تاجيل امتحانات رابعه يوم 4-6ل 17-6 هاااااااااااااااام جدااا

السلام عليكم ورحمه الله وبركاته

قرار رسمي

صدر قرار من ادارة كلية التجارة جامعة القاهرة بتأجيل كل امتحانات الفرقة الرابعة التي في يوم الخميس 4/6 سواء لشعبة المحاسبة او الادارة او التأمين أو الاكتواري ولطلبة تجارة عربي وتجارة انجليزي وتأجيلها الى يوم الاربعاء 17/6 ليصبح الجدول بعد التعديل كالتالي [ندعوك للتسجيل في المنتدى أو التعريف بنفسك لمعاينة هذا الرابط]

مع العلم ان يوم الخميس 4 يونيو أصبح اجازة رسمية في جامعة القاهرة
مصدر موقع شباب تجارة

لا حول ولا قوة الا بالله

يعنى احنا شغاليين عندهم ولا اية مش فاهم

لازم يلخبطوا الواحد قبل الامتحان يعنى

انا كنت حاسس والله عشان سمعت إن الرئيس الأمريكي أوباما هييجي يلقي خطابه من مصر من عندنا في جامعة القاهره وبعد كده قلت مش معقول يسيب مصر كلها وييجي عندنا الجامعه بس لموضوع طلع حقيقي
بس والله بعد لما الواحد اضايق فكرت لقيت إن هيبقى فيه فتره كويسه قدام البحوث ممكن نستغلها ونذاكر منشات عشان عندنا صعبه أوي الحمد لله على كل شيء

الامتحان اوجل الى يوم 17 وليس يوم 18 اى يوم الاربعاء وليس الخميس
ربنا يوفقنا جميعا

خير .. خير
الحمد لله على كل شىء
دائمآ الخير فيما يقدره الله

ياخساره

كان نفسى اشوف اوباما

الحمد لله

كدا الواحد يذاكر برحتوا

محمود محمد فريد كتب:

الامتحان اوجل الى يوم 17 وليس يوم 18 اى يوم الاربعاء وليس الخميس
ربنا يوفقنا جميعا

تمام يا حوده بس هي لما أتأجلت في الأول اتأجلت ليوم 18 وبعد كده اتعدل الجدول وخلوها يوم 17
شكرا ليك ياباشا وشكرا ليكي يا زمزم ع الخبر

هيييييييييييييييييييييييه هييييييييييييييييييييه

احمدك يا رب

الحمد لله كما ينبغي لجلال وجهه و عظيم سلطانه

اجمد قرار اتاخد السنة دى

دة السيستم و الترويج كانوا هم كبيير ..و الحمد لله كدة بقى هم صغنتوت شوية

ربنا يعديها على خير

قرار جامد و سئ في نفس الوقت



اولا جامد علشان الوقت بتاع الامتحانات طول ، وبقي فيه فرصة عظيمة للناس علشان تلحق نفسها


وسبحان الله رغم انهم لغوا تجربة يوم السبت أجازة زي التيرم الاول ، بحجة ان ده أدي الي ضغط الدكاترة في التصحيح علشان ارتباطتهم الخارجية وكمان ارتباطهم بمعاد النتيجة


لكن برضه اهي اتأجلت تاني التيرم التاني ، اكنهم عملوا السبت اجازة برضه


ثانيا القرار سيئ ، علشان ان اللي كان حاطط جدول للمذاكرة ، اهوه باظ

وانهم خلوا وقت صغير بين التكاليف وبين المنشأت ، يعني لو كان فضل 18 كان هيبقي احلي

خصوصا ان فيه ناس شايلة ضرايب ، وهيبقي عندهم 3 امتحانات في اسبوع واحد

او بمعني أصح ، في 4 ايام

وده حرام جدااااااااااا خصوصا مع المواد دي


والقرار سيئ كمان علشان كان نفسي اشوف اوباما ، ولو انه مستحيل ، بس برضه الله اعلم

كان ممكن يحصل

يا عم شوف مصلحتك ..................بدل ما تشوف اوباما

أنا بهزر معاك طبعآ يا حبيبى اوعى تزعل

يا جماعه ليه كده انا سمعت ان كل ماده هنمتحن فيها هنعرفها فى المدرجات فى ماده الامتحان الى قبله وانا اعتقد انهم عملو كده عشان المكاتب متلحقش تنزل ورق مراجعه وبجد حرااااااام عليهم

انا برضه اول لما قريت ان اوباما هيلقى الخطاب من الجامعه استغربت

وقولت اكييد هياجلوا الامتحانات بتاعتكم

ربنا معانا كلنا وينجحنا ويوفقنا ويعدى السنه دى على خيرررر

يعنى احنا هنمتحن سيستيم 17/6 بدل 4/6 والترويج 9/6 عادى صح

علي فكرة


اللي حصل ده تهريج من الكلية


والدليل علي الكلام ده ، المشاركات اللي الواحد عمال يقراها

الناس اتلخبطت جامد

اعلنت ادارة كلية التجارة جامعة القاهرة

انه تم تأجيل امتحان الفرقة الرابعة كل الشعب محاسبة وادارة وتأمين
لشعبتي ( العربي , الانجليزي )
مادة ( نظم محاسبة التكاليف )
والتي كان من المقرر اداؤها في اليوم الرابع من شهر يونيو ( 4/6 )
الي يوم السابع عشر من شهر يونيو (17/6 )
وكانت قد اعلنت ادارة الكلية امس تأجيل الامتحان ذاته
الي يوم الثامن عشر من نفس الشهر (18/6)
وتم تغيير موعد الامتحان من 18/6 الي 17/6
نظرا لشئون ادارية بالكلية

لذلك نهيب بالطلبة والطالبات التأكد من معاد الامتحان في كل مادة والاطلاع على الجدول بعد كل امتحان مع العلم اننا نقدم كل جديد لحظة بلحظة ،
فنرجوا من الطلاب مراجعة الجدول والتعليمات في كل مرة قبل الذهاب الى الامتحان

التعليمات من هنا [ندعوك للتسجيل في المنتدى أو التعريف بنفسك لمعاينة هذا الرابط]

مع تمانياتنا لكل الطلبة والطالبات بالنجاح والتوفيق

هوا من ناحية تهريج فهوا فعلا تهريج
بس بالنسبه ليا في صالحي الحمد الله

ولرانيا احنا هنكمل عادي جدااا بس يوم 4-6 مش هنمتحن وهنمتحن يوم17-6 بدل منه

وربنا يكرمك يا محمد ويوفقك
وشكرا يا هبه علي توضيح

وربنا يوفقنا جميعا يارب

فيه حاجة كوميدية كمان احب اقولها


ان كل اصحابي اللي كنت بأغيظهم اني هأخلص قبلهم ، دلوقتي بقوا يغيظوني علشان هيخلصوا قبلي


سبحان الله

علي خيرة الله .. ضعنا