الحب
جميل أوي أوي , بس انت عارف مين الي المفروض انها تستحق حبك دا كله و
مشاعرك دي كلها ؟؟؟ عارفه مين الي المفروض انه يستحق حبك و مشاعرك دي كلها
؟؟؟
أكيد مش عارفه ولا انت عارف , المفروض طبعا ربنا و دي حاجه
كلنا عارفنها و الحد الي بعد كدا الي هو من البشر المفروض يكون الرسول و
الي بعد كدا الي هو بقي من البشر العادين الي زي و زيك هو جوزك أو مراتك
في المستقبل القريب .......
يعني حبك دلوقتي دا حب حلال و لا حرام ولا ايه حطمه في دينك , الاسلامي طبعا
انت عارف طبعا انه حرام و مش صح ,
طيب
انت دلوقتي بتحب و قلبك متعلق جدا بحبيبتك أو قلبك متعلق بحبيبك , انت
عارف انت كده بتعمل أيه انت بتخون أهلك و أبوك و أمك و أخواتك و انتي
بتخوني ربنا و رسوله و بيتك و جوزك لان مشاعرك دي و حبك دا من حقه ....
*
عارف ان في ملك يمين و ملك الشمال يكتبوا كل حاجه النانسان بيعملها ,
كلامك ليها و نظراتك ليها و مسكتك ايديها و المسج الي انتي بتبعتيهالوا و
الرنه البريئه الي بترينيهالوا و الايميل الي بتكلميه من عليه و كلام الحب
و الغرام الي انت بتقولهولها دا متخيل مين الي بيكتبه ; ملك اليمين و لا
ملك الشمال ؟؟؟؟؟؟؟؟؟
و الارض الي بتمشي عليها معاها دي هتشهدلك يوم القيامه ولا هتشهد عليك ؟؟؟؟؟؟
لو مت وانت معاها هتقول لربنا ايه دي حبيبتي و لا صاحبتي و انتي هتقوليلوا ايه ؟؟؟؟
ايه
نهايه العلاقه الي بينكوا دي , هتقولي الجواز طبعا , هقولك لا طبعا دي
نهايتها النار , نار جهنم و ربنا مش هيكافئك بانه يجوزهالك دا بالعكس و لو
حصل و اتجوزتوا هتكونوا في مشاكل و تعب طول حياتكم لانكم من البدايه
بدأتوا طريق غلط و ربنا هيحاسبكوا علي كل كبيره و صغيره ......
طيب و ايه الحل دلوقتي أنا بحبها ووقعت في غرامها و مقدرش اني أبعد مهما يحصل بينا !!!! ,
سيبها و تنجي من عذاب القبر
سيبها و يعوضك الله أحسن منها
سيبها و تفوز بحب الله في الدنيا و الأخره
بحبها و خايف اسيبها و معرفش أرجعلها تاني و خايف من المستقبل و خايف انها
تنساني و أنا أخيرا لقيت الحب الي كنت بدور عليه طول حياتي , أخيرا لقيته
, اسيبها ؟؟؟؟ دا انا ابقي عبيط لو عملت كده , اسيب روحي , أسيب قلبي ؟؟؟
ممكن انك تختار بينها و بين ربنا و علي حسب أختيارك انت هتقرر تعمل ايه و أنا هساعدك في القرارين :
1)لو اخترت ربنا و دا الصح طبعا لو هي خير ليك ربنا هيوفقك ليها و لو هي مش الخير يعطيك الله خير منها
و تنجي من عذاب النار و عذاب القبر , و لا يشتعل عليك قبرك عند مماتك
2)
لو اخترتها هي يبقي انت اخترت هلاكك و عدم راحتك , ياريت في الدنيا بس ,
دا عدم راحتك في الدنيا و الأخره , في الدنيا انت بتغضب ربنا و احتمال
ضعيف أوي ان ربنا يوفقك ليها و تتجوزها و لو حتي اتجوزتوا هتكون حياتكم من
البدايه غلط و مبنيه علي الحرام لك أنت تتخيل غضب ربنا
و في الاخره انت عارف كويس نار جهنم و عذاب القبر و غيره و غيره و غيره
لو
بتحبيه :خافي عليه , انت كده هتكوني سبب فتنته في الدنيا و الأحره ( ان
الذين فتنوا المؤمنين و المؤمنات ثم لم يتوبوا فلهم عذاب جهنم ولهم عذاب
الحريق )
انتي هتكوني السبب انه يتعذب في جهنم , انتي السببب في عذابه في قبره
ترضي كده علي حبيبك ؟؟؟؟
ترضي كده علي حبيبتك ؟؟؟
ترضي كدا علي نفسك الي هي أمانه ربنا عندنا و احنا مش بنحافظ عليها !!!!
خلي
في بالك دايما , انك ممكن تتحرمي من نعمه الزواج مدي حياتك بسبب هذه
المعصيه و حتي ان تزوجتيه سيحاسبك الله علي كل دقيقه عصيتي الله معه قبل
الزواج
طيب احنا دلوقتي بنحب بعض و متفاهمين جدا و متفقين علي كل
حاجه , و متفقين علي الجواز و أنا واثق من حبها ليه و هي كمان واثقه ,
أعمل ايه ؟؟؟؟
زي ما اتفقتوا علي حبكم لبعض , اتفقوا علي حبكم
لربنا الي خلقك و خلقها , و سيبوا بعض في الفتره دي علشان بتخافوا من ربنا
, و لما تكون قادر اتقدملها و هي يتكون مستنياك وواثقه في ربنا , انك
سيبتوا بعض علشانه أكيد هيجمع ما بينكوا في الحلال ....
كنت أعرف
واحد بيحب واحده و هو في الجامعه و قالها و فاتحها في الموضوع و هي كانت
بتبادله نفس الشعور , و ابتدت قصه الحب الجميله بينهم و كانوا دايما مع
بعض في الجامعه و مع بعض في الخروجات و كل حاجه تماما , و لما عرف بان هو
كدا بيغضب ربنا و عرف الكلام دا كله حرام قرر انه يغير كل حاجه بدل من
الطريق الحرام يبقي في الحلال , بس طبعا كان لسه بيدرس يعني مش قادر علي
الجواز و الشقه و الحاجات دي , طيب عمل ايه ؟؟
فهم حبيبته الي بيحبها
الموضوع كله وقالها " أنا بيحبها جدا جدا بس بيحب ربنا أكتر , و أنا مستعد
أضحي بكل حاجه في حياتك علشانك الا اني أضحي بربنا , و أن أنا بخاف عليكي
و زي ما بخاف عليكي في الدنيا أنا بخاف عليكي في الأخره و عارف انك
بتحبيني و بتخافي عليا زي بالظبط و يمكن أكتر كمان و علشان كدا احنا لازم
ناخد قرار و نساعد بعض فيه , اننا نبعد عن بعض و لو أنا حاولت اني أكلمك
متضعفيش قدامي و لما أكون قادر اني أتقدملك مش هتأخر أبدا , و ان شاء الله
ربنا هيساعدنا لاننا عملنا كدا علشان ربنا بس و علشان مش عايزين نزعل ربنا
"
و طبعا طول ما انت أحسنت الظن بربنا "ربنا عند حسن ظن عبيده
"
و دلوقتي بسم الله ما شاء الله هم اتخرجوا و اتقدملها و اتجوزوا و عندهم 5 أولاد كمان , ليه مانعملش زيهم ؟؟
الحياه قصيره أوي أوي و الشاطر الي يعيشها صح و من غير ما يغضب ربنا
الكلام دا رساله ليك و لها و ممكن تكون دي أخر رساله توصلك قبل الموت ....
دلوقتي حالا خد قرارك الحبيب أم الله ؟؟؟؟
* استعن بالدعاء فالله قادر أن يرزقك الزوج الصاح اللي يحبك و تحبيه و يقدر يسعدك
يارب تركته من أجلك و أنا و اثقه انك ستعطيني الأفضل من عندك
يارب يهدي الجميع
