hanzala

Hanzala

""( فاقد الشئ لا يعطيه ) ... أنا مش بحب الجملة دي خالص
وفيه أدلة كتير بتأكد إنها غلط
بس أنا هتكلم في جزء الحنان ده ... بد أنا جوايا كم حنان هطلعه في أولادي بطريقة عجيبة
يمكن ميكونش كله كان موجود زمان لكنه مكتسب .. لأني بجد هتعامل مع أولادي كأنهم أهلي
كأنهم أبويا و أمي ..""




""فعلاً كنت لسة بفكر في الجملة دي إني أدخل أكتبها لأنها حقيقة

مهما اختلفت الآراء عنه كان كويس ولا لأ ... بس كل الناس بتجمع أو على الأقل
المنصفين أو اللي فاهمين تاريخ صح و بيقارنوا بين كل الزعماء في العالم
كله مش العربي بس كل الناس بتجمع إنه كان زعيم و قائد .. فيه ناس بتقول ميصلحش رئيس لكنه كان
زعيم علشان اهتم بالعالم العربي أكتر من مصر نفسها ... يعني حتى لو كان
الكلام ده في بعض الوقت صح فهو كان معتمد على اللي وراه في البلد يصلحوها
لكنهم طمعوا فيها و خدعتهم المناصب في حين إنه مغيرش عربيته لحد م مات !""


""فعلاً دي مهمة ... وياريت الحكام العرب دلوقتي نفسهم
يعتبروا من ده ... فيه اللي راح في الفاضي ومحدش افتكره غير كل فين وفين
أو وقت وفاته بس أو حتى مش بيفتكره خالص
و فيه اللي علطول فاكرينه .. وفيه اللي و هو حي مش بنفكر فيه أصلاً ....
لو عرفوا الحقيقة دي هيتقوا الله و يراعوه في رعيتهم إن شاء الله .. فهنبقى أحسن أكيد""

"" i was just kidding [ندعوك للتسجيل في المنتدى أو التعريف بنفسك لمعاينة هذه الصورة]
i mean i thought you have read all sentences and you just liked this one""


كل سنة وانت طيب يا سمير وعقبال مليون سنة تحقق كل اللي نفسك فيه وتكون زي ما بتتمنى يااارب
وانا مهما قلت مش هكفيك حقك ربنا يكرمك ويرزقك كل خير
واللي فات ده كان إقتباسات من رسايل ليك ع المنتدى
انت كنت من أفضل الناس اللي بيقدموا إفادة في الرسايل بتاعتهم
بثقافتك ومناقشاتك الجميله اللي كنت بستمتع بيها
اتمنى اشوفك قريب إن شاء الله
[ندعوك للتسجيل في المنتدى أو التعريف بنفسك لمعاينة هذه الصورة]
سلام عليكم

كل سنة وانت طيب يا حنظله ويارب تبقى سنة سعيدة عليك

وكل عام وانت الى الله اقرب وعلى طاعته ادوم ولفعل الخيرات اسرع

سبحان الله انت من اكتر الناس المختلفه اللى ممكن حد يقابلهم حتى موضوع

يوم ميلادك اغرب موضوع عمله محمد وفكرته جديده [ندعوك للتسجيل في المنتدى أو التعريف بنفسك لمعاينة هذه الصورة]

بس بجد انت فعلا من افضل الاعضاء اللى شاركوا فى المنتدى واللى قدروا

انهم يتركوا بصمه بجد وراهم بصمه فى ذاكرة الاعضاء

وبصمه فى الساحات والمشاركات والمناقشات وبصمه فى الشعر [ندعوك للتسجيل في المنتدى أو التعريف بنفسك لمعاينة هذه الصورة]


انا مش هجيب هدايا وصور بس هقولك

انت كسبت من وجودك فى كوميرس لو مكنتش اضافه ليك شخصيا بس

تركت سيره حلوه عليك واثرت فى ناس كتير وهتأثر اكتر لو رجعت !!

السلام عليكم و رحمة الله وبركاته

ما شاء الله ... كنت متوقع من محمد مجدي إنه هيعمل الموضوع لكن مكنتش متوقعه كدة بصراحة .. جزاك الله كل خير على كل كلمة و على تعبك علشان تدور على الاقتباسات دي كأنك بتعمل تقديم لكتاب " حياتي في سطور " .. أنا دخلت لأنك فكرتني أصلاً إن يوم ميلادي قرب لما كلمتني قبلها على الفيس بووك و قولت أشوف ساعتها و اتفاجئت بصراحة من أول العنوان لغاية دلوقتي

أكتر حاجة فرحتني بجد إن ممكن حد يفتكر جملة أو كلمة قلتها حتى لو مش فاكرها في دماغه فيدور عليها لحد م يجيبها لأني الحمد لله بحاول مكتبش حاجة غلط أو أي كلام لأني هتحاسب عليه و مش هعرف أغيره لما أموت

وما من كاتبٍ إلا سيبلى و يُفني الدهرُ ما كتبتْ يداهُ
فلا تكتب بكفِّـكَ غير شئٍ يسرُّك في القيامة أن تراهُ

أشكرك جداً على فهمك لحكاية الرسائل في الكلام دي و يارب أكون بقدر أعمل ده و يارب تكون ليها فايدة

بجد أنا و أنا بقرأ الكلام كنت بدمع لأني من فترة كبيرة محسش بالإحساس ده اللي قد يكون ميتوصفش لكنه فرحني جداً لدرجة إني بفكر ....

لكن المشكلة مش في حاجة أد م هي في الحياة الروتينية اللي بقيت عايشها رغم إنها الحمد لله مش وحشة لكنها مش مناسبة ليا لأني مش الشخص ده ... أنا دلوقتي لازم علشان أعمل حاجة أرتب قبلها و أحسبلها كويس و لو هعملها كتير لازم أكررها علشان تكون جزء من حياتي علشان منساهاش بعد كدة .. ممكن تعدي عليا أيام ولا أفتح الميل ولا الفيس بووك لو مش لاحق لكن إني أفتح المنتدى كان زمان كل يوم تلقائياً هو أول حاجة

لكن دلوقتي أنا داخل مخصوص علشان الكلام ده ............ قد أكون مش أد كل اللي اتكتب عني ده .. لكن بجد مش هعرف أوصف مدى الشكر لكل حد بص على الموضوع حتى ..

كان نفسي أكتب كلام كتير و في نفس الوقت كنت بفضل أكتب كلام مُقتضب و مطولش .. لكن مش عايز أعدل أي كلام دلوقتي و عايز إحساسي يوصل من غير تعديلات

جزاكم الله كل خير

انا فرحت والله لما لاقيتك دخلت ورديت نورت المنتدى بجد

وما تشكرناش لاننا كلنا اخوات زى ما انت قولت وانت عارف اننا متعودين على كده مع بعض [ندعوك للتسجيل في المنتدى أو التعريف بنفسك لمعاينة هذه الصورة]

بس فيه نقطه مش عارفه انت فهمت كلمه بروف دماغه نظيفه ازاى

بس احنا دايما عارفين انه لما حد بيحب يقول على حد انه ذكى وبيفهم ومثقف

بيقول انه حد دماغه نظيفه يعنى كويسه مش كلها تفاهات

وانا متأكده انه يقصد كده [ندعوك للتسجيل في المنتدى أو التعريف بنفسك لمعاينة هذه الصورة]

آدى الاسمايل اللى دايما عاملكم ازمه

[ندعوك للتسجيل في المنتدى أو التعريف بنفسك لمعاينة هذه الصورة]


بيتهيالى محدش ليه حجه بقى [ندعوك للتسجيل في المنتدى أو التعريف بنفسك لمعاينة هذه الصورة]