نصائح شعرية

والله بما انى كاتب كبير

هى المشكلة محتاجة حد بيكتب فعلا

بس انا اعتقد والله اعلم هو التركيز

انتى لازم تكون قدامك نقط محددة تمشى عليها فى اطار الموضوع اللى انتى بتكتبى عنه

ده ممكن يسهل عليكى كتير

وبرده الله اعلم لانى مش بحب افتى انا قولت اقول وجه نظرى مش اكتر

وان شاء الله حد يقدر يفيدك

اضم صوتي لصوتك يا زمزم

الحاج عزو بيناشد الزملاء و بيضم صوته لصوتكم

هو فعلا زي ما قال مصطفي
و ممكن يبقي حماسك للشيء ده كبير اوي و عندك طاقه مكبوته في النقط دي عشان كده بتتفرعي في الكلام و بتبقي عايزه تنفجري فيها شويه
و هنا ممكن تتيقني ان الي بيسمع الكلام ده او الراي ده مش بياخد الا بالنقط الي عايز يعرفها او بالي هايفيده ..
و حتي طول مالواحد شغال في حاجه و بتجيله افكار معينه غصب عنه بيحاول يخزنها للاستفاده بيها لاحقا و يحطها في القالب الصح بتاعها او في الوقت المعين ليها بحيث انها تبقي افكار كتير و في مواضيع مختلفه احسن من موضوع واحد شامل كل حاجه و دي حاجه هاتبقي اصعب طبعا
فهنا ممكن تحجمي النقط الي هاتتكلمي فيها شويه

ايه الكلام الي بقوله ده

رأيك من رأى

طيب .. أنا هحاول أقول حاجة وياريت تكون مفيدة
في الغالب كل اللي بيبدأ يكتب بيكتب كل المشاعر اللي جواه مرة واحدة ودايماً بتكون المشاعر متناقضة حتى لو هو مش واخد باله أو مش عايز يتكلم في كل الحاجات دي في وقت واحد
لكن اللي بيحصل إن حد لما مثلاً بيتكلم عن موضوع بيلاقي حاجات كتير بتخرجه عن الموضوع منها الوزن ممكن يوديه لمعنى تاني أو علشان يخليه على نفس المعنى الأول هيخرج عن الوزن فالموضوع كله هيتغير أو هياخد مسار تاني أو بالأدق هيخرج عن الهدف شوية اللي كنا عايزين نقوله ومش هو 100% وكمان مش هيكفي
طبعاً كل ده بيكون في الأول ... قبل الاحتراف ... لكن المرحلة التانية برضه مش هي الاحتراف .. المرحلة التانية غالباً بنكون عارفين هنكتب إيه وبنخلينا نكتب فيه لحد م نطلع أجمل كلام فيه ومفيش تاني ولو فيه حاجات تانية جت في الطريق بنكتبها لكن زي م قال عزو مش في وسط الحاجة اللي بنكتبها لأ على جنب كدة برة ... حاجة ممكن تنفع بعدين .. مهم جداً إن نكتب كل اللي بيجي في دماغنا حتى لو مش لايق بس يكون منفصل ... علشان نقدر نوصل للهدف
المرحلة التالتة بتاعت الاحتراف ... بتكون إن الواحد بيلاقي نفسه أو بيكون عايز يكتب حاجة محددة وبيوصلها وبيطوع الكلمات الوزن علشان يظبط الكلام ومش بيكون فيه فائض ولا كلام ملهوش لازمة .. لكن برضه لو جت حاجة يبقى بره ممكن تكون بطرق تانية

أتمنى أكون قدرت أوصل حاجة

كلامك حلو قوي
ويارب اقدر اعمل كده فعلا
وحلوة فكرة ترتيب الابيات
بس مشكلتي اني بنسي يعني انا متلا ممكن وانا قاعده ارتب خمس ابيت ورا بعض
بس لازم اكتبهم عشان مش بعرف اعيدهم تاني
بس هحاول وهنزل حاجه قريب هيا اللي خلتني اخد بالي من تشتت اللي فيها بس لما راجه من كليهه عشان انا هتاخر كده


بس ربنا يكرم كل واحد رد
لبروفيسيور وهشام ومحمد وحنظله
وشكرا علي نصايحكم

شكراً ... ويارب كلنا نستفيد و نفيد بعض