مسابقة كوميرس الرمضانية فى تفسير القرآن الكريم

السلام عليكم ورحمه الله وبركاته

كل عام وانتم بخير

أعاننا الله وإياكم على الطاعه والصيام والقيام فى شهر رمضان وتقبل منا صالح الاعمال ..

بعد مسابقه كوميرس الثقافيه وتكريم الفائزين فيها

قررنا عمل مسابقه كوميرس الرمضانية فى تفسير القرآن الكريم

والمسابقه عباره عن أسئله فى آيات القرآن

كل يوم سؤال فى آية ومطلوب منكم تكتبوا تفسير الايه الموجوده

وكل يوم سؤال فى جزء حسب الترتيب فى رمضان

يعنى يوم 1رمضان هيبقى السؤال فى الجزء الاول من القرآن

ويوم 15رمضان هيبقى السؤال ان شاء الله فى الجزء الخامس عشر من القرآن

وهيبقى فيه سؤال فى الفقه سؤال سهل وصغير وان شاء الله نكون عارفينه

واللى مايعرفهوش ممكن يدور على الاجابه فى الكتب

زى كتاب فقه السنه لسيد سابق

وممكن يبحث فى النت بس يخلى باله من الموقع علشان ساعات بيتكتب كلام غير صحيح

والقرآن الكريم الاسئله بتاعته هيبقى البحث فى كتب زى

تفسير ابن كثير ومختصر تفسير ابن كثير ودول اسهل حاجه

وفيه كمان تفسير القرطبى ده اكبر وفيه كلام اكتر

وفيه فى ظلال القرآن لسيد قطب

واللى معندهوش كتب خالص ممكن يبحث على النت بس يتأكد من المواقع

وكل يوم بإذن الله هنزل سؤال جديد والاجابات زى ما اتعودتوا من المره اللى فاتت

ابعتوها ليا على الخاص lol!

والمسابقه مسموح لكل الاعضاء والمشرفين انهم يشتركوا فيها

ما عدا القائمين عليها وهما

فداءً لتراب القدس وزمزم

وزمزم جايبه نص الاسئله ماشاء الله عليها وهى اللى هتصمم كمان الاوسمه

واهم حاجه عايزه اقولها لكم انى هجيب هديه ان شاء الله للفائز

وده وعد منى يا جماعه بجد هديه حقيقه مش صور

ووعد الحر دين عليه Very Happy

المهم انا اسفه اوى انى اتاخرت عليكم فى اعلان المسابقه

وان شاء الله بكره هينزل اول سؤال

دعواتكم

ربنا يكرمك على الخير ده
وان شاء الله انا من المشتركين

ربنا يكرمك يا مصطفى ياارب

السؤال الاول نزل شد حيلك يلا Smile

ما شاء الله عليكن َّ Very Happy

ربنا يكرمك يا فداء انتي و زمزم يارب

جزاكن الله كل خير

جزاكما الله كل خير ان شاء الله

أتمني نشر هذه المسابقة علي مختلف الجروبات والمواقع وليس هنا فقط

جزانا الله واياك يا حنظله

بس انت كل مره تدخل تقول كده ومش بتشارك فى المسابقه

وانا مش مهم عندى الرد بس عايزه المشاركه

هستنى ان شاء الله اجاباتك Very Happy

جزانا الله واياك يا ادمن وربنا يعنا على الخير دايما

وخلى عندك امل ان تبقى المركز الاول هنا برضه

مين عارف يبقى معاك وسامين Very Happy

وطبعا شكرا للاعضاء اللى بعتوا الاجابات

انا هنزل ان شاء الله الاجابه كل يوم فى الموضوع بتاع الاجابات

بس مش هقدر ارد على كل رساله طبعا Very Happy

ربنا يجزيكم كـــــــــــــــــــــــــــــــل خير يارب وينفعكم بالمسابقة

اللهم آميــــــــــــــــــــــــــن ..

ربنا يكرمك

وإياكم يارب

انا عايزه اشكر الاعضاء اللى بيبعتوا الاسئله بانتظام

كل يوم وبيحافظوا انهم يبعتوه قبل ما الاجابات تنزل دايما

بجد ربنا يكرمكموا و يجزيكم كل خيييير لانكم بتفرحونى جدااا باجابتكم دى thanks

وبقول للاعضاء اللى لسه ما بعتوش

هو انتوا ناوين تشاركوا ولا ايه النظام يا جماعه ؟؟ Very Happy

ماشاء الله روعه اسلوبك وجزاكم الله خيرا علي الردود ويارب تكون مسابقه عجبتكو

ربنا يخليكى يارب يا بوبه

واسلوب ايه بس يا بنتى هو انا قولت الا كلمتين Smile

وربنا يجزيكى كل خير على مساعدتك ليا يا حبيبتى

» تكريم الفائزون فى مسابقة كوميرس الرمضانية
» تفسير القران الكريم
» تفسير القران الكريم
» حفظ القرآن الكريم
» القرآن الكريم