك؟؟

اسألتكم خلصت ولا ايه ؟؟

لا طبعا لسسسسسسسه

طي قولي رايك بالتفصيل في دول بقي
هبه ززمزم
ندي ...
هبه
لوليتا
ماري مور
بسبوسه
اسمايل
سنبله


واييه سر الاسم ده صحيح

وايه مواصفات فتي احلامك
ويا تري لاقيتيه ولالا؟؟؟

يلا حبة احراج شويه
هههههههه

لا طبعا لسسسسسسسه


منور ياجميل


طيب قولي رايك بالتفصيل في دول بقي

اووك



هبه ززمزم

شخصيه هاديه جدا ومحترمه وبحسها عاوزه تبقي دايما في تقدم بالنسبه لحياتها

ومحبوبه اوي وعاوزه اقولها بحبك بجد في الله


ندي ...

الزهره الخجوله : ده اول حاجه اتكونت عنها في بالي وانسانه بجد جميله جميله جميله بكل ما تحمل الكلمه من معني وبحسني شبهها شويه بس هي احسن بكتير طبعا وبتحب كليه تجاره وبتحب اوي تتقن عملها ايا كان وانسانه بجد ليها احترامها من كل الناس وليها معزه خاصه جدا جدا جدا في قلبي


هبه

هبه بقي انا ما اتعرفتش عليها اوي بس باين عليها  من هنا انها لذيذه اوي وكفايه اني عرفتها عن طريق الحبايب ...ان شاء الله نتعرف اكتر وابقي اقول رأيي فيها بتوسع


لوليتا

حبيبه قلبي : تاني واحده اتعرفت عليها في اول طلبه وحبتها جدا ويوم عن يوم بجد بحسها اختي  بجد ..شخيه لذيذه وبنبونايه كده ...بجد بجد وحشتيني اوي يا لولو



ماري مور

رغم معرفتي بيها القليله بس مش عارفه ليه كل لما بشوفها مع لوليتا بحب اتكلم معاها اوي ولو هي بتكلم حد بفضل ابص عليها ....ربن يكرمك ياجميله بجد


بسبوسه

بسبوسه ونسمه بجد  ....مش ها اقول اكتر من انها رقيقه جدا جدا جدا ....بحبك اوي في الله


اسمايل

سمايل بقي دي ليها مقال ...بس اهم حاجه :شخصيه مرحه وحبوبه  وكتكوته خالص  وطيوبه اوي  
ربنا يعزها يارب


سنبله

انتوا اللي تحكموا

انتي بقي نسيتي ياسمينا

ياسمينا بقي ...بنوته بجد بحسها كده نشيطه اوي وطيبه ومحترمه  وبحبها



واييه سر الاسم ده صحيح

ما انا قولت فوق يابنتي


وايه مواصفات فتي احلامك

هههههههههههههه

لا كتير لدرجه اني حاسه اني عمري ما ها الاقيه بالمواصفات الكامله دي



ويا تري لاقيتيه ولالا؟؟؟

ياريت

ادعيلي


يلا حبة احراج شويه
هههههههه

ههههه
مرسي ياقمر علي كلامك عني

وانا بجد بحبك في الله



وليا كام سؤال كده برده

مين هوا قدوتك في زمنا ده ؟
ومين هيا اكتر شخصيه شبهك من الممثلين
ومين اكتر منشد بتحبي صوته

السلام عليكم
اهلا وسهلا بيكى يا عاشقة معنا فى المنتدى
ونورتى يا حبيبتى
انا قولت فرصة نقبض عليكى وبالمرة نتعرف
يلا

معنا نجمتنا العسولة
"عاشقة تراب القدس"
طيب كام سؤال كدة
اية رايك فى المنتدى؟
وممكن تعرفينا بنفسك اكتر؟
بس كدة
ورجع اسالك تانى
السلام عليكم ورحمة الله وباركته

اهلااا بيكى يا قمر
نورتى الاستوديو و القناة و النايل سات كله هههه

اسالك شويه

اسمك و سنك و عنوانك و تاريخ ميلادك ؟؟


كليتك ايه ؟؟


ايه هى هواياتك الاساسية ؟؟


ايه اللى بتحبيه فى اى انسان عموما ؟؟

و ايه اللى تكرهيه ؟؟


بتقضى يومك اذاى غالبا

اولا انا بشكركم على اهتمامكم بيا جزاكم الله خيرا والله .
الاستديو منور بيكم
اسئله بسبوسه: المنتدى حلو اوى لان كل اللى فيه بيحبوا بعض وبيخافوا على بعض و علاقه البنات بالشباب محترمه والشباب بالبنات برده وحسه ان اغلبيه الاعضاء او كلهم ملتزمين دينيا(ولا نزكى على الله احدا)وديه حاجه قليله فى اى منتدى.
من الاخريا ستى المنتدى عاجبنى جدا ,

اعرفكم بنفسى ودىاجابه سؤال بسبوسه وندى: مش عارفه هو انا متعودش اقول عنوانى على النت بس اعتبرينى من المنصوره واسمى فداء وعندى 18 سنه وتاريخ ميلادى 26/6/1990
انا فى كليه لغات وترجمه فى قريه اسمها تفهنا الاشراف لو لو حد منكم يسمع عنها هى كليه ازهر بس انا ثانويه عامه وقدمت فى الكليه دى لانها موازيه لالسن بس مجموعها اقل
انا رايحه اولى اساسى لانا زى هندسه5 سنين ربنا يعدى ال4 سنين اللى باقين على خير.
اناعندى اخت فى ثانيه تانيه ثانوى ادبى واخ رايح تانيه اعدادى واخ تانى رايح رابعه ابتدائى وماما وبابا بيشتغلوا .

اكتر هوايه فى حياتى هىالقراءه بصدق والله من انا صغيره وانا بحب القراءه بس كانت اكتر قرائتى دينيه لحد ما كبرت وبقيت بقرا فى حاجات كتير
. ومن هواياتى الاساسيه برده الخروج مع
صحبتى الانتيم وانى اسمع اناشيد اسلاميه,
والباقى بقى عادات زى التليفزيون والكمبيوتر.

اكتر حاجه بحبها فى اى انسان الصدق اهم حاجه
ده غير النظام وانه يكون مهتم بهندام لبسه يكون شكل لبسه حلو
مش هيافه والله بس انا شيفه ان الهدوم تعبر عن صاحبها وانه الانسان يكون ملتزم دينيا دى حاجه مفروغ منها لانى شايفه ان ربنا خلقنا علشان نعبده (وما خلقت الانس والجن الا ليعبدون) فلازم اى انسان يكون ملتزم وبما ان الحكايه ديه اصبحت قليله فهى بتعجبنى فى اى انسان ,
وبيعجبنىكمان الانسان اللى علاقته حلوة بالناس وبيعرف يتعامل مع كل واحد حسب شخصيته ويعرف يعمل علاقات اجتماعيه كويسه,

اكره اى انسان كذاب حتى لو اخويه , واللى عايش بلا هدف واو عايش لهدف تافه زى واحده زميلتى كل هدفها انها لما تخلص الكليه تشتغل وتجيب عربيه.
الانسان اللى بيالس على اى حد عارف ربنا ويقولوا اه هو انتا من بتوع قال الله وقال الرسول والجنه والنار ,
والانسان اللى اخلاقيه مش حلوهواكتر حاجه بكرها فى البنات عدم الحياء ,

يومى بقضيه عادى , فى الاجازه انا لسه ما رحتش المسجد زى كل اجازه بس انا بنام بعد ما بصلى الفجر وبصحى على الساعه2 واروق الشقه واتفرج على مسلسل انا متابعاه واصلى العصر واقعدما بين التليفزيون والنت ومع العيله يعنى وعلى الساعه6 لو هخرج بقوم البس وارجع عشره اقعد مع اخواتى وماما والتلفزيون وكده يعنى لحد ما ينامواواقعد على النت اكلم اصحابى
لحد الفجر وهكذا لكن لما بروح المسجد بروح من العصر للمغرب .
انتى اللى سالتى اسئله اجابتها طويله وانا اصلا لكاكه فااستحملونى بقى معلش.طولت عليكم