اوعى تنسى

سوووووووورة الكهف

و مصطفى حسني بالليل

و عمرو خالد لو عرفتوا ..فى نفس معاد البث الاصلى لمصطفى حسنى و تشوفوا مصطفى حسنى الساعه 12

ان شاء الله

و ادعوا لكل المسلمين

أنا كنت ناسي خالص مصطفى حسني وغالباً كنت هخرج بس كنت مكسل .. كويس أقعد أتفرج بقى إن شاء الله على عمرو خالد وإعادة مصطفى حسني

وسورة الكهف هقوم بعد العصرإن شاء الله أقرأها لأني مقدرتش أقوم بدري الصبح ويادوب نزلت على الأذان

بس برضه دلوقتي على القناة الأولى اوعى تنسى تتفرج على دكتور علي جمعة ( يا عاشق الجنة ) ... وكل الناس وطبعاً الشبخ خالد الجندي على الحياة .. إن شاء الله أتفرج عليه لأن تقريباً حلقة دكتور علي جمعة مُعادة

جزاكم الله خيراً

للاسف مسمعتش على جمعه بقالى كتيييير

بس عمرو خالد كان جميييل كالعادة ..اينعم نفس موضوع مصطفى حسنى ..بس بياثر فيا اكتر

و متنسوش بقى مصطفى حسنى كمان ساعه كدة ان شاء الله

أنا دخلت على 8 وتلت كدة شوفته وخلص 9 إلا ربع
أنا كنت فاكره من 8 .. مش عارف كان من قبل كدة ولا إيه؟
و اتفرجت شوية على مصطفى حسني بعدها وهشوفها من أولها الساعة 12 إن شاء الله
لكن هو عمرو خالد بيتعاد امتى؟
جزاكِ الله خيراً

تقريبا بكرة الساعه 4 بتوقيت مكة المكرمة

هى عن اهمية الوقت ..

بتوقيت مكة المكرمة
أسبوعياً يوم الجمعة الساعة 9.05 مساءا
اعادة أولى السبت الساعة 4.30 مساءا
اعادة ثانية الأثنين الساعة 11 ظهرا
اعادة ثالثة الخميس الساعة 12.30 ظهرا

على فكرة انا شوفتها بس كان فات منها 10 دقائق في الأول
لكنها كانت حلوة أوي ... وإن شاء الله أتابعها بقى
مصطفى حسني زمانه بدأ
سلام عليكم ورحمة الله وبركاته

جزاك الله خيرا

‏عَنْ ‏ ‏سَالِمِ بْنِ عَبْدِ اللَّهِ ‏ ‏قَالَ سَمِعْتُ ‏ ‏أَبَا هُرَيْرَةَ ‏ ‏يَقُولُ ‏سَمِعْتُ رَسُولَ اللَّهِ ‏ ‏صَلَّى اللَّهُ عَلَيْهِ وَسَلَّمَ ‏

‏يَقُولُ:"‏كُلُّ أُمَّتِي مُعَافًى إِلَّا الْمُجَاهِرِينَ وَإِنَّ مِنْ الْمُجَاهَرَةِ أَنْ يَعْمَلَ الرَّجُلُ بِاللَّيْلِ عَمَلًا ثُمَّ يُصْبِحَ

وَقَدْ سَتَرَهُ اللَّهُ عَلَيْهِ فَيَقُولَ يَا فُلَانُ عَمِلْتُ الْبَارِحَةَ كَذَا وَكَذَا وَقَدْ بَاتَ يَسْتُرُهُ رَبُّهُ وَيُصْبِحُ يَكْشِفُ

سِتْرَ اللَّهِ عَنْهُ". رواه البخاري ومسلم رحمهما الله.


كلنا مذنبين فنحن لسنا ملائكه

فمن اذنب فينا فلا يخبرنا ويخبر اخيه ولا تخبر اختها

والله قد فعلت امس كذا وكذا وربنا يتوب عليا وعليكم وان شاء الله هنبقى كويسين و....و....و...

ومن أخر صلاه فلا يعلمنا ومن عاق اباه او امه فلا يكتبها للعالم فيروى فعله

ومن سمع غناءا محرما ولا يرضى الله فلا يخبرنا ولا يتمسك بما يغضب الله تعالى

ومن فعل اى معصيه وما اكثر المعاصى فى زماننا هذا

فلا يُحَدث بما فعل لعل الله تعالى ان يتوب عليه

ونسال الله تعالى ان يتوب علينا لكى نتوب ويتقبل منا

و يرزقنا الاخلاص فى الاقوال والاعمال

اللهم آمين

اللهم امين يارب
ويارب لا تجعلنا منهم يارب


واللهم اغفر لنا اسرفنا في امرنا واحشرنا مع ابرار

امين يارب العالمين

يارب ... اللهم لا تجعلنا من المجاهرين ولا من المنافقين

بس اوعوا تنسوا المفاجأة ... كاظم جاي النهاردة على البيت بيتك مش عارف الساعة كام بالظبط .. لكن البرنامج بيبدأ 10 أول م هعرف هقولكم .... اتفرجوا واحكموا ليه أنا بسمعله
انتوا مش هتتفرجوا على غناء ولا على حفلة لو حد ملوش في الجو ده .. لكن هتتفرجوا عليه في برنامج بيتكلم وأكيد هيغني ... لو مش وراكوا أي حاجة مهمة أو عبادة أو حاجة تفيد اتفرجوا
وابقوا قولولي رأيكوا في قول اللي في نفسك أو أياً كان

دي مش مجاهرة والله إني بتفرج عليه لأن العالم كله هيتفرج مش أنا بس ... والله أعلم

عموما شكرا

مع انى مش بحب الراجل ده

كاظم؟ مش بتحب الراجل ده؟ ده أنا بحبه علشان فعلاً راجل
مش زي اللي بيغنوا دلوقتي ... راجل بمعنى الكلمة عارف وضعه وبيحترم نفسه وسنه ودينه
جرب بس واتفرج عليه وانت هتحبه من طيبته وتواضعه .. وطبعاً الأمر يرجعلك أنا مش بقولك حب غناؤه لكن ميمنعش إنه ممكن يكون شخص كويس أو العكس
ربنا يكرمك

كاظم جه ... كاظم جه

هههههههههههههههههههههههههه

لا الحوار كان جامد على فكرة

انا شوفت الاعادة على الفضائية

ماشي يا عم الفضائية ... لأ أنا محبتش أفوت اللحظة وقولت أشوفه مباشر ( يمكن أعمل مداخلة ولا حاجة) لكن طلع أساساً كان مسجل تقريباً لأن مكانتش مكتوب مباشر وكمان كان فيه بعده خالد الجندي وأنا شوفت الحلقة دي قبل كدة ... بس كان تعبان أوي ومهموم جداً أنا بقالي أكتر من سنتين ملاحظه كدة تعبان وشايل هموم الدنيا كلها لكن النهاردة بس فهمت ليه

يا جماعه احنا بنقعد على النت كتير و بنضيع وقتنا كتير

هو مفيش مشكلة اننا نتسلى و نستفيد كمان

بس عايزين نحافظ على التوازن

يعني ايه رايكوا كل ما نقعد ساعه مثلا نلعب .. نروح نقرا حتى و لو صفحة قران ..او نصلى ركعتين ..او نصلى على النبى او نسبح شوية

يعني اي خير علشان نبقى بنعمل توازن و نبقى بنغذى روحنا شوية

و كمان منساش المذاكرة .. مش عايزين نيجي نندم فى الاخر ..عايزين نفرح باذن الله و نجيب تقديرات حلوة

فنشد حيلنا حتى لو نقرا المحاضات بسرعه كدة هتفرق برضه فى اخر السنة

و ربنا يوفقنا كلنا لكل ما يحبه و يرضاه

و متنسوش دايما دعاء كفارة المجلس

سبحانك اللهم و بحمدك...اشهد ان لا اله الا انت ..استغفرك و اتوب اليك

و ادعوووووولى

كلام جميل

والتنفيذ يكون اجمل بإذن الله

اوعي تنسى ... طبعاً صلاة المغرب إن شاء الله

عمرو خالد جاي على قناة الحياة الساعة 7
وبرضه هيكون على الرسالة الساعة 8 و بعدها الإعادة بتاعت مصطفى حسني على إقرأ الساعة 12 بليل

صلاة العصر إن شاء الله
وأنا أقوم علشان ألحق أنزل الكورس
دعواتكم بقى
ربنا يكرم الجميع

ربنا يوفقك

عمرو خالد على الرسالة دلوقتي ... أسيبكوا لحسن اتأخرت كدة

هو مصطفى حسنى برضه شغال