لو معاك مليون جنيه....

لو معايا مليون جنية
هبنى بيت كبير اعيش فية مع اهلى وهبنى جمبة جامع
وهاعمل مشروع كبير واساعد بية الشباب عشان ازمة الشغل والوسطة
وهعمل مشروع صغير كنت بحلم بية من زمان
وهاحاول ابنى مستشفى صغيرة للفقراء
وهطلع حج مع بابا وماما واخواتى الاتنين واصحابى
والحمد لله

هعمل مصنع ملابس عشان مصر عندها قطن كتيير و حلو و هشغل فيه الناس اللى مش لاقيه شغل و هخليهم يتعلموا الشغل الاول كويس و كمان نعملهم ندوة كل فترة عشان نثقفهم فى كل المجالات و نعلمهم يكونوا ناس كويسين فى كل حاجة و اعمل جنبه جامع
و المصنع يكبر جاامد و اصدر للخارج و نحل مشاكل مصر الاقتصاديه ان شاء الله كلها

و لو الفلوس اكتر شويه ممكن مدرسه و مستشفى كمان و نفسى ابنى كام مدرج لكلية تجارة

و طبعا ذى بسبوسه ما قالت اول حاجة طبعا فريضة الحج
و الزكاه عليهم
سلااااام علييييكم و رحمة الله و بركاته

مع احترامي ليكي يا بسبوسة انتى وندى


المليون جنيه دول يا دوب يجوزوا شاب جوازة حلوة ، ويعيشوه مستريح فترة صغيرة



لكن مصانع وبيوت والكلام ده

ده يا دوب اظن يبقي تأمين لمصنع


انا بقي هأشتغل بيهم مشاريع صغيرة في دماغى

بحيث اضاعف المبلغ في اقل وقت ممكن


وهكذا

واجي عند نقطة معينة اتجوز

وبعدين اكمل باقي البيزنيس اللى راسمله


انت بقي ناوى علي ايه؟

ما انا عارفه انهم ميكفوش مصنع كبير
عشان كدة قلت مصنع بس ( ممكن مصنع صغنتوت كدة و يكبر )
و قلت لو اكتر هعمل الحاجات التانيه

بس هو عموما اعتقد ان الموضوع المقصود منه حسب ثقافتنا اللى احنا متعودين عليها باستثناء الغلاء اللى موجود
اعتقد المقصود بيه ان لو معاكك فلوس كتييييييييرة اوى هتعمل بيهم ايه

بس برضه متقولش يا دوب يعملوا كذا
و الا كان بقى اغلب الناس مليونيرات

هى مبلغ كبييييير اوى بالنسبه لاى شخص عادى لكن قليل بلنسبه لواحد عايز يعمل مشاريع كبيرة محتاجة ملايين مش مليون واحد

اكيد اول حاجة هفكر فيها انى مداكش منهم ولا نكله

اول حاجه هجيب شقه وعربيه يعنى قول نص مليون وربع اشيله وربع اضيعه فى البورصه

"يا صابت يا اتنين عور"

مليون جنيه يادوب انزل اجيب بيهم حاجة ساقعة عشان اعبر عن فرحتي بالمليون


بس فعلا بقى في حاجات كتير تتعمل اولا بناء مسجد ثانيا امي ووالدي واخواتي وانا نطلع حج
واتبرع شوية والباقي هاجيبلي لبس واظبط حالي وحال اصحابي برده

انا لو معايا مليون

هاشترى ارض زراعيه يعنى كام فدان كده

وازرعهم وياريت الارض دى تكون فى اسماعيليه علشان فيها جو الريف والحضر

واجيب وز وبط وفراخ ويبقى عندى فرن اعمل فيه الفطير (علشان ما اشتريش من بره ويبقى اكتفاء ذاتى )

واربى الفراخ واجيب بقرة وساقيه ويبقى عندى بيت صغنن من دورين والبلكونة تطل على الخضرة والشجر الله هايبقى منظر جميل اوى

واخصص نسبه من ايراد المحصول للاعمال الخيريه

هى امنية ناس كتير بتستغربها لن اغلبهم بيحب المدينه معرفش ليه

معن فى الريف الناس اطيب وتحس معاهم كده بروح حلوة

انا لو معايا مليون جنيه اشترى ارض فى ستة اكتوبر وابنيها واجوز فيها والباقى اتبرع به لجمعية رسالة ومشروع الصدقة الجارية

ALLAH
7elmek gamel awy ya dodo
ana zayek bamot fe eltabe3a elhadya elgamela
bas ba7eb akon gamb elnas elly ba7ebohom fe ay makan
we kol elly ba7bohom hena

خلاص ممكن تبقى تيجى تباتى عندى يومين

واهو تغيرى جو برضه هههههههههه

لا انا افضل استصلح ارض وتكون فيها كل الخضرة والطبيعة اللى انا بحبهم
وفى نفس الوقت اكون خرجت برة زحمة الدلتا وساعدت فى فك الازدحام السكانى
طبعا انتوا عارفين ان انا اللى عاملة زحمة اكيد هههههههههه

وبصراحة مش هدى باقى الفلوس لرسالة

بس اكيد قبل ما اصرف قرش من المليون هطلع صدقة منهم لوجه الله
وبعدين هعمل بالباقى مشروع واستثمر فيه الفلوس
وكل ما احقق ارباح هطلع صدقة ان شاء الله
واكيد طبعا الزكاة سواء فى ربح او لأ

لانى لو اديت الفلوس لرسالة صحيح هعمل خير لانها هتروح لناس محتجاهم
بس انا لو استثمرت واديتهم من الارباح يبقى هفضل اديهم على طول البلغ اكيد هيبقى اكبر كده

ده غير انى هبقى شغلت عمال كتير وفتحت ابواب رزق ليا ولاسر تانية كتييييييييييير
وهساعد فى نمو بلدى وتقدمها
لان الاستثمار هو الحاجة الوحيدة اللى هترفع الحالة المادية للبلد دى
وبالتالى الحالة الاجتماعية كمان

ده غير انى اكيد كده ان شاء الله هقدر اوفر لاولادى حياة كريمة وكمان هامن مستقبلهم (ان شاء الله تعالى ) وهساعد ان البلد اللى هيعيشوا فيها تكون افضل ليهم

ايه موضوع الانشاء ده

انا شوفت الدرس ده فى كتاب العربى قبل كده ههههههه

يا شيخه سيبك وهتيلك ارض جمبى واهو نوس بعض

وتيجى ندى تبات معايا ونقضى يومين تحفه

شكلنا هنخلص على كل الاراضى اللى مش بتاعة حد

ونزرع البلد كلها

ههههههه

ياريت والله مصر ترجع ارض زراعيه ذى زمان

هههههههههههه

حاضر اول ما دادى يجى من باريس
هديله شيك من دفتر الشيكات بتاعى وهو يشوفلنا ارض كويسة
ونجيب لندى معانا
والشوفير يبقى ياخدنا كلنا وننزل القاهرة نسلم على باقى اصحابنا

يا جماعة لو مها نايمة حد يصحيها

وياريت تخلى دادى يجيب بص صغير

علشان كل يوم جمعه نجيب اصحابنا فى رحلة ويرجعهم

هههههههههههههههه
طيب ما انتم عايزينى اقولكم ايه
انا بحلم يبقى لازم احلم حلم ليه هدف

مش تقوليلى سيبك انت من الانشاء
ده كده ابقى نايمة

متخلونيش ادلق على الايميل بتاعكوا ميه عشان تصحوا

احلملى براحتك يا قمر هى الاحلام بفلوس

هى ايه حكايه الادارة معاكوا انهارده