الطريق للجنة ..الصلاة ( ارجوا المشاركة منكم جميعا )

سلام عليكم و رحمة الله و بركاته

فاكرين فكرة سلسلة الطريق للجنه اللى كنا عاملينها السنة اللى فاتت

لما كنا بنمسك كل فترة موضوع و نتكلم فيه و كل واحد يجيب كل الموضوعات المتعلقة بيه

او نكتب عنه من قلوبنا

او نستشهد بايت القران الكريم و احاديث النيبي صلى الله عليه و سلم

و نحاول نعمل عمل جميل يفيدنا كلنا


عايزين نكمل

و هنتكلم عن اهم شىء فى حياتنا ..ألصلااااااااااااااة

عماااااااااااااااااااااااد الدييين ..اول اركان الاسلام ..ال ما سنحاسب عليه ..اجمل شعور فى الدنيا ..قرة عين الرسول صلى الله عليه و سلم ..اساس دينا .. اللى بتنهى عن الفحشاء و المنكر و البغي ..احلى حاجة ..اجمل حاجة ..اللى فيها الجمل وضع ..الوضع اللى بيكون فيه العبد اقرب ما يكون من ربه سبحانه و تعالى


صلاتنا ..أهم حاجة فى حياتنا

يلا بقى ان شاء الله

عايزين شغل عالى

ممنوع اى مشاركة و خلاص..خلى مشاركتك مشاركة فى الموضوع بكلامك و معلوماتك الجميلة
كفايه حتى كل واحد يوصفلنا المشاعر الجميلة اللى صعب تتوصف و لا يمكن تتوصف ...[س يحاول و يقول و يتكلم
نجيب احاديث و ايات
نجيب صور للمصلين

يلا ..مستنية اجمد شغل

ربنا يكرمنا جميعا و يرزقنا الاخلاص فى العمل دة

(رجاء من كل الاعضاء ..لو ان شاء الله لقيت مساهمات كتير متكسلش

اقرا و لو واحدة وكمل بعدين

متسيبش الموضوع خالص ..يمكن يغير منك كتير باذن الله )
و السلاام علييكم و رحمة الله و بركاته

ربنا يجزيكي خير علي الكلام الجميل دة
فالصلاة عماد الدين من اقامها فقد اقام الدين ومن هدمها فقد هدم الدين
انا كنت عاوز اكتب اكتر من كد بس هاروح اصلي الظهر

جزاكِ الله خيراً على هذه الكلمات وربنا يكرمك ويجعله في ميزان حسناتك يارب
إن شاء الله تدخلي الجنة بحسنات أد جبل أحد عن كل واحد ارتاح وهو بيقرأ الكلام ده وبيشوف الصور دي ... ما بالنا لو حسينا الإحساس الجميل ده فعلاً
ربنا يهدينا للخير جميعاً

مش عارف اشكرك ازاي عن الموضوع ده لانه بجد فوق الرائع ومحتاجين التذكرة دايما بالصلاة


اللهم اعنا على ذكرك وشكرك وعلى حسن عبادتك

ربنا يكرمكوا كلكوا

بس فين مشاركاتكم ؟؟ عايزين نعمل موضوع من مجهودنا كلنا

و صحيح محدش عنده (احلى شعور فى الدنيا ) ..اللى كانت فى لمجلة بتاعتنا

اصلي مش لاقياها و كنت عايزة احطها

-----------------------------------

[ندعوك للتسجيل في المنتدى أو التعريف بنفسك لمعاينة هذا الرابط]

السلام عليكم

لينك لبرزنتيشن
[ندعوك للتسجيل في المنتدى أو التعريف بنفسك لمعاينة هذا الرابط]

http://rapidshare.com/files/220217412/__1575___1604___1589___1604___1575___1577____1608____1575___1604___1582___1588___1608___1593__.pps.html

ربنا يجازيكم كل خير

-----------------------

احلى شعور فى الدنيا

------------------






ايه رايكوا
نصلى بجد عايزين نرجع لمفهوم الصلاة
الاصلى الصلاه بين العبد وربه وليست مجرد
تاديه حركات وترديد كلمات

يلا نبدا
اول حاجة هتروح تتوضى انت عارف ان من توضا
خرجت خطاياه يعنى وانت بتتمضمض اى حاجة
غلط قولتها هتخرج و انت بتغسل وشك كل حاجة
عنيك بصت عليها تتشال ذنبها وهكذا حتى
تخرج كل خطاياك وبعد الوضوء لو اتشاهدت
تفتح لك ابواب الجنة و اوعى تنسى تسمى قبل
الوضوء بعدين هنروح للصلاة هتستقبل القبلة
اوعى تقف بجسمك و قلبك متوجه لشىء تانى
تانى حاجة استغفر ربنا علشان متقبلهوش و
انت عامل حاجة غلط انوى و ابتدى هتقول
الله اكبر حاسس بيها الله اكبر يعنى ربنا
اغلى شىء عندىو هو اكبر شىء و اعظم شىء
يعنى مينفعش افكر فى حاجة تانيه و انا
واقف اكلمه وهتكررها كتير فى الصلاة علشان
كل ما تنسى و تسرح تفتكر و تقول لا ربنا
اكبر هتقرا بقى الفاتحه ربنا قال انه قسم
الصلاه بينه و بين عبده كالاتى انت تقول
الحمد لله رب العالمين يرد ربنا و يقول
حمدنى عبدى تقول الرحمن الرحيم يقول اثنى
على عبدى تقول مالك يوم الدين يقول مجدنى
عبدى تقول اياك نعبد و اياك نستعين يقول
هذا بينى و بين عبدى و لعبدى ما سال اسال
و قول لربنا اهدنا الصراط المستقيم صراط
اللذين انعمت عليهم غير المغضوب عليهم و
لا الضالين فيرد عليك يقولك هذا لعبدى
انت متخيل قد ايه جمييييييييييل ان ربنا
يرد عليك ربنا الى خلق الكون دة كله ربنا
العظيم بيرد علينا احنابالردود الجميلة
دى بعد كدة هتقرا ما تيسر لك من القران
حاول تقوله بقلبك قبل ما ينطق لسانك حاول
انك تقرا تفسيرو اعرف وحس بالايات بعد
كدة كبر و اركع اركع بقلبك و اخشع لربك
العظيم و قول سبحان ربى العظيم و كررها 3
مرات علشان لو مرة محستش
بيهاتحس بيها فى التانية و التالته قوم
واحمد ربك على نعمه الكتيرة و اولها نعمة
الى انت بتعمله دلوقتىانك بتكلمه هو عز
وجل بعدين كبر و انزل اسجد و زى ما اتفقنا
السجود بالقلب اولازى الركوع وقول سبحان
ربى الاعلى وحس اد ايه هو فعلا الاعلى و
كررها تلاتة و ادعي براحتك انت دلوقتى
اقرب ما تكون من ربنا كلمه و قوله عالى فى
قلبك اتكلم وقول الى انت عايزة المهم يكون
من قلبك ووالله مش هتلاقى راحه ذى اللى
هتحسها لما تشكى لربك كل همومك مين القادر
على كل شىء مين اللى هيحققلك اللى بتتمناه
مفيش مفيش دعوة بتقولها الا و يجيلك منها
الخير يا اما ربنا هيستجيبلك او هيصدلك
بدلها شر كان هيجيلك او يجازيك بيها يوم
القيامه يعنى لازم لازم هتاخد حاجة و كلهم
احلى من بعض قوم كبر و اقعد بعدين هتنزل
تانى تسجد انت بتسجد مرتين لان السجود
اهم اركان الصلاة لانك فيه بتكون خاضع
تماما لله بتحط اكرم ما عندك وهو وجهك على
الارض الارض الى انت بتمشى عليها وتدوس
برجلك بتعمل كدة علشان ربنا بس انت دلوقتى
خاضع ليه تماما بكل جسمك وقلبك وعقلك انت
بتعمل كدة علشان هو ربك الى خلقك و رزقك
و اكرمك فلا تزل نفسك لاحد سواه اوعى تعمل
حاجة مترضيش ربنا عشان اى حد و لو سجدت
بجد و اعدت تكلم ربنا هتحس باجمل شعور
ممكن تشعره فى الدنيا دى بعد كدة هتقوم
من السجود وتكمل الصلاه وتقول التشهد
فالاول بنقول ان التحيات لله و الصلوات
و الطيبات فكل شىء هو لله بعدين سلم على
نبيك حبيبك و اوعى تمشى بسرعة حاول تسمعه
و هو بيرد عليك السلام بعدين سلم على نفسك
و على المؤمنبن وبعدين صلى على النبى عليه
الصلاة و السلام و ادعى وبعدين هنخرج من
الصلاة بقى سلم على ملك اليمين هو دلوقتى
عمال يسجلك فى حسنات و سلم على ملك الشمال
هو دلوقتى عمال يشيلك فى سيئات وبعد ماخلصت
و سلمت عليهم قول اللهم انت السلام و منك
السلام تباركت يا ربنا يا ذا الجلال و
الاكرام اوعى تنساها علشان هتقولها فى
الجنة باذن الله لما يلقى عليك ربك السلام
يااااااااااااه متخيل واستغفر ربنا 3
مرات و اسئله ان يعينك على
ذكره و شكره و حسن عبادته علشان دايما
تصلى بالحلاوة دى ويا ريت تقرا اية الكرسى
لان من قراها بعد كل صلاة دخل الجنة و
ياسلام لو ختمت الصلاة بقى ب سبحان الله

والحمد
لله والله اكبر وفالاخر ياريت نكون عرفنا
ليه الرسول كان بيقول ان الصلاه جعلت قرة
عينه اتمنى يكون وصل المعنى الجميل دا



اللهم
اعنا على ذكرك وشكرك وحسن عبادتك

اللهم أعنا على ذكرك وشكرك وحسن عبادتك

اللهم ارزقنا حبك وحب من أحبك وحب عملاً يقربنا إلى حبك

اللهم ما أعطيتنا مما نحب فاجعله قوةً لنا فيما تحب

اللهم ما زويت عنا مما نحب فاجعله فراغاً لنا فيما تحب

يااه الكلام رااائع بجد اللى فى المقالة اللى فى الصفحة اللى فاتت

بجد كلام قوى و جامد جدا ..ربنا يجازيك كل خير عنه

و فعلااااا اهم حاجة الصلاة ..لأو كل واحد بس يصلى ..هيتصلح كللللللل حاله ..واحدة واحدة هيبقى كويس

-----------

و انا عايزة اقول انى زعلت اوى
مش من حد لكن على حد و ان كنت ما عرفش مين الحد

بس دايما كنت اشوف نتيجة التصويت و الحمد لله كله فى اول الوقت و جماعه

و زعلت جدا لما لاقيت حد مش بيصلى الا كل فترة طويلة

بس ممكن اقول للحد دة و انا مش عارفة مين ..انا بوجهله الرساله دى

---

انت من اللحظة دى ممكن تبقى انسان جديد

و كللللللل اللى فات يموت

يمكن يكون فى حاجات الدنيا كلها اللى فات مش لازم يموت و بيكون ليه تاثير

بس ربنا الغفور الودود التواب الرحيم العفو ..بيغفر كللللللل شىء و ترجع كانك لسة مولود معندكش و لا ذنب

ففكرة انك تقول انا بقالى كتير بعيد عن ربنا و صعب ارجع ..دى فكرة لازم تشيله خالص من دماغك لانها كلها من الشيطان
ربنا غفور و كريم و بيحببببببببك اوى ..لانك عبده و خلقك و رزقك ..اول ما هترجعله هيفرح بيييك و يغفرلييك كل حاجة و يعينك تبقى كويس

بس خليك صادق فى نيتك اوى

انوى انك هترجع و تبقى كويس من كل قلبك و استغفر ربنا و صلى و اسجد و ادعى و قوله يا رب انا محتاجلك ..يا رب انا خايف ارجع تانى ابعد..يا رب ثبتنى و اهديني

اسجد و طول فى السجود..هتدوق حلاوة متتوصفش..هتحس بمشاعر مافيش اجمل منها



كل ما تسمع اذان افتكر ..قول دة ربى بيناديني ..انا جايلك يا رب ..انا بحبك يا رب..انا مش هبعد تانى يا رب

و حاول باستمرار انك متتوقفش ابدا عن الصاة


و حاااااااااافظ جداااااااااااا على صحبة كويسة بيصلوا

و الله اعرف ناس مكانتش بتصلى خالص بس علشان اتعودوا انهم معانا فى الجامعه بيصلوا حبوا الصلاة و عرفوا كانوا خسرانين ازاى و بقوا كويسين و بيصلوا الوقت بوقته حتى الفجر و منتظمييييين دايما

شد حيلك و هتقدر باذن الله


و يا ريت لو ترد على الكلام دة بعضوية مشكلتى علشان نحاول نحل المشكلة باذن الله


العضوية اسمها : مشكلتى

و الباسوورد : 12345678910

و ربنا يعيننا جميعا على ذكره و شكره و حسن عبادته