كيلو عسل مش كتير علينا

كان موعدي يوم الجمعة في زيارة هي الأولى لمركز الأورام بالمنصورة
كنا في الدور العاشر حيث الأطفال المرضى هناك
وكانت المرة الأولى التي أرى فيها أطفال كهؤلاء
تساقط شعر رأسهم
أنا الأن أمام أحدهم
كنت حينما أشاهد هؤلاء الملائكة في التليفزيون أتساءل كيف لي أن أصل إليهم
هم فقط في القاهرة..هذا ما اعتقدته
ولكني الأن في زيارة لهم
بل أنا الأن أمامهم
في غرفة تجمع الكثير منهم
قلت لنفسي هذا ما انتظرته
ماذا أنتظر.. لأذهب لأحدهم وأتحدث معه.. لعلي أخفف عنه شيئا مما يعاني
كان الطفل شحات ذو ال 13 عاما هو أول من رأت عيناي
نظرت إليه
رأيته من بعيد جالسا على سريره ممددا رجليه أمامه
علمت بعد ذلك أن لديه سرطان في عموده الفقري
يجعله لا يستطيع أن ينام على ظهره .. فهو سيبقى ممددا هكذا طول حياته
جلست بكرسي بجواره
عرفته باسمي وسني ومكاني وتعرفت عليه وعلى والدته
كان لا يريد أن يبتسم.. كانت الابتسامة أبعد ما يكون عن شفتيه.. ما بالنا بالضحك ..
بدأ بيننا حوار طال حوالي نصف ساعة
أذكر أننا تحدثنا عن مباريات كرة القدم.. الأهلي والزمالك
كان متحمسا تماما للأهلي
ورغم أني أهلاوي متعصب إلا أني لعبت دور الزملكاوي المتعصب حتى أسمع لحديثه
وهذا استفزه لأن يتحدث كثيرا
وقلت له أخيرا أن معه حق في كل ما قاله.. وثق في نفسه أكثر
وبدأ هو يسألني : معاك موبايل؟ قلت له ..ايوة
سألني : فيه كاميرا؟
فكرت لحظة فأدركت أن معه موبايل.. قلت له .. انت معاك موبايل؟
قالي ايوة وفيه كاميرا.. هصورك عشان لما تتصل تظهر بيا صورتك

وتواصلنا بعد ذلك لأكثر من شهر أزوره أسبوعيا
كان يؤلمني كثيرا حينما أراه يأخذ العلاج .. كنت أتألم لتألمه ..لا أرانا الله ذلك أبدا

تعودت أن أتيه بالعسل ..كنت أقوم بجمع 2 جنيه كل شهر من زملائي لتوفير كيلو عسل شهريا له
فأهمية العسل له كأهمية الماء والهواء
لولاه ما استطاع تذوق الطعام ولا فرق بين العصير والدواء .. فعلاجه يجعل فمه

وفي يوم من الأيام ذهبت إليه كالمعتاد ومعي كيلو العسل
ولكني لم أجده
فقد توفاه الله قبل زيارتي بيومين

تألمت لأني لم أعرف في وقتها
لم أستطع أن أتصل بأمه فقد فات الأوان لذلك

وبعد شهر من وفاته
أجد رقمه يتصل بي .. لم أصدق ذلك أبدا
أخته تتصل بي وتبلغني
أن أخر ما قاله هذا الطفل -رحمه الله- :سلمولي على عمو فلان - يقصدني
لم أستطع أن انطق بكلمة
تمنيت أن أخذه الأن بين ذراعيي
اللهم ارحمنا جميعا واغفر لنا ما تقدم من ذنوبنا

مات قبل أن أتيه بالعسل

والسلام عليكم



دي رساله عن قصه واقعيه حصلت

وياريت بجد يبقي لينا انشطه هناك ولو زيارة
وكيلو عسل في شهر مش حاجه
وخسارة بجد نسيب ثواب ده وهوا قدام عينيا


واللي عايز بجد يشارك يقول ونحاول بجد نعمل حاجه

طيب اقولك حااجه حلوة
مبدئيا ايه رايك تجمعي شويه صور ابيض واسود عشان نعملها كتاب ليهم ونجيب معاها الوان

ربنا يكرمك يا زمزم

لكن انا فعلا بعمل اللى يقدرنى عليه والثواب كله عند الله

وانا مستعد ابعت الحاجة مع اى حد انتى تشوفيه

لكن انا مش هاقدر لانى مشغول جدا

الله يرحمه و يشفى كل مريض ..و بجد فعلا يا ريتنا نعمل كلنا حاجات بسيطة زى دى و اللى ممكن تفرق مع واحد اوى
و فكرة حلوة اوى بتاعتك يا بوبة بتاعت الصور الابيض و اسود و تتلون ممكن تعملهم حاجة تفرحهم ..هى فى كراسات تليون كتير و بتبقى رخيصة بس ممكن احنا نعمل حاجة جديدة يكون مثلا فيها تلوين بس تعلمهم حاجات معينة فى نفس الوقت ..

ايه رايك تخليها فى موضوع لوحدها ندور فيه على الصور ؟؟؟

و مثلا فكرة الصدقة الجارية اللى ياسر عاملها ...نجمع فلوس و نديها للاماكن دى

و رببنا يوفقنا لكل خيير .

الله يرحمه يا رب


ويكرم اللي كان بيزوره




انا بجد اتأثرت اوي


معلش مش هأقدر اقول حاجة تانية دلوقتي


بس هأجي تاني

الحمد الله ان كلنا اتاثرنا بيها الحمد الله


وبصو انا هرتب انا واصحابي زيارة لهناك واللي عايز يجي يجيي

واللهم اني بلغت وافاللهم اشهد

وانا ببلغ لالي عايز يعمل خير
واز يو ليك

ان شاء الله لو مش متعارض معايا اليوم ده ، هأجي معاكم

طب بوبه حاولى تعملى الموضوع على كبير شوية ..نزلى اعلان بيها هنا و على الجروبز بتاعتنا و نعملها رحلة بجد

اوكيه يا سنو ياااااااااريت وياريت تبدئ دلوقتي موضوع ده لاني قريب هروح وان شاء الله محتاجه الصور دي كلها
وانا هعملها عندي بس اجمع الصور دي




ممكن يا ندي بس انا مش هاخر الزيارة دي ان شاء الله

ربنا يبارك فيكى ويكرمك ويقدرك على عمل الخير

حاجة مؤثرة اوي بجد و اتهزيت اوي و انا بقرأها ....

ربنا يشفي كل مريض


و جزاكي الله خيرا يا زمزم و ان شاء الله لازم ابقي موجود معاكوا الزيارة الجاية

بس يا ريت نتفق سريعا علي المعاد ......

ربنا يكرمنا جميعاا بس للاسف يا محمد انا مش هقدر اروح غير علي اول تمانيه عشان منوضوع سناني وقلق بتاعها وكمان انا في اسكندريه بس انا بجمع صور علي فكرة ابيض واسود وبعمل البوم وان شاء الله هنزله
وكمان
بجمع قصص اطفال عشان اعملهم كتاب صغير كده وفي مكتبه جنب كليه هغلفها هناك بحيث انها تبقي حاجه جديده واحنا عاملنها
فياريت يا محمد وانت قاعد علي نت تجمع قصص وصور عشان نجمعهم

ربنا يكرمكوا بجد ويساعدكوا على فعل الخير
امـــــــــــــــــــــــــــــــــــــــــــين
بجد موضوع مؤلم ومؤثر جدا

جعله الله فى ميزان حسناتكم

على فكرة يا هبه انا عندى شويه قصص اطفال كده
كنت عايزة اتبرع بيها
فكرت فى كده بعد لما قلتوا على الرسم والالوان
ايه رايك؟

ربنا يكرمك يا مي
وربنا يكرمك خير بيها يارب

وان شاء الله تبقي زيارة قريب

انا قبل كده كنت فاكره الموضوع تبع رساله والشغل تبعكم فى القاهره بس زى كل مره

وبعدين لاما قريت القصه وهى مؤثره جدا بجد ما اسنتحملتش ارد

وبكل صراحه تخيلت انكم مش هتقدروا تروحوا بجد ؟؟

مع انى كان نفسى اروح جدا وحكايه كيلو العسل دى سهله

خصوصا ان بابا بيجيب عسسل كتييير اوى عندنا

ولوقيلته عمره ما هيرفض المشكله كانت السفر

بس انتوا لو بجد هتعملوا رحله لهناك وهتروحى انا ممكن احاول اقنع ماما باى طريقه

وادور على قصص الاطفال دى عند بابا فى المكتبه

واجيب منها وكمان انا عارفه ان عندنا كتب تلوين فى المكتبه

ممكن كمان اجيب منها واجيلكم هناك وتبقى حاجه رااااااااائعه جدا

ان اول مره اشوفك نجتمع على طاعه ربنا يااااااااااااااااااه

بجد لو هتيجى انا مستعده اعمل اى حاجه علشان ماما توافق واقدر اجى معاكى

يارب تيجى يارب واشوفك وربنا يجمعنا فى الدنيا على الخير وفى الاخره على منابر من نور

ربنا معاااااااااااكم و حاولوا فعلا تروحولهم قريب و تحددوا معاد من دلوقتى

ربنا يوفقكم لعمل الخييييير دايما

إن شاء الله .. يارب يعين الجميع

عايزين يكون في اهتمام بالموضوع ده لو سمحتم

أنا هكون موجود إن شاء الله
بس مش هقدر أكون في موضوع مسئولية عن الموضوع علشان مش ضامن ظروف التجنيد زي م قلت

لأن الحاجات دي مفيهاش تأخير .. و إن شاء الله في أقرب وقت نظبط الحكاية

ان شاء الله
ربنا يكرمكم جميعا
امـــــــــــــــــــــــــــــــــــــــــــــين

محدش ناوى يتبرع ويبدا فى لم العسل

طيب بصو

انا مستعد اروح الجامعة واقابل الناس اللى هاتجيب العسل والرسومات

واروح اوديها لحد هناك عندهم

ونبقى نروحلهم بعد كده على رمضان

قولتو ايه؟

أنا معاك ... أنا كمان

ربنا يوفقنا