كورة يا لعيبة

السلام عليكم ورحمة الله وبركاته

شباب المنتدى

فيه حجز كورة ان شاء الله

يوم الاتنين الموافق 22/6/2009

اللى هو بعد بكرة ان شاء الله

فى مركز شباب القلعة اللى هو موجود فى ميدان السيدة عائشة

وده من الساعة 7 ل10 صباحا

7 الصبح يا مفتريين؟
ده أنا لما بروح الامتحان الصبح ولا محاضرات 8 الصبح بنزل 6 ونص عايزني أبقى عندكوا الصبح؟
بس تصدق ممكن
أنا عندي بكرة كورس انجليزي هبدؤه وبعدها هطلع أتفرج ع الماتش عند واحد صاحبي لأني مش هلحق أروح وانا متعود أبيت عنده .. هو في البيباني .. ممكن أعملها وأبات معاه وأجيلكوا الصبح على هناك
أحمد جلال لو فاكره .. ولو كدة ممكن أجيب جاسر ونقطعكوا بقى

أنا والله كنت عايز آجي .. بس يوم الاتنين نازل بليل رايح مسرحية قهوة سادة .. حاولوا تروحوها بكرة بعد الماتش لأن الاتنين آخر يوم

المهم أصلي لما بلعب كورة بعد فترة غياب دامت 37 سنة

بس عملتها صدفة وبقرار مفاجئ ومجنون آخر يوم الامتحان روحنا على المدينة الجامعية لكن ملعبتش كتير أديت حلو بس مكنتش مؤهل أصلاً

مش عارف بقى آجي ول لأ

على العموم هشوف وأقولك

انت تنور يا سمير

والوقت ده كويس وانت كده قدامك اليوم كله بعد الماتش

ياااااااااااه
أخيرا الواحد هيلعب كوره
متشكرييييين يا مصطفى وإن شاء الله انا جاي وهكلم باقي الناس بكره أبغلهم بالمعاد

تحت امرك يا صبرى

وهشام اللى حجز الارض

وياريت الناس كلها تيجى علشان يبقى يوم حلو

انا كلمت الصفتي وهيكلم تامر ولسه هكلم الجوهري وإن شاء الله جايين وهقول لحيحا برضه
وربنا يسهل

ماشى يا ريس

اوعى تنسى بس من 7 ان شاء الله

لا بجد رجالة

اه والله انا مش عارف اقول ايه

واحد بس يجيى من كل الناس اللى موجودة

جزاك الله خيرا يا صبرى

انتو عارفين انكو ضيعتو علينا فلوس الماتش ال3ساعات

عموما ديه اخر مرة لتنظيم حجز كورة للمنتدى عندنا وربنا يكرمكو والله

لا بجد حاجة جميلة

أوبس ؟ بجد ؟
حصل إن محدش جه ؟
عموماً معلش لو كنت من الناس اللي مجاتش بس والله أنا كنت هاجي على أساس إنكوا كتير وممكن أكون زيادة أبقى أنزل لو كان فيه مكان يعني .. لكن مش عارف أقول إيه بجد؟
آسف جداً والله حتى محمد مجدش كلمني الساعة 10 أو قبلها كمان وقالي إنكوا خلصتوا متجيش لو كنت هتيجلنا .. أنا فعلاً كنت جاي في الآخر شوية كدة .. وهو لحقني بس كنت فاكره قصده خلصتوا لعب يعني

على العموم حصل خير وقدر الله وما شاء فعل .. ربنا يخلف عليك إن شاء الله