مساجد امريكا تواجه الزحام في رمضان بتأجير مساحات بالكنائس!!

الصلاة في المساجد او في البيوت وليست في المعابد والكنائس
ربنا يهدي

الناس ده كده بتعمل عكس ما عمل عمر بن الخطاب في كنيسة القيامة

عندما حان وقت الصلاة فلم يصلي في الكنيسة وصلى خارجها حتى لا يتخذها المسلمون من بعده مسجدا

على فكرة .... ده الصح .. اللي حصل ده
مع احترامي لكلامك
ليه بقى؟

لأن كدة أولاً انت بتنشر الإسلام بطريقة حلوة أوي
وكمان في الكنائس هما أجروا الساحات علشان العربيات بس
لكن لما صلوا في المعبد اليهودي كانت رسالة حلوة للتواصل علشان الناس تعرف إن المسلمين مش بيحرقوها لكن ممكن يصلوا فيها
و باللإضافة إلى إن سيدنا عمر بن الخطاب مش متأكد أوي هل صلى جوة المعبد ولا برة ؟
هحاول أتأكد أو انت اعرف برضه و هات الحكاية و اكتبها هنا علشان نكون عارفين نصها بالظبط
مش بشكك في كلامك .. لكن قصدي إن ساعتها المسلمين كانوا عددهم مش كبير أوي كدة
ودلوقتي ما شاء الله الانتشار في الغرب كبييييييير أوي
لو دي وسيلة للمساعدة يبقى كويس ...

ربنا يكرمك و شكراً لردك

ربنا يكرمك يا حنظله

وبتهىء لى يا مصطفى انه مصلاش جواها
علشان المسلمون كانوا هيتخزوها مسجدا

معناها انهم ياخدوها منهم ويطردوهم منها وده اللى انا فهمه
لكن الرض كلها مسجدا للمسلمين

يا محمد .. مصطفى هو اللي كان بيقول صلى برة المعبد و أنا بقول تقريباً جوة

المهم مش ده المهم ... كل واحد بيقول رأيه بمنتهى الحرية و قناعاته في الحكاية

و متشكر لردودكم

(( لا يتخذ المؤمنون الكافرين أولياء من دون المؤمنين ومن يفعل ذلك فليس من الله في شئ إلا أن تتقوا منهم تقاة ويحذركم الله نفسه وإلى الله المصير )) آل عمران : 28

ومعنى الاية أنه لا يحل للمؤمنين أن يتخذوا أعداءهم أولياء و أصفياء مع انهم لا يريدون بالمؤمنين إلا الشر

بسم الله والحمد لله والصلاة والسلام على رسول الله وبعد:



جعل الله تعالى الأرض كلها مسجدًا للمسلمين ، فالأصل في كل أرض جواز الصلاة فيها ما دامت طاهرة، ولكن تكره في الأماكن التي يعلق فيها ما يلهي عن الخشوع في الصلاة ، ومن ذلك معابد غير المسلمين لما فيه من الصور والمعلقات التي تدل على أهل الملل من اليهود والنصارى والمجوس وغيرهم ، وقد يقابل المسلمين في الغرب العجز عن الصلاة في المسجد ، إما لقلتها ، أو أي ظرف آخر ، فيجد المسلم نفسه مضطرًا أن يصلي في كنيسة أو أي معبد آخر، فلا بأس ولكن محاولة إيجاد مسجد للمسلمين يقيمون فيه شعائرهم أولى.



يقول الدكتور يوسف القرضاوي حفظه الله:


جاء عن النبي صلى الله عليه وسلم " أعطيت خمسًا لم يعطهن أحد قبلي، - وذكر في هذه الخمس - فقال: وجعلت لي الأرض مسجدًًا وطهورًًا، فأيما رجل من أمتي أدركته الصلاة فليصل " (في الصحيحين من حديث جابر) ولهذا تعتبر جميع الأرض مسجدًا للمسلم، وموضعًا لسجوده وصلاته، يجوز أن يصلي فيه، وإن كان الأولى أن تبعد عن مثل هذه الأماكن خشية الشبهة .

ولكن حيث لم يجد مكانًا إلا هذا المكان وصلى فيه فكل الأرض لله، وكل الأرض مسجد للمسلمين .


وقد كاد عمر رضي الله عنه أن يصلي في كنيسة القيامة حينما قيل له: صل . فقال: لا . لا أصلي هنا حتى لا يأتي المسلمون من بعدي ويقولون: هنا صلى عمر ويتخذون منها مسجدًا للمسلمين .

فجعل المانع له هو خشية هذا الأمر فقط لا مجرد الكنيسة.


ويقول الدكتور خالد محمد عبد القادر الأستاذ بالجامعات اللبنانية :


ذهب جمهور الفقهاء إلى كراهة الصلاة في الكنائس وغيرها من معابد أهل الشرك، وعللوا الكراهة بوجود الصور فيها، ولأنها ملعونة، ولأنه لا يتعبد الله في بيوت أعدائه، ولأنها مأوى الشياطين .

‎‎ وقد روى البخاري عن عمر رضي الله عنه أنه قال : (إنا لا ندخل كنائسكم من أجل التماثيل التي فيها الصور)، ولا فرق بين أن تكون المعابد عامرة أو دارسة (أي تقادم عهدها).‏

‎‎ وذهب الإمام مالك إلى القول بالمنع مطلقًا، وهو رواية عن أحمد.‏

‎‎ وذهب بعض أصحاب أحمد إلى الجواز مطلقًا.‏

‎‎ قال ابن تيمية : (والصحيح أنه إن كان فيها صور لم يصل فيها، لأن الملائكــة (ملائكــة الرحمــة لا الحفظـــة، لا تدخـــل بيتًا فيــه صــورة ، وأما إذا لم يكن فيها صور فقد صلى الصحابة في الكنيسة).

‎‎ وإذا جازت الصلاة في كنيسة مع خلوها عن الصور، جازت في أي معبد آخر لا يوجد فيه صور.‏
‎‎ ويظهر من كلام الجمهور أن من صلى فيها مع وجود التماثيل فصلاته صحيحة مع الكراهة، وإن كان الأَولى أن ينأى المسلم في صلاته عن مثل هذه الأماكن إذا توفرت له أماكن أخرى ولم يحتج إليها.. أما إذا اضطر إلى الصلاة فيها كخوف برد، أو عدم توفر محل آخر، جازت بلا كراهة، ولا إعادة عليه، فكل أرض مصلى للمسلمين (إلا ما تيقنا نجاسته) لقول النبي صلى الله عليه و سلم : (وجُعلت لي الأرض مسجدًا وطهورًا، فأيما رجل أدركته الصلاة فليصل) .

‎‎ ولقد أجاز المجمع الفقهي التابع لمنظمة المؤتمر الإسلامي، استئجار الكنائس للصلاة، ولكن أوصى بتجنّب استقبال التماثيل، فإن لم يمكن فإنها تستر بحائل إذا كانت باتجاه القبلة.


‎‎ وهنا أهيب بالمسلمين أن يوفروا ما يحتاجون إليه من مساجد ليستغنوا عن معابد أهل الشرك، وأن يبذلوا في سبيل ذلك ما يقدرون عليه. وأنبه إلى أن معابد أهل الكفر يحرم إطلاق (بيت الله) عليها بالإجماع.‏
‎‎

ويقول الدكتور عبد الفتاح إدريس أستاذ الفقه المقارن بجامعة الأزهر:



قال رسول الله صلى الله عليه وسلم: "جعلت لي الأرض مسجدًا وتربتها طهورًا فأيما رجل من أمتي أدركته الصلاة فعنده مسجد وعنده طهور"، والصلاة في الكنيسة أمر لا شيء فيه إذا لم يكن هناك مسجد معلوم للمسافر إلى بلد ما ليصلي فيه، علمًا بأنه يمكنه أن يصلي في أي موضع شاء، وليس بالضرورة أن يكون هذا الموضع كنيسة؛ لما يخشى على من يصلي في الكنيسة من أن ينشغل بالزخارف أو الرسوم أو الصلبان أو التماثيل الموجودة بها، فيلهيه ذلك عن ذكر الله سبحانه وتعالى.


هذا إذا لم يخش الافتتان في دينه بسبب أدائه الصلاة في هذا الموضع الذي لم يخصص للمسلمين لأداء صلاتهم فيه، وقد ثبت أن عمر رضي الله تعالى عنه -سدًا للذريعة وأن يظن به الظنون؛ فيقتضي به غيره- لم يرد أن يصلي داخل الكنيسة، وإنما اقتصر على الصلاة خارجها، حتى لا يقتدي به غيره فيصلي في الموضع الذي صلى فيه داخل الكنيسة، مخافة أن يقول الناس هاهنا صلى عمر، لذلك صلى في خارج الكنيسة، ولم يشأ أن يصلي داخلها، وإن كانت الصلاة في داخلها غير ممنوعة وإن كانت مكروهة لما يكتنف هذه الصلاة من شواغل النفس بما يوجد في المكان من تصاليب وتماثيل وأشياء منكرة، وغير مشروعة.



والله أعلم.



ويمكنكم قراءة ما يلي:



[ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

لا كده الموضوع كبر وليا عوده ان شاء الله

اللهم اعز الاسلام والمسلمين فى كل مكااااااااااااااان

تسلم ايدك ياحنظله بجد بفرح اوى لما بلاقى عدد المسلمين بيزيد كده

عارف فكرتنى بحكايه كده بالاختصار ان واحد اسلم من رؤيته المسلمين بيصلوا ولاحترامهم صلاتهم جميييييييييييييييييييييييييييييييييييل جدااااااااااااااااااااااااااا

بس برده بستغرب كلام الامام ده وبعدين سبحان الله يعنى الحاله الاقتصاديه اتدهورت هما برضوا مش بيصلوا ولا بيجوا يكلوا بس


وكلام كوتاميه برده انا معاه ساعات الضروره بتحكم زى

الايه الكريمه ودى فى امر تانى

يا ايها الذين امنوا كلوا من طيبات ما رزقناكم حلالا طيبا واشكروا لله ان كنتم اياه تعبدون * انما حرم عليكم الميتة والدم ولحم الخنزير وما اهل به لغير الله فمن اضطر غير باغ ولا عاد فلا اثم عليه ان الله غفور رحيم




والله اعلم بالنسبه لموضوع الصلاه
والله برده كلامك ياكوتاميه اثار فى نفسى سؤال

انامره واحده دخلت الكنيسه بصراحه كنت معزومه فى فرح واحده صاحبه ماما

وبعدها بنت خالتى عرفت زعقتلى وزعلت منى وقالتلى انتى كده بتساعديهم على

دينهم
لا وكمان قالتلى حرام تقوليلهم فى العيد بتاعهم كل سنه وانتم طيبين طيب انا كنت اعرف ناس فى الجامعه مسيحين وكنت بقولهم عادى

انتو ايه رايكم ياريت اللى يعرف فتوه اكيده يقولى

جزاك الله خير ياحنظله دااااايما جايب اخبار رافع بيها همه المسلمين ونفسك كده يكون لهم موقف

بسم الله الرحمن الرحيم

يا جماعه ارجوكم اهدوا شوية و اتوا بتردوا ..انا عارفة انكم رادين مش خناق و لا حاجة بس ردودكم متسرعه

ما ينفعش احنا نقول حرام ..كلمة حرام كبييرة اوى اوى


ربنا يكرمه كوتامية قام بالواجب و جابلكم المقالة الجامدة اللى عن سيدنا عمر ما صلاش هناك ليه و ان الموضوع مش حرام لكن مكروه نعمله


لان الاسلام بيأمرنا ندي للناس حريتهم فى العبادة فمش هنروح ناخد اماكن عبادتهم


لكن شىء جميييل انهم فى امريكا لما الاعداد زادت يأجروا مكان (تاجير يعني عقد و العقد فيه موافقه الطرفين ..يعني هما موافقين و مش زعلانين ..فارض زى اى ارض اجرناها )



و حكاية ان المصلين عددهم كتر لما الاقتصاد اتدهور لو فكرنا فيها فهى شىء طبيعى جمييل جداا

الناس فى امريكا المسلم هناك اكيد متعرض للفتن جااامد جدااااااا ..فربنا بعتلهم الازمة دي تفوقهم ..ففاقوا و رجعوا لربنا

و زى ما نونا ربنا يكرمها قالت هما لما يروحوا المسجد ممكن يسمعوا ايه او حاجة تاثر فيهم


فدة من رحمة ربنا لان كل ابن ادم خطاااء..فربنا بيبعتلنا حاجات تفوقنا عشان نرجع تانى للطريق السليم

-------
و يا سمسمة احنا وااااااجب علينا نعامل اللى مش مسلمين معاملة كويسة و نودهم و ناكل معاااااااااهم (اكل اهل الكتاب حلال ..مادام الاكل فى حد ذاته مش محرم زى الخنزير مثلا ) ..فمعقوله هنروح ناكل معاهم و نتغدى عندهم و هما ياكلوا معانا و يتغدوا عندنا و منبقاش معاملتنا حلوة و اصحاب و بنسلم على بعض و نضحك لبعض


و النبي صلى الله عليه و سلم لما كان اليهودي و مع انه بيأذيه كل يوم لما ما لاقاهوش يوم و عرف انه عيان راح زاره

و شوفوا النبي و هو بيقول استوصوا باهل مصر خيرا ..و هما ساعتها كانوا مش مسلمين

و الامثله كتييييييير اوى اوى

دة ديننا ...نعامل كللللللللل الناس حلو و نودهم ما دام مش بيعادونا

و اكبر دليل ايات القران الكريم

والله ياندود انا طول عمرى اعامل كل الناس معامله حسنه جدااااااااااااااااااااااااااااا

بس بقولك اللى اتاقلى انا تهاجمت من بعض الناس جااااااااااااااااااااامد

وللعلم انا مش مقتنعه لاننا كلنا بشر

والله اعلم

وشكرااااااا ليكى ياحبيبتى ريحتى قلبى كده وطمنتينى

السلام عليكم ورحمة الله و بركاته

إيه ده ؟
هو مين قال حرام ؟

ممكن مكنش خدت بالي
لكن أكيد لما بنتكلم بيكون لغة حوار نخرج منها كلنا مستفيدين حتى لو مش مقتنعين يبقى مستفيدين بتعدد الآراء
وبرضه مينفعش يكون لينا رأي في حاجة ثابتة

و في الآخر الله أعلم

شكراً يا ندى لردك و كلامك صح .. ربنا يكرمك و جزاكِ الله خيراً
والآية دي فيها الخلاصة فعلاً

اولا انا اول لما شوفت العنوان فرحت جدااااااااااااااااااااااا

ولما دخلت الموضوع فضلت عماله اقول الله اكبر بسم الله ما شاء الله

لحد ما وصلت لكلام الامام وزعلت شويه وبعد كده قعدت افكر

ووصلت لنفس كلالام ندى

وبعد كده لما قرات كلامك وكوتاميه ونونا وسنو على الصلاه فى الكنيسه

اول حاجه جت فى بالى بالضبط

الايه اللى ندى قالتها ,,يعنى ردى ما لهوش لازمه

بس تعليق بقى

اقتباس :

لا وكمان قالتلى حرام تقوليلهم فى العيد بتاعهم كل سنه وانتم طيبين

طيب انا كنت اعرف ناس فى الجامعه مسيحين وكنت بقولهم عادى

بصى انا اقعد اضحك من هنا للسنه اللى جايه

يا بنتى احنا المنطقه بتاعتنا اكترها مسيحين

والحمد لله علاقتنا بيهم كويسه جدا

وعمو هانى صاحب السوبر ماركت

مسيحى ودايما نشترى منه وبابا يقولنا اشتروا منه لحسن يزعل مننا

وبيعاملنا حلو جدااااا واحنا علاقتنا بيه وبمراته وولدين الاشقا كويسه جدا

وخالد طول النهار يلعب مع مينا ابنه

ولما حصلت الحادثه عمو هانى كان اول واحد فى الشارع يسألنا على بابا

وكان كل يوم يسأل عليه ويبعت السلام

على كده لو كلام قريبتك صح كان زمانا خدنا ذنوووووووووووب كتيره

يا بنتى

اقتباس :

بجد انا اسفه على الرغى

لأ طبعاً ولا يهمك ... و براحتك خالص .. موضوعك يعني
بس فين الرغي ده إحنا شوفنا حاجة ؟ أنا قولت هتدخل بكتاب
"جواز الصلاة في معابد اليهود من صحيح القرآن وتحريف التلمود "


بس مش بحب ابدا نقطه المعامله بين المسلمين وغيرهم دى خصوصا اللى انا بشوفه من وانا صغيره

اب ملتحى بيسلم على جاره المسيحى عادى جدا وازيك وكل سنه وانت طيب

وهي دي الوحدة الوطنية الهلال مع الصليب ... جبنة ومربى وحليب

وهما يجوا يعزمونا على افراحهم

واحنا نروح نعزيهم لو حد مات

لأ ما شاء الله .. فعلاً بتختاروا .. هما يجوا يعزموكوا على الأفراح وتروحوا تتبسطوا .. لكن بتردوهالهم في العزاء ؟!

ربنا يكرمك وشكراً لردك

ههههههه

اصل بابا مابيحضرش افراح خااالص لا مسلمين ولا مسيحين نعمل ايه يعنى ؟؟

وبعدين انا كنت ناويه ارغى اكتر بس ندى كتبت كل الكلام اقول ايه يعنى

وبعدين الوحده الوطنيه اللى بجد

لما تشوف حسين بيحضن مينا


بجد طفلين اتنين عساسيل خاالص

وحاضنين بعض وفاعصين بعض من الحضن

وده حسين وده مينا سبحان الله بجد شكلهم حلووو جدا

خصوصا ان هما الاتنين شكلهم امور

ربنا يهدى