ضبط واحضار ومحضر مع العضو (Admin)بداية من منتصف 67

[ندعوك للتسجيل في المنتدى أو التعريف بنفسك لمعاينة هذه الصورة]



يا لهوي بجد عالكوميديا


حاجة حلوة اوي


بجد انا سعيد جدا


طيب ما قولتيش كان ايه رأيها بقي المشاركات بتاعتي؟؟



وبعدين الام مدرسة ، يعني لازم نتشاقي فيها ونزوغ ونذاكر ونفشل ، ولو وصلت ننط من فوق السور كمان


ما كده كده بنتضرب في المدرسة :D:D:D:D:D


بس بجد احلي حاجة الغلاسة مع الام بكوميديا


انتي عارفة ان خالتي كانت بتغلس علي جدتي الله يرحمها ازاي


ان خالتي تشغل الكوميديا وتفضل تضحك وترمي في افيهات كوميديا ، لدرجة ان جدتي الله يرحمها تروح في الضحك وتبقي خلاص بتطلع في الروح من كتر الضحك :D:D:D:D:D

:D:D:D:D:D:D


الله يرحمها ويسعد خالتي ويرزقها من حيث لا تحتسب


بجد ايام حلوة اوي

اقتباس :

حزم اه ، كشرية لا ، رخمة لا ، لكن شديدة اه

كويس اووووووووى الحمد لله

طيب هى زهره زى فداء كده يعنى زهره عندها حزم وشديدة و لا ايه؟؟؟

وبالله عليك تجاوب السؤال ده بكل صراااحه

اقتباس :

يا لهوي بجد عالكوميديا

شوفت بقى
حاجة حلوة اوي
طبعا هو احنا اى حد ولا ايه؟[ندعوك للتسجيل في المنتدى أو التعريف بنفسك لمعاينة هذه الصورة]

بجد انا سعيد جدا

يارب داايما

اقتباس :

طيب ما قولتيش كان ايه رأيها بقي المشاركات بتاعتي؟؟

ايه الطمع ده مش كفايه قعدتها تقرأ المشاركات كلها كمان عايزها تقول رايها

هى كانت مكتفيه بالضحك جدااااااااااا خاصه انه بابا كان بينده عليها

وانا بشدها واقعدها جمبى واقولها سيبك منه خليكى معايا [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

بعدين الام مدرسة ، يعني لازم نتشاقي فيها ونزوغ ونذاكر ونفشل ، ولو وصلت ننط من فوق السور كمان


لالالالالالا انا اختلف تماما احلى حاجه فى المدرسه الالتزام والنظام والطابور

والمايك والاذااعه والمذاكره علشان الفرحه بالنتيجه والتميز مع اصحابى

وفرحه ماما ايام التكريم هى دى الاياااااااااااام ولا بلاش يااه ذكريات بجد

اقتباس :

لله يرحمها ويسعد خالتي ويرزقها من حيث لا تحتسب

اللهم امييين ويرحم كل اموات المسلمين ياارب

بجد انا بدأت احس ان كل بيوت المصرين شبه بعض فى العادات وكده

انا عمرى برضه ما هنسى هزار ماما وخالتى الصغيره ربنا يعوض صبرها خير

مع تيته الله يرحمها يارب اهى دى بقى الايام اللى

لالالالالالالالالالالالالالالالالالالالا يمكن تتعوض ولا بكنوز الدنيا

معااااااااااك يا هشاااااااااااام

انا كنت بروح فى ثانوى على الحصه التانيه

و كمان كنت بتكلم و اهزر مع اصحابى تروح الميس قايلالى شايفه الباب اقولها طبعا

تقولى عارفه اللى وراه اقولها اه

تقولى اخرجى اقعدى فيه هههههههههههههههههههههه

بتطردنى بالزوق يعنى

[ندعوك للتسجيل في المنتدى أو التعريف بنفسك لمعاينة هذه الصورة]



صباح التشرد الاطفالي



الحمد لله مش انا بس


بس انا ما اتطردتش كتير ، علي ما اتذكر مرة باين


ويا ريتني ما اتطرد ساعتها


مش علشان ظلم واني اتضايقت


لكن علشان فرحت فيها الصراحة

والفرحة كانت علشان اتصاحبت علي مدير الدور


وكان مدرس بحبه ، وقربتله اوي ساعتها رغم اني علاقتي بيه نوعا ما حلوة

رغم انه أشد حد في المدرسة كلها

وانا ما بحبش القهوة ولا اشربها ولا اشمها ولا اشوفها ولا البن ولا اي حاجة منها


لكن قالي اعملي قهوة

قولتله معرفش

قالي اعلمك

وعلمني ساعتها وكانت المرة الوحيدة في حياتي اللي عملت فيها قهوة


وبعدها بفترة المدرس ده اترقي ، وحلف انه لازم يعزمني انا وبروف وباقي انتيمنا الاتنين التانين

ولازم يعزمنا ، طيب استنوا اعملكم شاي ، طيب اي حاجة تشربوها

طيب اعملكم سندوتشات تاكلوها

كان طاير من الفرحة ولا العيال الصغيرة ، رغم انه كان اشد واحد في المدرسة

احنا بجد كنا مستغربين اللي بيحصل

واحنا نقوله شكرا وما فيش فايدة

وما سابناش الا لما راح مطلع برفان من الدرج وقالنا لسه جايلي هدية ، وراح فاتح وحاططلنا في ايدينا كل واحد

وبعدها بفترة برضه ، ويوم عيد ميلاد والدي ، اصحي علي تليفون من بروف


الاستاذ مات

واحنا لسه كنا معاه في الدرس قبلها بـ4 ايام ، وما انساش انه ساعتها بصلي بصة ما فهمتش انها بصة وداع الا لما مات


الله يرحمه

بجد كنا بنحبه اوي اوي اوي


الله يرحمه


والحمد لله احنا كنا 4 انتيم محبوبين من كل المدرسين تقريبا بالاجماع

وكنا نهجم عالمدرس لازم ناخد منه فلوس


لازم دايما اي مدرس نصطاده ناخد منه فلوس لينا احنا الـ4


اياااااااااااااام

ياااااااااااااااااه

فكرتنى بالذى مضى

ايام اولى ثانوى دى احلى ايام فى حياتى فعلا

ده انا اطردت طرد

شهرتى كانت زى الفل فى المدرسه

و طبعا كالعاده كانوا كلهم يقولولى انتى مش اخت فداء ابداا

قولتش حاجة انا :D:D:D


بس انا الحمد لله كنت طول عمري هادي


وأولي ثانوي دي كريات فظيعة بجد


بس الواحد طلع منها بناس زي العسل


زي معتز اللي هنفرح بيه هو وياسمين قريب ان شاء الله

يااااااااااااااااااااااااااا على كل ده كلام

صباح الرغي بجد

اللى يقعد يكتب كل ده لازم يكون فاضى

ولا يمكن يكون ورا الاء امتحانات ديه بتضحك علينا على فكرة

الواضح كده يا عم هشام انك عايز تعمل حاجة ومش عارف توصلها ازى

وصدقنى سيب كل حاجة تمشى براحتها لكن حارب علشان توصلها

يعنى اسعى فى الخير ولما يجيي الخير سيبه ياخد مجراه ووقته علشان تحس بيه

ربنا معاك بقى واعتقد ان خللت فى المحضر

ونزل حد جديد بقى

عيب عليك يا كبير


لو فيه حد جاهز ، كان نزل


لكن عد غنماتك يا جحا [ندعوك للتسجيل في المنتدى أو التعريف بنفسك لمعاينة هذه الصورة]


مع احترامي طبعا للناس علشان التشبييه



يللا الحمد لله

اقتباس :

اولا انا بجاوب بصراحة

.اه ما انا كنت عارفه انك هتقول كده وكنت هقولك انا عارفه انك بتجاوب بصراحه بس خلى ده اكثر صراحه [ندعوك للتسجيل في المنتدى أو التعريف بنفسك لمعاينة هذه الصورة]
ثانيا انا مش بعز زهرة اوي زي فداء

علشان بتبقي حازمة اكتر اه وشديدة اكتر اه

لالا اول مره تجاوب غلط
خصوصا موضوع الاسم ده

بلاش فداء وقول زهرة

طيب احنا هنا كلنا اخوات ، وبنتعامل كأسرة واحدة ، ليه بقي زهرة؟

لانى بحب زهرة ونفسى حد ينهدلى بيه ولانى مش مغيره اسمى عياقه

وبرضه على الفيس محدش بيقولى يا زهره بضايق اوى واللى يقولى يقول زهراء لما هتشل

وليه الاستاذ مدير المنتدي؟؟

والسيد ادمين

ومعالي رئيس هيئة الصرف الصحي
[ندعوك للتسجيل في المنتدى أو التعريف بنفسك لمعاينة هذه الصورة] دى كانت مزحه وفكاهه يا اخى
والكلام اللي بتقوليه ده كله :D:D:D:D:D:D

وعموما انا بحب المرح جدا وما بحبش الشدة

لأن الحزم والحدود موجودة حتي في المرح والايزي

بس ساعات الانسان بينسى نفسه فلازم يبعد يعنى على قد ما يقدر

اقتباس :

طبعا كالعاده كانوا كلهم يقولولى انتى مش اخت فداء ابداا

عمرى ما هنسى استاذ العربى لما اتصل بماما يقولها

لا يمممكن يكونوا التلاته اخوات فداء حاجه والاء حاجه تانيه ومحمد حاجه تااالته خاالص

بس اللى هتجننى بجد المدام بتاعه الفرنساوى فى المدرسه

اول حصه دخلت لالاء قومتها وقالتها انتى ليكى اخت هنا فى المدرسه

الاء قالت اه راحت المدام لوحدها قالتلها انتى اخت فداء

وانا بقى هتجنن ازاااااااااااااااااااى عرفت واحنا ما فيناش اى شبه

واروح اسالها تقولى ده انتوا شبه بعض خالص اقولها ازااى؟

تقولى ده انا اول لما دخلت قولت دى اخت فداء ..هتجننى والله [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

يااااااااااااااااااااااااااا على كل ده كلام

صباح الرغي بجد

اللى يقعد يكتب كل ده لازم يكون فاضى

[ندعوك للتسجيل في المنتدى أو التعريف بنفسك لمعاينة هذه الصورة] طبعا واحنا نيجى ايه جمب الناس اللى بتشتغل وبتتكرم كمان ربنا يزيدك

اقتباس :

كن عد غنماتك يا جحا [ندعوك للتسجيل في المنتدى أو التعريف بنفسك لمعاينة هذه الصورة]

اه والله انا مشفقه على اللى انت هتجيبه بعدك مش هيلاقى حد يقوله انت فين

بس اريحله علشان يدخل خفيف ويخرج خفيف مفيش احلى من الرشاقه [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

ولا يمكن يكون ورا الاء امتحانات ديه بتضحك علينا على فكرة

لا انا كان ورايا امتحان النهارده بجد يا مصطفى

و الحمد لله حليت حلو اوى

امتياز فى الماده دى ان شاء الله

كالعادة نفس المشكلة اللي بتقابلني دايما


بس انا مش هتغير


اسكت افضل


يللا ما علينا

هو ده رد على ايه بالضبط؟؟

ده رد علي حاجة في مشاركتك



ما علينا كبري دماغك


علشان انا مش عايز اتفهم غلط تاني ابدا


وبعدين انا بسالك اسئلة في النص بتنفضيلي


ماشي يا زهرة ، علي فكرة كله سلف ودين :D:D:D:D

اقتباس :

ده رد علي حاجة في مشاركتك



ما علينا كبري دماغك


علشان انا مش عايز اتفهم غلط تاني ابدا

طيب انا هكبر ماغى والفضول بتاعى يعمل ايه؟ [ندعوك للتسجيل في المنتدى أو التعريف بنفسك لمعاينة هذه الصورة]

مش اعرف حتى انت بتعلق على انهى جزء فى ردى

اقتباس :

وبعدين انا بسالك اسئلة في النص بتنفضيلي


ماشي يا زهرة ، علي فكرة كله سلف ودين :D:D:D:D

هو انا اقدر يا فندم ,, وبعدين انت تعرف عنى كده

ده انا زهرة الرغى [ندعوك للتسجيل في المنتدى أو التعريف بنفسك لمعاينة هذه الصورة]

فين السؤال ده وانا ماجوبش عليه [ندعوك للتسجيل في المنتدى أو التعريف بنفسك لمعاينة هذه الصورة]

علشان الكلمة اللي تحتها خط



والاسئلة زي السؤال اللي قولتلك ايه اللي مخليكي كنتي حاسة ، لما سألتي علي ليه كنت حزين

امتى ده فكرنى وانا اجاوب بجد ؟؟

هو مش انت لسه فى المحضر يعنى ينفع نسالك صح ؟؟ [ندعوك للتسجيل في المنتدى أو التعريف بنفسك لمعاينة هذه الصورة]

جاوب الاسئله دى عجبتنى جدااا


لو خيرت وأنت في بلدك الآن: هل تحب أن تصبح وزيراً- وزيرة؟ نعم أم لا

2. لو كان جوابك نعم: أي الوزارات تريد-تفضل لو ترك لك الخيار؟

3. لماذا اخترت هذه الوزارة بالذات؟

4. ما هي التحديات التي ترغب بعالجتها وايجاد الحلول لها؟

5. هل تتوقع أن تنجح في تغيير الواقع الحالي أو ما تصبو لتغييره؟؟

6. هل تتوقع الدعم من الآخرين؟؟ أم المقاومة والمعاداة؟؟

7. كم تتوقع نسبة نجاحك في عملك؟؟

8. بعد انتهاء عملك هل أرضيت رئيس وزرائك؟؟، ضميرك؟؟، أقاربك؟؟،بلدك؟؟، أم هل أرضيت ربك؟؟؟؟؟



10.جه عليك وقت كرهت كونك اخ كبير وسط اخواتك واتمنيت تكون الاصغر؟؟


11. ايه اكتر حاجه انا بعملها فى المنتدى وبتضايقوا منى وتنصحنى اغيرها !!




وافتكر الجمايل دى [ندعوك للتسجيل في المنتدى أو التعريف بنفسك لمعاينة هذه الصورة]

يا صباح الناس الفاضية

وانا شوفت حد بينوء على فكرة

ههههههههههههههههههههههههه

وربنا معاكى يا الاء ربنا يباركلك ان شاء الله

وجاوب يا عم الالة الكاتبة

شكراا

--------------

انتى ملونه الاسئله كده ليه يا فداء

ربنا يسامحك ايه الاحراج ده ؟؟ مكنتش تجاوب بدل الجمله الاخيره دى

وبعدين دى مش اجابات ادمن انا هعتبر انك ما جاوبتش اصلا

وعادى ممكن ما تجاوبش خاااااالص بس المهم ما تكسفنيش قدام الناس كده [ندعوك للتسجيل في المنتدى أو التعريف بنفسك لمعاينة هذه الصورة]

وانا اللى بنق يا بروف [ندعوك للتسجيل في المنتدى أو التعريف بنفسك لمعاينة هذه الصورة]بس نق من الحلو والله

وبجد حاجه رائعه انك تشتغل وتتشغل فى شغلك عن النت يارب ابقى زيك

ومعنتش افتح النت تانى ابدا

دخول خاص علشان الكلمتين دول


انتي عارفة يا زهرة اني ما بكسفش حد حتي لو مش كويس معايا


ما بالك بحد محترم وله تقديره عندي وعند كل الناس


وأرجوكي بجد يا زهرة انتي عارفة اني نفسيا دلوقتي مش متظبط


لو حاجة ضايقتك معلش حقك علي راسي من فوق

وبجد اكيد اجاباتي متأثرة بحالتي

بس ده ما يمنعش اني عايز اجاوب


وضحي وقوليلي

وانا تحت امرك وحقك عليا مرة تانية


وعلشان خاطر النبي بلاش تفهميني غلط تاني

بصى يا هشام يا اخويه انا مش بفهمك غلط

ومش معنى ان واحد زعل اخته بكلامه يبقى هو كان يقصد

ما انا كتير ممكن ازعل اقرب الناس ليه من غير ما اقصد

بس اخر جملتين ليك احرجونى اوووووووووووى [ندعوك للتسجيل في المنتدى أو التعريف بنفسك لمعاينة هذه الصورة]وكنت هعيط لما شوفتهم

واجابتك انا قولتلك واضح منها انك مش ادمن اللى نعرفه

وانا بجد ما يهمنيش خالص اى اجابه علي الاسئلة

بس يهمنى انك تعيش فى سعاده انت وكل اخواتى اللى هنا

:D:D

بصي

اول القصيدة


ماشي يا زهرة


بس بجد ارجوكي لو سمحتي بجد ما تكونيش متضايقة خالص