اوعى تنسى

جزاكى الله خيرا

بكره ان شاء الله الخميس

اللي يقدر يصوم يصوم

ورمضان قرب خاالص يعني اهو يبقى استعداد

ومتنسوش بكره برده تغير الساعة أظبطوها ع التوقيت الشتوي

ربنا يكرمنا جميعا

اوعوا تنسوا تحافظوا على قراءة و لو صفحة من القران كل يوم و متهجوروهوش بعد رمضان

انهارده الجمعه

اوعوا تنسوا كثره الصلاه على النبى صلى الله عليه وسلم

اللهم صلى على محمد وال محمد كما صليت على ابراهيم وال ابراهيم انك حميد مجيد

وبارك على محمد وال محمد كما باركت على ابراهيم وال ابراهيم انك حميد مجيد ..

عليه الصلاة و السلام

اوعوا تنسوا تبدأوا جد اوىىىىىىىىىىىىىى بقى فى المذاكرة

خلاص الامتحانات قربت الى حد ما

ربنا يوفقكم

اوعوا تنسوا تبقوا تصوموا و تكتروا من اعمال الخير فى العشرة الاوائل من شهر ذى الحجة

سووووووووووووورة الكهف

النهاردة الجمعه عشان تبقوا منورين للجمعه الجاية ان شاء الله

قال رسول الله صلى الله عليه و سلم
" من قرأ سورة الكهف يوم الجمعة أضاء له من النور ما بين الجُمُعَتين " رواه النسائي والبيهقي مرفوعًا، ورواه الحاكم مرفوعًا وموقوفًا أيضًا، وقال : صحيح الإسناد


ففرصه حلوة اوى اوعوا تضيعوها ..

و بجد سورة فى منتهى الجمال

و اللى عايز يحب سورة الكهف اكتر و اكتر و اكتر

يسمع حلقات عمرو خالد اللى عن قصه اصحاب الكهف و عن قصة ذى القرنين و عن قصة سيدنا موسى و الخضر ..بجد حلقات اكتر من روعه و تخليكوا تقروا السورة بطريقة مختلفه خالص عن زمان و كل اسبوع تقروها تفتكروا الدروس دى تانى و تتجددد فيكم العزيمة (و الحلقات فى المشاركة الجاية ان شاء الله)

بجد سورة قصصها حلوة اوى و كمان اخر ايات فيها و الواحد بيختمها يحس انه لازم ينوى يبقى مخلص لله فى كل اعماله و لا يشرك به احدا علشان يلقاه و هو راضى عنه

و لو قريتوها كل اسبوع هتلاقوكوا حفظتوها وتنفعنا يوم القيامة باذن الله

و ربنا يرزقنا بان القران يشفع لنا ..و سورة الكهف تدخلنا الجنه باذن الله

و متنسوش تكثروا من الصلاة على النبى صلى الله عليه و سلم دايما

سلاااااااام عليييكم و رحمة الله و بركاته

[ندعوك للتسجيل في المنتدى أو التعريف بنفسك لمعاينة هذا الرابط]

دة عليه البرنامج كله

النهاردة برنامج " خدعوك .. فقالوا "

لمصطفى حسني

على قناة إقرأ

الساعة 8 مساءً

جزاك الله خيرا

تابعته لأول مرة ... وهحاول أتابعه علطول ... بس الحلقة الجاية مهمة أوي بقى عن الحب .. مهم جداً إني أشوف هيقول إيه في الجزء بتاع إنك ممكن تكون فاكر إنك بتعرف تعبر كويس عن حبك لكن ممكن تقول كلام يبوظ الدنيا ... جيت على الوتر الحساس

اوعى تنسى بكرة في الساقية الساعة 7 ونص ندوة معز مسعود إن شاء الله

ربنا يكرمك انك فكرتنى كنت ناسياه ..أسمع الاعادة بقى الساعه 12 ان شاء الله

الحلقة المرة اللى فاتت كانت جامدة جدا و كان معاه ابراهيم الفقى ..يا ترى المرة دى كان فيها ايه ..ان شاء الله اروح اشوفهها

الحلقة كانت تحففففففففة و شكله اتصاحب على د ابراهيم ..بس كان بيتكلم بسرعه اوى ..

و يا رب كلنا منسوفش و ناخد بالنا من قواطع الوقت و من الاانترننننننننننننننننننننننننننننننننت و ادمانه و نحط اهدافنا و نرتب على اساسها اولوياتنا و كل واحد يبقى عنده اجندة ينظم وقته و اهدافه و يفكر نفسه و مينساش و ميتاثرش بالناس الهدامه

و عجبتنى اوى اوى حكاية الناس اللى تستغل الشيطان تاخد من وراه حسنات اكتر ..يخليها تعمل ذنب يروحوا يعملوا حسنة بالعند فيه فياخدوا 10 حسنات..و السيئة بواحدة بس

يا رب اهدينا و اكرمنا و انفعنا بما علمتنا

و يا ريت نفكر بعض دايما كدة بالحاجات الكويسه دى

انا بجد كنت هخسر كتير اوى لو مسمعتهاش

الحمد لله

الحمد لله انك عرفتي تشوفيها ... وبعدين هي دي طريقة دكتور ابراهيم الفقي ... بيتكلم بسرعة علشان مينساش اللي عايز يقوله ويوصل أكبر كم من الكلام في أقل وقت ... بس طريقته بتكون ملفتة أوي لما بيكون في الحلقة بتاعته وهو أصلاً واحد معاه 23 دبلومة أكيد مش بيحب يضيع وقت ... أنا كدة ضيعت أربع سطور من عمري
وربنا يكرمني والسطر الخامس يشفعلي .. ربنا يكرم الجميع

ما شاء الله

واوعوا تنسوا تدعوا لكل المسلمين فى صلاة الفجر

وادعوا للدكاترة ربنا يكرمهم و يصححوا بضمير و كرم كدة

اوعى تنسي بكرة ندوة مصطفى حسني للي بيحبوه في ساقية الصاوي الساعة 6 مساءً قاعة النهر إن شاء الله
أنا عن نفسي اتفرجت على حلقة واحدة وقولت كفاية أتفرج عليه بس ... طريقته في الالقاء مش عاجباني .. لكن منكرش إنه بيقول كلام كويس ... لكن بحس بإنه خيالي أو على الأقل طريقته بتحسسني بكدة .. مش بتريق على حد ولا بسخر من حد .. لكن لو هما اتنين جداد فكرت أسمعلهم .. معز مسعود ومصطفى حسني ... أكيد هروح ندوة معز مسعود ... لكن ملم بحاجات أكتر وبيفيدني أكتر ... بس ربنا يكرم الاتين برضه

غريبه مع اني بحس العكس علي التلفزيون
وحتي لما حضرت ندوة بتاعت الجامعه كان كلامه كوزيس جدا
بس عموما ربنا يكرمك وان شاء الله احاول اروح بس مكشله انها بتاخلص متاخر قوي
ربنا ييسر ان شاء الله

معز مسعود انا فعلا بحس ان علمه اكتر ..ما شاء الله عليه

و اسلوبه هادى و جميل و بحبه اكتر

بس مصطفى حسني برضه جمييل جداااا..هو ممكن فى ناس صح مبتحبش فى طريقته انه بيحرك ايده كتير و هو بيتكلم و حااجات كدة ..بس بصراحة انا شايفه ان وفيها ايه يعني مادام كلامه حلو و سليم و جمييييل جدااااا و بياثر فيا اوى ربنا يكرمه

و برضه مثلا معزز مسعود فى الطريق الصح الحلقات الاولى خالص كان مبيبصش للكاميرا ..كانت الحكاية دى بتضايقنى ..بس لقيته كلامه اكتر من راااائع فبقيت اسمعه

اصل كل انسان مش كامل يعني ..فحكاية الاسلوب دى ممكن نحاول ننساها و نسمع كل الناس الكويسين

ربنا يكرم الجميع بس هو معز مسعود بيجي إمتى وعلى قناة إيه؟
غير لما بيجي مع معز مسعود
أصل البداية الأولى بتفرق معايا لكن بشوف حد وكان ليا ملاحظات عليه في الأول أكيد مش هنقبله بسرعة .. ممكن مع الأيام أتغاضى عن الحكاية دي ... يعني زمان كان صوت أ. عمرو خالد بيزعجني أنا عارف إنه لما بيعلي صوته بيكون كدة ... لكن أنا مش بتريق على حد ولا على خلقة ربنا ... بس دلوقتي بستمتع جداً بصوته حتى بحب إنه يعلي صوته علشان بيوصل ني أسرع
ربنا يكرم كل الناس الكويسة واللي مش كويسين ربنا يهديهم ويهدينا

صح برضه ناس كتير مش بتسمع عمرو خالد علشان ال بيدايقوا لما ينفعل و صوته يبقى عالى شوية ..بس دة بيبقى فى منتهى الجمال و بياث ر اوى و يوصل للقلب على طول

هو سبحان الله اكيد محدش بيتفق عليه كل الناس

و معز مسعود هو انت قصدك مش مع معتز الدمرداش ؟؟

هو تقريبا برنامجه اللى لوحده بطل ييجي ..بس هتلاقى الحلقات كلها على موقعه ..تحفة بجددد و مساحتهم صغيرة

بس بييجى مع معتز الدمرداش و برضه بيبقى حلو اوى ..كل يوم اتنين او تلات مش فاكرة للاسف عشان للاسف مسمعتوش بقالىفترة و زعلانه اوى
بيبقى اخر فقرة فى برنامج 90 دقيقه على حوالى الساعه 11 او 12 كدة

معلش ناسية

يوم الاتنين ... مع معتز الدمرداش بس أنا اللي مكنتش عارف الساعة كام .. كويس إني عرفت
جزاكِ الله خيراً .. أهو وأنا بكتب دلوقتي الإعلان شغال على المحور أدامي
شوفتي الصدف

انا بحب مصطفى حسنى جدا

بحس انه بيعبر عن حال الشباب اللى موجود دلوقتى

مصطفى : جمييلةة اوى الايه اللى فى التوقيع ..و يا رب كلنا نتوب ..و مصطفى حسنى انا كنت بحب اسمعه اوى لكن امبارح لما روحت سمعه فى سقيه الصاوى ..حسيت انه احلى و احلى و احلى ..ربنا يكرمه و يجازيه كل خير ..انا ندمانه انى محضرتلوش قبل كدة ..الحمد لله انى روحت امبارح

حنظلة: شكراا اوى على انك فكرتنا بندوة مصطفى حسنى امبارح و النهاردة بان ي معز مسعود

متنسوش تسمعوه بليل بقى ..تيجوا كلنا نسمع الحلقات بتاعت معز و مصطفى حسنى و نيجي بعد كدة تانى يوم نتناقش سوا الحلقه ..و كل واحد يحكى الحاجات اللى حصلتله مشابهه مثلا لموضوع الحلقة و نستفيد اكتر باذن الله

ايه رايكوا .؟؟

أنا بقى اللي مضايق إني مروحتش إمبارح لأني حكمت عليه من مرة واحدة كدة ... ربنا يسامحني
و مضايق كمان إني مش هعرف أتفرج النهاردة على معز مسعود علشان عندي كورس في الجيزة م 7-10 بليل والطريق للبيت بياخد في حدود ساعة ونص يارب ألحقه
فكرة كويسة جداً حكاية المناقشة دي ... علشان نفكر نفسنا أدام بعضنا إن فيه حاجة مفروض نعملها ونعين بعض على الطاعة
اللهم أعنا على ذكرك وشكرك وحسن عبادتك