فريق المشروعات الصغيرة (مع د- محمد المحمدى و محمد الشرنوبي)

سلام عليكم و رحمة الله و بركاته

معلش انا مكنتش عارفة ان فى اجتماع يوم الخميس فمكانش معايا الحاجات اللى هوريها للمعيد

و لما سالته قالنا طب نعمل اجتماع تانى يوم السبت بس انا كدة هنزلكم مخصوص ان شاء الله

و بعد كدة انا روحت و مكملتش الاجتماع اللى كان تقريبا للولاد فقط

فممكن اعرف حصل ايه بعد كدة و هل هييجي بكرة ان شاء الله فعلا و لا خلاص كدة ؟؟

و يا ريت لو برضه حد عارف هو قال ايه يوم التلات لانى جيت متاخرة و مسمعتوش

ربنا يكرمكم

سلام علييكم و رحمة الله و بركاته



nada ahmed

وعليكم السلام ورحمة الله وبركاته

والله العظيم أنا كنت لسة داخل أسأل في مناقشة إدارة الاستراتيجية عن الحكاية دي
يلا زي م بيقولوا عمرك أطول من عمري
بس أنا كنت فاكر المعلومة دي عندكو لأن لما قولتيله كدة وقالك يبقى يوم السبت الساعة 11 هنزلكوا بدري فهمت إن هيكون البنات بس يعني لأن ساعتها الولاد هما اللي احتلوا المكان
لكن محمود فريد جزاه الله خير هو كان بيكتب المطلوب يعني على قد م عرفت يطلع الكلام من المعيد في كل الفروع تسويق وموارد بشرية وانتاج وكدة
كان معظم الحاجات بيقول نكون عارفين الوظايف بتاعتها ونشوف آخر حاجة وصلتلها الوظايف والإدارات دي مش لازم نجيب كل كلمة حصلت ... المهم نكون بنشوف تطبيق الكلام ده على الواقع بطريقة إستراتيجية
والصراحة أنا مشيت بعد شوية وسيبنا الكتاب اللي كان جايبه بتاع الموارد البشرية الاستراتيجية لما قال هنقسمه وكدة ... لكن أنا مشيت أنا ومحمود و مكملناش الباقي برضه فمش عارف طول ولا لأ
وكمان مش متأكد هو أكد على الميعاد ولا لأ ... لكن أنا كنت هعمل حسابي إني أروح بدري بس علشان أقابل الناس اللي معايا ولو كان فيه سؤال ممكن نطلعله
بس مفروض نديلكم فرصتكم ... مش عايز أفتي و أقول هو أكد إنه جاي ولا لأ علشان متضربش في الآخر لو نزلتوا بدري
واللي قاله يوم الثلاثاء مكانش أكتر من إنه قال معايا الأسماء اللي عايز يشوفها تاني
وكمان هكون موجود اللي هو يوم الخميس لما جه وقال هنتكلم هناك عن اللي انتوا عايزينه
برضه مجابش من الآخر .. وزي كل مرة بيقول كلام مش محدد .. لكن المرة دي قال إن الشكل العام لأي ورق يجيله يستحسن يكون مطبوع مش على فلاشة وكدة علشان يقدر يقيِّم
وكمان يكون تلخيص لتعريف مثلاً الموارد البشرية ووظائفها ودورها الاستراتيجي وكدة وبعد كدة أسئلة عليها هل هي موجودة بطريقة فعالة أو كدة ... ومتكونش أسألة مفتوحة
يعني مش نقول لما الموارد البشرية هامة؟
ممكن نقول لما هي هامة بتطبيقها من منظور استراتيجي؟
يعني نكون رابطين الكلام بأجزاء معينة وكدة
والله أعلم ويارب أكون قدرت أكون مفيد

متشكرة جداااا ربنا يكرمك

بس معلش هو كتاب ايه اللى هو كان جايبه المعيد فى الاتش ار ؟؟

كتاب على ما أذكر إسمه " إدارة الموارد البشرية الاستراتيجية" المؤلفة تقريباً كان اسمها عايدة خطاب
ده كان قال عليه دكتور محمدي ساعة لما جه في الاجتماع اليتيم اللي عمله وجالنا بعد ساعتين
المهم
المعيد بيقول كتاب كويس
بس طبعاً كنا هنقسمه إزاي؟ وكمان مفيس وقت نقدر نعمل كل ده
على العموم إن شاء الله يارب يجيبه النهاردة معاه ... وقولوله و خدوه
لو قالكوا والولاد .. قولوله هما مش عايزينه
أنا هحاول أطلع كام حاجة من الكتب اللي منزلها دي ... بس يارب ألحق
بس طبعاً لما أرجع من الكلية
لأني كنت مرهق ومقدرتش أقرأ حاجة لحد دلوقتي
ربنا يوفق الجميع

ربنا يكرمك



انا وريت للدكتور شغل بسيط كدة على قدى و عجبه ..صح ما قراهوش بالتفصيل بس قال كويس و حسسنى انه مثال للشغل يعنى و اللى لازم كل الادارات تعمل زيه

هو انا مش عارفه

هل د- محمد الشرنوبى عايز حاجة دقيقه اوى عن اللى الدكتور عايزها ؟؟

انا بحب الشغل الدقيق ..بس حاسه مفيش وقت ...و حاسة ان الاسئلة اللى كتبتها هى فعلا مفتوحة ..بس اى حد بيفهم موارد بشريه و فاهم مغزى كل سؤال هيعرف يقيم كويس الاجابات على الحاجات دى

و حاسة ان لو هنعملها بدقة يبقى يا اما مش هنقيم كل شىء

يا اما هيبقى ماوراناش حاجة نعملها فى حياتنا الا وضع اطار دقيق لادارة الموارد البشرية

و احنا عندنا ما شاء الله 5 مواد عايزين مذاكرة

فمش عارفة ..ربنا يستر

اديني هروح و اشوف ان شاء الله

بسم الله الرحمن الرحيم
بصراحه ربنا يستر الترم ده

والله أنا دماغي هتولع من المادة دي بالذات
أنا عندي كم يقدر يعمل حاجات كتير ... لكن معرفش أمشي على لا شئ ومفيش قواعد واضحة
هحاول أعمل اللي أقدر أعمله وربنا يسهل لو عجبهم كويس .. معجبهمش مش ذنبي
أو يمكن أنا اللي مش بفهم في الحكاية دي ... لكني أساساً من زمان أوي و أنا كن نفسي يبقى فيه مادة إسمها إنسانيات بنفس المعنى ده كدة ... هي طلع فيه زيها يمكن كنت متأثر بالسلوكية .. لكن ده قبل م الموارد البشرية تنتشر أوي كدة ... وفعلاً طلعت كلية علوم بتاخد حاجة شبهها
اللي ازاي نتعامل وما شابه وكيف نصبح إنسان أولاً ثم نبدأ بالتخصيص
ربنا يستر
ويوفق الجميع

السلام عليكم يا جماعة

ايه الاخبار
بصراحة انا عايز اعرف ايه المشاريع المطلوبه مننا بالظبط
كل المشاريع
سواء مشاريع كبيرة اوصغيره-حسب ما سمعت-وايه هو موضوع الادارة الاستيراتيجيه علشان من خلال الكلام حسيت انه معضلة القرن ال21
عايز كل حاجة عن المشروعات بالتفصيل لو سمحتو
وياريت يكون فى اسرع وقت ممكن
وجزاكم الله خيـــــــــــــــــــــــــــــــــــــــــــــــــــــــــــــــــــــــــــــــــــــــــــــــــرا باحث عن الحقيقه

يا جماعه

متقلقوش باذن الله من دكتور محمد المحمدى

كان بيدينى فى سنة اولى

و كانت تطبيقاته فيها 9 امتحانات محلولة فى الاخر
و المجموعه طلبت منه انه يجيب منهم الامتحان و قالهم حاضر
و مع انى مصدقتش الكلام دة و مبصيتش على الامتحانات دى غير بسرعه اوى ليله الامتحان .. الا انه جابه بالفعل منهم و برضه كان طالب بحث بس كان صغنتوت كدة و على قدنا و ادالنا اجابة سؤاله فى المحاضرة شرحهها و كانت فى التطبيقات

و امتحانه من النوع بتاع 20 سؤال بس تجاوب عليهم بنقط محددة مبيعديش الاجابه نص صفحة

و بيصحح كويس بصراحة بالنسبالى انا كنت خارجة و عارفة انى ففى 3 اسئلة مش حلاهم كويس فنقصت 3 درجات

يمكن ناس جابت درجات مش حلوة عشان هو بيحب الاجابة اللى هى واضحة و محددة و صريحة

من الاخر نحضر المحاضرات
+قراءة الكتاب قراءة سريعه للفهم مع التركيز على الحاجات اللى هو بيركز عليها
+التطبيقااااااات و محدش يعمل زيي و ينفضلها لانه بيجيب منها و بيحب الحل بطريقتها

و متقلقوش و ربنا يسهل

و اما البحث معلش انا محضرتش و لا امبارح لانى اتاخرت و لا الخميس
فيا ريت لو حد يجاوب برضه

شكرا ليكوا

سلاااام علييكم و رحمة الله و بركاته

معلش انا قلت لحضرتك انا مش عارفة اوى

بس اللى فاهماه على خفيف و ارجوا ان حد يصححلى لو قلت غلط

اننا هننزل ان شاء الله نعمل بحث ادارة استيراتيجية فكرته انك بتحلل المنشاءة اللى انت رايحهها و تبدا تطبق عليها المنهج و تتاكد ان يكون ليها رؤية و سراله و اهداف و استيراتيجية و كل الكلام دة


بس قدامك خيارين

ياما تشترك فى المشروعات الكبيرة و دة لو انت عندك منشاه معينة عارف انك ناوى تعملها ان شاء الله

او مشروعات صغيرة هيرشحهها الدكتور لينا

و كل فريق من المشروعات الكبيرة و الصغيرة متقسم على اساس التخصصات الادارية

تسويق و انتاج و تمويل و موارد بشريه و مشتريات


بتختار التخصص اللى انت بتعرف اكت فيه و تقريبا اول خطوة انك تحط الاطار العام للتخصص بتاعك دة ..يعني تشوف ايه الحاجات اللى المفروض يكون بيقوم بيها ادارة التسويق مثلا لو انت تسويق و تحط اسئلة توضحلك هل لو الوظائف دى موجودة بتمارس بشكل كويس و لا لا

يعني دة على قد فهمى

سلاااااااااام عليكم و رحمة الله و بركاته

انا قلت اغير اسم الموضوع كدة احسن ان شاء الله

[size=18]ياجماعه انا تقريبا بشتغل لوحدى وعاوزة حد يساعدنى فين الناس بتوع التمويل انا جمعت نقط معينه فى البحث بتاع المشروعات الصغيرة وهاقولكم عليها لانى مش عارفه للاسف اربطهم فى الاخر بالادارة الاستراتيجية
والنقط اللى اشتغلت عليها :
مفهوم المشروعات الصغيرة
خصائص ومميزات المشروعات الصغيرة
دور ومساهمة المشروعات الصغيرة فى الاقتصاديات الوطنية
المعوقات والمشاكل التى تواجهها
مصادر التمويل
اهمية وظيفة التمويل
وجبت فى الاخر دراسة جدوى لمشروع تربيه الارانب
بس برده مش عارفه اربط البحث بالمنهج بتاع الادارة الاستراتيجية فى المشروعات الصغيرة زى ما الدكتور قالى انى اطبق الادوات والحاجت اللى اخدنها فى المحاضرات فى الواقع العملى ازاى مش عارفه لو حد يعرف حد يقولى لانه انا قولت له انا كده شغاله لوحدى ومش عارفه اوصل للناس اللى فى التمويل وانا كده هاحاول اوجد حلول تمويليه وتسويقيه برده عشان هما من اكتر المشاكل الاساسيه اللى بتواجهها
ومعليش لو طولت عليكم
[/size]

على فكرة فى كذا بنوتة تمويل و كل واحدة تيجي تسال برضه و تقول مش لاقيه الباقى
فاحسن حاجة نقول للدكتور و يجمعكوا بكرة ان شاء الله

و اهلااااااا يا جوجو

اتمنى التوفيق للجميع

يااااااااااااااااااااااااااااااااااااااااااه
اخيرآ شوفت المشاركه
بس انا ما عملتش حاجه جديده عن اللى عملته فى كل مرة فاتت
عايز اعرف ايه سبب التغير واستجابه المشاركه عشان ابقى علرف بس واتجنب الخطأ
على العموم انا بشكركم اوى
جزاكم الله كل الخير
وان شاء الله فى موضوع مهم جدآ جدآ ها طرحه عشان كلنا نتناقش فيه سواء بتوع ادارة الاعمال
او اى شعبه تانيه
او اى حد على وجه العموم واعتقد انه يهم كل انسان حابب النجاح فى حياته


بس اسمحولى اتحيز شويه لشعبتى اللى هامه ادارة اعمال
انهم ها يكون اكتر ناس مشاركين فى الموضوع ده

حزرو فزرو ايه هو الموضوع ؟؟؟؟؟؟؟

ده الله هاقوله المرة الجايه ان شاء الله

استودعكم الله الذى لا تضيع ودائعه

يقول النبى صلى الله عليه وسلم

(ان العبد اذا اشتد احتياجه وسكت وصبر ولم يشتكى امره أحد من الناس

كان حقآ على الله أن يرزقه قوت سنه )
او كما قال صلى الله عليه وسلم

التائه فى نعم الله دائمآ
تيمو

ماشي يا باشا مستنيينك إن شاء الله