57357...طرق سهله جدا للتبرع و ثواب كبيييير جدا جدا

السلام عليكم و رحمة الله و بركاته

طبعا كل واحد فينا اكيد بيشوف اعلانات المستشفى
و اكيد بيتأثر اوى لما يلاقى طفل مريض و بيتألم
و اكيد بيتبسط اوووى لما يعرف ان منهم ناس خفت و بقوا كويسين


اكيد هتفرح اوى اوى اوى لما نعرف ان واحد ربنا شفاااه و جعلك انت من اسباب الشفاء دة لانك مرة اتبرعت للمستشفى

تخيل لما طفل كان هيموت و الحمد لله الحمد لله يشفى و يخرج للمجتمع يتعلللم و يشتغللل و يعمررر و يمكن يطلع منهم علماء و قادة و اشخاص تمشى تعمر و تبني فى الدنيا

خصوصا ان اكيد طفل مر بامراض صعبة كدة اكيد بتأثر فى نفسه و يحس بقيمة الصحة و يستغلها بجد علشان يعمر فى الدنيا


المهم عشان ما اطولش عليكم

المستشفى دى لانها بلا شك من اعظم الانجازات فى العصر دة و حاجة تفرح و كلنا نفخر بيها

و لان كلنا عارفين انها قايمة بس على الخير اللى جوة الناس اللى اتبرعت


فاكيد كلنا عايزين نتبرع ليهم


طب ساعات كتير بنقول صعب يعني هنزل اروح بنك عشان اتبرع بكام جنيه على قدي


فهما الحمد لله فى طرق سهله ممكن اوى اننا نستخدمها


1- التبرع من خلال التليفون

يمكنك الاتصال برقم 1468 أو 2357 من اي تليفون محمول

او برقم 09009555 أو 09000957 و التبرع لصالح المستشفى اثناء استماعك للرسالة الصوتية .

سعر الدقيقة جنيهان

(بكل بساطة ترفع سماعة التليفون و انت في بيتك و تبقى اتبرعت ب2 جنيه و اكيد انتوا عارفين ان ممكن تمرة تتبرع بيها تجيلك حسنات قد جبل احد ..فشوفوا ال2 جنيه ممكن يبقوا ايه ويساعدوا قد اييه )

و ممكن تحسبوا انتوا اتصلتوا قد ايه و تخلوا فلوسهم على جنب و لما تيجي الفاتورة اقروا الاتصالات بتاعت 0900 بكام و تدفعوها انتم عشان محدش ييجي بقى يقعد يتصل قد كدة و باباه يفاجىء بفاتورة التليفون كبيرة )

او ممكن كارت موبيل و تتصلوا

الموضوع بسيط بجد متستخسروووش و متبقوش بخلاااء على نفسكم بالحسنات و على غيركم
---------------------------------------



ممكن كمان لو حد معندوش dsl

إنتر نت الخير يمكنك التبرع من خلال أستخدام ارقام انترنت الخير : 07775757 أو 07075757 بنفس سعر المكالمة العادية كما انه يمكنك حساب صافي قيمة ما تبرعت به بأستخدام عداد الخير إ[ندعوك للتسجيل في المنتدى أو التعريف بنفسك لمعاينة هذا الرابط] و فى طريقة متهيألى سهله برضه و هى مكاتب البريد لانها سهله شوية عن البنوك فممكن نروحلها ببساطة التبرع بالبريد : يمكن التبرع فى اى فرع من فروع مكاتب البريد المصرى لحساب رقم 26386 ------------------------------------------- و طبعا فى الطرق للى بيتبرع بمبالغ كبيرة سواء مثلا مجموعه اصحاب هيجمعوا من بعض و يدفعوا سوا و يبقى عمل خير جميييييل جدااا او ممكن واحد يجمع من قرايبه و يروح يتبرع باللى جمعه و يبقوا عيلة كلهااا خير او حد يرشد حد ناوي يتصدق و معاه مبلغ كبير انه يتبرع ليهم و الدال على الخير كفاعله فممكن يتبرع من خلال البنوك و التفاصيل هنا : [ندعوك للتسجيل في المنتدى أو التعريف بنفسك لمعاينة هذا الرابط] و ممكن من خلال بطاقة الائتمان :: [ندعوك للتسجيل في المنتدى أو التعريف بنفسك لمعاينة هذا الرابط] محدش ليه حجة بقى و بجد يا جماعه اكتر حاجة تخلينا نتشجع ان الحمد لله الاطفال بيخفوا فعلااااا بفضل الله تخيلوا لما تبقوا ساهمتوا فى ان انسان يحيا باذن الله يلا حالا على الاقل كل واحد يتصل و يعمل مكالمه و يتبرع ليهم و ربنا يكرمنا جمييييعا و يرزقنا فعل الخيررررر و طبعا لو فى عندكم نواحى خير تانيه فكروا و شوفوا ايه الاولى فى الوقت دة ممكن حد قصاده حد عيان مباشرةً و يعرفوا يساعده برضه و ربنا يكرمكم جمييعا و السلااااااااام عليكم و رحمة الله و بركاته

جزاكى الله خيرا

فعلا محدش عنده حجة فى عمل الخير

المهم ان الواحد يكون ضامن ان الفلوس توصل للى محتاجها

ولازم الناس تعرف برده ان البروباجندا اللى بتحصل فى الاعلان على الخير

داخل فيها بيزنس ومصالح

وانا ليا رأي فى موضوع اعلانات المستشفى

هما ليه بيجيبو الاطفال المريضة انهم بعملو الاعلان ويشهرو بيهم

ولا هو وسيلة لاستقطاب القلوب عن طريق العاطفة

الناس كلها تعرف المستشفى كويس واعتقد ان الاعلانات البسيطة توصل للقلب اكتر

بدل استخدام الاطفال المريضة ممكن يجيبو طفل عادى يؤدى الاعلان

انا بصراحة منظر غبى وانا اسف على الكلمة

محدش بيعمل كده غيرنا

وكالعادة منفردين فى كل حاجة

Professor كتب:

وانا ليا رأي فى موضوع اعلانات المستشفى

هما ليه بيجيبو الاطفال المريضة انهم بعملو الاعلان ويشهرو بيهم

ولا هو وسيلة لاستقطاب القلوب عن طريق العاطفة

الناس كلها تعرف المستشفى كويس واعتقد ان الاعلانات البسيطة توصل للقلب اكتر

بدل استخدام الاطفال المريضة ممكن يجيبو طفل عادى يؤدى الاعلان

انا بصراحة منظر غبى وانا اسف على الكلمة

محدش بيعمل كده غيرنا

وكالعادة منفردين فى كل حاجة

بصراحة عندك حق انا بتضايق جدا من انهم بيخليهم يعملوا الاعلانات
بس المفروض انهم يجيبوا مثلا شكل المستشفى بس او الدكاترة والمعدات
او اى شخص مشهور يقول اتبرعوا بس من غير مايكون معاه طفل

وطبعا الحمد لله ان 80 فى المية منهم بيخفوا

واكيد احنا شعب كريم جدا والشعب ده ساعد فى بناء المستشفى قبل افتتاحها يعنى قبل مايشوف صور الاطفال
لكن اتبرع الشعب ده بحماس وبارادة ان كل مريض يتعالج مجانا

---------------------------------------------------
جزاك الله خيرا على موضوعك يا ندى

الحمد لله مش لوحدى فى الرأي ده

أولاً : جزاكِ الله كل خير و ربنا يجعل الموضوع ده في ميزان حسناتك يارب
و شكراً على كل التفاصيل دي .. و لازم أعرف الرقم بتاع التليفون علشان لو حصل حاجة في النت أدخل منه بقى
و كمان أنا كان نفسي نعملهم زيارة في رمضان إن شاء الله و نبرع هناك بمبلغ مجمع علشان يكون كبير إن شاء الله .. بس للجزء بتاع الصدقة الجارية اللي هو الوقت .. ده مهم أوي
لأنه بيكون حاجة مستمرة و بتفيد الأطفال بطريقة مستمرة برضه

------------

لكن موضوع الإعلانات ده .. أنا بتأثر منه جداً ودايماً عيني بتدمع وأنا بشوفهم وبضحك لأنهم فعلاً حلوين أوي ... أطفال أذكياء و زي العسل
أنا شايف إن الصورة بتوصل كدة أحسن .. لأني كدة كدة إعلان يعني تجارة
يعني لازم هيدفعوا فلوس فلازم يعرفوا يجيبوا تمنها .. لكن دي طريقة مش رخيصة لأنهم مش بيسخدموهم غلط .. ولا بيستخدموا أوجاعهم .. دول بيجيبوا ناس على وشك الشفاء الحمد لله و بيكونوا كلهم كويسين .. معظمهم بيضحكوا و يضحكوني جداً و ببقى نفسي أزرو المستشفى و أشوفهم شخصياً
لكن إنك تكون ذكي في الخير ده مش وحش
أكيد لازم يغطوا تكلفة الإعلان اللي بتكون كبيييييييييييييرة أوي .. حتى لو فيها تبرعات في جزء من الحاجات .. لكن مش دايماً ... أظن اللي بيضايقني أكتر لما حد مشهور يروح هما عاملينها علشان ناس محبوبة لكني باخدها من الناحية التانية إن زي الفنانين اللي بيقولوا احنا بنعمل خير أهه ... دي مش بحبها خالص
بحب أشوف جملة " فاعل خير " على الغرف هناك

عموماً ربنا يكرم الجميع
وجزاكم الله خيراً يارب نعرف نظبط يوم نروحلهم هناك ونتبرع للوقف الخيري هناك

يا جماعه نورتوا الموضوع و سيبكم من الاعلان

الاعلان وسيله جذب و فى ناس فعلا دة اللى بيأثر فيهم ..انا ربنا يهدينى بس اعمل ايه انى للاسف نساية ..فلما بشوف منظر كدة اد ايه ممكن فعلا بيخلينى اعيط عشانهم بس احسن حاجة ان الاعلان بيخلينى اقول طب و دموعى هتعمل ايه فاحاول اتحرك بايجابيه و اعمل عشانهم حاجة فعلا

فهو عشان الناس مختلفة ففى ناس بتحتاج فعلا لحاجة صعبة عشان يتاثروا

ففى اعلانات تزعلكم عشان تخاطب العاطفة و اعلانات اللى بتتكلم عن نسب الشفاء الحمد لله عشان تخاطب العقل ..و اعلانات فيها رجال دين عشان تخاطب اللى عايز يطلع زكاه و صدقات فبيحس ان اللى بيكلمه مصدر موثوق ..و اعلانات فيها لعيبة كورة و ممثلين عشان الناس اللى بتحبهم تعمل زيهم و لانهم ناس جواهم خير زى كل البشر

فكل اعلان بيخاطب ناس معينه


و ممكن نخلى الكلام دة نتكلم فيه فى ساحة كلام فى الادارة بقى ونشتغل فى التسويق





المهم يعنى اننا فعلا ناخد خطوات ايجابيه و نعمل حاااااااجة عشانهم


و طبعا الدعاااء من اهم الحاجات ..لازم ندعيلهم و نتبرعلهم ..عشان نبقى متوكلين حق التوكل باذن الله


و يا ريت لو تبعتوا الكلام دة لكل الناس بقى عشان كل الناس تعرف ان الموضوع بسيط

و ربنا يكرممممممممممممممممكم


نورتوا الموضوع و ربنا يجعلكم دايماااا سبب للخييييييييييير

جزاكي الله خيرا يا ندى وإحنا فعلا كنا هننظم رحله لهناك ده كان الترم اللي فات وكانت كمان اتوبيسات تبع الجامعه هي اللي هتودينا بس الموضوع اتعطل عشان حاجات تانيه كانت الأسرة مشغوله بيها
بس إننا ننظم زياره لهناك ده مش شيء صعب وممكن نبقى نقوم بيها في إجتماع من الإجتماعات الجايه إن شاء الله زي ما بتقول نونا
وفي ناس راحت هناك زي ياسمين وهي ممكن تقولنا على نظام الزيارات هناك عامل ازاي وهبه برضه راحت
إن شاء الله خير خلي النيه عندكوا ونروح إن شاء الله

ان شاء الله

و ان شاء الله يا نونا لما اجى فعلا نروح مع بعض هيبقى اكيد يوم جمييل جدا ان شاء الله

ربنا يكرمك يا ندي علي المجهود ده
و ربنا يقدرنا علي فعل الخير دايما

ياريت يكون فيه مرة كدة في رمضان إن شاء الله

نعرف الإجراءات أكتر و ننظم واحدة أكبر لناس كتير في الاجتماعات الجاية بإذن الله

ربنا يوفقنا جميعاً

جزاك الله خيرا يا ندى

ربنا يكرمكم يا جماعه ..بس اوعوا تكونوا قريتوا و لسه معملتوش حاجة

يلا اقرب تليفون و اعملولكوا مكالمة كدة و لا حاجة

عشان ربنا يكرممممكم و تاخدوا ثواب كبيييييييييييييييييييير ان شاء الله اوعوا تضيعوا الفرصه الحلوة دى منكم يا احسن ناس