موسوعة فلسطين التاريخ المصور للدكتور طارق السويدان

ربنا يكرمك انا كان نفسي اجيييبه جداا لما دكتور طارق قال عليه و كمان نفسي اوى فى بتاع اليهود كمان اللى اتكلم عنه فى نفس الحلقة

بس هو الكتب دى دكتور طارق بيسمح بتداولها عبر الانترنت ؟؟؟؟؟..يعنى موجود على موقعه هو ؟؟

انا بصراحة مش بحب الكتب من النت عشان بخاف ابقى باخد حقوق ملكية فكريه !!!!

تسلم ايدك ياحنظله

فكرتنى بحلقات كنت بشوفها فى ارشيف الجزيره
حلقات مصوره عن اصل فلسطين وازاى احتلت
لا والمدهش مؤتمرات الكاذبه اليهود اللى بيقنعوا بيها نفسهم ان فلسطين حقهم وانها كانت خرابه وهما عمروها

والفيديو مبين كدبهم ونفاقهم على مر السنين

اللهم انصر الفلسطينين

اميييين يا رب

و فى برضه برنامج على اقرا كان بييجي اسمه زهرة المدائن ..كان واخد افضل برنامج وثائقى ...كان برضه عن تاريخ فلسطين جمييل اوى

أنا معاكي في موضوع حقوق الملكية الفكرية

و أنا شخصياً مش بحب الحكاية دي

لكن وجهة نظري المتواضعة بتقول إن الشراء للناس اللي أولاً هواة قراءة حتى لو مش معاهم فلوس لأنهم هيشتروه بأي طريقة
ثم للناس اللي تقدر تشتري كل الكتب اللي عايزة تقرأها لأنهم عندهم مكتبة كتب أو يقدروا يقرأوه فعلاً
احنا لو قدرنا نقرأ نصه يبقى كويس .. فحرام نجيب كتاب ب 50 جنيه تقريباً و نركنه منقرأوش
( حرام ) بالمعنى مش الديني لأني مش مفتي

بس كل الفكرة إن أكيد أي حد بيعمل كتب مش هيحطه كامل على موقعه ..
و كمان فيه ناس ضد ده زي موقع عمرو خالد و أنا منهم .. لكن العلم مفيهوش كدة .. لو هنتعلم منه يبقى كويس بس لو على الفاضي يبقى ملهاش لازمة أصلاً و طالما فيه حاجة ليه .. يبقى لما يكون الواحد واثق في كتاباته يقدر يقرر يشتريله و هو مطمن حاجة تانية بعد كدة .. و أنا قررت ده إن شاء الله

والله أعلم

ده غير إن حكاية حقوق الملكية الفكرية دي أكتر بتكون متعلقة بالربح وإعادة البيع
يعني زي بتوع بين السرايات والكتب المصورة بنص السعر كدة
لكن ده مجاني يعني أنا مش بكسب من وراه لما بجيبه للناس
لكن مكسبنا كلنا مش مادي أد م هو معنوي
لكن الناس اللي بتسرق حقوق الملكية علشان ينتفعوا بيها هما ...

وبرضه الله أعلم

snow white كتب:

تسلم ايدك ياحنظله

فكرتنى بحلقات كنت بشوفها فى ارشيف الجزيره
حلقات مصوره عن اصل فلسطين وازاى احتلت
لا والمدهش مؤتمرات الكاذبه اليهود اللى بيقنعوا بيها نفسهم ان فلسطين حقهم وانها كانت خرابه وهما عمروها

والفيديو مبين كدبهم ونفاقهم على مر السنين

اللهم انصر الفلسطينين

ربنا يكرمك يا سنو
متعرفيش إسم الحلقات إيه علشان أشوفها ؟
لأني مش كل الحاجات شوفتها ع الدش

ندى كتب:

اميييين يا رب

و فى برضه برنامج على اقرا كان بييجي اسمه زهرة المدائن ..كان واخد افضل برنامج وثائقى ...كان برضه عن تاريخ فلسطين جمييل اوى

طب كويس . أنا أظن فاكر الاسم ده
هحاول أدور عليه برضه

انتي عارفة ان الأغاني الوطنية دي برضه ليها حقوق ملكية ؟! [ندعوك للتسجيل في المنتدى أو التعريف بنفسك لمعاينة هذه الصورة]
بس احنا بنشوفها بس .. مش بنبيعها

لا على فكرة انا بفكر فى موضوع الاغانى برضه

بس لما فكرت قلت ما دام حاجة بتيجي فى التلفزيون او الراديو و بالطبع فى امكانية لتسجيلهم فيديد او صوت ..فبالتالى هى خلاص اكن اللى حاطط الحاجة حد من قرايبى كان مسجلهم

و مثلا لو اغنية فى البوم مبتجيش فى التلفزيون او الراديو هتلاقيني مش بنزلها

طبعا الله اعلم و ربنا يستر علينا من الحاجات دى بس بحاول اخد بالى اضمن

زى برضه الويندوز انا مصممة ان لازم يبقى اصلى و كنت ماشية بنسخة عربى كدة اخويا جابهالى من واحد صاحبه كان عايز يبيعها

و مش بستخدم الاوفيس العادى بستخدم برنامج تانى مجانى اسمه اوبن اوفيس كويس و الله جربوه .


اكيد عندى حاجات غلط و ربنا يستتتر بس اهه بحاول و يا ريت كلنا نحاول ..

و انا كدة حاسة انى هبوظ الموضوع ..عموما انا برضه مش بقدر افتي بس انا بحس انها مش صح

و انا قلت دة هنا عشان ابرر انا مش هقراه ليه

و ربنا يسهل لو جبته ان شاء الله ابقى اديهولكم (بس دة اكيد لو اشتغلت الاول ان شاء الله )

و اسفه على الدخول فى موضوع تانى و ان كنت بعتبره مهم جدااااا بس مش عارفة هو للاسف منتشر اوى ..ربنا يستر علينا

ولا تبوظي الموضوع ولا حاجة
أنا عجبني تفكيرك في الحكاية دي ... بس ده على كدة أنا حرامي كبييييير بقى [ندعوك للتسجيل في المنتدى أو التعريف بنفسك لمعاينة هذه الصورة] ( أنا اللي بقول على نفسي أهو ... ربنا يستر )
بنزل حاجات كتير بس والله مش كلها بقرأها
بس مهم جداً اللي بعمله في الفترة الأخيرة لأني مش بلاقيه أصلاً غير ع النت و دي حاجة تحسب للنت
يعني فيه كتب نادرة مش هعرف أجيبلها لأنها بتكون عند شخص فبيرفعها .. هدور عليها ازاي أنا علشان أروح أشتريها منه ؟ [ندعوك للتسجيل في المنتدى أو التعريف بنفسك لمعاينة هذه الصورة]

و كمان فيديوهات كانت على التليفزيون و الدش وكدة

بس طبعاً برضه حاجة بتحرق دم المؤلفين وكدة .. و أكيد هيتحرق دمي زيهم . بس زي م بعمل فيهم عارف إن هيتعمل فيا كدة و هيتسرق الكتاب ويتطبع و ينزل ع النت إن شاء الله

كما تدين تدان

لكن لو على كتاب تقدري تحوشيله مثلاً ... لكن هتفضلي طول عمرك تحوشي علشان الكتب المهمة والمفيدة كتييييييييير أوي
و إن شاء الله تشتغلي و تألفي كتب كمان و نشتريها بقى ساعتها علشان نكسبك [ندعوك للتسجيل في المنتدى أو التعريف بنفسك لمعاينة هذه الصورة]
بس لما هتشتريه هتديهلونا إزاي ؟ م انتي كدة تبقى في السليم و أعفيتي عنك المسئولية و احنا اللي مفروض كمان نشتريه هناخده كدة برضه ؟!

صدقيني الموضوع كبييييير أوي
واحنا أصلاَ مش شعب قرّير [ندعوك للتسجيل في المنتدى أو التعريف بنفسك لمعاينة هذه الصورة] بيقرأ كتير يعني ... فهنشتري كل ده ؟

يلا ربنا يسامحنا برضه في اخطائنا

بس جديدة دي ؟ أول مرة أعرف إنك بتستخدمي البرنامج اللي قولتي عليه ده علشان بدل الورد وكدة وو الويندوز و بتاع !!
لو فيه منك كتير في مصر... كنا من بكرة ناخد كاس العالم .. مش عارف إيه العلاقة لكن أكيد فيه [ندعوك للتسجيل في المنتدى أو التعريف بنفسك لمعاينة هذه الصورة]

يلا أديني بوظت الموضوع أكتر .. عادي يعني . أنا بحب النقاش المثمر .. اديني استفدت أهو و هدور ع البرنامج يمكن يطلع حلو [ندعوك للتسجيل في المنتدى أو التعريف بنفسك لمعاينة هذه الصورة] الواحد يعمل حاجة صح في حياته بقى

اقتباس :

متعرفيش إسم الحلقات إيه علشان أشوفها ؟
لأني مش كل الحاجات شوفتها ع الدش

هو البرنامج اصلا كان اسمه ارشيف الجزيره

وكان بيعرض فيديوهات
عن فلسطين كان مستحيل ان حد يعرفها او يشوفها ده عن كلام المذيع ولما شفتها اتأكدت انها فعلا
مش اى حد يقدر يحصل عليها
وعمتا انا بببحث عليها حاليا ع النت ولو وصلت لحاجه بأذن الله هاقولك

ربنا يكرمك ....