حول مُلابسات خطاب أوباما .. و كلماته وآرائه ..

سؤال يعنى احنا مش هنتكلم الا بعد الامتحانات ؟؟؟؟؟؟؟؟؟؟؟؟

يستحسن يعني بعد إذنك .. علشان كل واحد عنده اللي عايز يقوله وكلام يملى منتديات مش موضوع بس
لكن الفكرة إن مش هينفع خالص دلوقتي علشان الامتحانات وفينا اللي مكفينا .. وأظن انتي عارفة برضه ..

و لا بعد الامتحانات و لا اي حاجه يلا كله يدخل و يرمي كلام

هو انا عملت عندي ملخص لكل فقره اتقالت في الخطاب بس الكلام كتير اوي و هاياخد وقت

بس هاقول اكترحاجه عجبتني
.. بجد خطاب اكثر من رائع فيه لباقه وحضور عالي و كان ساعه بالظبط لا اكتر و لا اقل
و اكتر شيءشدني في الخطاب التوازن العالي اوي في مضمون الخطاب و بيزن كل كلمه بيقولها ( بالذات في فقره العلاقات الفسطينيه الاسرائيليه)

بس طبعا كل ده كلام مبدئي و الافعال هيا الي هاتوضح الامور اكتر .. و ربنا يسهل

يا راسى انت

على فكرة هيضربوك بالشباشب فى الاجازة

لان واضح ان كلة داخل يعترض على الخطاب

و انت داخل موافق و فرحان اوى

و طبعا سعتها انا مش هبقى موجود عشان احميك يا حلو

دة انت هتاكل ضرب

انا قولت الي عندي و ماعرفش مين الي معايا و مين ضدي (حلو الفيلم ده )

يا عم انا قولت حاجات واضحه .. انا اصلا عندي تعقيب علي كل جزء اتقال في الخطاب بعيوبه ومساؤه .. بس انا قولت اكتر حاجه عجبتني بس
بس انا برضه مش هاتضرب لوحدي هاخدك معايا

هع هع هع

هكون فصلت النت و فى اخر الدنيا

بس انت اعجبت بالجزء بتاع فلسطين و اسرائيل

و دة كفيل بأنك تضرب لغاية ما تعترف

هههههه يلا علي بركة الله

انا عجبني جدا أغلب فقرات الخطاب


الا جزء فلسطين واسرائيل


وجزء 11 سبتمبر



نفسي اخد المايك واقول للعالم كله كلمة واحدة


انتم ليه بتفصلوا التاريخ علي مزاجكم؟


ليه بقت اسرائيل هي اللي ليها الحق في انها تنعم بأمن ، في حين انها دخيلة علي الوطن العربي من كام سنة؟


ليه المسلمين او المتطرفين او الارهابيين ، ايا كان اساميهم وصفاتهم في خطاب اوباما بك ، ليه بقي الناس دي هي اللي بدأت الحرب من 11 سبمتبر؟

علي اساس ان امريكا كانت ملاك قبل كده؟

وما تدخلتش في شئون اي حد في اي دولة عربية؟

الناس اللي راحت هجمت علي امريكا دول ، كانوا في نزهة ، وقالوا نضرب البرجين بالمرة


وكمان اوباما ده استاذ لعب بالكلام ، بجد يخربيت كده

الباشا بيقول ، ان تنظيم القاعدة هو اللي عمل كده ولا داعي للنقاش لأنهم اعترفوا بكده ، وده شئ غير قابل للنقاش


هو ده مش اسمه فرض رأي يا استاذ يا بتاع الحرية؟

يعني عامل زي اللي جاي يقولي انت حيوان ما فيش نقاش ، بس خلينا نشوف بقي انت حيوان له أربع رجلين ولا بتزحف ولا جنسك ايه في الحيوانات بالظبط؟


وحكاية ان الفلسطينين يكفوا عن المقاومة لأن ده اسلوب لا يجدي


يعني يا روح ........ اسرائيل اللي بتعمله ده كله ايه؟

لا وايه يقولك ان ايه لازمة ان فلطسيني يضرب صاروخ علي اطفال؟ ولا واحد يفجر نفسه في حافلة سيدات


تصدق يا استاذ اوباما قلبك رهيف وقلب خصاية ، علي اساس ان طائرات اسرائيل دي بترمي هدايا بابا نويل في عيد الميلاد علي اسطح ورؤس الفلسطينين



بجد هما بيحبوا يفصلوا التاريخ

يبتدوه من النقطة اللي حابينها


ليا عودة

بس انا مستغرب يا سمير ازاي تفتح موضوع وتقول ما فيش نقاش؟؟!!!!

فى حاجات كتيرررة كويسة و شوية حاجات معجبتنيش اكييد

بس انا هلتزم بطلب صاحب الموضوع لانه طلب جااامد جدااااا

فعلا فعلا مش وقت مناقشات اللى هيفيد بلادنا بجد اننا نكمل امتحانات عشان نتخرج و نشتغل و نقوي بلادنا بجد

ربنا معاناااااااااا

أهي قالتلك أهو

الطلب كان حاجة معينة
وأظن إنكوا كدة فعلاً التزمتوا بيه نظراً لعدد الأسطر اللي متوقع إنها تتكتب في موضوع زي ده ومن اعضاء زي الفل زيكوا
وطبعاً أنا مش هسكت كنت عايز أرد على كل واحد لكن فعلاً الكلام لازم يكون على مستوى القاعدة ولا بلاش القاعدة دي لنتمسك
وبرضه مش هقول رأيي لأني لو قولت حاجة واحدة يبقى كأن أوباما جه يتكلم عن نقطة واحدة
لكن الصراحة ميهمنيش أوي غير النطقة اللي تهمنا كلنا
ودي عايزة مجلدات نرد بيها وده مش وقته
ربنا يوفقنا أولاً لأني مخنوق من نفسي ونفسي أخلص ومتوتر جداً
ثم نبقى نرد عليه بقى لما ربنا يسهل
شكراً للجميع وللي التزموا
ومرة تانية ده كان مجرد طلب

كانوا اصحابى عيزنا نشوف خطاب اوباما مع بعض
واقترحت اننا نشوفه فى ماكدونلدز الى فى التحرير دايما هناك فى اجانب عشان الجامعه والسفاره الامريكيه قريبه ففى تواجد ليهم تقريبا على طول هناك والى حسبته لقيته حوالى ست او سبع اجانب قاعدين كده ومرصصين الكراسى ناحيه التلفزيون ومقربين منه اوى كانك بالظبط بتتفرج على مطش اهلى وزمالك فى قهوه مثلا , الغريب بقى ان بعض المصريين للاسف عمالين يصوروهم عمال على بطال لدرجه تضايق لدرجه ان بعضهم قام ومشى
سلوك غريب مش قادر افهم ليه بنعمل كده , ده احنا مانقبلش ده على نفسنا نقوم نقبله على ضيوفنا ؟؟


بالنسبه للخطاب نفسه مش عايز ادخل فى تفاصيل بس واضح ان اوباما حد ذكى جدا وشكله مذاكر كويس كمان,,بس مانعتمدش على ده اوى لان مش هوا الى بيصحح لوحده

كلامك رائع يا شهد