هل فعلا الناس الأكثر ضحكا أكثر حزنا ؟؟؟؟؟؟

بكل صراحة الموضوع ده لفت نظري في احدى المنتديات ، فقررت أن اعرضه على منتدانا ونستكشف الآراء

بس ياريت أشوف مشاركات ...........

اولا:[ندعوك للتسجيل في المنتدى أو التعريف بنفسك لمعاينة هذه الصورة]
الضحك اصبح الا
ن قنعا يحاول الانسان ان يخفى بة ما يدور بداخلة
اصبحنا الان لانرى الضحكة التى من القلب التى تعبر عن السعادة
ولكن الان الضحكة بلا طعم وبلا لون فهى ترسم عنوة على وجوهنا لكى تخفى مشاعر الحزن والاسى[ندعوك للتسجيل في المنتدى أو التعريف بنفسك لمعاينة هذه الصورة]
هل اصبحت الضحكة الان قناعا نواجة بة الاشخاص؟:sungla sses2:
نلبسة فى الصباح ونخلعة فى المساء
هل السبب فى ذلك هو نحن ام الزمن ؟
وهل نستخدم هذا القناع كى لانشعر الاخرين بحزننا ؟[ندعوك للتسجيل في المنتدى أو التعريف بنفسك لمعاينة هذه الصورة]
ام لكى نستطيع ان نعيش

يا ترى انتوا اية رايكوا فى الموضوع دة

فعلا ، الناس الاكثر ضحكا اكثر حزنا


بس ما بيضحكوش كقناع


لكن بيضحكوا من قلبهم ، وبيقنعوا نفسهم بأقل فرح

وبيحاولوا يخلوا الناس تعيش في الضحك ده ، علشان ما يخلوهومش يتذوقوا من مرارة ما يشربون



وموضوع جااااااااااااااامد


ربنا يكرمك

شكراااااااا يا هشام لمرورك


وأنا بتفق معك في رأيك بس تقريبا ده كمان بيبقى في الأشخاص اللى طبيعتهم كتومة بمعنى انها بتحتفظ بهمومها لنفسها لذلك بيظهروا الضحك لاخفاء حزنهم

اذيك يا لولو

بصى متهيالى ساعات و ساعات
اولا اكيييييد كل انسان بيبقى عنده حاجات تحزنه لو قعد يفكر فيها هيعيش فى كئابه (يعنى اللى عايز يكتئب هيكتئب )

بس برضه كل انسان عنده نعم اكتر و اكبر بكتييييييييييير من كل همومه دى تخليه يفرح و يعيش مبسوط و مبتسم دايما ( يعنى برضه اللى عاي يبقى مبتسم هيبقى ان شاء الله )


فالانسان هو اللى بيحدد هيبقى بيضحك و لا يعيش فى الكئابه و الحزن

فاللى بيضحك برضه ممكن يكون حاجتين

اما هو باصص للحاجات الحلوة و بجد بيضحك من القلب لكن عنده احزان بينساها و يبص للنعم اللى اكتر و احلى

او هو فعلا مكتئب و حاسس بالحاجات الكئيبه بس بيدارى عنها و بيتناساها

و ممكن انسان واحد يبقى ساعات كدة و ساعات كدة

و انا عن نفسى ساعات كدة و ساعات كدة

مع انى حاسه انى كتبت كلام متلخبط خالص تقريبا بس لو حد فهم حاجة يبقى يقولى


سلااااااااام عليييكم و رحمة الله و بركاته

ايوة يا ندى انا فهمتك لانى انا كمان كدة
لكن احب اضيف حاجة انة مش بس باختلاف الانسان دة بيكون كمان باختلاف الموقف نفسة او الشىء المحزن فى كل حالة يعنى طبيعى لو انسان عندة مشكلة عويصة وشايف انها مالهاش حل هايكون اتجاهة للضحك بدافع انة ينسى همومة ومايعيش نفسة فى كئابة , وحكاية انة بيضحك علشان الناس ماتضايقش منة دى بتكون حجة بس قدام نفسة علشان يبرر لنفسة هو لية مش قادر يواجة المشكلة ويدور ليها على حل
اما لما بيكون المشكلة عادية او وارد انة يلاقى ليها حل فاتجاة الانسان بيكون اكتر للهدود مش الضحك ومش استسلام كمان للمشكلة , بيكون للهدوء علشان يقدر يلاقى حل يخرج بية من المشكلة دى , حل دائم . واسع المدى , مش حل موضعى يزول بتغير الحالة ( اللى هى الضحك ) .
لانى شايفة ان الضحك فى الامور اللى زى دى بمثابة بينج موضعى او مخدر بيتوة الانسان عن همومة للحظة وبعدها بيرجع لحالة خنقة اكتر مما كان
وانا بقى اللى حاسة يا ندى ان كلامى ملخبط ومش مفهوم
وتسلم ايدك يا لولو على الموضوع اللى فعلا يستاهل للمناقشة

انا شايف ن الضحك احسن حاجة للانسان علشان يعيش

هو الى بيطول العمر

وكمان الى على طول فى ضحك ده حاجة من الاتنين

يا اما عبيط وهايف

او وراه هموم كتيره جدا ومش قادر عليها

انا رأيي ان الضحك لو بنج موضعي


ده شئ كويس


لأن ممكن العقل والشيطان يودوا لحاجات تانية الانسان بيتخيل انها بنج موضعي ووقتى ونهائي كمان




ويا ولاء


مش لازم الانسان يبقي كتوم علشان يحتفظ باللى جواه


ممكن الانسان يقعد يتكلم كتير ، لأنه بيبقي مليان اكتر بكتير


وربنا يكرمك عالموضوع الجامد ده

هو مش الانسان الاكثر ضحكا اكثر حزنا

بس الانسان الاكثر فرحا اكثر حزنا يمكن لانه بيحس بجد فى كل المواقف
اما الانسان اللى بيضحك علشان يدارى حزنه ممكن يكون بيهرب ممكن يكون خوف من ان الحزن يتغلب عليه

بس فى كل الاحوال هو مش حل لاى مشكلة

بجد جميل اوى الموضوع ده

وانا اتكلمت فى الموضوع ده قبل كده بس بطريقه غير مباشره وانا مقتنعه جدا بإن فعلا اكتر الناس بتضحك هى اللى جواها احزان

بس مش معنى كده ان الانسان ده بيبقى كتوم لأ بالعكس ده ممكن يكون بيتكلم كتير وبيحكى كتير بس بتبقى فيه حاجات معينه فى حياته مش بيحب يتكلم فيها كأنها حزن مدفون او جرح عميق مش عايز او مش قادر يفتحوا

وعلى فكره هو فعلا بيبقى مش عايز يضايق اللى حواليه او بمعنى اصح هو بيبقى مش عايز يشوف نفسه فى الصوره الكئيبه اللى الناس بتهرب منها .

وذى ما قالت ندى انه بيبقى شايف النعم اللى ربنا ميديهالوا وحاسس بيها

وكمان انا فعلا باشوف ان اكتر الناس اللى منكده على نفسها ومشيله همومها للى حواليها هما فعلا الناس مش عندهم مشاكل اصلا او مشاكلهم بتكون بسيطه


وفيه جمله جميله اوى للناس اللى مش بتحس بنعم ربنا عليها بتقول

ان الشيطان يمنى على الانسان بالمفقود لينسيه الشكر على الموجود .

جمييييل اوى كلامك يا هدهد
بحب اقراه اوى
انتى بجد ذى السكر بحبك اوى و الله
ربنا يكرمك

اعوذ بالله من الشيطان الرجيم
و ربنا يبعد عننا اى حزن




سلاااااام علييييكم و رحمة الله و بركاته

يا حبيبتى انا كمان بحبك اوى
وبحب برضه كلامك جدا
وانا فرحانه اوى انك رجعتى مصر ونورتيها
وبجد لما كلمتينى امبارح وعرفت انك رجعتى كنت فرحانه اوى

ربنا يكرمك يا ندى ان شاء الله ومسافريش تانى بقى
يارب نفضل صحاب دايما ان شاء الله

كفايه حب بقى قدام الناس لحسن نتحسد ههههه