و انت يا هذا قولى لماذا اخدت اجازة ؟؟

السلام عليكم و رحمة الله و بركاته

خلاويص خلاص خدنا الاجازة و خلصنا

و ربنا يستر و تبقى النتيجه حلوة لينا كلنا و نفرح بيها كلنا

اول حاجة لاااازم كلنا ننويها بنوايا حسنه كدة و تبقى كلها لوجهه الله

هسالكوا كدة شوية اسئله

ايه نواياك للاجازة

و مبسوط و لا زعلان عشان خدتها

و بتحبها اكتر لا الدراسه

و ناوى تعمل ايه و ايه و ايه فيها

و ايه تقييمك لنفسك السنه اللى فاتت
و تدى لنفسك كام بصراحه
و ايه اللى اتعلمته فيها
و ايه اللى قررت تعيدة تانى او قررت متعملهوش تانى

و اى حاجة تانيه لو عايزين
و ايبقى اجبلكوا شوية اسئله كدة تانى ان شاء الله

اه نسيت انا اجاوب


ايه نواياك للاجازة

نيتى انى لو هريح يبقى عشان ابدا احسن فى تالته باذن الله
و ولو هعمل حاجة خير او عبادة تبقى لوجهه الله ان شاء الله
و لو هروح لقرايبى او اقعد مع اخواتى يبقى صلة رحم
و لو هخرج مع اصحابى يبقى تواصل مع المسلمين و زيارة اخوات ليه فى الله

يعنى هحاول اخد نوايا حلوة باذن الله على قد ما اقدر

و مبسوط و لا زعلان عشان خدتها

زعلانه عشان مش هروح اكتر مكان بحبه و لا هشوف الناس اللى بحبهم و لا هحضر المحاضرات (بصراحه كدة انا بحب المحاضرات و بصراحه اكتر انا بحب المذاكرة )

و مبسوطه لانى هرتاح من ضغط الاعصاب و من التعب و هريح شويه واخرج شويه و لما هسافر هيكون من ضمن السفر عمرة ان شاء الله و زيارة للنبى عليه الصلاة و السلام و دى احلى حاجة فى الدنيا و طبعا هشوف بابا حبيبى اللى وحشنى

و بتحبها اكتر لا الدراسه
لا الدراسه بس فى اول السنه اما اخر السنه و ايام الامتحانات فبتبقى صعبه شويه

و ناوى تعمل ايه و ايه و ايه فيها

ذى ما قلت هعمل عمرة ان شاء الله اروح المدينه برضه

و هنسافر مكان كدة فى السعوديه اسمه الجبيل

و هخرج اليومين دول مع اصحابى

و هحاول اصوم اتنين و خميس دايما و 13 و 14 و 15
و احاول اراجع على اللى حفظته فى القران و احفظ تانى جديد

و هحاول انمى الانجليزى شويه و انا فى السفر
و عايزة اساعد ماما و ناويه اطبخلها كل يوم (هيتغدوا بره بعد كدة هههههه)
و عايزة ابقى اشغل وقتى هناك بمثلا انى اعمل اى اشغال يدويه كدة و الرسم هوايتى المفضله طبعا
و القرايه شويه و عايزة اثقف نفسى اكتر دة انا اوخويا الصغير مثقف عنى ما شاء الله
و النت طبعاااااااااااااا
و لو جيت قبل الدراسه فهتدرب مع عمى فى البنك مع انى من عاشر المستحيلات انى افكر اشتغل فى بنك لانى غير انى مش عايزة ابقى محاسبه انا مبرتاحش للبنوك بس عايزة اتدرب عشان اتعود على التعامل مع الناس مش اكتر
و حاجات تانيه كتييييييييير ان شاء الله


و ايه تقييمك لنفسك السنه اللى فاتت
يا عينى البنيه تعبت معايا ههههه
لا و الله ذاكرت و حضرت المحاضرات و قرت الكتب و فهمت
و تعبت اوى اوى
بس كان فى شويه تقصير هضربها عليهم
بالذات قبل امتحان المحاسبه كانت بتتدلع و عماله تقول ان حالتها وحشه (دلع بنات )ههههه

دة بالنسبه للتقييم على المستوى الدراسى
اما غير كدة

فبلاش احسن عشان حسابها معايا عصيييير


و تدى لنفسك كام بصراحه
ادى لنفسى فى حدود 90%

و ايه اللى اتعلمته فيها



و ايه اللى قررت تعيدة تانى او قررت متعملهوش تانى

و اى حاجة تانيه لو عايزين
و ايبقى اجبلكوا شوية اسئله كدة تانى ان شاء الله
-----------------

هجاوب على الباقى بعدين ان شاء الله

محدش فيكوا معبر الموضوع دة ليييييييييه

انا مخامصاكوا

امين يا رب العالمين و بمجموع كبير كمان

و شكرا على مشاركتك



السلام عليكم و رحمة الله و بركاته

فلنبدأ

اتت الاجازة بعد شوق لها ، وحينما اتت قتلت كل امال

اما الاسئلة

ايه نواياك للاجازة

اتدرب في موبينيل ، واشتغل تايبست ، واعمل بيزنس خفيف كده

ده ما اتمنى ، واللى عندى احساس ، ان مافيش حاجة هتحصل ابدا منه والله اعلم

بس خلينا متوكلين على ربنا

و مبسوط و لا زعلان عشان خدتها

والله من اول لحظة فيها وانا حسيت بملل فظيع ، واول ما رجعت للنت اتمنيت انى ما كنتش ارجعله


و بتحبها اكتر لا الدراسه

زمان كان هي ، واول التيرم التاني السنة اللى فاتت كان الدراسة ، ودلوقتى ما عادتش تفرق ، سينا من سونيا


و ناوى تعمل ايه و ايه و ايه فيها

والله ناوى اعيد ترتيب امور نفسي واصلحها ، واطلع اسكندرية عالاقل مرتين ، واحتمال مرة شرم ، واحتمال كمان مرة مطروح ، واكيد فيها مرة عالاقل للبلد

وان شاء الله ناوى اعوض ما فاتنى من تدهور في حالتى الثقافية ، عالاقل حتى ان اصل الى المستوى اللى مفروض ابقي عليه في سنى هذا


و ايه تقييمك لنفسك السنه اللى فاتت

لحد اخر شهر 3 كنت 9/10

اما بعده فانا 3/10


و ايه اللى اتعلمته فيها


اتعلمت ان سرى ما يخرجش منى ابدا ، واتأكدت ان الناس عايزين يتعاملوا بالطريقة اللى يحبوها ، حتى لو غلط ، بس تقريبا ما خضعتش للحاجتين اللى اتعلمتهم
[color:21e0=white:21e0]
و ايه اللى قررت تعيدة تانى او قررت متعملهوش تانى

اللى قررت اعيده تانى ، هو انى اذاكر قبل ليلة الامتحان كالعادة ، واللى قررت انى ما اعملوش تانى ، انى اتكلم كتير او اتعرف على حد جامد اوى


و اى حاجة تانيه لو عايزين

اه انا عايز النتيجة تطلع صافي وما اقلش عن 25 درجة ، علشان بفكر يا اما احضر كل المحاضرات تماما ، او ما اروحش الكلية من الاساس

ها الناس التانيه مش هترد على الاستاذة هههههه

سلام عليكم و رحمة الله و بركاته

طيب ممكن ابقي اقول انا كمان شوية اسئلة...؟؟؟

يا رب تكون الدراسة مثمرة ويا رب يكرمنا في الاجازة

وانا الحمد لله بدات فى كرسات الانجليزى(بكمل اللى بدات فيه فى الدراسة)
وان شاء الله هابتدى ادرب فى شهر اغسطس

وبادت احفظ فران (يا رب الحماس ميقلش)

وانا سعيد انى اخد الاجازة مادامت باشوف اصحابى واتمنى انها تكون تكليل لتعب الدراسة واستعداد لسنة ثالثة

وللدراسة فوائد بعيدا عن التعليم بشوف اصحابى كل يوم وبتعرض لمواقف بكسب منها خبرات كتيرة جدا

اما الذى اتعلمته هذه السنه او اللى استفده
ان حصل معايا موقف انا وواحد صاحبى والحمدلله ربنى نهاه على كل خير ونجانا والحمد لله

شكل ما فيش حد غيرنا اخد الاجازة