لأ.... بياخدوا حسنات طبعاااا:)

سلام عليكم و رحمة الله و بركاته


هو موضوع بسيط يعني يا جماعه

بس الفكرة انى رديت مرة على رد هنا فى المنتدى بيقول ..دة كذا طفل و لسه مش بيتحاسب فمالوش حسنات زى ما مالوش سيئات (دة اللى انا فهمته من المشاركة ..ممكن اكون فهمت غلط )

فرديت و قلت ازاااى بس اكيد الطفل اللى بيصلى و يصوم و يعمل اى خير بياخد حسنات عن اللى مبيعملش الحاجات الحلوة دى
هو صح مش بياخد ذنوب على افعاله الوحشة لكن افعاله الحلوة ياخد اكيد حسنات

و قلت لما اروح اسال دار الافتاء المصرية برضه اتاكد من اهل الذكر عشان ما بقاش بألف

و تخيلت ان الموضوع موقف هيقابلنى و انا بربى اولادى و سألت عنه ...و كانت اجابتهم :

الطفل غير مكلف فلا يعاقب على ما يأتي من افعال محرمة و لكن اذا فعل طاعة أثيب عليها


و ذلك من واسع فضل الله تعالى



طبعاااا .. دة ربنا كريم اوووووووى

الحمد لله كما ينبغي لجلال وجهه و عظيم سلطانه

و سلاااااااااااام علييكم و رحمة الله و بركاته


انا قلت انزلها فى موضوع عشان الكلام دة كان فى وضوع ردوده كتير فخفت لو نزلته فى مشاركة ما تبانش و كمان لعموم الفائدة لو حد مش عارف المعلومة

و دة رابط اجابة دار الافتاء لو حد يحب يتأككد (بس متتريقوش على الموقف )

[ندعوك للتسجيل في المنتدى أو التعريف بنفسك لمعاينة هذا الرابط]

يااااااااااه

أنا برضه أول م شوفت العنوان راح تفكيري لكدة

لأني فاكر الحكاية دي مع أخو فداء .. و كلمة ميزان حسناته

و قولتلها حاجة شبه كدة لكن كانت افتاء برضه

لأ بلاش .. خليها تأليف لأن كلمة افتاء حاجة كويسة اللي احنا بنسخدمها بطريقة وحشة و أي كلام

وفعلاً ( فَاسْأَلُواْ أَهْلَ الذِّكْرِ إِن كُنتُمْ لاَ تَعْلَمُونَ ) صدق الله العظيم


طبعاً ده تصرف سليم جزاكِ الله عنه كل خير و جعله في ميزان حسناتك انتي بقى
( أظن ليكي ميزان برضه )

و ربنا يكرم فداء برضه و أخوها علشان كانوا سبب في الموضوع ده

شكراً تاني

جزاكى الله خيرا يا ندى

ومعروف طبعا ان من رحمة ربنا علينا بناخد الثواب فى اى خير ممكن يتعمل وفى اى سن

برضو زى موضوع النية فى ارتكاب الذنوب او فى فعل الخير

ناس كتير متعرفش ان الانسان لو كانت نيتة يرتكب ذنب و حصل حاجة مخلتوش يرتكبة سعتها مبخدش علية ذنب

و لو جة يرتكب الذنب و بعدين رجع لصوابة سعتها بياخد على رجوعة حسنات

و لو كانت نيتة يعمل خير و مقدرش يتمة لاسباب خارجة عن ارادتة ربنا عز وجل بيحتسبهولة

اامال ربنا رحيم ازاى

حنظلة : ربنا يكرمك و يجازيك كل خير على ردك

فرندس : ربنا يكرمك و يجازيك كل خير ..طبعا ربنا ارحم الراحمين و رحمته فى كللللل شىء

و جمييل اوى انك اتكلمت برضه عن موضوع النية فى الاعمال



عن ابن عباس رضي الله عنهما ، عن رسول الله صلى الله عليه وسلم فيما يرويه عن ربه تبارك وتعالى قال : ( إن الله كتب الحسنات والسيئات ثم بيّن : فمن همّ بحسنة فلم يعملها كتبها الله عنده حسنة كاملة ، وإن همّ بها فعملها كتبها الله عنده عشر حسنات إلى سبعمئة ضعف ، وإن همّ بسيئة فلم يعملها كتبها الله عنده حسنة كاملة ، وإن همّ بها فعملها كتبها الله سيئة واحدة ) رواه البخاري و مسلم في صحيحيهما.

ربنا يكرمك يا ندى عالتوضيح وشكرا على الأفاده

F.r.I.ë.N.d.S كتب:

جزاكى الله خيرا يا ندى

ومعروف طبعا ان من رحمة ربنا علينا بناخد الثواب فى اى خير ممكن يتعمل وفى اى سن

برضو زى موضوع النية فى ارتكاب الذنوب او فى فعل الخير

ناس كتير متعرفش ان الانسان لو كانت نيتة يرتكب ذنب و حصل حاجة مخلتوش يرتكبة سعتها مبخدش علية ذنب

و لو جة يرتكب الذنب و بعدين رجع لصوابة سعتها بياخد على رجوعة حسنات

و لو كانت نيتة يعمل خير و مقدرش يتمة لاسباب خارجة عن ارادتة ربنا عز وجل بيحتسبهولة

اامال ربنا رحيم ازاى

سبحان الله
فعلا يا مصطفى عندك حق
انبسطوا بقى ياللي كنتوا جايين عشان الجامع خدتوا ثوابه بنيتكوا لعمل الخير
ربنا يقدرنا دايما ونكون مقبلين على عمل الخير

لو الموضوع ده السبب فيه خالد يبقى خساره فيه الثواب


لانى مش اكتب ولا كلمه بسببه

هكمل رد بعدين


وحسبى الله ونعم الوكيل

محمد ..اكيد خدتوا ثواب كبييير ربنا يكرمكم و يجازيكم كللل خير..يا بختكوا على ثوابكوا

نونا ..ربنا يكرمك يا حبيبتى و يجازيكي انتى كمان كل خير

فداء..خير يا بنتى مش فاهمه حاجة

ليه بس يا بنتى مستخسرة فى الواد الثواب

ربنا يجازيكي و يجازيه كل خير

بس انتى بتدعي عليا و لا ايه .. و على فكرة انتى و حنظلة اللى سيحتوا انا كنت بقول انه رد و محدددتش مين قاله


ربنا يكرمك يا دودو يا حبيبتى و يبارك فيكي و يحفظك و يحميكي و يخليلك اخواتك الحلوين و يبارك فيكوا كلكلوا و يفرحكم دايماااا

كل دى دعوات ربنا يكرمك ياااااااااااارب والله تقبل

اقتباس :

ليه بس يا بنتى مستخسرة فى الواد الثواب

يا بنتى مش قولتلك فى الرساله ده بهدلنى اخر بهدله وشد شعرى


ولما اجيت اشدله شعره زى قالى على راحتك انا هحلق بكره

يعنى كمان فقعنى

والاء بنفسها جت تحل المشكله ومش عارفه وصل بيها الحال

انها قالتى قوليله انا اسفه علشان يسيبك

انا اقوله انا اسفه على جثتى ده هيشوف منى اياااام

وعلى فكره بقى خلاص لا عاد هيصعب عليا ولا تعبان ولا عمليات

ولا اى حاجه ولا عاد اخويه اصلا


بصى خلاصه الرغى ده انى لما قولت انه مش هياخد ثواب كان قصدى على احساس الالم

لانه لما كان تعبان كان صغييير جدا يعنى لو طفل عنده شهر او سنه او اتنين

وبيتالم وكده هل هياخد برضه حسنات على الالم ده هى دى الفكره ؟؟؟

وطبعا ربنا يجزيكى كل خير ويجعل الافاده دى فى ميزان حسناتك

و ان شاء الله وربنا يستجيب يااارب دعواتك

اقتباس :

بس انتى بتدعي عليا و لا ايه .. و

عليه اصله كان .... بلاش فضايح علشان كرامتى اتبعترت خلاص

ربنا يخليكوا لبعض

أنا مش فاهم ليه كدة ؟؟

أنا مكانش قصدي أسيَّح والله

لكن دلوقتي كويس إني سيحت

أصل الواد طلع شكله مظلوم معاها كدة

رغم إن شكله يدي أحياناً على عنيد و أنا مش بعرف أتصرف مع الولاد دول إزاي الصراحة

على العموم برضه ربنا يخليكوا لبعض و تفضلوا تضايقكوا بعض كدة

بس حاولوا تتعلموا من آلاء .. ما شاء الله شكلها باين عليها نضجة وفاهمة و بطلت شغل العيال

اقتباس :

ربنا يخليكوا لبعض

امين ..والله انا ما سكتلهوش ضعف منى صدقينى اسالى الاء دى كانت مستغربه

اصله بهدلنى يا ندى خالص والله حتى ماما وانا بحكيلك قعدت تضحك كتيير

واستغربت انى سكت بس عارفه انى زعلانه علشانه

علشان كده عديتهاله المره دى لكن المره الجايه

اقتباس :

أصل الواد طلع شكله مظلوم معاها كدة

والله العظيم انا اللى مظلومه احلف بإيه علشان تصدق

ده الاء قالتله هديلك جنيه بس سيبها كرامتى اتبعرت خالص امبارح

اقتباس :

ما شاء الله شكلها باين عليها نضجة وفاهمة و بطلت شغل العيال

الاء ضحكت ضحك على الجمله دى ,,آل آلاء عاقله آل

بصوا انا اعملكوا يومياتنا

والله ما هتبطلوا ضحك وهتتشوفوا اللى عمركوا ما شوفته

المهم يا جماعه ادعوا بقى لخالد ربنا يشفى ولكل المسلمين المرضى ورمضان فرصه اهو

وكل سنه وانتوا طيبين

ربنا يشفيه و يعافيه و يخليكم لبعض

ما فيش احلى من الاخوات (و الام و الاب طبعا)

يلا كمان كل اللي في الموضوع ده خد حسنات الحمد لله

ربنا يكرمك يا ندى

و جزاكم الله خيراً جميعاً و ربنا يشفيه إن شاء الله

و في انتظار اليوميات يا فداء

حتى علشان لو متابعتش ونيس